生記山西刀削麵

营业中

休息中

今晚有事忙晏咗收工，搭巴士落到元朗市中心，好耐無去就去食吓刀削麵，呢間嘢由佢响元朗千色起家賣刀削開始食（據聞以前係開茶記）到而家坐底有四至五間分店，以前由阿仔（好似叫文迪）削麵直至而家請其他師傅做麵。坐低叫番個手撕雞刀削蕃茄底加杯凍檸茶，茶先麵後上。湯底好似無之前咁重口，淡番少少，手撕雞一般，啲麵厚咗少少但唔太差。埋單47大洋差不多喇

黎山西刀削麵一定要食刀削麵？唔一定嘅，今次就黎左位於元朗大馬路嘅"生記山西刀削麵"，你有你食麵，我有我食飯。當然主打還是刀削麵。各式各樣嘅食材，再配合師父現場親手制作嘅刀削麵，係值得一試嘅，如果你坐近㕑房位置，還可以看到師父一刀一刀把麵團削下獲的畫面呢。需然主打刀削面餐廳，但還是有其他川式小菜，價錢中等，可以接受。砂鍋粥也有啊，天氣就快轉涼，食一碗熱騰騰的暖暖身也不錯啊，由其是宵夜，月黑風高陰涼夜。今次我地叫了酥炸雞翼飯，泡椒田雞，因為中午一般吃不多所以就這兩樣了。川菜晚間食比較合適，所以中午人流不多。酥炸雞翼飯，雞翼炸得鬆脆，夠味。本來係叫泡椒魚卜，但太早沒有魚卜，改叫了田雞，泡椒田雞，辣度適中，田雞肉有彈性入味，辣得夠惹味，加碗白飯已經夠，食左啲先記得影相。午餐埋單百零蚊都唔錯了。

生記山西刀削麵 (元朗)元朗大馬路212號華昌樓地下D舖味道：1 / 5今次叫左湯既豬大腸同撈既牛展刀削麵先講個湯 好重味 而且好辣 麵好硬同我想像中既刀削麵有d出入而個個撈既 d牛展凍既 撈岀黎個味道我麻油味真係唔得 如果唔係抱住冒險精神不過食過先知唔食價錢：1 / 5咁既價錢我去食個m記都無咁嬲唔得啊 唔得啊 唔合格❌❌

放工之後約左做facial，拿拿臨係附近食啲野醫下肚撞正下午茶時間，正😝叫左個香茅豬排刀削麵老實說，就真係唔係好食到香茅味，可能係個湯底更濃味😅 但豬排大大塊，又無乜過，而且好淋身👍🏻 如果豬排另上，可能會更好麵夠咬口，不過有部分麵條比較厚身，再煮淋少少會好啲，如果唔係會有種未煮熟既感覺湯底十分濃郁，係好香既滷水料味？可能我揀牛會更夾個湯底😌下午茶仲包埋野飲，凍飲又唔另外加錢，重點係飲珍珠奶茶都話唔駛加錢，真係好抵👍🏻👍🏻👍🏻絕無欺場，大大杯。諗住唔係做開台式飲品，好大可能係伏。點知。。。十分有驚喜🤤 真係好飲，珍珠又好咬口。唔會話未煮透，個芯仲係硬下次過黎做facial，一定又黎呢度食下午茶😛😛😛

今天經過見到有位於是便行入去吃個下午茶，見到餐牌都幾多款式，最後叫咗個豬扒加油渣刀削麵，凍奶茶。雖然冇乜人但都要等咗差唔多15分鐘，個麵有小小硬，但塊豬扒真係唔錯，仲有凍飮係唔使加錢，埋單時見有人吃炒拉麵，個樣好似好得，下次要試下先。

是日跟同事午餐，三個人來個簡單午餐，叫咗三樣食物開心Share，首先上的是雞翼炒麵，同事笑說我慣性相機先食，所以幫手排靚D雞翼俾我影相，我食落感覺OK，只是本身的賣相真的唔夠吸引~~~椒鹽豆腐（＄64），味道係OK，但個人喜歡鴻星果d中間豆腐軟又好食，呢碟三個人食感覺好似多咗D~~~牛(月展)炒刀削麵，唔會特別覺得咸~~~價錢其實唔算平，午餐時間叫飲品冇優惠價，我個人覺得d食物唔算特別，但有同事好鍾意兼好想去，我當係去試新野而已

