生記粥品專家

营业中

休息中

過來穩朋友玩，結果一早就比叫起身，原以為係去飲茶，結果係來生記食粥，八點幾仲大排長龍，不過好彩二十分鐘就到我地喇！及第粥，細碗嘅，但係裡邊嘅料就占咗半碗，裡邊有豬潤，豬心，粉腸同肉丸，一匙羹落去，都係料多粥少、豬雜鮮甜，粥比較濃稠，更加似bb粥，老實講呢种天食碗咁嘅粥真係成身汗，不過幾爽下。朋友嘅魚腩粥，魚腩大大件，感覺好似食飯咁，唔似食粥，但係魚一d都唔覺得腥，粥裡邊都係得鮮味冇腥味，同粥一齊嘅仲配有D切得細細嘅薑絲同豉油，但係加d薑絲就夠喇，豉油就算喇，畢竟粥都係食原汁原味比較好。炸兩唔錯，幾脆口，浸係粥裡邊食好好味。

生記都算系幾十年嘅老字型大小咯，我浸淫街頭街尾幾十年，都系生記度食過好多次，而各種粥嘅味道都宜家仲可以想像得到、招牌魚腩粥，我嘅最愛喇，粥底清甜乾爽，基本材料質地上流，魚腩嘅話，單獨煮可能會油膩感重，不過熬完粥之後就好好味喇，魚腩嘅油都蒸發咗，有小小就留系粥度，更加好飲，魚腩超多、魚骨粥，可能系我自己鐘意食魚吧，膠原蛋白同蛋白質超級多，魚骨粥裡面嘅魚骨都已經係好霖嘅，入口都完全無曬障礙，魚骨粥稍微鹹少少，另有一番風味吧、以後都希望可以繼續保持

點了魚腩粥同油條！油炸鬼可以說是我吃過最難吃的！又硬又乾！魚腩粥就很棒！粥應該是用大骨湯去煮的！魚腩很鮮，完全不會腥！每一大塊都是真魚腩呀！還有一碗沾料給我們，醬油姜，醬油也很棒！而且量好多！

食LUNCH日日都大排長龍的粥店... 12點半前買單...每碗粥減$3...好抵食同同事3個人一齊食...11點半已經要等位><2個同事叫左2碗細粥$26 (減左$3) , 我怕唔夠食...叫大$34 (減左$3).....後悔到爆...好大碗-.-細碗已經食到佢地好滯~不過個雞粥好好食, D雞之前應該已經經過處理~小小咸!!!肉質夠滑~!粥底好軟綿綿, 好甜~~個粥好滿意~~我要大碗-.-仲嗌左條油炸鬼...$11... 早知嗌1碟算...好似$8油炸鬼唔好食...真係好油...果種油似擺左好耐, 凍到D油瓊哂咁同事叫左個炒米粉...不過不失啦...

起中上環呢間出名粥店, 今次食牛腩伊+油菜, 食食下一再加油炸鬼. 唔知係咪夜咗，油炸鬼已經係凍冰冰了又硬身咗少少，油炸鬼都係新鮮炸起好食好多!牛腩伊，今日主題，牛腩都'林'身、唔會硬，不過伊麵就熟咗D，'林'得滯冇咗D煙韌慨口感。

一直以來，都認為港島區的粥品，以生記最好，只是近年將戰線推到清湯腩麵及魚湯米線，個人覺得水準是微跌了，不過仍然是最得在下歡心。晚上依然是差不多客滿，有時候一個人都有優勢，就是搵位容易。牛肉粥當然是廣東式的開花粥，經長時間的熬煮，粥底又綿又滑，牛肉沒多少醃過，保留了基本的肉香，伴著薑蔥絲一齊食，就更加可口。

年近歲晚嘅星期六下晝，上環係一個死城，呢個時侯嚟平日排隊嘅熱店，大把位。叫咗最出名嘅兩樣名物：魚腩粥同筋腩麵筋腩麵先上，一飲湯底，又唔係話冇牛味，但係硬係有D雲吞麵湯底嗰種味，唔係好夾。麵係爽身嘅，不過鹼水味重，要落少少醋。牛腩有四件，瘦底但係一d都唔韌。牛筋仲多，不過稍硬，我prefer 佢再煲腍D。總括嚟講，都算好嘅，不過我鍾意華姐多D。魚腩粥後上，大大碗之餘仲有好多舊魚腩。粥底好綿亦好有魚嘅甜味，不過相信都係有味精，因為食完好口渴。魚腩依然如記憶中嘅滑同甜，配埋另上嘅豉油，真係勁滿足，冇得輸。生記兩名物嚟講，都係魚腩粥稍勝一籌。

難得今日唔上班，同friend一齊去行山，行完山特登兜路來生記食早餐，因為我嘅兩個friend真係好鐘意呢度嘅粥。魚球牛肉粥，魚球真係真材實料熱魚球，肯定唔會加咗D麵粉之類嘅，而且裡面還食得齣有細細嘅魚骨，不過唔使擔心，絕對唔怕哽親人，魚球好多，六七個，個個都圓碌碌又夠大隻。牛肉係切一片片嘅，都几厚身几大片下，牛肉很嫩很鮮甜，牛味並不是太重。魚腩粥嘅魚腩又都好多，覺得呢家店真係夠曬良心，乜都係夠曬料嘅，魚腩好嫩，同魚球一樣的都係無腥味，感覺食咗成條大魚嘅所以魚腩了，haha再就係企地嘅粥底，白粥煲得非常粘稠綿滑，呢仲粥地加上真材實料嘅各種料，點樣會唔好食吖！

