甜品哥哥 (已結業)

全年最凍的晚上，飯後又大風大雨，好想來一碗中式糖水，印象中喺登打士街附近有間糖水店，我連個名都唔知，去到見到喇，係甜品哥哥。老實講，喺門外我光速掃視過評語，係一般，不過當下我都冇其他選擇。甜品哥哥係傳統中式糖水店，鋪面唔大，僅餘一張枱咁搶手，我都馬上鼠入去。餐牌以涼粉、西米、豆花、水果類、刨冰、果汁同啲一般嘅中式糖水為主，芝麻糊合桃露杏仁茶蕃薯糖水等都有，定價$19-48，價錢唔貴。追加配料選擇多，例如湯丸、清心丸、小丸子、椰果、雞蛋等，一律6蚊。另有少量小食，例如雞翼、糖不甩、糯米糍。設每位最低消費$16。我地食野嘅喜好好死版，食黎食去嗰幾款，多數點芝麻糊同合桃露，兩個人埋單50蚊。就真係唔貴。香滑合桃露 $22糖水都係即時翻熱啦，整到微溫。其實睇色水都知唔荒加左咩好料子，咁淡質地好滑，滑過龍，好似生粉開水開得好勻旬，冇乜合桃味，又唔夠甜。雖然年紀大唔食得咁甜，但食呢啲中式野預左會甜啲。手磨芝麻糊 $22 + 湯丸 $6/2粒視覺效果都呃唔到人，食過嘅芝麻糊中較為淡色，唔知是咪白芝麻多了，一點芝麻味都冇，完全唔香，質地唔夠黏稠幸好追加嘅湯丸正正常常，現成野冇乜點甩漏，大大粒，芝麻味幾

同老公食完晚餐，應該佢唔夠飽，所以唔like糖水嘅佢提議食糖水行黎行去結果係發現好多之前有嘅糖水鋪已經執左行下行下行番去屋企附近嘅甜品哥哥，見近近地就入去啦。老公叫左黑糯米，我叫左腐竹雞蛋糖水，再嗌左糖不甩。老公果個黑糯米係普普通通嘅，而我果碗都係普普通通，有白果有雞蛋，D腐竹係預左碎哂嘅，但感覺好似唔係新鮮煲咁，而果糖不甩係用芝麻湯圓做，都幾肯定芝麻湯圓係買現成，我認知嘅糖不甩只係一舊糯米粉小小地入面係冇芝麻，不過可以一試嘅如果你唔介意好hea感覺的話

在朗豪坊看完電影，想吃點甜點取取暖。走到登打士街，重溫以前住在油麻地時的回憶。從前不時會到甜品哥哥買芒果布甸和糖水吃，水準還可以，更會跟甜品叔叔閒話家常。今次點了榴槤飄香$35跟預期中的大有不同，沒有一大堆榴槤蓉在面頭，只見稀稀的椰汁西米露和幾粒柚子肉，喝下去沒有榴槤味可言所謂榴槤肉只有少少幾粒結成冰塊狀沈在底部，失望反而男朋友的蕃薯清心丸好吃，蕃薯多又大塊，清心丸煙韌，味道也不錯，吃完身體立刻暖和其他中式糖水可以一試，但榴槤系列及咖啡西米露就可免，已試過中伏

平時係旺角都多數去煙廠街揾甜品食，今次就諗住試吓新嘢，幫襯了這一間⋯⋯知道嗎？我由點餐時已覺被KO⋯⋯我問：榴金歲月和榴槤飄香係咩嚟㗎？他答：榴金歲月係食嘅！榴槤飄香都係食嘅而我終於點了一個榴槤飄香結果⋯⋯舊所謂嘅榴槤肉係水溝榴槤雪糕般淡而無聲⋯⋯啲椰汁西米露又係得個淡字，啲柚子肉又苦又澀⋯⋯又結果⋯⋯我成碗放返係度而我朋友點的麻蓉湯圓，一碗有五粒，味道都正常，他叫我食粒試吓，但當我正想試時，看見面層浮著油⋯⋯我就話唔食啦⋯⋯平時我係一個唔會㗰食物嘅人，朋友都知，佢見我食得半啖都無問我原因，只講咗句瀨嘢😓