小妹一向都唔食得太辣😣唔知點解屎忽痕😂最近愛上食辣野🌶有辣先開心😍尤其係特別中意酸辣😋因爲愈食愈覺得開胃配埋啤酒🍻一啖辣一啖啤酒😆爽呀呢個酸辣魚窩份量超級多🍲已經叫左小窩第一次食，保守少少叫BB辣😅嘻嘻初嚐一口，辣度都接受到😉酸度都剛剛好😎唔錯下次會挑戰小辣先💪🏼另配薯粉🍜薯粉係闊身果隻要煮耐少少🔥先會索哂湯底嘅精華😝要有少少耐性呀😉不過整體酸辣魚窩偏油左少少😞

有時候都會好想食啲濃味嘅野食，今日就黎到元朗大馬路嘅生記。薑蔥魚泡 平時食魚泡最怕就係腥味，依個完全唔腥而且好惹味，仲好爽口👍🏻👍🏻梅菜扣肉睇到都覺得好邪惡，肉炆得好腍身👍🏻入味酸辣土豆絲-唔好睇佢平平無奇，真係好開胃，酸酸辣辣送酒一流👍🏻👍🏻

以前好鐘意食 覺得好好味 但而家再食翻已經無哂興趣再食😥😥😥系退步左定系我口味變左😮😮因為見到好多人話佢正宗🤔🤔刀削麵啲配料其實唔差 啲牛展同餃都幾好食既但系食落成碗麵好似無乜味敢好淡！可能系我無叫辣？？份量系好大碗 不過相應翻個價錢姐 所以我通常都食唔哂鋪頭系地鋪 都幾易搵同方便去 無論坐輕鐵定巴士行過去都唔遠鋪頭都算大 多位 通常唔洗等位 其實系好多位好少見滿座自然食完呢次就無再去食過 都無乜興趣 我會寧願食酸心酸辣粉or其他米線個啲粉麵類🤧

冷冷清清的場面，大量座位隨便坐，可能將近收檔啦。其實好多菜色、小炒、煲仔都想試，緣份到自然就食得到。天煞的揀飲擇食，成日叫我一個人食，有咩癮呢？乾煸四季豆，新鮮熱騰騰炒起狀甚美味。巨大四季豆十分罕見，那裡出產的呢？大大條又粗又壯，爽嫩超多豆汁，菜甜味出眾非凡，搭上香口欖菜零舍不同。麻辣夫妻肺片，豬心豬肺不怎吸引的質地與味道，鞋鞋硬硬的，味濁陰沉，不辣不清新。豉椒炒蜆，生炒味鮮味甜，肥美彈滑，散發海水咸香，豉椒惹味香噴噴，炒功有水準。不是煮定、不是汆水，雖然有點砂，誠意可加。大腸魷魚刀削麵小辣，辣味微弱，近乎感覺唔到喎。魷魚原來係水魷，灼一灼無過火，爽脆彈滑散發清新魷味。滷味大腸，充滿彈性，咸香而不腥不羶，處理得宜，合格。刀削麵？就係依隻質感喇，粿條般的滑彈嚥韌，超有嚼勁，索點湯汁味道蠻不錯。麻辣燕餃蘭州牛肉拉麵中辣走蔥走芫茜，燕餃有點似魚皮餃，但餃皮薄到若隱若現，豬肉香甜味濃富彈性，勁多汁，好味道。麻辣湯好香，微辣不麻，夠開胃。拉麵非常嚥韌有趙口又勁彈，有點似莜麵，都無咁油，而且更結實。大大碗份量不少喎，食完真係無咩位置食其他野。香辣雞煲半隻中辣，有冬菇、洋蔥、青椒、芫茜、蒜頭，還用明

