生記山西刀削麵

营业中

休息中

我從未寫過食評, 但今次真係忍唔住要寫, 想提醒下大家唔好去呢間野, 我地去點左雞煲, 個店員將個爐放在我地枱面, 同時打開個蓋換GAS, 即時嚇到我癲左, 我見有好多隻細蟑螂跑出黎, 衝去地面同隔離枱, 我頂唔順叫個店員換個爐佢, 我話有好多細蟑螂跑出黎(真係好X後悔冇影相), 佢愛理不理甘話:邊度有阿.....我叫左幾次, 佢先肯換, D蟑螂跑埋去隔離枱, 個2個女仔都驚到尖叫, 碗麵都未食完就走左了個店員係好唔情願換左個爐後, 上雞煲時仲要"掟煲" , 然後再點餐個時, 叫店員個時, 店員講:落單喎!另一店員啤左我地一下就算, 唔理我地.....同埋佢地D野都唔好食, 落錯單唔想換, 個雞煲(我地點左半隻)勁多雜菜, 得幾粒雞肉, 大辣都唔辣青椒皮蛋都係完全辣味都冇, 得D豉油味甘, 川味涼粉D涼粉爛到用筷子都夾唔到, 又係完全唔辣, 得D豉油同醋味仲有食客起度都用D漂白水拖地, 勁臭!!!! 走都走唔切阿真係!!!!真係未去過一間甘差既食肆!!!!     

兩口子去元朗搵食, 忽然心血來潮想食下辣野~諗起呢度有間野食麻辣, 因為次次經過都聞到又見到..... 好似好正咁~麻辣雞煲~ 少辣 - 味道好夠又香濃, 略嚴唔夠麻~ 蘭州牛肉~ 好好味, 係鹹左少少, 如果放落湯麵就岩岩好~涼伴萵筍絲~ 爽口, 清清地-正!泰式鳳爪~ 可以.食到最後~ 加個刀削麵落去個雞煲~ 吸晒D湯汁-------正到爆!!!另外嗌左碟粉腸+兩罐汽水

心血來潮想食刀削麵，呢間刀削麵都食過好多次嫁喇!我次次都係食手撕雞刀削麵。手撕雞d香料好香，男友食食下話:"其實有冇得就咁嗌手撕雞"，所以手撕雞係好好味的!今次d刀削麵同以前有d唔同，粗左又厚左，所以食落去既口質硬左少少!至於d湯，我唔識形容，但我一定係湯連麵一齊入口食~蒜香魚必定要食!!!半邊魚，炸完，再淋上蒜香汁。條魚炸到勁香口，如果係屋企，我一定會拎起條魚骨黎損XD蒜香汁，係好勁既香蒜味，又帶點甜酸既味道，都幾重口味，味蕃充滿刺激感。PS: 食完餐飯成口都會係呢個汁既味道，haha而我男友就嗌左豬扒刀削麵，d湯佢飲晒豬扒我有份食，記得襯熱食，好好味。凍左既話，感覺會唔同晒~

早餐真係好難食，完全無味。我三個人食，二個沙爹牛肉公仔麵，一個五香肉丁米線，米線加上五香肉丁都可以無味，自己屋企五香肉丁加水都好過佢，真係無話可說，午餐肉，可以薄到似一塊腸粉皮，炸到乾爭爭。

之前見呢間開左咁耐，又未入過去，好似幾好味，今日夜晚食咩？咪食佢囉，同男友入去，吾洗等位，好好呀可惜啲食物，吾掂呀！叫左剩刀削面同燕餃五香肉拉面，加杯奶茶，叫左少甜，結果黎多甜，拎去換，係再加茶咁拎過黎，難飲，燕餃都好食，五香牛展就得果三塊，仲要勁細塊，其中一塊係根，食吾到，個拉面又硬，真係食粉，未熟哂就拎過黎？已經廢事換，但食剩一半，刀削面就一般，個湯ok，吾太咸同吾淡，面都吾算硬，可惜拉面令我太失望，價錢覺得太貴，吾想再入，

尋日天氣又涼涼地,好想食返D熱野，所以就去左食麵啦。我其實都黎過好多次，好鍾意食刀削麵，因為口感好特別，有時厚Ｄ，有時薄Ｄ，甚有咬口。同行友人就叫左香茅豬扒刀削麵，而我就叫蘭州牛肉刀削麵。我地2個都係叫中辣，但係我地2個都覺得牛肉果碗既湯底係好食D。我諗應該係因為Ｄ牛肉本身有調過味，之後加埋Ｄ辣味一齊就岩岩好，十分惹味。因此，我估我以後都係繼續食牛肉刀削麵，可能會挑戰下大辣添：）另外，我都好鍾意飲呢到既凍奶茶，沖得岩岩好～！ 

