生活知味

营业中

休息中

青衣一向俾人嘅感覺係一個美食沙漠，因為呢度可以選擇嘅食店唔多，但其實係呢個沙漠入面，都包含咗一個個外人未發現嘅綠洲，而呢間餐廳就正正係其中一個。係呢間台式餐廳食嘢，通常都會等佢嘅兩點三下午茶時段，因為佢嘅下午茶非常抵食，大約$40左右嘅價錢，就可以叫一個麵食、一份吐司同一杯飲品。筆者我對台式飲品嘅興趣不大，所以就將飲品轉做碗仔翅。呢度嘅吐司我會推薦蒜香口味，牛油香加上蒜蓉香， 十分惹味！

本身好肚餓，打算黎呢間買個中午，真係估唔到佢會送甘大份禮比我—一打開就見到隻曱甴，吾該哂下次真係吾會再買啦攞去換個陣，見到坐滿晒人，真係唔忍心比佢哋知，佢哋兜野有一定機率有曱甴可能我係個別例子啦，不過都想比見到呢篇食評嘅人知道一樣野，就係去食嘢嗰陣要睇清楚先食，吾然唔好彩就會買一送一，買碗麵送曱甴俾你而且我碗野我仲要食咗一啖囉個味道好淡，好一般而且去買嗰陣佢仲要好快就攞出黎，可能唔夠2分鐘，唔知係一早已經整好，定係整得好快

店員態度惡劣。早上10點35分拿號碼等位。店員告訴我們沒有早餐了。我們心想那便吃午餐。可是，入座後，店員稱沒有早餐，但同時沒有提供午市餐牌。在沒有選擇早餐和午餐的選擇下，我們只可散叫，十分無奈。另外，店員下錯單，態度十分惡劣，毫無服務可言食物質素非常普通。咖啡還差過普通茶記。香䓤撈麵沒有香䓤。一份多士，花生醬只有薄薄一層，完全不能接受。整體來說，食完只覺得一肚氣又難食，食物及服務都不合格。非常差勁呀！

最近知道，原來這間是有骨氣食店，需要極多懲罰，一向都來食大碗餐湯，飲台式特飲至愛。今次試了海鮮粉絲什菜煲，椰菜菜心生菜墊底，中間一堆粉絲，面有D海鮮，見到咁大隻蝦都煮得幾好。青衣顏色食店

兩個早餐外賣要$80幾，真係怪自己冇睇價錢就落order，唔知仲以為在尖沙咀銅鑼灣食緊🙄🙄飲品要加錢但冇事先通知，去到先知轉柚子蜜要加$4，以後唔會再幫襯🤦‍♂️🤦‍♂️

最近食番呢間餐廳，真係覺得啲嘢大分咗，煮嘢都好有心機，晚巿小菜套餐長期有68蚊半隻薑蔥霸王雞今日使埋鮮茄牛腩煲，份量真係好多，有食緊酒樓感覺。呢度啲米線係好食過客飯的。台式飲品都好好飲，我最愛朱古力珍珠，豆花飲品都幾好，特色點，消暑一流。例湯係消暑足料冬瓜薏米豬腱湯。這裡的例湯好正的。薑蔥霸王雞 上面的薑蔥蒜椒乜都齊。D薑有子薑味，唔係普通辣薑，咁得意嘅。鮮茄牛腩煲，好似食緊濃郁的羅宋湯味，牛腩都好冧，撈米線都好正。食完想分享下美食。區區食玩遊-青衣

好耐冇食過屋企附近既餐廳仔，好中２食佢既下午餐，我最愛既係：糖醋骨米線／小鍋米線（最愛食酸野）甘佢有麵包／西多士揀既。甘個人就不喜歡食乾既麵包，只能叫西多士啦。再加個可可布丁（飲料）夠曬肥呀～～

想輕鬆地享受早餐，早早點了餐，等了又等......等了又等......。遲來的有餐，更遲來的飲品也有了，而我甚麼都沒有，回覆是沒漏單?!。結果草草地吃了一半，比錢即走，搞到要趕時間搭的士。唉，真無奈！😢(食物質素普通，外看是台式，實際是廣式的餐廳。)

