甜源居

营业中

休息中

西貢有兩個出陪既甜味店一間照牌黃金金既滿X 同喱間我由細到大都對滿x 冇乜興趣共實我唔太好 中式甜品 所以唔算係成日食今晚就帶左朋友嚟食甜源居一坐洛 D姨姨冇乜招呼 一個餐牌 西洛嚟😒又唔講句 差d整到個朋友😓我地明明8個人 又同人地2個人搭張長枱好鬼死迫！ 🤷🏻‍♀️ 係咪趕客走？仲要唔多人等跟住大家冇乜心情食 兩個兩個咁叫左4碗甜品食雜果五色雪花冰 得個死甜木糠布甸 又小又唔夠木糠😅叫個一個榴連既甜品 OMG好臭💆🏻‍♀️ 我係唔死同食個朋友格三張枱都嗅到 想暈低🤷🏻‍♀️雜果唔知今鬼野😅終結 冇下次又一間自己鋪 唔憂做生意 冇禮貌冇招呼既甜品！

平日下午去食 冇乜人叫了榴槤河粉份量都多架河粉當然係椰汁味,不過又唔算好重味，我本身麻麻地椰汁既味道，都接受得到。榴槤肉好好味，好濃郁既味道。個汁都係榴槤加椰汁，好多汁，好似食緊湯粉咁，好好味。不過應該係肥野。

十次八次入西貢，走前一定要食這碗雙皮奶才回家 太心動了金雞海南雞完就到甜源居 一次過食盡西貢的美食可惜近住荃灣的我 難以一日一碗 店舖裝修環境相當之好 近海 希望可以開一間在石梨

今日天氣非常好🌞 熱到無咩胄口食完半個菠蘿包同葡撻之後爸爸話想去食甜品 我就搵左喺海傍既呢一間💁🏽‍♀️甜源居既裝修幾典雅 完全唔似係一間甜品鋪😀睇牆上褪緊色既合照就估計呢間鋪都有d歷史~~我叫左👉🏼 石榴飄香($40)見到menu上寫住成份有「鮮石榴露」我就決定要試了 番石榴既甜品太少見😍果然無令我失望 石榴露充滿果香 好清甜!石榴露有加冰打出露 所以冰冰涼涼好岩夏天食啊 消暑又解渴😋爸爸就試左👉🏼 紅豆冰泥($50)就咁睇價錢覺得幾貴不過見到實體就覺得幾大杯 ⚠️一個女仔一定飲唔哂! 爸爸飲到好飽🤣味道都有驚喜 好紅豆!! 我覺得用紅豆沙味黎形容佢更加貼切~~因為飲到有微微既陳皮味😀整體黎講甜度適中 不過試完一啖再食番自己個石榴露係會無咩味架 我都係比較鍾意石榴露既清甜☺️

西貢墟一進入到夜晚，很多小型食肆都已經提早關門休息，剩下海鮮酒家繼續營業，至於西貢墟裡面的甜品店，可以享用到的甜品，大部分都是中式甜品，食客想食到西式或者日韓甜品，都不容易做到。例如位於西貢舊墟裡面，舖位選址位置跟「翠塘花園」十分接近的港式甜品店「甜源居」，就是最佳的例子。「甜源居」的甜品裡面，具有代表性的招牌甜品食品本來應該是「芒果河粉」才對，但是我以前舊「開飯喇」戶口已經試過，所以我覺得我自己沒必要再試了。所以我今次再次光顧「甜源居」，就沒有再嚐試「芒果河粉」了，反而點了其他甜品。我在進入「甜源居」食店範圍之後，第一時間見到的「甜源居」餐牌，正正就是「冬日精選推介」。我一見到原來「甜源居」也有提供「雙皮奶」甜品，而且甜品的名稱有點與別不同，叫做「流沙雙皮奶」之後，立刻點了一盅「流沙雙皮奶」，試食看看「流沙雙皮奶」是什麼的味道。在一般港式甜品店裡面食到的「雙皮奶」甜品，「雙皮奶」主要的味道來自於甜品裡面的濃厚牛奶甜味，至於「雙皮奶」表面薄膜口感則偏向比較有黏性，裡面則是半凝固狀態的奶糊。至於「甜源居」裡面的「流沙雙皮奶」，口感仍然像我預期，表面薄膜位置口感感覺偏向有韌性，至於「雙皮奶