多吃了韓式或西式的食店，最近比較喜歡找一些中國地道風味的食品來吃。今天晚餐來到這家山西刀削麵店，試一試我從來没有吃過的食物，刀削麵。食店裝修很有大陸的FEEL，餐牌跟桌椅，也很像一般在大陸光顧的食店，電視還在播放CCTV呢。坐久了，真得很有在大陸吃晚餐的錯覺。我感覺自己穿過了時空門，回至大陸了。點了蘭州牛肉湯刀削麵，選了中辣口味。這個麵$47配冷熱飲料，很是化算。麵食非常有口感，比日本的手打烏冬還要硬，算是很有興趣的體驗。牛肉很香濃，比看樣子的嫩，配搭芫萎和辣味，非常開胃。手撕雞撈刀削麵比較乾身，感覺是比較湯刀削麵更硬。雞絲味道口感一般，不過配上去芝麻醬和一點辣味，還是不差。我們不太喜歡太硬的麵條，所以沒有太喜歡這個刀削麵。假如要選吃，還是湯麵比撈麵好一些。她的蘭州牛肉，味道也挺難忘。

是日同老闆入元朗行街👫，力戰完畢後想搵間餐廳輕食(因為荷包有點傷😢)本身諗住食拉麵，但搭輕鐵時見到刀削麵就跳左落車入去試下😝我叫左個手撕雞刀削麵🍲，老闆話唔知食乜好叫左個炸雞翼手拉麵🍲，再加左個夫妻肺片手撕雞刀削麵🍲 – 刀削麵切得簿，口感幾好，是好食的，但手撕雞肉質有點腍得際炸雞翼手拉麵🍲 – 手拉麵麵質過硬，其實向香港未食過唔硬的手拉麵，老闆話向大陸食的手拉麵唔會咁硬，係唔知點解香港的到到都硬😣，炸雞翼可以夫妻肺片 – 一般，辣油唔夠香，肺片本身唔夠爽總括來講還可以，我住元朗的話會間唔使來食下

星期日入左元朗搵人，順便食個刀削麵！記得好多年前係元朗食過一次刀削麵 覺得好好味 所以又想食返個刀削麵！咁岩見到對面馬路就有間刀削麵 就走左去食我地叫左個蘭州牛肉炒手拉麵 同一個美味手撕雞炒刀削麵蘭州牛肉炒手拉麵: 配菜好多有芽菜、青椒、椰菜、洋蔥、蘿蔔絲 個手拉麵好有咬感 再加左小小辣 食落都幾開胃 但係d牛肉有d韌 有一舊仲要咬極都吞唔到美味手撕雞炒刀削麵: 食第一啖就已經食到好有鍋氣 手撕雞既份量都好足 而且d刀削麵好煙韌

同朋友天水圍打完波，行左去新北江諗住搵野食，點知新北江咁多人，加上食物又吸引唔到我嘅等待，於是乎都係走返去元朗搵野食，結果行下行下就黎左呢度食刀削面。香茅豬扒味道一般，但刀削面就有驚喜，面質彈牙煙韌，比起之前在內地食嘅好食好多，下次諗唔到食咩果陣再黎食先

適逢今日早收工還掂今晚無野搞就同成班同事入元朗覓食醫下肚先啱啱食完個媽媽格仔餅之後其實都飽飽地但有地膽同事繼續帶我地食好西唯有行多陣街先啦行到9點幾終於到我地既落腳點其實呢間以前都有聽過呢間啲刀削麵唔錯還掂今日難得黎到元朗一於試下先！我叫左個麻辣手撕雞炒刀削麵可以因爲自己鍾意食辣既關係佢真係炒得好香麻辣味香而不膩已經加哂分同埋有麻香既手撕雞以及配菜一齊炒有恰當比例果然無介紹錯另外我地都有叫幾款小菜有椒鹽豆腐, 口水雞, 同埋蒜泥白肉椒鹽豆腐即叫即炸唔會話上枱時凍哂而且入口即熔同鬆化口水雞係呢度既招牌菜同樣地佢個辣汁香得黎又唔會食到啖啖油而蒜泥白肉個腩肉既脂肪比例剛剛好唔會話啖啖油而且配上同樣既麻辣汁真係無得輸一人一碟麵加三樣餸6位平均一個90蚊度價錢尚算合理