白布烏冬 (荔枝角道) (已結業)

呢個白布烏冬想試好耐架啦，個日落ssp買電視盒子俾兩老就去試啦～佢呢... 好滑，食得真係幾厲揭XD 同埋俾想像中飽（可能因為個日好熱，落車行過去熱到好似中暑咁，所以我係咁飲）其實除左佢話叫白布烏冬有烏冬兩個字之外，我覺得佢似日式版既大水餃皮多尐，但就比較煙韌有咬口雞肉沾白布烏冬 $86個湯汁味好正，以為佢好稀唔掛唔濃，但turn out又好正咁，雞肉都好嫩，但重點係個烏冬鴨肉沾白布烏冬 $86鴨味濃，有陣陣既煙燻味

小弟第一次打食評，今日本身好期待食個白布⋯⋯之前睇網評話個d師傅好有心整又點又係日本引入咩咩入黎睇個鴨肉以為80幾蚊個餐都有塊新鮮鴨肉整黎食下我X出黎煙鴨胸黎嘅⋯⋯仲要得三個指甲大細嘅鴨肉⋯😂😂比個冰鮮都無咁嬲同咸到你呢⋯⋯真心好奇試下ok嘅 個價錢同個食物真心唔成正比⋯⋯😵‍💫😵‍💫當然啦，可能係我個人要求水準高，如果個白布烏冬同普通烏冬有咩分別嘅就係 一個係白布 一個係麵條型，食佢好玩，但今次就當我食好玩，如果當正餐 ，我寧願去街邊食80蚊煙鴨胸肉食飽又開心d

白布烏冬 (荔枝角道) (深水埗)深水埗荔枝角道313號地舖雞肉入沾白布烏冬 $86湯底是偏甜口味的鰹魚汁，叫得沾麵預咗湯底味道濃，啱晒重口味嘅我😋除左雞肉仲有大蔥同茄子做配料添加香味，一片片無味嘅白布烏冬掛汁程度雖然不及條狀烏冬，但配合沾麵湯底就剛好！小tips🙋🏻‍♀️👉🏻食到中段，不妨試下落少少附碟的芥末，可以令湯底變化另一種口味層次～鴨肉入熱湯白布烏冬 $86鴨胸肉片唔薄身、唔韌，湯底都是偏甜口味，可能是熱湯的關係(?)，個人感覺除了沾湯底更濃味外，熱湯湯底與沾湯湯底入口是有些許分別～大概是多了份鴨肉香🤔😳日本食店嘅裝潢🤩而且玻璃開放式設計仲睇到師傅製作烏冬過程添

一直都好想試這間，但因不太就腳。一直無緣。直至昨晚在附近经過。就和姪仔一起試。6：45到，不用排隊。他們安排了兩人座位。座位有點兒窄。包包可放在已预備好的布格在座位下。講真。。枱及座位真有點迫。食得不太舒服。餐牌也不多選擇。我們點了煙鴨肉及天婦羅湯底$201日埋單。十分鐘後就上了餐,買相不錯.分量也剛好.味道也可以，但烏冬無想像中好滑,但質感好特別。所以可以不況"一"試。

我上網見佢幾得意去食，食佢所謂雞湯，得個三粒雞比我隻狗食都嫌少，個烏冬得個7片，我朋友叫左個天婦羅湯，得個一隻虾收我百幾蚊，天婦羅又冇味，之後想叫一罐汽水收我15蚊去打劫呀,一群烏龍茶18蚊貴到離譜， 埋單之後去7-11買野飲都無咁貴，一句講曬，下次比返錢我都要考慮下先去食

不嬲對烏冬嘅認知 都係一條條粗體 偏偏香港有間白布烏冬就跳出框框 店主特意引入日本群馬縣長方形烏冬 一塊一塊咁放入口 都幾鬼過癮 店舖餐牌都圍繞着呢個長方形烏冬 共有三個食法：熱湯、沾麵、凍食 咁我今次就試咗兩款 鴨肉湯烏冬 上面放上一塊輕炙過嘅鴨胸 烏冬口感滑溜 放入口咬好煙韌 湯底以鰹魚製 帶點鮮味 雞肉沾烏冬 沾麵就食得多啦 沾長方形嘅烏冬真係第一次 缺點係比較難以放入熱湯入面 而且沾嘅時間比較長 所以湯都好快凍 難以掛麵 不過餐廳整體嘅vibe好舒服 深水埗區內少見 可以帶朋友仔去試試新款烏冬～ 整體性價比：🦖🦖🦖

同朋友講咗好耐終於嚟到試喇不過估唔到一入門口就要睇人面色😨我同店員講三位之後，佢話要齊人先入得其實呢個安排好普遍，不過佢當下個面口同埋語調都真係唔係咁好，令我覺得佢唔係好想做我生意咁🤷🏻‍♂️(題外話：當時店舖仲有將近四成嘅吉位)anyway，朋友到埋就嗌嘢食佢有分凍/熱烏冬同埋湯/沾烏冬同埋佢個特點就係烏冬係一片片🤪兩個朋友都嗌咗雞肉入熱湯白布烏冬我就揀咗 #鴨肉入沾白布烏冬 🦆其實睇Menu嘅時候我唔知原來所謂嘅鴨肉就係鴨胸...而個白布烏冬真係好難夾起(我本身拍咗boomerang，但原來無save到...)味道方面冇乜特別，就係浸塊布落個鹹嘅湯度食😂總括而言，價錢方面佢唔算貴，想試下一片片烏冬嘅口感可以try try，但味道真係比較普通，重點係睇完人面色我呢一餐食得唔高興🙃

