生煎包點心專門店

营业中

休息中

係西河灣近海寧街休甜公園附近有間懷舊地踎點心店，上午7點至晚上十點都有點心食，細細間進去時職員行開了，自行拿號碼票係排位紙寫下人數再等位，店內用方枱拼枱因會和別人搭枱，每張枱貼有號數，方便自行寫點心紙時寫枱號。坐下點了香片茶，跟住店員放下一壺熱水一壺茶和一個大碗，飲茶特色就係自動波洗過碗筷才安心用。點心款式大至上與一般酒樓一樣，但這裡是交點心紙後即叫即蒸的，最好一次過填晒要食的點心，如點第二次單就要一些時間耐心等待了，但真係熱辣辣零舍好味。我哋叫了鳳爪，排骨， 灌湯餃 味道都很好，鮮蝦燒埋好大粒但沒有冬菇的，味道都鮮味， 小龍包肉汁鮮甜皮略厚，叉燒腸都係粉皮厚一些，招牌生煎包用煲仔上，三大個生煎包加了韭菜洋蔥墊底，夠晒熱又有氣勢。這店每位茶錢$5, 點心每款價錢大約$19-26， 點心即叫叫蒸夠好味，屬於做街坊生意價錢平抵食，店內環境和服務一般可接受，但最好一點係不用收加一服務費。

假期去完行山. 正諗有咩好食. 因為實在唔熟筲箕灣. 朋友上網一search就話有間食甜心的店, 好吧反正落車行不到一兩分鐘就到. 一入到裡面. 企左係度係完全無人理你. 明明眼前有吉枱, 但又唔敢坐底. 企左陣. 就有其他客人到. 原來係門口有號碼拎. 拎完再係旁邊的號碼牌上寫上人數... 我地完全大鄉里出城..幸好不斷有客人到. 所以終於有伙計走出黎幫手. 坐底後枱上有甜心紙. 自己點好寫埋枱號交比伙計.不消一會就會收到帳單. 都幾抵喎. 呢度係唔駛收加一.坐多陣食品出場.先黎個豬潤腸粉. 坦白係外面好少見到有豬潤腸粉.(相片欠奉)個腸粉好滑, 豬潤咬落好有口感好爽. 但無根唔會un. 估唔到豬潤配腸粉都夾的. 再黎係油菜, 油菜係生菜, 無蠔油比你. 但會有豉油. 碟仔細細但成碟都係菜. 絕無呃秤, 重好夠熱. 間鋪寫住生煎包點心專門店. 第一次入到黎唔係唔食生煎包呀?嘩.. 超大"煲". 除左三個生菜配肉的生煎包外, 個煲底充滿蔥同洋蔥.洋蔥明顯係有煮過先放落去, 絕對唔係裝飾咁簡單.鐘意食蔥同洋蔥的朋友, 食配菜都值回票價.講返個包先. 個皮唔太厚. 裡面啖啖肉. 好好味.

好1. 平價2. 食物還可以的壞1. 服務員黑口黑面，指令客人坐位，明明好多吉位都唔比人擇位，叫人下次泥過2. 環境污穢唔衛生總結：我係街坊，去過幾次都係為食物，但係啲服務員（啲阿叔）真係態度太唔好，已經無去。呢間係我人生第一間因為服務態度擺去既食店

打破傳統👊呢到日日由朝到晚有茶飮、有點心食，啱哂我呢D食無定時，想幾時食就去食嘅人招牌生煎包果然名不虛傳，包嘅底面都煎得好香脆，但又唔會感覺好油膩。包皮亦算薄，裏面有椰菜、豬肉，肉汁保存得好好，整體味道很不錯。本人平時唔多鍾意食生煎包，因為口感好肥膩，但呢個我就好鍾意食上湯皮蛋小棠菜，湯底幾好飲，菜又唔會太冧叉燒腸，個皮厚左少少，豉油太鹹啦炸菜肉餅飯都幾好味，唔會太多肥肉，久違了嘅炸菜令人好有回憶！馬拉糕鬆軟香口，熱騰騰又唔太甜，必試

晨咁早 嚟到呢間門面極度噏得嘅點心餐廳 😅 係因為想食下生煎包。點心選擇不多， 大部分都係即叫即做， 等等等等咗三十分鐘終於嚟到生煎包， 呢個生煎包並唔係薄皮包包， 三隻包子在熱鍋中， 下面有蔥洋蔥， 包子軟熟 皮厚，很有質感， 菜肉餡鮮嫩濕潤 😃叉燒腸， 食叉燒腸最怕叉燒唔新鮮， 呢度嘅叉燒 都係麻麻地， 建議食 蝦米腸或者 鮮蝦腸粉， 腸粉喺新鮮做， 做得比較厚， 有點濕有點黏， 不是大眾食開的薄皮腸粉， 但飢詩並不抗拒 😄蝦餃皇， 大隻， 大隻得將籠子填滿， 蝦肉爽脆鮮嫩， 讚 😃食食下覺得好熱， 阿姐話冷氣壞咗得返兩部 😂， 員工一邊做一邊抹汗， 難怪老闆娘咁燥， 晨早流流有咁多客都黑口黑面 😂😂😂 員工都熱到冇曬反應 😂 快啲整番部冷氣開心笑返啦 😄😄飢point : 7/10#hungermarch #非飢詩 #飢詩

