生記粥品專家

营业中

休息中

晚上偷懶5煮飯吃，和爸爸去左著名的生記粥品，可能系時間早的關係，所以某甘多人。入到去爸爸點左個魚腩粥，細食的我就點左個細的魚片粥，加多個油炸鬼。不消一分鐘，油炸鬼嚟左，食左一舊，凍冰冰的，”霖“曬，麻麻地好食，如果熱辣辣就好啦。 其後，阿姐為我地送上薑蔥，但我個人不中意，所以比曬爸爸。 之後上左魚腩粥同魚片粥，爸爸比左兩舊魚腩我食❤ 哇！塊魚腩好大舊呀 一只調羹都擺5曬！放入口中，魚肉很結實，鮮甜但系好多骨最後就食番自己碗粥，OMG！好多姜絲 但系粥很綿，魚片都幾好,食完之後好飽呢！下次試下其他粥先！

上環生記老子號，今天有事來到附近，正好一試，店子很小，來到時已坐了4－5個人，大部分都是上了年紀的，可能已經是多年老主顧。粥品小的廿多元，大的三十多元，沒有老字號連鎖店貴，點了一個魚腩粥，魚腩粥很講究食材是否新鮮，不新鮮的魚腩有腥味。粥底很綿，魚腩冇6－7塊魚腩剛好熟，很滑，沒冇腥味，點上醬油，十分滋味

為了 keep fit 保持現有磅數，我盡量中午戒飯戒肉！食粥自然是其中一個選擇！ 在上環區，我會想起 <梁昌記> 及 <生記>！ 先從裝滿餐廳單張的櫃桶，找出 <梁昌記> 的單張看看，竟然沒有我想食的鯪魚球粥！ 只好幫襯更出名的 <生記>！<生記粥品專家> 有單併 $31 ~ $33 / 雙併 $39 ~ $41 及袖珍 size $24！ 認真抵食！現在要扮細食，縮細胃部！還是要袖珍吧！等上大約 7 分鐘！不算耐！阿姐話，下次可以先致電落單！鯪魚球粥 $24 ( 袖珍) ~ 外賣減 $2有生菜、8 粒鯪魚球之多！ 鯪魚球比預期腍！ 粥煲得很綿滑！調味剛好！ 薑荵豉油是食鯪魚球之最佳拍檔！

記得一電視節目曾經介紹過此粥店,知道這裡材料足,且用心製作,惜本人到上環多數是為進修,讀完書,這裡也已經打烊了今天剛好上經濟學的堂,導師不知所云,想到機會成本,心中算來算去都覺繼續聽書而放棄食一口靚粥這個成本實在太大,便決定做之壞學生,走堂到這裡也店舖不難找到,卻其貌不揚,不太起眼,時值九時半,已近打烊,只見幾個阿叔嘆魚腩粥本人對魚腩無好感,便叫了一碗細豬潤粥雖然話細,但其實都幾具份量一食,粥底又香又綿,豬潤更甚為爽口鮮味,自己已不知幾耐未食過咁正嘅豬潤,咁好食嘅粥熱辣辣食得甚為滿足,亦必定會再光臨

生記，獨佔半條街，其實力可想而知。點了個炸兩，油炸鬼當然是自家出品，然後有多的就包炸兩，但我不介意。油炸鬼略凍，配熱熱的粉皮，加豉油，略甜，合格之選。炒米粉，乾身而不太油，但份量太少了。動筷三次，然後全碟光光豬潤牛肉粥：豬潤火侯掌握很好，剛熟而不老，還是爽口鮮味。牛肉亦不老，牛肉及豬潤兩隻各配薑蔥豉油，完美的演繹。大大的一碗粥，雖然不便宜，但用料絕對是充足的，火侯也是充粥的。

久聞生記的粥品很足料很綿, 但今次試過後真係覺得很名過其實. 生記粥品專家滿坐 , 老闆就叫我地去隔離的 生記清湯牛腩麵 坐, 原來這條街的三間"生記"都是同個老闆的叫左袖珍魚片粥同袖珍及弟粥. : 袖珍粥類款色比較少, 没有雙併或三併, 這次只是小試牛刀. 就叫袖珍粥吧不算很細碗, 料就頗多. 但一"不"起粥, 心感不妙 , 粥水分離, 感覺好像在飲湯 媽媽煲的粥很"杰", 因為她想食得飽肚D , 杰當然不好. 但這裡是另一個極端: 水 得 很. 幸好, 魚片都算新鮮, 足料. P.S. : 原來一碗碗粥由粥品專家運到牛腩麵店的途中, 都會蓋著, 不用擔心有運送途中有灰塵落在粥面.

