甜家

营业中

休息中

西營盤 傳統糖水舖 都有好幾間出名嘅 源記就唔食啦，冇服務可言，最緊要係貴喺Open Rice 再 search search 附近糖水舖，就見到呢間 - 甜家，由源記 行過去轉個彎就到！Menu 有傳統糖水！又有新派甜品！勁多選擇！入到嚟真係有選擇困難症呀我就叫咗 紅豆圓元係紅豆沙加彩色小丸子彩色好靚呀！都好多粒煙煙韌韌好好𡁻！紅豆沙唔甜！好多紅豆！讚呀！溫馨提示: 店舖枱上有提示話 記得帶走自己嘅紙巾！大家要注意呀！！！！

在吃完晚餐,酒足飯飽之際,一個人漫步在香港街頭,走回我冷冷清清的獨立小屋在路上經過了一家不起眼的甜品店 心想剛剛的晚餐有點油膩 剛好來點甜品解解膩於是就進入了這家名為甜家的甜品店甫入座,就感受到店家樸實卻用心的裝飾天花上掛滿的彩色紙鶴 讓人一入眼有一種繽紛的愉悅心情因為是第一次光顧 所以我就隨意的點了一碗椰香紫米露雪糕只因為它處於整個菜單版面的正中央就想著菜單的設計會把該商品放在最中間 想必也有他過人之處我用著不流利的廣東話對店員說;然後手上比著我永遠搞不清楚買單還是落單的手勢 店員迅速地的回應了我在店員熱情的招呼下,讓我這個沒辦法回台灣過年的流浪人,有了一陣陣的溫暖甜品上桌後 在還未開動前 就已經感受到店家的用心首先是此道甜品的擺盤深厚濃郁的紫糯米 加上米白色的雪糕 周圍圍繞著一圈雪白的椰汁讓整個甜品在視覺上有著強烈對比的配色搭配另外盛住甜品的托盤 是使用木頭質地的器具使的整道甜品的品質又大幅了提升了入口後,濃郁的紫米味 在我口中化了開來 甜而不膩的口感恰到好處有些店家的紫米會太過死甜 或是紫米煮個不夠軟爛但這些在甜家是找不到的另外再搭配香濃的椰汁 使得紫米的味道有更深層次的感受之後

同男朋友食完晚飯，喺西營盤附近隨便行吓，無意間發現這家甜品小店。星期五晚上，店内大概坐了一半食客。甜品選擇很多元化，街坊價錢。特別注意到餐牌上有木桶豆腐花 ($22) , 看起來很不錯。😍款式很多 🤩我點了宇治金時 ($40)，有五款配料 ，雲妮拿沙冰上面放了紅豆、涼粉、小丸子，仲有抹茶雪糕，小丸子🍡煙煙韌韌，雪糕的抹茶味超濃，真心覺得值得推介 👍🏻👍🏻 整體來說，味道很好，配料份量十足，絕對會再去。😋

📍 食完晚飯 意猶未盡仲想食埋甜品行經甜家 發現無論中式定西式糖水都相當吸引 選擇眾多店面不大 但乾淨企理 座位亦夠闊落有空間🌀 宇治金時 成個甜品好豐富 底層有涼粉 上層鋪滿白玉丸子同紅豆粒白玉丸子夠煙韌 而且色彩繽紛 食落都開心d重點係綠茶雪糕 茶味香濃帶微微苦味 唔會太甜相當好!🌀 原味木糠布甸木糠布甸忌廉夠幼滑 奶味香濃入口即融配上朱古力雪糕球 雪糕係普通家庭裝雪糕 並無特别但食落好親切 而且小店會盡量滿足客人要求 滿滿的人情味

成日去西營盤，但唔係朋友講都唔知電車路旁有呢間糖水舖小店，一直冇為意添😲今日路過，就入去試吓啦🤗店內裝潢簡潔，燈光明亮，枱櫈擺設唔算好逼，老闆娘態度nice；叫咗一碗芋圓仙草凍，上枱望到三款芋圓嘅顏色，就諗起N年前喺某糖水食過，難食程度印象深刻，呢隻相信來貨屬同一牌子，入口果然估中咗😅質地欠缺芋圓應有嘅煙靭口感，味道亦非常的淡，下次去試其他糖水可能好啲？🤔勝在份量大碗、足料、價位合理，住附近嘅街坊不妨一試。