Stuck in the rain, boyfriend entered into this restaurant that served dim sum all day. There was a lot of people and it seemed  the people who lived in this area considered it a favorite.Menu is in Chinese only. There is no English. Menu is in the form of a check off piece of paper. There is no 10% service charge.Pan Fried Pork Buns ($20).  It seemed everyone ordered this so we followed. Three big pork buns were served on a hot clay pot. It was laid on top of a bed of spring onions that were sti

呢間店成日都路過, 都冇試, 今日終于有机會, 行過見冇人等位, 就試一試。店內點位都算多, 裝修唔算精緻, 似係街坊點心屋咁。位同位之間坐得都算舒服, 係出入的時候覺得有點逼。同埋呢度原來係用膠碗膠羹, 但都算干淨。茶位每位$4, 但唔駛收加一, 都好抵。呢度點心唔算太多選擇, 但一般酒樓大路點心都有齊, 都係點傳統點心, 花巧野就冇la。叫左7個點心試下, 總括來講覺得炸的唔錯, 又脆又唔會油, 但相反煎的就好油, 冇咁好食。到就食完先記得呢度招牌係生煎包, 唯有下次有机會再試, 但唔知會唔會又係好油呢。琵琶豆腐丸-炸得外脆內軟, 豆腐本身味道較淡, 點個汁食啱啱好生煎蓮藕餅-蓮藕餅煎得好香口, 食到一粒粒蓮藕粒, 但點肉冇搞到起膠, 同味道偏咸, 食落又好油北菇雞飯 -雞腌得好夠味, 又滑, 但點飯就太爛, 個冬菇都夠爽,但得一粒少左點畔塘馬蹄糕 – 馬蹄糕太軟身, 冇口感, 同埋食落好油鮮蝦沙律春卷-皮較厚身, 但好脆, 食落完全唔油膩, 入面沙律份量啱啱好, 唔會過左火

初次黎真係有d驚，翕翕耷耷，好似不倫不類，不過見佢甘好生意就即管試下。見其他客都係熟客街坊，見價錢甘平，即管叫黎試下。點食物形式是剔點心紙。上菜速度不太慢。以這抵食街坊價格，每款食物也熱辣好食。其中我特別喜歡足料蝦腸同唔煲仔飯。

對上一次來這裡飲茶已經是1年前了～也是因為剪完頭髮才走過來的。客人還是如此的多，但是時間還尚早的關係~剛好有位置，不過要搭枱就是了先點了茶 － 水仙 (每位$4)因為今早的早餐吃得有點飽，所以也不是點了很多點心而已。蜜味叉燒腸 ($18) － 腸粉很厚身，不過口感還算滑；叉燒半肥瘦適中，但蜜味再重一點就更好了鮮蝦沙律春卷 ($16)  － 本來不是打算點這個的，誰知劃錯了Orz幸好味道也沒有太差，只是這個沙律醬有點太多~吃起來會覺得膩。不過春卷皮炸得很脆口～蝦肉再加上其他的配料，口感很豐富既然是來吃點心的，當然會點我喜歡吃的 －蟹籽鮮蝦燒賣皇 ($21)好大粒！！！豬肉加上鮮蝦，整粒燒賣很有嚼勁！！而且還惹味十足。另外也有點 －九紋鮮蝦餃皇 ($25)也是很大的一粒啊！！一粒蝦餃內有很多粒蝦！還有 －鮮竹蒸牛肉球 ($17) 牛肉很軟稔！還有少量的馬蹄。最後還點了 － 上海小籠包 ($18)皮有點厚身，但一夾起還是漏掉汁啊QAQ 

星期六晚上6點，天氣凍凍地，2個人去街坊食店想食煲仔飯，去到等幾分鐘就有檯，呢度冇裝潢，要疊檯，但有街坊人情味，伙記吾得閒熟客就自己自動波寫籌取籌，伙記吾多但密密加水及收碟，點心聲稱即叫即做，而且份量超大勁多。我地叫左個油鴨脾滑雞煲仔飯，真係有驚喜，香味撲鼻，初初擔心油鴨脾會只得肥羔冇乜肉，點知都幾有良心，有鴨脾油香，又有鴨肉食，滑雞的確好嫩滑，除左D餸多到鋪滿晒飯面外，飯軟熟甘香，有一層薄薄飯焦，脆卜卜，稍為用小小力便輕易把飯焦捌出，不會浪費米飯，而且份量足夠2人用。$5O超扺食。見到人地D點心超大件份量多，貪心叫了幾個特別點心。藕餅有3大件，新鮮炸起，食到原粒蓮藕。鯪魚球不是腥蒸，是即炸起，很惹味完全冇魚腥味，咬開有新鮮蔥粒，仲有6粒咁多。咸水角，伙記細心剪開才端上檯，熱到放低左幾分鐘後仲見有蒸氣冒出。2人食1食煲仔飯加3個點心連茶錢，都係$107.今時今日香港地，有這街坊小店，這個天氣不太冷。

