發記甜品 (已結業)

同老婆仔及屋企人係附近食完燒鵝，諗住走人。點知道俾老婆仔捉咗入呢間發記食番個甜品先，叫咗個芒果班戟，同埋朱古力心太軟。當然個芒果班戟首先有得食，好香嘅芒果，正吖，食完啦。但係個朱古力心太軟仲未到，因為要即刻整嘅關係，所以要多小小時間，等咗大約20分鐘，終於等到啦……!好香嘅朱古力味，一切開……好多朱古力流出黎，超級正吖。個環境又幾好，唔太嘈，2個人仲可以慢慢傾下計。可能時間仲早啦，無乜人，走嘅時候門口就有巴士，小巴。值得推介。

食完晚飯朋友突然講起話想食甜品 但話覺得附近無咩甜品好食 就講開話即興入深井食發記....一開始以為講笑 要去到咁遠 但佢話好好食 咁就跟左佢去試😂去到之後第一樣叫既吾係甜品 而係小食... 雞亦尖 魚蛋😝 真係好好食！ 一開始以為食甜品 無諗過會食小食仲surprise...食完小食就叫甜品啦... 我就試左個綿綿冰 其實幾好食 有種入口就融化既感覺！仲有小丸子 好彈牙👍🏻👍🏻臨走個陣見到旺角都有分店🤦🏻‍♂🙈 但朋友會總店係好食啲😂 我一開始諗緊深井咁遠吾係好想去 但去完係會下次都想再黎食過😝

食完飯一班人無野做，走左去深井行左轉。搵左間糖水鋪食個宵夜吹吹水。簡單叫個傳統糖水諗住伏極有個譜，點知都係中大伏。外觀已經完全唔掂，係西米糊加上芒果粒。d西米完全唔新鮮，雪左超過一日，未熟透又無過冷河，淋啤啤好似食飯咁，難食到爆。d芒果又偏酸，打爛d芒果求其淋上面就算。食左兩啖已經放棄，連最基本西米露都唔掂，仲收咁既價錢26蚊，往我地一大班人山長水遠特登入黎食宵夜，一定唔會再幫襯。。。。。。。西米露真係得個怒字！

前兩日去深井探一個朋友，諗緊係佢訓練隻柴犬前同佢隻柴犬打好啲關係，到時繼續可以摸摸頭、鬆鬆毛。然後見夜就出去食個甜品，發記可以帶狗入內(包括男人)，咁就入埋去繼續同狗鬆毛。入去坐低時店面乾淨，有人埋嚟即時落單叫甜品，作為半個芒果fans，轉個頭就叫左楊枝甘露芋圓同芒果鴨鴨布甸。過冇幾耐楊枝甘露上先，個賣相尚可，楊枝甘露入口甜度適中，涼涼既口感配上西米既粒粒，可以咬又可以慢慢細味。而芋圓期望是軟糯既感覺，實際上軟是軟，但沒有咬口，嚼頭唔夠，同甜品未夠夾，食落碗甜品美中不足，就似過山車去到高位之後壞機停左，半天吊，刺激咁就冇左。評價中品。芒果鴨鴨布甸上嚟，隻鴨係同小黃鴨一個款，而且係用芒果汁雪成，女仔未必捨得食，不過唔食都得，一食可能見暈。布甸甜，芒果味唔錯，口感細滑，配上雪糕簡直仙氣十足，加奶同唔加奶係兩種享受，兩種食法都得，直得一嚐。總體感覺甜品唔錯，對芒果fans還可以一試，芋圓既話就唔駛太執著鳥。

今日同嗲哋媽咪帶左狗仔出去玩，夜晚食糖水滋潤下先😊（我只知深井發記可以帶狗仔入去🐶）芒果棉花冰🍧賣相唔錯，用冰碗裝住棉花冰，無咁容易溶，值得一讚！棉花冰重芒果味，芒果甜，好味👍🏻榴槤飄香沙冰🍧侍應姐姐一嚟到，好大陣榴槤味🤣初時以為係一杯普通沙冰，原來上面有一絲絲榴槤肉，好特別🤩味道方面唔會太甜，鐘意榴槤嘅可以試一試😝原味梳乎厘pancake🥞媽咪最期待的一個！點知.....貨不對辦😣明明menu係三個梳乎厘pancake疊得整整齊齊，而家係三塊pancake 塌曬😒味道更加唔好食，有燶味😰朱古力心太軟🍫+石板街雪糕🍨侍應姐姐一拎過嚟，已不停說：啲朱古力漏曬出嚟！😱心太軟啲朱古力醬好杰，唯一我覺得好食竟然係個雪糕🤣

我同家人，食完燒鵝飽飽了，家人想食糖水，去付近這間糖水鋪，我們四人，家人每人叫了，3客，我飽我唔想食，叫落單，侍應講，有最低消費，每人一定要叫嘢食，但係我好飽唔想食，焗人叫多一樣嘢食出嚟，入咗去先知，你4個人，3個叫咗嘢食，有1個座唔得，一定要你叫，餐牌寫明，每個人都要最低消費一樣嘢食，又貴只有一次

好多年前甜品鋪唔似宜家開到好似便利店咁，周圍都係，想食甜品，發記就係最佳選擇，排隊排成個鐘先有位。佢既招牌芒果、榴連pancake，楊枝甘露真係超好食，佢仲有啲小食，老水雞翼亦都係必點。但自從開左分店之後，試過分店既甜品，質素真係大不如前...相隔多年，咁岩去左深井陳記食飯，家人決定去發記食埋個甜品。假期既夜晚9點完全唔洗排隊，坐位都好闊落下。叫左熱蛋白燉鮮奶、芝麻糊蛋白燉鮮奶、楊枝甘露、朱古力梳扶里。全部都細細份咁，個蛋白燉鮮奶完全唔熱，似一早整定擺左落雪櫃再返熱，楊枝甘露有苦澀味...最正常係個梳扶里，睇落都幾靚😋😋食完真係有啲失望...