夜晚嘅西環，街市同海味店都關門，條街真係有點靜。就喺呢度，有一間本司機好鐘意去嘅小店，賣嘅都係口感好豐富，顏色好好睇，配搭好合襯的甜品，仲有一份愛心。中西式甜品都會搵到，真係岩哂有甜品胃的我。上面那杯係「是但啦」（＄４０）真係岩哂有選擇困難症，諗唔到食乜的朋友（即係我）。來到真係超豐富！有曲奇味雪糕、芒果味爆珠，涼粉、真芒果、仲有益力多沙冰，完全滿足哂我乜都試的心！咪睇佢細細杯，其實好深，好足料。喂呀，好滿足呀。下面那碗係「椰香紫米露雪糕」（＄３８）！雪糕就揀左曲奇味！又係勁足料，好香椰子味。啖啖紫米。呢間小店真係要多多支持。8點幾去到，可能仲早，所以無乜人。咁多選擇，又唔貴，無理由唔撐呀？

甜家，我更喜歡稱呼呢間鋪頭做甜家媽媽，因為呢度嘅甜品係出自一位心地善良嘅母親。係西營盤住咗兩年，每次想食糖水都會來到甜家。呢度無論係中式定西式糖水都有，而且種類都好多。甜家嘅豆腐花係做得唔錯嘅，天氣熱嘅時候我就鍾意食選擇芒果紅豆豆腐花。不過相比之下，我更喜歡呢度嘅中式糖水，尤其係陳皮紅豆沙，煲得好綿又起沙，淡淡嘅陳皮香亦令到成碗糖水嘅味道昇華，鍾意嘅話仲可以加兩粒花生或者芝麻湯丸。每次食完之後我都好有滿足感。記得疫情之前，附近好多餐廳都因為各種原因都提早收鋪嘅時候，有一次我11點落黎買糖水，我問甜家媽媽點解唔乾脆都早啲，佢話無所謂，萬一有人穩唔到地方食嘢，都可以來食糖水。仲有一次就係我部電話讀唔到張sim card，當時又有急事，好彩經過甜家嘅時候佢地借佐sim card 針俾我解決左燃眉之急。

武漢肺炎呢排返咗佢老家， 咁咪好囉， 求吓你千其唔好嚟香港， please and thank you so much!!! 我呢日又經過甜家，突然諗起榴槤， 真係好想食。。。 好彩甜家有榴槤series, 冇得去馬來西亞食新鮮榴槤，食榴槤甜品頂住先啦~我叫咗榴槤爽爽， 入面有榴槤肉，榴槤汁，西米，涼粉同雲呢拿沙冰， 爽呀！！！ 返到屋企一打開， 好香嘅榴槤味呀！！ 成個人都醒神晒 啖啖都有榴槤味， 正呀！ 個榴槤肉都幾大球， 好好味呀！！！ 咁又一餐， 食完都飽晒~ 好滿足咁訓覺好嘅

武漢肺炎搞到d小店好難捱，有機會就要出去幫襯吓， 買外賣都好吖~ 我今次就食呢間甜品店， 甜家呢間甜品店有好多嘢揀，好多嘢我都想食 最後真係花多眼亂，所以就響佢個甜家推介度揀算喇， 我揀咗金芒水晶， 見佢乜都有d, 仲小學生咩， 要揀。。。 我全部都要！！！呢個金芒水晶有芒果肉啦，芒果沙冰，椰果，西米，爆珠，芒果雪糕. 真係好多唔同嘢食~ 我仲好環保， 自己帶餐盒，對地球好d啦~ 2019 年已經係咁放TG破壞環境，2020 到而家俾武漢肺炎搞到日日戴口罩，餐餐食外賣， d垃圾真係多到離晒譜， 所以如果有機會可以幫到嘅， 幫得幾多得幾多啦個姐姐咗好大舊芒果雪糕俾我，返到屋企都仲係咁冰凍， 天氣咁熱， 食凍嘢降吓溫真係好 我好鍾意食芒果，但次次都食到成手都係， 食甜品就唔同呢~ 有芒果肉，芒果汁， 芒果雪糕同其他配料， 啖啖就咁食又乾手淨腳， 好好味~ 佢又唔係太甜， 啖啖都係芒果味， 真係超滿足呀！！ 下次又試吓佢其他甜品先