兩口子好鍾意黎呢間甜品店，其實唔係佢嘅糖水有幾出色，而係店有種屋企嘅感覺。今晚番風轉冷，點個芝麻燉蛋白加兩粒芝麻湯圓，蛋白係新鮮燉起嘅，芝麻糊都係自己磨，唔會太甜，但芝麻唔夠香，冬天真係好鍾意食湯圓，暖胃一流。

同男友行街，一路上都搵唔到甜品店，終於都比我地見到一間，附近甜品店真係唔多，而且人流少。店鋪暗暗、陳陳舊舊的，但都入去一試。叫左芋頭紫米露、喳咋同涼粉黑糯米，全部要凍的。芋頭紫米露，成碗水咁，稀到不得了，一向食開紫米露係黏黏的，呢碗芋頭歸芋頭，紫米歸紫米…紫米口感好粗糙，好難入口，芋頭硬硬地，冇芋頭味，甜度尚可。喳咋太甜，食落酸酸的，有點變味，似隔夜買唔曬返煲再賣，仲驚見有成個一蚊銀咁大既焦物，太得人驚。涼粉黑糯米，太稀，同芋頭紫米露差唔多情況。味道同質素咁差劣，而且價錢偏貴，平均一碗要接近$30黎換一碗難以入口既甜品，真係以後都唔會光顧。

大前晚(21-11-2011 Mon)同女友人RL食完飯分手後,就call男友問佢收工後會唔會o黎我屋企,等我買定甜品返去,點知原因佢已經放o左工兼o係信和中心行o緊,吓?!早知叫佢一齊食o野啦.咁佢知道我搵佢o既原因後,就行o黎同我o係o度食甜品,入到去,又係坐o係玻璃牆後o個張枱,我要$18.00o既珍珠南瓜露,男友要$23.00o既香芋小丸子西米露,落完單,老闆娘問男友要凍定熱,男友答凍,我o地兩個都要凍.老闆娘問我o地係咪都要凍香芋小丸子西米露?我答唔係,我要凍珍珠南瓜露.佢好似遊o緊魂咁.我o既凍珍珠南瓜露先到,食吓先,好凍,裏面重有冰添,好似食o緊沙冰咁,南瓜味唔濃,只有凍.珍珠係爽口珍珠,我唔鍾意呢個口感.而男友o既香芋小丸子西米露到o黎,唔凍o既,西米唔太腍,都算唔錯,但西米露冇味,芋頭我就冇食喇.對上一次食評: http://www.openrice.com/restaurant/commentdetail.htm?commentid=2077302

今日路過旺角，路過甜品哥哥，見好熱就去點了一杯西瓜汁。估唔到奇貌不揚，但果汁還不錯喎...起碼不是溝冰溝水再加糖的「所謂」果汁...下次有緣再路過會再來試試其它甜品。

十月三十一日 (星期日)記得大約一年多前有飲食雜誌介紹過這間哥哥的燉蛋白今日下午到了店子試試店子沒有人,只有老闆和店員還有正在播著賽馬的電視(可能是收音機,因為看不到呢,在廚房)榴槤飄香見到它的外表與發記很不同比較稀的還擔心榴槤味不重老公仔說很好吃,富榴槤味而且加有西柚,味道層次豐富芝麻糊燉蛋白芝麻糊比較稀,味道不濃,比較甜但是燉蛋白很香濃所以如果下次再吃,只叫蛋白呢說笑的,老闆應該是位叔叔呢