因為這些天都很冷，所以我打算食粥，粥店就有很多，不知道邊間好，後來朋友介紹上環這間，所以我地去食左一次，來到這間環境雖然一般般，但是很整潔和乾淨，首先我們點了一個店裡熱賣的鯪魚球粥，服務的效率很快，一口吃下，這粥好棉，火候也很夠，還有真的好鮮，再來吃了一個鯪魚球，咬下去食那汁液都擠出來了，充滿了口，我一開始還以為這魚球有刺，卻一條都沒吃出，我覺得這個蔥放的好，它和魚蛋的香味混合在一起，充分體現出粥的特點。喝完粥就有點口渴，所以整多左一杯奶茶，食完粥之後就飲杯奶茶果真好正，奶茶絲絲滑滑的。食完之後點知價錢都好平下，以後常黎喇。

夜媽媽係出面行左一轉，發覺個肚仔有啲餓，又唔想食啲好甜嘎野，淨係想食啲清淡啲噶野，於是就決定嚟食碗粥啦 點左一份正鯪魚球粥，鯪魚球大概有七八粒，而且夠曬大碗，因為覺得仲係有啲寡，所以我又叫多左碟油炸鬼，佢啲油炸鬼係切成一粒粒，比較一入口，而且比較脆，拿嚟送粥啱啱好。 另外佢每份粥都會陪一細碗醬汁，如果你覺得碗粥唔夠位，自己可以落啲落碗粥到，好free吖 牛肉粥啲牛肉好嫩，而且落左我好鍾意食噶元西，而且牛肉噶量好足，好似食極都食唔曬咁 豬肝粥噶豬肝好鬼大舊，啲粥特別有味

生記既粥一向好有水準，通常我都係叫下肉丸呀等等，因為我怕吐骨。粥底係好鮮甜，無咩味精，好大碗，我一個男人都係勉強食得晒肉丸有成8粒咁多，食得出唔係機械式既產物，唔怪得次次黎都要排隊啦

離開左上環返工呢個地方，好耐都無再一嚐呢度嘅雞粥。剛巧琴日放半日假有時間，專登lai到呢度回味下呢度嘅雞粥。最愛呢度嘅雞粥。無食咁耐，水準依然好。粥底綿，呢度粥入面GEI雞係十分多的, 多到嚇死人 ，而且食落口GEI雞依然好滑好甜。配埋附送的姜葱豉油，簡直一絕。真係好好味 !!!最緊要呢度食完碗粥，之後係唔會口渴!!記得3年前食仲係$22，現已加價到$29。加幅彼大。但依家覺得$29 可以食到咁樣水準嘅，簡直係現今香港極度難搵。總括而言，十分推介!

A more than four decades old establishment in Sheung Wan of Hong Kong island, Sang Kee congee shop has been one of the most must-try places for congee. The shop space is very small and people just quietly slurp their porridge, unlike the noisy crowd in a cha chan teng. Congee is the ultimate Chinese comfort food. It’s simple, easy to digest and nourishing. By the look of it, congee may look bland but with the right ingredients, congee can be very tasty. Fish belly congee is definitely a must-try

今日終於同男友去到生記食早餐了, 講就講左好耐啦, 今次我係第一次黎, 佢就成日話呢間野好好食, 我對呢間粥店充滿期望男友以前係常客, 就等佢拍板啦, 因為佢話一碗粥我倆會食唔哂, 我地於是叫左個常餐 + 粥 +小食. 先黎杯檸茶, 好有驚喜! 竟然有成四塊咁厚既檸檬!五香肉丁丁麵, 麵既硬度適中, 保持到呢個美食既一貫水準!麵包 + 奄列, 麵包有D頽, 唔熱既, 個奄列味道OK, 算啦, 呢D擺明唔係生記既強項煎魚餅, 魚肉好煙靭, 味道鮮美! 又煎得唔油, 得!呢度既招牌菜, 我地叫左個魚腩及第粥黎啦! 貪佢乜都有, 我雖然唔係太食內臟, 不過呢度既豬膶新鮮爽口, 魚腩又好鮮味, 肉質爽嫩, 個粥唔使講, 軟綿綿, 無落師傅, 真係名不虛傳! 記住食既時候要點下佢D豉油, 會更能帶出配料既鮮味!店舖地方較小, 坐就坐得唔太舒服架啦, 我地10點入黎都差唔多坐滿, 食到11點度D人都散得七七八八. 呢度我會再黎的!

店名：生記粥品專家地址 : 上環畢街7-9號地下好味指數：7／10價錢：$47魚腩豬潤粥以前成日聽人講上環有一檔粥好出名，一直都冇機會試，只係試過隔離街個間生記米綫，今次終於試到啦！粥底棉滑，即叫即滾的關係非常熱辣辣，豬潤新鮮肥厚，魚腩鮮味滲透粥底，每碗粥還會跟豉油一小碗，不知是否吃粥前吃得太飽，我和朋友都不覺得有什麼驚喜，但整體是可以的。提提大家，2:30後入座所有粥品均可減$3。