生活知味

营业中

休息中

好多時都黎幫襯哩間野＊＊因為佢有珍珠奶茶飲同埋佢地既厚吐司係幾唔錯～最鐘意係佢地個椰香吐司～～～不過珍珠奶茶有時好淡味～～～但係佢地既服務往往令人失望＊＊因為幾乎所有店員都冇咩禮貌架！！！唔明佢地冇人管既咩？？點做管理架？？個個店員都眼啤啤既，好趕客囉！！！所以而家通常叫外賣多＊＊＊

一入到去睇左一陣落單我同朋友二人叫兩個早餐,落單果陣個女侍應好冇禮貌我朋友講完我諗住等佢寫完先講佢一寫完就啤住我,我講埋佢就行左去( 又開始落單到落完單一佢一個字都冇講過)餐飲叫左兩杯凍0水 一杯少冰, 最後變左兩杯走糖 -.-!!!叫左兩份"奶醬多" 點知黎果陣變左"奶油多" 問落單條友, 佢仲話" 我以為你講奶醬多 係奶油喎!!!" 講到我地錯咁問老板娘 老板娘又話taiwan 既奶醬多 = 奶油多 -0- ( 語氣又是嘛嘛) 我朋友叫了米線 卻變了 米粉 落錯單間間餐店都會有, 但係態度差先係重點

差唔多每朝返工都會黎呢度食早餐係青衣碼頭附近黎講, 呢間食物的質素同價錢算OK不過佢D 咖啡偏甜太興係好食, 但係覺得貴左D呢個餐有件雞扒, 厚多士, 通粉+飲品註: 凍飲唔駛加錢, 真係幾爽同埋佢D 多士幾好味

放工﹐一個人搵野食﹐岩岩搬黎呢頭2星期﹐都未食過屋企附近既餐廳。是夜﹐就選擇左呢度喇!睇左個晚餐menu﹐唔係太岩食﹐所以選擇左佢地個主menu 上其他食物。分左好多類別﹐有米線 / 肉燥飯 / 酸辣米線 / 拌麵 / 咖喱 / 手撕雞系列 仲有 特色雞系列。我選擇左特色雞系列既麻辣口水雞 配 手撕雞碗仔翅 配 油菜 仲有手撕雞碗仔翅。口水雞: 唔算太麻辣﹐份量及味道都ok。肉燥飯: ok。油菜: 叫左 "A" 菜﹐即係油麥菜。菜汁好味。手撕雞碗仔翅: 帶麻油香﹐ok。呢個set 約40 蚊﹐都算抵食﹐好飽。下次會試埋其他食物。

一打電話去問有無外賣.. 問左送一個套餐個阿姐就好惡"唔送" ..吸人地線咁無禮貎.. 就唔好張宣傳單張話送外賣啦..離哂大譜.. 咁做生意點得嫁????好聲好氣話唔送咪算囉。。　　駛唔駛咁惡？？

早餐menu話就話做到11:30am但係成日11:15am去到，d侍應就同你講: 無早餐㗎喇!咁你不如改埋個menu喇早餐menu話就話做到11:30am但係成日11:15am去到，d侍應就同你講: 無早餐㗎喇!咁你不如改埋個menu喇

琴日同左女友來左呢間店食下午茶,一入到去d小二企曬o係度圍埋一齊吹水,都冇理過我地,我地要自己睇有冇位,坐底左又冇餐牌,跟住就問佢地攞,佢地好唔情願咁去攞比我地,嘩真係唔洗做咩,等左十五分鐘到終於都有野食,但基本上佢地次次都好大力咁放得d野食,好似好嬲咁,收錢果時多謝都冇句,咩料呀,唔想做唔好做ma!!食物方面,我地叫左花支丸加西多同雞翼米線,兩樣除左西多比較正常之外,其他真係難食,花支丸炸到好似炭咁,一咬落去,中間係煤煤地o既,一人仲要收$25,真係冇可能law,冇下次!!

一個人過o既Sun下午，一個簡單而relax 的Tea，要求簡單.. 雖然唔係好多錢o既奶油多士Tea Set，一份奶油少得可憐既多士，一杯淡而無味既珍珠奶茶，珍珠是經過過度處理吧... 像快要溶化於奶茶當中...HK$20既Tea Set令我對堂食既service沒要求，當然staff既表現亦「不負所望」，你只能草草吃罷後失望離開... 位處屋苑林立的小店都希望客人再光顧吧.. 這個價錢在M記已經可以得到高水準服務與食物了，何苦要光顧小店？

