生記山西刀削麵

营业中

休息中

Been here for lunch two timesI think the first time is better...the first time lunch order 牛展刀削麵, d麵好煙un好嚼頭, 湯味幾濃, 唔錯. ^^may be bcoz it is a Sat, fewer people?the 2nd time been there (on Tuesday), many student there for lunch, ordered 川辣手撕雞刀削麵,今次面太碎,手撕雞無乜味,食落只知係肉,同埋辣味但仍算抵, 三十蚊左右有一大碗面和飲品如果細食的幾得叫細碗d啊!

兩年前o係蘭州食過蘭州拉麵~又彈又有麵味的拉麵+香濃的牛肉湯~~~由於蘭州拉麵o係全中國都幾出名，度度製法唔同所以我要試勻香港所有蘭州拉麵呢間我想試好耐架喇咁岩用西鐵全日通可以全日任搭西鐵+輕鐵於是衝左入黎元朗喇~~bf叫左福州魚丸（爆漿的）刀削麵 湯底係清清地既豬骨湯但刀削麵冇乜麵味而且削得薄左少少我叫左蘭州牛肉拉麵小辣 D牛肉同牛肉湯底都好正 同蘭州食到既蘭州拉麵有8-9成相似p.s裝修中國風師傅幾後生

想食四川野, 諗起經過大馬路時見倒呢間舖頭大大個招牌寫住"川味水煮魚", 俾佢吸引入去食. 時間差不多九點, 店內無咩人, 但大部份既食客都係以食刀削麵為主.我地二人叫左一份小的水煮魚$118(中辣), 川味口水雞, 椒鹽四季豆, 一碗牛肉刀削麵. 椒鹽四季豆 : 好好味, 好香口, 咸度剛好, 正川味口水雞 : 味道夠濃, 雞有雞味, 近似正宗.牛肉刀削麵 : d麵好煙un好嚼頭, 湯味幾濃, 唔錯.重點係水煮魚. 我地已經叫一份小份的, 但上菜時足足有成個面盆咁大! 份量真係嚇死人!水煮魚用正宗做法, 即係用辣油浸住, 唔似得一般求其用d辣汁代替, 魚是用大魚做的, 我估俾左好多份量, 因為有齊魚腩同魚肚, 食極都食唔完咁,配菜除左花椒同辣椒, 重有青瓜, 芽菜, 豆卜, 芹菜,d青瓜同芽菜浸過辣油之後好好味,總括而言味道好夠辣, 直情辣到嘴都腫埋, 味道夠正宗, 嗜辣人士必選!!待應服務ok, 吃辣時可以問待應攞冰水, 免費的, 幾好!

一間刀削面鋪,佢真係有個師傅係度刀削呀真係名副其實既刀削面呀不過你食落就知咩事~~~~~~~點會有刀削面係好似舊石禁,舊香口膠禁咬唔入d湯底同料都ok呀,係個面唔得

見唔多飲食雜誌同報紙都介紹過間嘢，自己又係住元朗所以就去試下。一入到去間嘢唔算好大，個廚房係開放式可以睇到師傳係入面拉面削面。坐低睇下個menu D餐都係30-40之間(包冷/熱飲)都幾抵。order左個籣州牛肉炒拉面。個炒拉面一到，哇好大碟(如果唔大食兩個人食一個都OK)，D牛肉好入味，D拉面好彈牙同好夠味，碟嘢重有幾多菜下。食完後個碟底都重有幾多油下=_="。但係間嘢既飲品就真係好嘛嘛，杯凍奶茶好甜同埋冇乜茶味。PS: D店員服務都幾好，但有時佢地走晒去收銀機到傾，如果坐得入想落單都冇人理你。

被朋友拉了來刀削麵吃Lunch點了手撕雞刀削麵 加凍華田手撕雞做得挺差 是Below the average沒有應有的鮮味 但還是可以接受的(我吃光了雞絲xd)刀削麵吃落是滿有口感的比拉麵好一些 麵合格湯底好濃 但只是味精的感覺所以一邊吃一邊喝餐飲 真的好咸.....我對食不是太高要求 但我真的忍受不了那杯和水一樣淡的華田令人覺得生記好像 "吾憂做"餐飲雖然不值幾多錢 但我最怕就是這種水華田

一個人係元朗行來行去, 唔知食乜好行到坑渠隔離, 想起了生記, 於是就走左入去例牌叫了一個蘭州牛肉刀削麵, $31價錢加左, 係大勢所趨, 但水準都可以維持到刀削麵, 仲係甘有咬口蘭州牛肉, 亦仲係甘好味而且仲有好多菜及芫茜不過杯凍檸茶就只食一般般無乜茶味, 又太甜但單以個刀削麵來講已經值得再返來幫襯