甜家係位於西環嘅街坊甜品店有面有各種港式同中式甜品全部水準都唔錯👍🏻當中仲有唔少冰品 啱晒夏天熱辣辣食💛#原味木槺凍餅雪糕好大球 凍餅忌廉好滑木槺碎好幼細 如果再雪得硬小小就更好#金芒水晶芒果打嘅沙冰做底上面有芒果脆珠同雪糕食落淡淡芒果肉啱晒芒果愛好者👍🏻#曲奇妙趣雲呢拿沙冰底 加上脆脆粟米片同埋Oreo餅塊同雪糕得嚟又有口感個人最鍾意呢款👍🏻（西米係自己加錢加嘅）#白雪公主雲呢拿沙冰底 上面係一粒粒益力多爆珠入面仲有西米同椰果味道都好唔錯#草莓甜心睇個樣都覺得好靚草莓一啲都唔酸碗埋啲雪糕好好味粉紅色咁樣真係好有少女心#朱古力木糠凍餅朱古力味非常之濃郁連啲木糠都係朱古力味朱古力控表示非常之滿足

西環嘅甜品店唔少，但一間服務好又抵食嘅真係唔多今次係第3次過黎，之前都係食開中式糖水老闆娘好好人，推介我試心太軟/心太軟用叉拮開有流心效果食落去朱古力味好香濃唔算太甜心太軟外皮唔算好脆但入面保持到濕潤冇平時心太軟焗得太耐會變到乾爭爭嘅通病連埋雪糕食成個口感好驚喜好好食/我覺得以街坊小店呢個價錢同呢個質素配埋雲呢拿雪糕同其他配料都幾高性價比👍🏻👍🏻/不過即叫即整嘅原因等得有d耐趕時間嘅話就唔好叫喇

知道呢間係香港人小店所以幫襯過好幾次想支持下，第一次堂食芋圓，第二次外賣湯圓，第三次外賣芒果黑珍珠。講真佢d甜品真係普通到不能再普通，而且份量同味道都好麻麻，好多得個死甜。芋圓同出面嗰d比，一食就知係比較低質嘅來貨，第二次食個湯圓未熟透嘅，薑味極淡，前日食嗰碗黑珍珠就極少珍珠，搞到忍唔住要寫幾句。真係唔係好明前面嗰d狂讚嘅食評係點黎。有時唔係話淨係sell人情味同小店就ok，都要顧下食物質素。可能我唔係食佢d招牌甜品掛，so far 自己同屋企人食過都覺得d甜品無乜誠意整，希望可以改善下，如果唔係真係好難繼續支持佢地。

完全中伏！😖 APP新加入嘅餐廳，諗住試試都無妨。星期五晚10點後叫外賣，非常失望。。。燉奶很普通，沒有什麼特別，偏甜，不夠奶味。👌🏻不過紅豆不錯，夠大粒，煮得夠時間，冇散開。最失望嘅係杏仁露，杏仁露質感同水一樣稀，味道像砂糖水，似係水+杏仁粉+砂糖溝出嚟嘅！🤮 加$8 request加芋丸，但來到的時候是沒有芋丸的。請問12個好評是怎麼來的？竟然一個差評都冇。。。平時完全唔會寫食評㗎，但係唔想繼續有人中伏。

起西營盤夜晚食完晚飯，諗住行街散吓步。行過海味街就見到呢間甜品舖🍮。見有幾個人排緊隊，就唔執輸決定試試我第二個胃嘅功力😆坐低咗打開個Menu，見到除咗傳統嘅甜品(例如芝麻糊，涼粉同湯圓)之外，仲有好多我相信係呢間店舖自己配搭出嚟嘅甜品款式😲難得有新野，當然要試吓啦！😍當我見到牆上面嘅甜品相，就見到一個凍餅配雪糕，個樣幾吸引。最後我就忍唔住叫咗一個”紅豆綠茶木糠凍餅配抹茶雪糕”。嚟到之後我就先試下個凍餅。一入口，佢就有種軟林林嘅感覺，但係佢比疏乎厘有口感同埋實在感，仲有綠茶味慢慢滲透出嚟。 之後我再加上紅豆同埋抹茶雪糕一齊食，令到成個甜品更加完整。🤤總括而言，甜品唔算太甜，適合一家大細食，侍應亦都非常友善，環境又衛生。大家經過海味街又想食甜品嘅時候，就可以去試吓啦！👍🏼👍🏼

傳統甜品店已買少見少，難得西環仲有一間傳統中式甜品小店，價錢公道，而且甜品足料，平時夜晚dinner後過黎食碗糖水，坐起度傾下計都幾開心。舖頭企理，甜品好快送到，今次只係食咗芒果類甜品，偏酸但可以接受，希望下次可以試下其他種類。老闆娘好有心，大部分中式糖水都係親自手磨，呢後番心機同堅持都值得繼續幫襯啦！天氣再凍少少食碗芝磨糊同杏仁露應該仲正。西環開咗好多西式餐廳，想搵間地道嘅甜品店都買少見少，仲去藍店源記？不了！