今日同女朋友揸車經過深井，女神突然間話要食糖水喎，咁我就梗係一個屈尾十即刻落深井啦。深井除咗食燒鵝出名，食甜品都好出名架，黎到發記，一如既往係咁多人，好彩唔使等位姐。女神叫咗個疏付尼，疏付尼新鮮焗起，但係都要等20分鐘架，好食嘅嘢等耐啲都抵啦，上枱啦，睇過買相就已經覺得佢好QQ，有香又柔軟又幼滑，上面鋪滿着少少堂相，但係又唔會覺得好甜，食落口好似食緊空氣咁，再配上隔離冰凍嘅曲奇雪糕，果然係一流呀。

今晚山長水遠由荃灣跑步入深井，見到發記🤩真心好多年冇食！以前覺得佢勁好味架！間唔中都會特登入深井食佢～不然間好想食糖水🤤咁就嗌碗外賣返屋企食啦～叫碗豆腐花；賣哂！😶叫西瓜西米露；又賣哂！重話夏天先有西米露😨9月都唔算係夏天？算！咁芝麻糊啦⋯終於叫到味有貨喇！好開心咁返屋企😬😬😬👏🏻點知返到屋企⋯一開就中伏😵啲芝麻糊稀到似水🙈勁難食啊！😡😡😡跑到身水身汗！想食碗糖水者🙄

難得放假約朋友食飯，梗係要黎個飯後甜品先盡興。我要咗個芒果蛋白燉鮮奶。賣相好靚，都幾多芒果鋪面，好甜好fresh。蛋白燉鮮奶好滑好香奶味。呢碗甜品為我嘅假日畫上完美句號，好滿足。

超慢…叫個楊枝金露，芒果西米露，芒果班戟要等半個鐘。食物質素差過以前，無以前咁好食，外賣兜每個加1蚊唔緊要，但碗野細到不知所謂，細碗到食幾啖就無… 四十幾蚊碗楊枝金露

小妹叫咗楊枝甘露沙冰，一D甜味都冇。於是叫收銀肥佬問下是冇甜味，點知個肥佬哦咗一聲冇埋我，等咗三個字再問，就同個水吧講倒D芒果汁畀佢睇到算！先生，我杯是楊枝甘露不是芒果汁呀，一流垃圾態度，結果我成杯冇飲，一肚氣畀錢走人！

有朋友係外國番左黎🤔話想食下糖水！又想食榴槤就2話不說！gogo 深井啦喂😌因為係平日夜上，所以係一到就有位了🤗榴槤既選擇都好多🤔🤔🤔🤔心大心細左一輪！叫左 楊支甘露 小丸子好足料呢！芒果涼粉加小丸子小丸子粉量都唔少！芒果同小丸子係perfect match! 芒果棉花冰推介👍🏻好味又大份量，唔好睇佢 碗仔細細！份量可以話係深不見底😽 芒果紫米露重點🤤🤤🤤🤤榴槤飄香x2!!!真係難怪佢係大推介！ 超多榴槤肉呀！中間大大舊既係示舊來的😸 唔貴又足料 😽大愛榴槤總結係okay 既！不過可能比人講得太多次超級超級好食時候，難免會預期過高，其實係中上既甜品黎😊都算係經濟既😊👍🏻

記憶中嘅發記都唔錯。幾年無去過，今日老公外賣左碗楊枝甘露及芒果涼粉！打開真係O咀，個外碗好細碗😮😮😮真係未見過咁細嘅外賣糖水😅個蓋唔實，完全唔洗力就可以輕鬆打開。有d糖水已漏左出黎！👎🏻👎🏻👎🏻我碗芒果涼粉，涼粉切到好大粒，成碗唔夠10粒😵 而d芒果好少，仲要好唔新鮮，有d啡㫵地色就黎爛嗰d質地🙄🙄🙄另一碗楊枝甘露就奶多過芒果汁。。。總之好失望呀！無諗過收呢個價錢，而質素可以差成咁。

等！等！等！等！為左另到今晚嘅飯局完滿，搭車走之前我地決定食埋個岀名嘅糖水！等就預左架啦，但可能都夜，所以唔算太耐😌，唔洗半個鐘！為左食冇法啦！入去坐底食嘢又要等，唉！榴槤蛋白燉鮮奶唉！貨全對，所有材料都有，但唔知點解我覺得唔太夾芒果蛋白燉鮮奶唉！真係一個凍燉奶加上芒果，完！但都要等幾個字，仲耐過個熱嘅！雪櫃拎岀黎架姐另一個朋友佢話唔叫啲特別嘢，芝麻糊加湯圓，就算啦！穩陣呀嗎！唔知係咩原因，我地等左15分鐘先食嘅糖水，食完佢碗芝麻糊都仲未到追佢就話整緊，黎到就冇左湯丸算！過左去嘅發記，就已經過左去！