飯後要找甜品食, 無意中在登打士街見到呢間 [ 甜品哥哥 ], 見佢款式多多, 價錢都唔平, 不過都入左去試下, 店趴極力推薦一款甜品 [ 芒果蛋白珍珠露 ], 說是他們!的老闆精心傑作, 於是叫左來試, 味道不錯, 甜味適中, 蛋白夠滑, 珍珠原來是羅勒葉的種子, 有點像火龍果的種子, 很有咬感, 不過略嫌不夠凍, 大熱天時, 若果能有一碗夠凍的糖水就更消暑了 ~p.s. 睇左其他網友的食評, 似乎水準很參差 睇來我都唔敢試其他, 可能下次來都是叫番呢樣算啦

前晚(16-4-2010 Fri)家人返o黎食飯,我男友順道買甜品o黎,佢一共每o左8碗甜品o黎,有2個芒果布甸,兩個雜果大菜糕, 兩個紅豆大菜糕同一個紫米涼粉.個個食完晚飯都好飽,我揀o左個紅豆大菜糕,紅豆幾大粒,大菜糕好似有三件,每件約1吋o既立方體,紅豆沙有起沙,但唔知點解,食到最後好似有啲苦苦地.大菜糕都係正常啦.而芒果布甸就由我家人食o左,男友食o左紫米涼粉,佢冇咩評語.最後食剩紅豆大菜糕同雜果大菜糕各一.男友就o係尋日朝同夜晚食埋佢o地,佢o既評語就係好普通.男友唔記得買o左幾錢.

尋晚(2-4-2010 Fri)同男友食完飯,o係佢公司睇埋唐伯虎大結局後至返屋企,行去搭車時,覺得個肚好似好空虛咁,於是提議食甜品,行經義順,男友話食燉奶,唔好掛,晏晝至食完,而且又唔平.咁我o地一直行,中途見到有一間,行去睇睇,男友見好似好一般,有門口貼有老闆娘分別同蔡生,林曉峰夫婦影o既相,男友問一句,咁代表咩o野?唔代表呢間好食.哈哈.咁我o地繼續行.行到,見到呢間,咁入去啦,唔知食咩好,睇吓睇吓,都係o個啲咩榴槤金露,唔係好想食,我就叫個蘆薈椰果涼粉加奶,男友要個凍芒果西米.o黎到喇,我o既都算幾靚,有黑色,白色同半透明o既正方體,我第一次食蘆薈,味道麻麻啦,椰果唔使講,涼粉甘甘地,呢個唔夠凍,令我覺得味道麻麻,食唔晒,畀男友食埋佢.男友o既芒果西米好夠凍,佢就大讚好味.埋單$37.00

果晚同呀哥食完飯已經好夜,成12點突然好想食糖水但礙於附近無咩糖水舖,又貪就腳加上一向都想試下甜品哥哥就走左入去...見到入面都有不少人以為會唔錯,先有咁多人點知食到個酸嘅椰汁西米露呀哥嘅生果拼盤,生果質素亦唔好..下次都係唔可以俾外表呃到...

今晚(3-2-2010 Wed )男友又買好多o野o黎食,包括呢間o既$16.00滷水雞中翼,$15.00芝麻糯米糍同$26.00榴槤飄香.佢話滷水雞中翼好一般,冇乜特別.而芝麻糯米糍有大量椰絲,好香椰子味,芝麻一般香,而糯米皮薄,煙韌度正常.整體o黎講唔太甜同正常.但榴槤飄香(即楊支甘露榴槤版),佢就大讚,因為榴槤肉真係好香,同溶到好似雪糕咁滑.

一月中旬別過朋友，深宵時分家附近的甜品店已打烊，在這裡吃碗甜品再轉車回家。要了碗綠豆爽，是綠豆沙加上綠豆爽而先，綠豆沙是綠豆還綠豆，湯還湯，半點不「沙」，而綠豆爽卻是煲得粉腍，真是個奇怪組合，味道方面是絕對要給一個喊面。見老闆優悠自在打理盆載，點解有時間都唔把食物質素弄好？