今日想快快食個午餐，就行咗落大馬路間刀削麵，打開個menu，個額頭就自然滴咗一滴汗出來，入面一碗湯麵都要成四十幾蚊，真係幾unaffordable，最後就叫咗一個49蚊嘅手撕雞炒拉麵，味道都幾濃郁，好有山西嘅風味，小小辣但係又幾惹味，尤其係手撕雞同埋佢嘅特別醬料配合，真係唔係一般餐廳都可以食到架，拉麵嘅質感都好實，好有飽肚嘅感覺，唯獨較為失望嘅就係多咗一啲青椒同埋紅椒，圍數都唔少架。總括而言，呢度真係唔錯，但係49蚊對於一般學生或者年輕人來講就有點昂貴啦！或者大家可以等到生日先去食，因為生日嘅朋友可以憑著學生證入去，咁就可以享用一個免費嘅學生餐

一行三人，各一碗麵，及另兩小食。我的是手撕雞手拉麵，不辣。手拉麵煙韌，不爛，十分好。但雞和湯無乜味。小食是泰式鳳爪和魷魚鬚，鳳爪雖然有酸辣味，但欠缺魚露的鹹鮮味。魷魚鬚可能浸過水，雖然夠腍，但欠缺魷魚鮮味。可以一試，相信辣的菜式會更惹味。

巴蜀軒 山西刀削麵 生記最近新店開業位於天水圍天瑞村今日初嘗,樓面4人,廚房十多人,今日2:45P.M.落單...3:15P.M.問我落左什麼單...3:30P.M.再問我落左什麼單...有冇攪錯丫...個客落左什麼單都唔知...3:45P.M.終於上麵..外觀比車仔麵差...湯超級咸麵質粗劣...口感好差...兩個字(難食)要求加 辣椒漿 ...竟然要加$2同場其他顧客相相鼓譟其出菜之慢,...每名顧客均需等...大半小時才有得食...趕時間者勿去...想 貼錢買難受的人就去啦!

剪餃GOOD, 在南京很多地方都有刀削麵、炒刀削之類。在廣東，在香港，這樣正宗的刀削麵就太難得了。 麵身只有粉味。但刀削麵就克服了這一點，所以好好食。 拉麵不用試了。煎餃也很普通。只推介食刀削麵。拉麵，我不喜歡，因為不入味，

今次是第二次食呢間店，相距約1個月到~記得第一次點的是手c雞刀削麵清湯版~手c雞比我感覺似白切雞加蔥油的那一種味道，而且份量不多，吃幾口已經無哂....刀削麵就好似不是太熟，可能我食唔慣麵質感，不過麵份量就不少，吃不完~湯底還可以，不像味精湯而今日難得出來元朗，又咁啱行開附近，所以就決定試試新口味今次點的是水餃+籣州牛肉手拉麵中辣版水餃方面，是一隻蔬菜餃，即是素餃，沒什麼味道，要用湯送才可入口籣州牛肉.......我以為會是鬆化...可惜是咬不斷......只好硬吞....手拉麵就比刀削麵好多了..雖然間舖係sell刀削麵，但耐何個人就喜歡手拉麵因為麵的熟度剛好，遇吃到雞蛋味，而且份量不少!置於中辣湯底就高估了它，以為會很麻，點之普通，有機會要試下大辣同其他汁底先得~整體還可以的~

點了福州魚丸刀削麵, 魚丸彈牙, 入面的肉粒亦好好味, 不過魚丸冇乜魚味。麵條好彈牙, 份量超多! 勁飽肚~煙煙韌韌!個湯都好好味,雖然說是清湯, 但總覺得佢入口就好惹味, 有D似牛湯! 不過D麵唔係太入到味….好似麵只食麵粉味…湯還湯咁..好分割。

手拍青瓜手撕雞刀削麵叫師傅削薄D會好好味!!滾起左既雞煲水煮魚呢個真係要推介!!因為我覺得係我在元朗食過水煮魚黎講佢既味真係好香好滑!涼拌木耳雞煲....叫阿姐俾多D芫茜...索味一流啊!!!排骨刀削麵蒜蓉炒萵筍絲

雜誌今期介紹刀削麵 令到我同朋友突然想食於是晚上相約去食刀削麵及聚舊8:00去到 店內無滿座 所以無需等位 點好菜後 食物亦好快到 味道唔錯 可惜太咸 刀削麵煙煙韌韌 加上帶小小酸味既蕃茄湯底 好味餃子味道不錯 但皮太厚 好吃 不會太油

牛展炒拉麵 - 一向都是吃湯刀削麵，是夜轉轉口味，要炒的，很有鑊氣，亦很惹味，麵條軟硬適中，只是油多了點酸辣湯 - 量夠6人份，味道一般，材料卻不太像樣，竟然發現有香腸，山西的出品真別樹一格蒜香鱸魚- 鱸魚煎得通透，剛熟，魚肉仍然細嫩，再沾上惹味蒜香汁，很適合送飯，可惜胃的空間已給炒麵佔據後記，本人用膳返家後因口渴，連喝了4杯白開水(約200ml一杯)，才能解渴......除了味精，實想不到有什麼其他原因