榴槤飄香$54招牌楊枝甘露$46完成今日西貢一日遊，臨離開之前食埋個甜品先走。楊枝甘露味道尚可，算幾足料，味道濃郁。由於我唔食榴槤，朋友話味道OK嘅，不過唔算話好特，食過就算。甜源居 (西貢)西貢海傍街16號地下

夜晚係西貢食完飯，順便就係附近行下當飯後運動，不過行下行下又有啲口痕，所以行咗去食糖水 😂 去到西貢無理由又食滿記架 😂 出面都可以食，所以就揀咗呢間小本經營既糖水舖，呢間糖水舖可以話係老字號，記得十幾年前行完山都已經幫襯過，當年第一次幫襯呢間小店就係食佢既榴槤河粉，因為覺得咁盞鬼河粉點做糖水呢。裝修都係咁簡潔，無咩特別花巧擺設感覺幾舒服 ; 本身想食椰皇燉雙皮奶，但聞到隔離枱既榴槤好鬼死正，所以最後叫咗碗榴槤忘返。榴槤忘返 ($54) : 價錢同其他糖水舖相若，榴槤肉同蓉都足秤，紫米露亦好多係哂個底到，加上當晚顧客唔係太多，所以職員做嘢都好有效率，整體嚟講都唔錯。

1. 好難食。窩夫唔係窩夫係格仔餅，舊嘢係淋既，強烈懷疑依度D店員同老闆唔識分依兩樣野，裡面仲要有花生醬，完全唔係窩夫黎。仲夠膽賣成60蚊？2. 木糠布甸唔係木糠布甸黎，第一次見木糠布甸入邊有西米，舊嘢係焦糖味嘅布甸上面加啲木糠。人生最難食既木槺布甸。3. 楊枝甘露好似蛋漿咁，勁高密度。4. 有蚊，阻住晒，食都食得唔開心5. 叫左個流沙雙皮奶，等左成三十分鐘都未黎，雖然味道還可以，但係我個fd見住我地所有人食完先有得食，真係登佢慘。

服務態度差、趕客、價錢比一般甜品舖貴，但味道差天供地。士多啤梨啫喱布甸與相片完全不乎，只係幾樣野擺埋一齊，士多啤梨汁都冇。食密瓜豆腐花，蜜瓜大大舊，毫無心思，冇蜜瓜汁又淡謀謀，仲要有疑似螞蟻喺入面，同店員講佢都話可能係可能唔係，sorry都冇句！Blacklisted! No more next time!! The worst dessert restaurant I ever tried. Very disappointed...

Boxing day同朋友行完山，吃完車仔麵，時間尚早，想食過甜品至回程就入去呢間店試試，當時只有兩枱客共4人，我同朋友就揀最入嘅長枱坐下(近水吧)，隔一陣待應就話有人留咗枱，跟手擺’留座牌’喺枱，我哋惟有坐另一張長枱。當我想落order, 但叫咗聲’唔該’, 兩個waitress掛住傾計聽唔到，ok算啦，隔一陣再大聲叫兩次’唔該’, 都係唔應，真係有啲火，我再放盡喉嚨大大聲叫’唔該’, 隔離枱男女都望一望我，其中一個waitress至如夢初醒行埋嚟落單。我同朋友都揀咗芒果布甸，但同menu相片不符合，布甸面沒有如相中有幾片芒果，布甸味道方面無乜芒果味，質感較實唔夠滑，可能落多咗魚膠粉，$33一客唔平，我自己整仲好味過佢。埋單時已走剩我同朋友，無新客到，唔明點解我哋入座時截住話有人留咗位，被截住嘅感覺幾uncomfortable, 呢間真係無下次，價錢唔平，味道一般，服務態度又非常趕客，goodbye your tail。

