生煎包點心專門店

营业中

休息中

平時呢到都好多人食~因為d位都幾迫, 所以未必係首選~但今晚我地差唔多8:45先搵地方食~~於是見到佢終於冇乜人~咁就揀食佢~我地點了:1)招牌生煎菜肉包($16): 一來到就聞到好香~而且係煲上~所以好特別~佢係熱辣辣~香噴噴的~~不過呢d野食都係油左少少~唔可以多食~但佢個包煎得脆脆的~入面的肉又唔會太乾~所以整體來說~真係一個招牌菜~!2)叉燒腸($15): 呢到的腸粉應該都係出名~佢出名好長~!!! 個粉皮好滑~可以一試~3)黑椒金錢肚($15): 太油了…雖然口感唔錯~但似油浸一樣…4)鳳爪排骨飯($16): 不過不失的排骨飯~排骨新鮮~鳳爪都好入味~!5)鮮蝦沙律卷($14): 油味太重, 不過入面真係有蝦~都算ok!6)四川口水雞($28): 因為我唔食得辣~所以唔知咩味~妹妹只係說~佢新得好好味~而且d雞好滑~食完一件會想繼續食第二件~我們3個人食左$110~~只係收$2 茶錢~而且唔收加一~真係選抵~~不過呢到有d迫同埋個地/餐具都有d污糟~~希望佢地有所改善啦~!

我是第一次走進這間專門店，這次在對面馬路經過心理癢癢的很想吃一客生煎包，專程跑過馬路而來。我還禮貌的問這時間有生煎包嗎？（許多上海店子是在指定的時段發售），店員用普通話叫我坐下在點心紙上點餐即可，還叫我點了一壺茶，有點像茶居。下午五點多很熱鬧，生意不差，但大多客人都是長者。等了十五分鐘才上菜，上了個鐵沙鍋？在內有三個包子。咬了一口完全不對勁完全不是生煎包，仔細看一下，上菜單上原來打著是「招牌生煎菜肉包」。原來這裡煎的是菜肉包子。那麼這裡應該是以「生煎包」命名的點心店啦！但是如果不賣生煎包為什麼又要叫「生煎包點心專門店」呢？？傳統的生煎包做法是在平底鍋鐵內排上包入肉餡有皺摺的小包子，沾上白芝麻放入鍋內倒入油燒熱，再加水蓋上鍋蓋，小火煎至湯汁收乾底部酥黃後撒上少許蔥花即可。這裡的「招牌生煎菜肉包」真的是菜肉包掉在沙鍋內煎，包子咬了兩口多是肥油肉筋，菜不多沒什麼肉；但是只賣$16，茶錢$2，不收加一是很便宜，但多吃了怕也不健康吧！假如不是「慕名」（為了吃生煎包）而來，可能失望不會如此之大。埋單前先去洗手間，發現這裡廚房及廁所衛生都有改善的須要。希望他們改善衛生情況後將來能有機會再試其它的點心

週五下班後，約了老公到西灣河吃晚飯，原本筆者屬意到太安樓的「海南雞專門店」試試，點知原來店子只做外賣，不設堂食，而且來到時剛巧聽到女店員和食客對話：「雞脾售罄，連免費奉送的薑蓉也都沒有了」。和老公二人對望了一眼，決定即時轉場。一時間其實也拿不出甚麽鬼主意來，醒起離太安樓不遠有間吃生煎包及點心的專門店，網上食評好像也蠻不錯的，反正也想飲啖茶、食個包，就一於吃點心做晚餐吧。由於這天是平日晚上，加上亦非繁忙時段，店裡食客也不太多。選了張靠牆的二人檯坐下，看看四周，店裡裝潢一般，陳設簡單，座位較迫，一派老街坊茶室格局，絕對不是一個歎慢板的好地方，但茗茶每位只是 $2，還不設加一，且點心價目相宜，十分經濟，加上這晚人流較少，兩口子就決定以電視劇大結局來撈點心吃。瞥見鄰桌的口水雞賣相精美，也嚷著要點來一客秘制麻辣口水雞 ($28)。泡在辣油內的雞件，份量不多，一碟約有五、六塊，兩人吃剛好。挾了件雞腿肉品嚐，雞味雖然不濃，但咬落肉質實淨嫩滑，而且剛開始吃時，辣度還算可以，不過吃完後，口腔內一股發麻的辣勁直湧而出，飈上心頭，嘩，果然是一道不錯的開胃冷菜，值得一試。來到以生煎包作招徠的店舖，又怎可能不