午市經常要等十幾二十分鐘，但下午茶就唔使！經常去食呢度既及第粥，同酒樓或其他粥鋪好唔同。首先蔥絲薑絲同豉油放在個碗仔度，等客人可以自主添加，炸面送粥一流，脆中帶軟，麵粉味又香，先＄5／碟，仲有炒米粉，加少少桂林辣椒醬，正！呢度既桂林辣椒醬都認真唔馬虎，特別好食！至於碗主角及第粥，粥底質素一直穩定上乘，好綿軟香滑，夾雜住灼到剛熟既豬肝，手打肉丸，粉腸，豬心片，豬肝爽脆，從來唔會過老而有粉粉既感覺，豬心切到一片片好薄，好好食，即叫即煮，熱氣沸騰！小小店鋪，夥計竟然都會記得熟客既喜好，就拿我來講，她地就慣左唔會比薑絲蔥絲比我～有酒店待客風範！之前試過魚腩粥，雖然人人稱道，但我都系覺得材料同粥既份量比例要均衡，魚腩確實好多，好抵食，但顯得主末倒置，粥就唔夠了～不過整體來講，呢度粥底一流，選擇多，仲可以跟客人喜好隨便配搭材料，價錢又相宜，一般二十幾就有交易，份量足材料足！正！

晚上的上環很清靜，走過生記鮮魚湯米線和清湯腩麵後轉角便到了生記粥品專家，雖知道這店的招牌菜是和魚有關，如魚腩、魚骨、魚片等，但由於我和友人都不好魚...因此我點了一碗袖珍皮蛋瘦肉粥，朋友點了一碗正常size的肉丸粥，外加一碟炒米粉。我的皮蛋瘦先來，袖珍的意思應該不是粥比較少...而是皮蛋較少...只有3塊...而且一口咬下去..是硬的...><有點痺口..粥底卻是不俗，挺綿的但略稀。朋友的肉丸粥!!肉丸很多，有12粒，全部浮在粥面很有趣~~那些肉丸頗有肉味，不錯不錯。粥底也很好，味道鮮甜。炒米粉則份量少了一點，但勝在夠乾身，伴著粥吃很配合~~整體來說粥是不俗，價錢不太貴，可惜沒有我喜歡的油器賣><

是日只有 11-14 度, 凍冰冰, 自然想食啲暖胃野, 咁就食粥啦 但午餐時間喺上環呢邊食飯, 又唔想等餐朦, 所以就去左生記外賣左買左碗粥由於早十分鐘前打左電話落ORDER, 所以唔駛等, 比完錢就拎碗粥走人通常外賣啲粥底都有陣外賣盒既發泡膠味, 所以返到公司就拿拿林搵個碗裝起佢今日叫既係細既肉丸粥, 但倒左去個碗度先知細既肉丸粥一啲都唔細, 仲要有8粒肉丸, 倒左落碗既粥無水汪汪, 依然好棉同好味, 呢度自制既肉丸唔算彈牙, 但味度一流, 點一點附送既薑葱豉油黎食, 倍覺美味係咁凍既天氣食一碗好味暖胃既好粥, 都係一種享受

天氣開始有d凍啦~又落住雨甘~~~最啱就系食熱辣辣既粥啦~辦開事來到上環點可以唔去生記呢~~去到差不多12點~~~都幾乎坐滿啦~~~睇到好多白領碗粥入面又豬潤又豬腸豬肚牛肉甘~~好heavy啊自己想清淡d~所以就點鯇魚片粥加生菜啦~原來袖珍粥都一樣有姜蔥卑的~~~這個天時食多d姜對女仔有益噶~~粥系要從面頭開始一羹羹甘"不"來食的~~唔可以上下翻動它~~不然就無曬綿密甘噶啦依然甘好味~~~~雖然粥底唔算話好綿~但都濃稠適中~而且口味剛剛好~食完都唔會口干魚片唔腥而且又滑~~~真系食得幾滿足噶雖然系普通一碗粥~要做得好~仲要系一直都做得好真系唔簡單~~絕對值得卑good good good