終於有時間去剪頭髮，剪完後就從筲簊灣步行到西灣河飲茶。這家經常滿座，更何況是午餐時間呢~就算等到位後也要搭枱~茶芥每位$3，點了水仙~這種茶比較清一點~點心紙雖然沒有酒樓那般多選擇，但最基本飲茶點心~如燒賣、蝦餃這些一定有! 蜜味叉燒腸 ($17)腸粉皮很厚~叉燒很少QAQ古法馬拉糕 ($18)之前吃過覺得很好吃~很鬆軟的口感。不過不知道是不是用了黑糖呢?招牌生煎菜肉飽 ($20)這家是生煎飽專門店啊! 基本上會看到每桌也會有叫。煎得很香，菜肉的比例和調味剛剛好~而且很大個  四寶雞扎 ($21) 每次吃時都會先將雞扎解體，中間的芋頭很大舊也很粉~雞肉也很嫩滑。蟹籽鮮蝦燒賣皇 ($20)這是每次我去飲茶都必定會叫的點心！！基本上要我自己1個吃掉一籠也沒問題XD水準跟酒樓的差不多，但價錢來說這裡比較勝一籌～

上一個假期也去了吃點心  不過那家吃完有點失望~ 所以今次去試試媽媽介紹的這家 -v-先來一個章魚雞粒飯~ 還有白灼油菜+豉油。飯沒有想像中的硬~很易入口。點了鮮蝦沙律卷~  比想像中的新鮮即炸的樣子。不過沙律醬好似過份地多了(?)蝦餃普普通通~ 沒有太大特別。另外這是奶皇流沙包~真的有流沙喇~ 不過有一家的比這更好吃。牛肉腸粉~這個的腸粉太厚 =____= 牛肉也太少了Orz沒有豉油的話~會完完全全沒味道。燒賣跟蝦餃一樣~也是普普通通吧。最後重點當然是這個吧XD！！鵪鶉蛋燒賣 - 很多地方已經沒有得吃這個了 ^^

人大了，為口奔馳，忙得連休息的時間都不多，如何能慢活嘆茶吃點心呢？聽聞這間生煎包點心專門店的點心味道不俗，每次晚上行過都見到店內人頭湧湧。難得與女友在假日有時間在西灣河海旁閒逛一番又難得經過此店時發現剛有人付款離開，於是二話不說就拖著女友進店甫進店就見到侍應在清理剛走客人的檯子，這原本應該是開心的啊可是令我們更在意的，是滿地鳳爪骨、包子底紙和一攤攤的茶漬 這絕對是影響到食慾的問題啊 但難得找到時間，有空去一嚐飲茶的心願，還是硬著頭皮跕起腳尖寫點心紙由於店內繁忙，所以即使下單後還是要等上15分鐘才送到兩款點心。 腸粉：普通腸粉。粉漿比一般粥店的腸粉滑，但仍不能與吃過最滑的相，唯一可取的是份量做得比較大份。 生煎包：當這菜上檯時，鐵鍋還在滋滋作響，懂得用青蔥和洋蔥作墊底的隔熱層，避免生煎包黐底和過熟，而且兩蔥徐徐飄出的熱香，實在太有想頭。生煎包煎過的部分十分脆口，面頭有一層油香。肉餡的豬肉汁未至於多得爆出來，但亦足以使肉餡濕潤且充滿嚼頭。由於店鋪的環境實在超出預期的惡劣（實在難以理解餐廳會比酒樓或是大排檔更污糟）也沒有甚麼心情慢慢嘆茶，只好匆匆吃過兩碟點心，喝杯濃茶就早早埋單去總結

吃了這間店那麼久才第一次記錄它，呵呵因為它好吃，超值，所以經常來飲夜茶，點心精緻又有功架！茶介便宜！吃了這麼久都沒見它退步呢。說明是真的‘即叫即蒸“，必選是“藥膳雞腳”，鮮蝦腸粉很長很滑，才10幾塊！還有蒸飯比煲仔飯更令我喜愛，喜歡軟軟的飯粒必選鳳爪排骨飯啦！幾乎餐單上的點心都很討人歡心，所以不能盡錄，必須親自嘗試才能明白，呵呵！雖然現在加價了，還是比同類的食物便宜的！

突然想食蒸飯, 早一個站出專登來此店買個咸魚肉餅飯回家食.平時都係叫鳳瓜排骨飯, 估唔到此店肉餅飯都唔錯.肉餅整得好好好鬆好淋唔會蒸到死實實,飯亦蒸得岩岩好, 飯粒分明唔會蒸到過軟身.唯一係個咸魚原塊上食落有點過咸, 如果切粒加入肉餅內會比較好點.