今天下午比較空閒一些，可以走遠點去食午飯。坐地車搭了十多個站到了西灣河一帶，為的便是要試試這裡的生煎包....抵達時雖不算太遲去到正正午飯時間，但想不到店內已是塞滿了茶客，而且大部份都是上了年紀的公公婆婆，很有街坊茶寮的味道.....一個人揾位難度當然不會很大，反正吃完後便馬上即走，故此搭搭枱，親近點又有甚麼所謂 ?是日胃納大好，一氣過連生煎包叫了三客大件頭的點心。食量之大，絕不比坐在身旁的兩位地盤工友遜色....由於點心全是即叫即蒸即做的關係，故下單後還要等十多分鐘才有得吃。這兒叫得做"生煎包專門店"，一客菜肉生煎自然是店自慢了。三件大煎包以一個大石鍋來奉客，看起來好像氣勢十足的，但吃起來卻是既沒頭威也沒尾陣 ---- 說沒頭威主要是因石鍋本身是沒被徹底的被弄熱，失去了那種發出嗞嗞聲響的熱騰騰感覺。在這般情況之下，基本上那堆墊底的葱段及洋葱是近乎生吃的....包底是一點都不脆口，包身則濕漉漉又油淋淋；而餡內的肉是藏有不少的筋，咬落是欲斷難斷似的；肉內的白菜也切得十分粗疏....若單論為此而來的話，可以預計今趟自己是白來的了...將點心當成是飯餐吃，一份盅頭飯是必備的，不然怎夠飽 ?

同事建議來此店食點心作晚飯,來到已經7時半店舖都算大,不過是是都好多人認真旺場...好彩等左一陣就有位.2個人，叫了5碟點心做晚飯. 招牌生煎包、冬菇燒賣、蠔皇鮮竹卷、山竹牛肉和珍珠糯米雞。招牌生煎包連煲上，底放入生蔥和洋蔥，香氣飄逸，包皮不算太厚，內有肉汁豬肉，一窩三件，是我必點的菜式。山竹牛肉和珍珠糯米雞，只係因為想食，相對其他多點心來講，無乜特別。冬菇燒賣，頂上面有隻厚冬菇仔，加上肉內都有碎冬菇，有肉感又有菇感，幾好食的菜式。另一款蠔皇鮮竹卷，對很多人來說都幾特別架，因為佢裡面包左芹菜，芹菜有種青香味，加上咬口爽脆，有特別的口感。埋單咁都唔駛80蚊，超值！

來此店食野要有耐性因為樣樣點心都係即叫即蒸, 所以包保新鮮熱辣..昨日同友人又來此店食個點心晚餐...2個人叫左個口水雞, 山竹牛肉, 腐皮卷同埋又燒腸粉...我個人最欣賞係個腸粉真係特別滑, 其次就係口水雞貪佢夠辣加上少少花生碎更加惹味...最令我失望都係個腐皮卷炸得好油食到滿口都油..不過以2個人食左4個點心每人都係幾十元來講又真係叫抵食.

總結: 小店經濟, 服務平平, 座位狹窄, 味道不錯, 價錢便宜, 可以再戰 !!菜單如下, 定期都會轉下 ==================== 詳情 ==================服務:見到好多人都話服務麻麻其實真係麻麻地, 因為佢地樓面真係幾忙不過見D侍應一有空閒就會同隔離枱個熟客師奶傾下計但有小店應有既人情味同親切感環境:座位都算比較迫, 張枱都幾細, 未必夠擺晒D點心但係都有拉開張枱, 叫做有少少私人空間另外個度真係幾嘈下, 因為人真係好多食物:總體黎講都算唔錯, 高過平均水準, 比起某某連鎖酒樓更好只係選擇相對比較少 蝦餃 - 皮真係薄, 入面仲有齊3隻蝦仔 沙律春卷 - 冇一般既春卷咁油膩, 岩我呢D唔鐘意食油膩野既人 叉腸 - 皮薄, 好滑, 不過同出面比又未算超班 蘿蔔糕 - 食到有一絲絲既蘿蔔, 唔會食到成啖粉, 唔錯唔錯 鮮竹卷 - 個蠔油汁既味道好正, 腐竹吸晒D味,一流 奶皇飽 - 唔流沙, 但係都普普通通, 可以接受 排骨飯 - 正正常常, 飽肚之選 荔茸酥 - 開頭唔知乜黎就點黎試下, 點知係芋頭酥... 中晒伏... 同埋真係好油膩

口水雞 - 推介! 夠麻夠辣! 雞肉也很嫩滑! 生煎包 - 一客三個, 裡面有菜有肉, 味道ok, 個人覺得可以再煎得燶d脆d 叉燒腸粉 - 腸粉個漿聲稱係店家自製的, 果然又好似係香滑d... 咸魚肉餅飯 - 盅飯咁既份量, 剛剛好, ok燒賣 - 呢個相對爭d, 我食咗2粒, 其中一粒有舊好大的肥肉/筋係度...

我每次想食都會先打定電話去叫定野食,約10-15分鐘便會到店付款及取食物,起初第一/二次都好快,之後試過要等十至二十五分鐘便可取走, 最近更離譜是等了四十分鐘,追了幾次,員工都說要等. 店舖已細,太多人堂食,根本已無位座,已要企到門口等, 員工見你企在門口都不會幫你跟下進度, 明知你是外賣都當你是透明.視而不見. 終於等了四十分鐘再去追收銀,問她是否漏了單,她說不會漏單,可能太多人,所以要排隊,但我說等了四十分鐘啦, 她說應未排到. 我便走出了門口再等, 不夠一分鐘她便在收銀附近取了一袋野出來.說是我的. 原先想發狂叫她換回熱食,但怕她們會加料,自好取了便走.