第一次去呢間野吃,同朋友order 左: 手撕雞拉麵x 2牛肉刀削麵x 1餃子拼南瓜餅x 1椒鹽四季豆x 1手撕雞一般,湯底唔夠濃.我叫左少辣,但都有川菜ge feel(因為d辣椒ge關係)d 拉麵唔錯,唔會太林而且幾彈牙,麵粉味唔會太重.牛肉都幾入味,不過同之前吃過ge蘭州牛肉就差得遠了.但係d湯底就真係好濃,好甜,唔錯.刀削麵幾煙軔,水準普通.南瓜餅口感唔錯要贊ge係四季豆,好香口.奶茶麻麻.over都幾好,feel 到係用心製作食物.

佢地啲麵大大碗，啲湯唔覺有味精。佢地有特製辣醬，都好好食，可以買樽裝回家自用。　仲有炸南瓜餅，好有口感，好香～～～

去完兩日一夜既深圳之旅，搭車返元朗果陣諗住食勝利牛丸，但點知原來七點就收左舖。行行下諗起有間刀削麵都幾出名，所以入去試下。我叫左手撕雞撈刀削麵(小辣)，飲熱朱力。手撕雞唔錯，而且d麵好煙un，好有口感，好特別，但小辣俾我既感覺都好辣，而熱朱力普普通通。朋友仔叫左"老"水豬大腸拉麵，飲凍奶茶。豬大腸唔夠肥美，豬大腸都唔似係"老"水，似白烚多d。而拉麵都好普通。

在元朗.有時不知道想吃什麼時.我都會想不如吃刀削麵吧!! 可能我實在太喜歡這種麵的口感了.煙煙un un的湯麵我多數都係叫手撕雞.覺得味道不錯.而他的麻辣湯底都ok .中辣就剛剛好.但他的餃子就馬馬地好味了.但雙拼.佢又一定要拼餃子喎!! 激死~而炒刀削麵也很不錯.不過就油少少

第一次食也是最後一次,因為d都唔好食,order左牛肉麵,湯都叫可以,但麵就唔得了...咬了第一口發現d麵條中心是粉狀的,好明顯是未煮熟,立即叫人來想再煮熟d先啦..點知...那個姐仔話:是這樣的呀..你食過拉麵未呀???我真的想死,因為我真的未食過生的麵....(食麵我想起碼食左幾十年啦,拉麵我又點會未食過呢???)好不滿的更換了給我,這次煮熟了,但其麵質真的好差,唔知點講..淋不是,硬不是,滑不是,好像食麵粉渣的,不會再去,做麵的功夫未到家,門面做拉麵的給你看到,另人以為正宗拉麵,但拉出來的麵條粗,條幼,條長,條短,好心再學多幾年才出來表演啦,這是中國五千多年的文化,唔好做哀曬啦,中國人要將中國飲食文化發揚光大才對呀

尋日下晝同男友係元朗覓食，居然搵到一間食刀削麵既店鋪，幾年無食過喇！男友叫一碗台式滷肉刀削麵跟Coca-Cola：第一次食既感覺係好厚，好似成舊粉皮放入口咁，好欣賞個豬骨湯底．我叫一碗珍珍水餃刀削麵跟凍薑蜜：水餃好厚皮，裡面既雜菜同肉碎有ｄ辣辣地，幾好食；刀削麵削得唔夠薄，以前CWB有一間蘭州既刀削麵就正ｄ，but已經摺咗喇！我：珍珍水餃係唔係即係台灣果ｄ珍珠水餃咁架？女服務員：名黎架咋嘛，哩隻係有雜菜，有肉果ｄ黎架，試下喇，唔錯架！（係留意到佢好唔想理你咁既態度，加上佢ｄ眼神出賣咗佢自己．）我：咁我要哩隻喇！湯底小辣喎！跟住我要一杯蘋果汁，唔該！女服務員：無喎，只有剔住果三款先有哩！但我前後睇，都係得兩款揀．多謝承惠HK$58．

叫左一碗牛肚刀削麵...嘩....佢地既麻辣真係辣到你噴火..自問都可以食得辣野，呢間..唔知點解特別辣..真係好鬼死爽..搞到我好似玩緊勁辣比賽咁..條脷都辣到痺晒...刀削麵都好煙靭，幾好食..下次一定要試下個手拉麵呢...

真係刀削麵, 價錢都合理, 但係D湯底好鹹,唔係咁岩我.