同事仔話睇完套劇之後好想食蠔仔餅, (台灣叫蚵仔煎)所以o黎咗呢間我哋幾有口碑嘅餐廳. 蚵仔煎 - 呢度加咗芫茜即煎, 令到蚵仔一d都唔腥, 蛋漿唔太多, 所以煎得好香口. 鴨胸肉燥飯 - 每一次o黎都要食佢嘅肉燥飯, 因為肉整得好碎, 個肉汁又好味 加上飯上面, 簡直一流, 可惜今日呢個鴨胸麻麻地太稔. 蔥油雞肉燥飯 - 同事點嘅, 但係d雞都好滑. 蚵仔肉燥湯飯 - 同事仔係湯后, 所以一定order湯飯, d湯係魚湯做既, ok ka. 鹵水大腸 - 呢度lunch抵呀! 食滿$100就送一個小食, 重有成十款比你揀添, 送嘅都一樣好味, 大腸又唔肥. 咖啡布丁 - lunch加$2可以轉特飲, 愛奶茶嘅我, 今日就轉一轉飲咖啡啦! 又ok wor, 咖啡帶點即磨咖啡嘅味道, 又唔太甜. 珍珠奶茶 - 台式奶茶, 珍珠唔太硬. ok 荔枝玉露 - 同事仔嘅order都唔錯.P.S. 店內地方唔太大, Lunch時間好多人, waitress提醒我哋下次先book位. 記得啦! 朋友!

成一個月去左工幹﹐好掛住呢度既蚵仔煎﹐我本人真係好鍾意食呢度既蚵仔煎﹐因為呢度同平時食到既唔同。蚵仔煎好巨型﹐蚵仔煎用左蛋, 莞茜﹐仲有好多蚵仔﹐又香口﹐而且食落口冇咩腥味﹐好正!加個白飯同埋叫左碗湯﹐木瓜湯﹐好清甜。完了一餐美味既晚餐﹐又要返上樓﹐繼續為煩惱的工作博殺了

放左工﹐屋企無人﹐一個人去樓下起個便飯。我選擇食魚餐啦! 晚餐白飯魚煎蛋,是日餐湯係鮮茄魚湯, 一個白飯, 再一杯胚芽奶茶..好耐無飲用魚煲既湯,個湯幾鮮味, 亦唔腥﹐好飲!!!!!!!!!!!!!!!!白飯魚蛋, 煎得都幾香口, 再加埋豉油, 用黎送飯食, 一流。不過胚芽奶茶好甜, 可以淡少少就好..屋企樓下選擇唔太多, 呢間小店選不錯...

父親節﹐老豆話要簡單d﹐唔想去酒樓個d地方食﹐所以請左老豆係呢度開餐。我點菜﹐老豆話過節日一定要食隻雞﹐咁我就叫左2個晚餐﹐蔥油雞﹐咖哩牛腩什菜煲﹐一個拚盤同一碟時菜。講下隻蔥油雞先﹐蔥油夠香﹐隻雞都好多肉﹐好。個牛腩什菜煲d牛腩夠"林"﹐如果咖哩味可以濃d就更加good。點左個拚盤係手撕雞拚小黃瓜拚糖醋排骨; 好鍾意食呢度既糖醋排骨﹐排骨肉好"林"﹐糖醋味適宜。小黃瓜要改善﹐無咩味咁。總括講﹐我地一家3口﹐今餐都食得幾開胃同開心。

成日要女朋友係屋企煮飯﹐間唔中都要佢休息下﹐唔駛煮既。尋晚就選擇左係度開餐喇。新搬黎呢頭﹐第一次幫襯﹐都覺得幾抵食。晚市有set﹐炒小菜加白飯加靚湯﹐我地叫左蒜味炒什菜﹐三杯雞﹐例湯係羅宋湯。先講講個炒什菜﹐都幾"野"味﹐蒜味好香又唔係太油。另外三杯雞﹐用左個鍋仔上菜﹐打開蓋既時候﹐熱騰騰﹐d 雞都幾入味。羅宋湯略為淡左dd。最後仲有2杯餐飲﹐叫左兩杯金桔蜜。找數80幾蚊到。下次女朋友唔煮飯﹐都會選擇呢度。

One time during Chinese New Year when I was staying in 翠怡花園 in my parent's apartment I figured, hey man, I'm in HK eh, gotta try out the old HK tradition of a snack in the afternoon.Happily I skipped off to this place and saw, hey they have bbtea and stuff, should make a good snack right?Well yeah... BUTThe servers were all freaking anal: I wanted to make sure if a certain deal (where you get a free bbtea drink with the afternoon tea set was legit) and then he yelled at me "YES!" like I was some

2個白飯, 2個小炒﹐2個靚湯再加2杯飲品小炒白飯魚煎蛋: 薄薄既煎蛋+白飯魚再配上豉油。好耐無食過白飯魚煎蛋呢味餸﹐所以別有一番令人懷念小時候既感覺。蝦醬翠玉瓜雞柳: 翠瓜切得都幾薄身﹐而且蝦醬好野味﹐不過可能重手左﹐有d鹹。不過都可以接受靚湯: 清補涼 飲品: 椰香珍珠x2 (珍珠硬左少少﹐希望有所改善)原本80 幾蚊﹐朋友有VIP 卡﹐九折。折左70幾﹐飽肚經濟。