1. 污糟：自己用茶沖洗碗具不是問題，但我未試過茶水倒入碗即嚴重泛油－－洗4次後仍然一樣(梗係啦我呢壺係水仙唔係洗潔精lor)2. 凍的「流沙包」：冇錯，係凍的，係好似在室溫房間放左3個鐘咁。裡面的奶皇當然就非常結實啦，硬食了一個後忍唔住招左5分鐘手，截住位大叔叫佢翻蒸。10分鐘後熱的流沙包回來，其實以咁平來講味道係水準之上，流沙係真係流的。我本來以為佢係一時忙亂俾左錯籠包我，點知我臨埋單前，見到另一檯的少女也在吃硬實的奶皇包，樣子跟我第一舊凍包一樣，證明問題唔係偶然……3. 「招牌」生煎包剛上檯時拍的，你睇個皮已經淋哂，口感當然好差。味道淡而無味，餡料好奇怪，有洋蔥有椰菜有肉碎…真係唔明點解係「招牌」lor……

等左好耐下先有枱~可能因為食點心關係~食都食耐d啦!3個人食食左8碟點心~幾得意,但唔係好夠熱,見係招牌菜所以試下~都ok試下無妨~好夠辣!幾夠味!但d雞有點鞋~不過不失啦~都值得食~但怕辣ge要小心了~夠多叉燒~但一夾起就跌出黎咁lo~同茶樓無乜分別~仲要多一粒tim!d蝦都夠鮮~鳯爪d味好夠d湯幾清~+埋個蛟好味,皮唔會太厚~d料又多~都好抵食20蚊唔駛有6粒~推介~十幾蚊比茶樓多一粒~好抵食~有時食出面d牛肉球會生生地,但佢唔會~點心都算有保証~但滑雞札個付皮易散,太薄~茶芥一位先2蚊~抵過茶樓好多~如果鐘意食點心嘆茶le度都真係抵食+好味道!

好多人宜家都喜歡飲茶食點心作晚餐, 上星期見到此店好多人原本想食潮州野既我地都轉去試下食點心.2個人叫左個口水雞, 流沙奶王包, 琵琶豆腐, 鮮竹卷同排骨陳村粉當中最受我地喜愛就係個口水雞, 明知d雞都係冷藏野不過配上d麻辣醬真係好開胃好好味, 另外個奶王包真係做到好流沙好香好好味, 至於豆腐同鮮竹卷都ok, 最難食係個陳村粉好厚皮排骨又少唔好食,...不過2個人都係食左$81真係十分抵食.

2個人通常都很難去飲荼, 因為選擇不多, 叫了蝦餃, 燒賣, 腸粉, 就已經每人2粒, 幾個點心就已經幾十蚊. 最主要是一定唔飽. 現在發現了生煎包點心專門店 問題就解決, 因為點心十幾蚊, 而最重要的是有個好好味的蒸飯. 我極力推介: 鱆魚雞粒飯 雖然鱆魚比雞肉少, 但雞件件都好滑, 而且完全冇骨. 加上豉油, Very Good. 一定要食呀! 另一介紹係他們招牌菜: 生煎叉燒包上碟時在煲仔上. 一定熱度十足.

上星期夜晚九點幾同朋友們打完波.經過見未食過想試下,一入去冇人理你,見到都當透明,咁咪自己搵位坐,自己搵位時終於有人問我地幾位,我話三位,佢又唔應你喇喎,唔知問黎做乜架呢??? 係咪只係口痕問下就算???真係好疑惑!!!佢唔睬我地咪自己坐低囉,坐左成五分鐘都係冇人理喎,見到又掂行掂過直情變左透明人,未食已經火起,起錨閃人!!!今時今日咁o既服務態度,唔理你D野好唔好食,我為乜要白白受氣!!! 眼見地方不大,檯櫈擺得好密好迫,我地三個大男人坐落去郁都冇得郁!!!仲有見到D碗筷都好殘舊同污糟,似洗唔乾淨!!!一定唔會再有意欲去試!!!

一雞死，一雞鳴。走了「點好食」，來個「生煎包」。以生煎包做招牌，當然要加多幾分心機。不過用煲仔上，還加上荵墊底，你可能認為特別，我就覺得有點整色整水。論點心本身，以叉燒為餡的生煎包，確帶來一點新鮮感，味道不錯又不油膩。當然煎得焦一些更好。籠仔馬拉糕頗鬆軟，但略嫌偏甜及濕。鳳爪排骨飯亦不過不失。鮮蝦豆苗餃就相對上較差，餡多但濕濕的影響好感。以食物水準來看，此店可說不差。不過是日幾混亂：雖有派飛輪候的安排，但是不少人自己揾位；廚房又好似準備不足，檯檯都要等食，我就等了15分鐘有多才有點心送上，應作改善。