本身都好鍾意食烏冬，見到有白布烏冬就已經好想去試，bookmark左半年終於都去試。烏冬唔係我想像中嘅口感，無彈牙同煙韌嘅感覺，係好似3塊餃子皮壓埋一齊咁，個湯好普通，無咩特別。整體都好一般，食第一塊已經好肯定唔會再食，不過有興趣都可以試下嘅。

抱住無乜期望既心態黎試就唔會有失望🤣個人都幾鐘意食烏冬所以一直bookmark佐呢間白布烏冬好耐 不過未試過既可以試一次唔會encore!鴨肉入沾白布烏冬($86)有8塊烏冬，烏冬係有啲厚度既唔係薄切切!就咁食味道有啲似煙煙韌韌既雲呑皮無咩味😆加埋啲湯一齊食咸咸地都ok既! 個湯應該係鰹魚湯底，入面有啲大葱同鴨肉咁~食烏冬既時候可以加埋啲配料食增加口感，有wasabi葱同類似薑蓉既野😂Btw食既時候都有啲難，因為太大塊又滑好難夾起😂初頭仲驚唔夠飽，但食完都夠曬飽🙌🏻雜錦天婦羅($68)一上覺得好呃錢😂得個5 6 舊😂同質素都係普通😂唔洗試😂為食指數: 2.5/5性價比指數: 2.5/5推介指數:2.5/5

好特別既白布烏冬將一條條既烏冬整成一片片，反而更加煙韌充滿口感，而且放咁耐都係片片分明，唔會黏埋不過論掛汁既話就真係一條條既烏冬會沾到多啲.叫左2款溫系既沾麵果然signature既雞肉入最好味，以為會偏淡，點知都好夠味反而諗住會好特別既南蠻curry就好一般.Udon in pieces!The signature one with chicken dipping sauce is the best

聽就聽好耐既烏冬店～ 「白布烏冬」終於係呢個晚上嚟試一試啦😉一入到店內，充滿和風feel的裝潢～已經好吸引我啦🥰首先叫左個「🍤天婦羅沾白布烏冬」$115天婦羅有蝦、茄子、冬菇、紅蘿蔔、南瓜白布烏冬份量蠻多（7-8張）好飽肚 😋烏冬口感煙韌，沾麵湯好重鏗魚味仲有京蔥同茄子👍🏻再叫左個「🍆茄子入白布熱湯烏冬」$76如果想簡簡單單淨係嘗試白布烏冬湯底清爽，呢個都不失為一個不錯的選擇～味道：4/5環境：4/5服務：4/5衛生：4/5抵食：3.5/5

呢間人氣烏冬店想試好耐開咗年幾終於食到當晚6點半左右到完全唔使等位💁🏻‍♀️.🍤天婦羅沾白布烏冬 $115沾麵嘅白布烏冬真係好大塊烏冬凍上 一共有7塊 份量好多飽到食唔哂烏冬好滑亦好Q彈 煙韌得嚟唔會覺得銀胃不過稍嫌佢太厚 薄啲會更掛湯更入味沾湯熱上 好濃好香鰹魚味 入面仲有葱有茄子由於烏冬好滑又好大塊 沾湯真係好高難度 少啲筷子功都搞唔掂😂見好多人都話天婦羅炸粉好厚但今次食反而覺得佢夠哂薄五款都好唔錯(蝦、茄子、冬菇、紅蘿蔔、南瓜)❗️要注意烏冬大概3/4個字就會開始黏埋❗️.🦆鴨肉入熱湯白布烏冬 $86熱湯嘅烏冬細塊啲所以相對容易食啲不過湯底冇沾湯咁濃個人覺得淡咗啲最出色係鴨肉真係好嫩好香好好食!!!可惜只係得三塊🥲.整體嚟講味道唔錯不過都未到令我想成日食咁好味但白布烏冬係幾特別嘅 值得一試不過佛心提醒 唔好同唔熟嘅人去食因為真係會食到好冇儀態好似我咁唔識揸筷子夾唔起塊烏冬的話就會俾人恥笑足成餐飯🌚

今日一條友打算去深水埗圓方買菜肉雲吞，突然想起白布烏冬係深水埗有得食，因為大角間太吾就腳，所以今日係酷熱天氣都由地鐵站出口行去荔枝角道去食白布烏冬。本應該食冷烏冬嘅，不過睇完食評，都係叫左熱湯鴨片烏冬。我嘅意見係，湯底太鹹，鴨肉少少躁，烏烏四方型一片，因為太滑，所以用筷子要好用手力才食到。我同男友說，我吾會帶佢去食第二次，留quota 食其他野好啲🤭深水埗應該仲有好多好野食去發掘，一定要帶朋友食好嘢嘅🥰

🤤熱愛烏冬嘅就梗係要試吓白布烏冬啦💪🏻之前一直好怕排隊🥺所以最後搵咗個平日等佢開門🤪事實證明係非常好嘅選擇😎______________________________🏳️南蠻Curry沾白布烏冬咖喱味唔算太濃🤔白布烏冬幾特別🦆鴨肉沾白布烏冬個湯都幾清香🙂打卡唔錯

整體udon體驗：8/10 。👅改善地方：冷氣可以大一點，不太夠我食嘅湯udon 好有咬口！同埋啲餸一齊食，好夾💛啲udon唔會太薄又唔會太厚！剛好，真係正！環境100分！整潔、乾淨！💯門口設計好有日本🇯🇵特色👍🏼👍🏼👍🏼