八年前同老公拍拖食過一間好好食嘅炸雪糕之後就再食唔返嗰個味道，因為嗰間超好食執咗笠😑而且唔係間間糖水甜品舖都有炸雪糕🥴直至到老公話為咗慶祝我生日佢話係西貢搵到間炸雪糕比我試我哋之後就嚟咗呢度我當然就係嗌炸雪糕啦老公就叫咗個芒果河粉可惜呢個炸雪糕都係令我失望😞雖然佢份量就夠大嘅但係個皮太厚，不過外層佢都係有啲脆嘅但係個炸雪糕切落去嘅時候都係好快就溶嗰間執咗笠嘅炸雪糕應該呢一生都搵唔番😭其實可能只係我之前嗰間太好食，並不代表呢間好難食另外老公嘅芒果河粉佢話幾好食👍🏻

今日係西貢食完飯，試吓搵甜品食，點知中伏，係度叫左個焦糖燉蛋，燉蛋個面係焦糖汁，又黑又苦，凍左仲硬到咬都咬唔到，西米係底又硬，簡直係垃圾中的垃圾！另外, 叫咗一個外賣榴槤窩夫，做好哂包裝好後，職員不停講有雪糕點拎走，不停講拎走會好難食！但落order提都無提過有雪糕囉！員工態度非常嚴重惡劣，叫佢拎匙羹叫幾廿次都無人應，自己去拎又鬧人，又呢隻匙羹唔得果隻又唔得！呢間野絕對要black list，無下次！

某日假期 同男朋友食飽飽 佢同我講 話不如去西貢食糖水 無他 好明顯佢好想見多我一陣😂於是揸住車仔黎到 仲要有位泊車行著行著見到啲間甜品店甜源居 佢話試新野門面已經見到好多人 亦有人坐到出門口好多人都好似我地一樣 想食甜品？我諗佢地想見多幾面😂芒果河粉樣似中式河粉芒果甜 河粉有淡淡椰汁味 條條都又闊又長食完會真心飽榴槤露(唔係好記得個名)不過好肯定既係 我只係食左一啖 但味道係濃郁既因為我 😤時都聞到陣味😂最後 我覺得自己飽到🤪

訓完午覺起身肚餓，又想食Ｄ甜甜嘚嘅嘢，就落街揾食。進來甜源個甜品。平時都有睇到過呢間糖水鋪，但係一次都冇進來過。今次試食咗流沙雙皮奶同埋炸雪糕。炸雪糕還ＯＫ，個炸皮有Ｄ太厚，薄小小就好啦，但係都喺幾好食。流沙雙皮奶喺我第一次食，一匙羹挖落去，流沙就爆出來了，流沙偏甜，但係同雙皮奶一齊食好好味。算好食嘅一間糖水鋪啦。

夏日熱辣辣🌞🔥🌡, 就緊係要食番d消暑嘅甜品嚟平衡下, 經過e間鋪見到咁多人食緊就入去試下😋😋 餐牌上嘅種類都幾多, 花多眼亂, 好多都好想試, 最後我同男朋友叫左一個芒果河粉同芒果豆腐花😊芒果豆腐花⬆️⬆️ 芒果汁同芒果肉都幾甜🥭😋 豆腐花又好滑, 成個甜品都好夠凍同幾好食😊😊😆😆 不過芒果肉唔係好多同埋個甜品份量有d少😣芒果河粉⬆️⬆️ 相比之下個份量就比芒果豆腐花多, 賣相都幾靚, 河粉係用椰汁整嘅, 唔會話超大陣椰汁味, 反而淡淡地岩我e d唔太好椰汁嘅人食, 芒果汁同芒果肉都幾甜, 仲有d西米係入面撈埋一齊食, 好味😋😋