青衣的台灣食品，以前都是這間，台式飲品好似樣好飲又唔貴。這裡亦是晚餐好地方。因為有大大碗例湯，而例湯不是味精湯。平時是紅蘿蔔蜜棗瓜豬骨湯，但今次好驚喜，竟然係咸菜豬肚湯!!!!!! 好耐冇飲過了，而且真係未見過做例湯!! 好多功夫嘛！但當然唔係成日有，要有運啦！咁好味，8：15就賣完啦！另外叫的京都豬扒及涼瓜班腩都好味，而且大碟咗，食得好開心! 呢度D白飯麻麻地，成日好乾，可能裝起保溫，但米線就好正常，都幾大碗的! 飲品就係台式飲品，全部都好喝!

午餐，點了吉列豬扒時菜烏冬。食物水準只是吃得入口的程度，完全沒有誠意。點餐時已說得很清楚，還是送錯。時菜是幾片生菜加堆芫茜。好奇怪。吉列豬扒算大塊，但又乾又靭。凍檸茶正常。

4個人，Order 了3個晚市套餐。包括：炸椒鹽豬扒（又硬又乾）,魚柳茄子香煲（好咸）,炸鯇魚煲（好咸）,2個湯米線（OK), 1個白飯（OK), 2杯珍珠奶茶（珍珠好硬和好淡味）,1杯胚芽可可（好苦）,送豬骨湯3碗（半碗都係骨頭和好咸）。無加一，埋單$213，侍應態度差，落order 時表現出唔耐煩，我們想諗多一陣，個侍應就走咗。鋪頭裝修有少少舊，坐位較細較迫，不太舒適。食物手寫單據沒有銀碼又唔清晰，計錯錢我都唔知

同老婆阿女冇去過呢間，去試試食，叫兩個下午茶叫酥炸雞扒米線多士餐:多士又乾又硬，珍珠奶茶d珍珠又淋又冇茶味都唔知係杯咩，雞扒又霉米線又淋，比錢同佢講，佢仲話係呀！

叫咗個酸辣湯米線，配香脆豆腐同鹽酥雞扒，結果不堪入目。先講米線，米線相當劣質，又淋又冇彈性，發水又難食。再講湯頭，佢個所謂酸辣湯又唔酸又唔辣，唔知想點。然後係鹽酥雞扒，炸粉極厚，食炸粉仲多過雞扒，雞肉又霉又乾 撈麵好少 但都要$43 食唔飽sosad 加野飲要加$7 仲要冇珍珠sosad啲肉燥唔正宗 ok好味 有冬菇味 個雞扒平平 啲飯硬既 唔夠熟透 但都有人黎食 大概係因為就腳lol總結：試過一次就冇下次！食樓上譚仔或者快活仔都唔黎食

今日放假約左朋友去食野，見到有間台灣食肆，於是便決定坐低！我就叫左一個菜肉餃酸辣米線加一杯凍菜蜜……個水餃食落都唔錯， 個皮煙煙靭靭好有咬口， 啲餡料食落甜甜地好好味， 可惜個米線淥得唔夠淋，個湯底就得個辣字，完全唔夠咸！杯冰凍菜蜜就真是冲得唔錯，夠甜夠凍，飲完好解渴，冰涼透心！我朋友就叫左個台式香煎雞扒公仔麵加一杯凍檸茶……塊雞扒煎得唔錯，卜卜脆好惹味，肉質鮮嫩，個公仔麵就一般啦，不過不失，湯底就冇乜味，一樣是唔夠咸！最後飲埋杯冰凍檸檬茶，都算是完美的一餐啦！

我老公好鍾意食台灣嘢，呢間舖就係我屋企樓下，所以佢成日逼我同佢去食。第一次食咗個米線，已經中中地伏，但都叫仲可以入口。之後諗住比多次機會佢，第二次去，叫左個咖喱豬頸肉撈公仔麵。一上菜時，嘩！唔係呀！？麵嘅份量係好多(可能有3個公仔麵)，但又乾又難食。D豬頸肉仲有D酸宿味！！食到我差D嘔！！我老公個牛肉香蔥撈麵直頭係冇汁咖！！冇汁叫咩撈麵！？勁難食！！我發誓以後都唔會再嚟食。