我是一個非常喜歡吃粥的人，特別是魚片粥，但是香港好吃得粥店實在不多，上環生記是其中一間做粥做得很出色的。薄薄的魚片，顯現出師傳出色的刀功，在粥內鮮嫩的魚片，也需要師傅對火候的掌握，還有最愛的薑蔥豉油碟。每次經過上環，我都會特意繞去他們的店光顧，生怕某一天，這家傳統的粥店不再經營下去。去過不少粥店，但是以粥底、材料、款式、好味和抵食計，生記始終是第一位。先說粥底，火候十足，加入材料後，不會變稀，一樣很綿。再說材料，份量十足，味道新鮮，絕不欺場。至於款式，相信全香港只有生記的粥款最多，無論是常見的及第粥，還是不常見的骨腩粥、猪心粥都有。好味則不用多說，抵食也值得一讚。30元大大碗，足足料。希望他們能夠繼續他們現在的宗旨做下去，造福廣大食客。我每次經過上環都還會繼續捧場的。

以往通常到禧利街新舖吃粥和蘿蔔粉麵，因為以為畢街舊舖只可以叫粥吃。後來有次走到舊舖吃粥，反而喜歡舊舖迫迫殘殘懷舊的感覺；而且只去了兩次，有位阿姐（其中一位老板娘）巳記得我和男友叫什麼粥，超好記憶力。今天我叫了鯪魚球豬膶粥（細），男友叫了肉丸粥（細）兩碗粥都係食到一半先記得影相，其實剛來時鯪魚球豬膶都蓋滿成碗粥，有時我覺得太多餸了。今天的鯪魚球好像不及平常的彈牙，不過加了送來的薑荵豉油點吃還是很不錯；豬膶仍是灼得爽脆粉嫩，魚粥也綿滑。不過男友的金，他投訴粥過稀，肉丸就無問題仍然彈牙好味。要食有味粥，生記一直都係我首選。

早在十二點三已在排隊, 一心想試下聞名的魚粥, 等了不久可以入座, 在排隊時已問我下單, 叫了一碗大的皮蛋魚片粥 ,所以好快即叫即滾的粥已到面前, 再給我一碗的薑葱, 雖然食的環境真的不滿意, 又多人又熱, 但魚的粥底很鮮甜, 又足料大概三分一是魚片, 好抵的午餐之選, 所以眼見在座的人都在食魚, 食得津津有味

8 月中 (晴)有冇留意，很多食肆都以乜記物記命名，簡單、易記、親切。我多在中上環出入，隨口試數該區「」記有：食燒鵝有鏞記，食云吞面有麥奀記或忠記，食拳頭般大的云吞有沾仔記，炸鯪魚球有羅富記，清湯腩有九記，老牌咖啡室有科記，茶室有牛記 ....當然少不了今天要寫以粥品馳名的生記。生記舊鋪起於畢街，地方逼狹，但粥品都在此生產，後來店子擴張到隔數步的禧利街，再擴張至兩個連環鋪，期間除粥品外亦有做清湯腩，最近更在禧利街前一点開多了做魚湯米線的店，但生意似乎仍以畢街及禧利街舊店最好，經常坐滿客，亦有不少專誠駕車買外賣的，粥品全由畢街老店沿路送至禧利街，是此店一個特色。可能由於路途太遠，新的禧利街魚湯店不賣粥品，可惜呀！今天点了牛肉粥，粥底綿滑香甜，據說是店主兒子半夜就開始在畢街店煲，火侯十足，連粥送上一小碗葱豉油用來点牛肉，一絕也，建議大家可試魚腩、魚骨 or 魚片粥，魚肉鮮甜嫰滑，包冇失望。食開停不了口，加点了個清湯腩河，我個人覺得九記的清湯腩雖然好味，但較濃較油，生記的清湯腩則是清甜，有 D 客重特別点清湯蘿蔔，亦是一絕！埋單才 $45 ，好味、抵食，叫得做 「 」記，真是有番咁上下，肯

我好耐冇寫食評, 今次重新執筆寫同朋友搭的士過嚟呢度, 試過佢地的肉丸粥同米粉粥底算滑, 肉丸其實好食過好多舖頭米粉就唔覺得有咩特別大熱天時, 食完之後真係好熱, 流哂汗多人係同一個空間, 更加令我流汗下次都係等到冬天再食