白布烏冬 (荔枝角道) (已結業)

之前大排長龍嘅白布烏冬 今日用咗15分鐘左右就有位啦 比預期時間短咗好多 不過大熱天時 15分鐘已經流哂大汗😅😅 🦆試咗鴨肉熱湯 🍲 同 🐔雞肉沾烏冬 比較喜歡熱食 兩款個湯都係有啲甜甜哋 烏冬質地比較平凡 所以有啲失望 雞肉反而幾嫩口 揀得過Btw 有醃蘿蔔做前菜 同杯茶味道幾特別🍵 唔係普通綠茶紅茶麥茶 記得試下另外佢有得外賣白布烏冬返屋企自己煮 258蚊 三包有埋配料 有雞肉同鴨肉揀 嫌貴嘅話淨烏冬 $168 如果要排隊先食到 就覺得唔多值

平時食烏冬一條條真係第一次見布狀烏冬😍一塊塊好似被咁好新奇！呢間係深水埗新開業既白布烏冬有得試下😉受限聚令影響排隊時間會更長🧐-鴨肉入沾白布烏冬 $86鴨胸有輕輕煎過所以香味更濃😋而且非常厚切咬落口感唔錯而且湯底有濃厚鴨味👍至於主角布烏冬有大約7片望落好似好少但其實食落每塊都有厚度係好夠飽🤣但唯一失望因為個沾湯比較水掛唔到係烏冬上面所以其實食烏冬係冇味既🤨沾湯亦唔夠熱所以浸一兩塊烏冬好快凍左影響口感😂-雞肉入沾白布烏冬 $86雞肉沾湯比較油而且味道冇鴨湯咁濃但係都唔錯既！雞肉冇鴨肉咁咸同重口味😉同樣地個湯唔夠熱好快凍🤣

鴨肉沾面烏冬 $86烏冬是非常厚長的方布形，烏冬滑溜而同時保留了彈牙口感，一份共六塊，由於都相當有厚度，非常飽肚。鰹魚湯、醬油和京蔥的湯很濃味，烏冬配上生姜、山葵和蔥後可中和整體之油膩感。鴨肉異色出色！一客三件，是厚切和煙燻過的。鴨肉是蛋白質含量高而脂肪含量低的食物，適合增肌減脂人士啊。店內座位寬敞，裝潢是光明簡潔的和風設計，和鄰座有適當之距離感。然而座位有限，故平日的午餐時間均需排隊，整體價錢相宜，是值得一試的餐廳！不想排隊的人們可以外賣湯包及烏冬自行烹調。

二零二零年八月十六日星期日兩點黎到荔枝角道 "白布烏冬"人龍店 黎到已經有幾pair人等緊最終等左成個鐘都有深水埗地鐵站A出口向海行10分鐘消毒探熱仍然係需要而且仲要兩人隔住坐 遵從社交距離餐牌上款式唔太多當中白布烏冬就一定要揀雞肉入沾白布烏冬$86成塊布嘅烏冬好有gimmick雞肉汁沾麵 夠濃同黏嘅汁掛哂落"布狀烏冬"口感厚實 好有咬口 份量都夠 冷汁天婦羅白布烏冬 $115 睇落就比較貴不過食落就覺得值回票價天婦羅有d冷掉 份量都有d小但冷麵汁同葫麻醬好match掛哂落白布烏冬夠哂日本

見到有賣廣告同見到ig好多人post，於是乎同fd過來排隊打卡食，等左個半鐘，個時還是試業期間。.雖然收九點半，但八點已經截左龍啦～因為實在都幾多人排隊。.其實我地兩個人，但由於一開始叫錯咗兩個湯烏冬，後來又order咗冷汁烏冬🤣🤣因為想一次過試曬佢，唔想之後再排隊。試完覺得 好彩order錯，因為湯烏冬真係好味d🤣.🌼雞肉沾白布烏冬 $86雞肉有兩三塊，烏冬大概有八九塊到。成張被咁厚嘅烏冬，浸係湯入邊，味道淡淡地。.🌼鴨肉沾白布烏冬 $86鴨肉都幾好味，比雞肉好味d。.🌼冷汁天婦羅白布烏冬 $115最想打卡嘅就係呢個啦～烏冬沾冷汁，係冇乜味架！有d失望🙍。但天婦羅係唔錯嘅～

走到荔枝角道，有這一間日式烏冬店，12:30左右已經要排隊等食。我等咗10分鐘左右，終於可以入座啦😄餐牌有4頁 — 3頁是麵食(熱沾汁、冷汁、熱湯，價錢由HK$56～HK$115)，有1頁是飲品和單點食物。雞肉入沾白布烏冬 (HK$86)一片片嘅冰涼白布烏冬，滑滑的，真係好考我嘅筷子功 (好彩細個時被媽咪訓練我好好揸筷子咋😝)，烏冬口感煙韌，但不知是否太大片嘅關係，不太掛沾汁呢？🤔 沾汁有大大件雞肉，用甜豉油熬製，味道偏甜，以為是用鯛魚湯底，但我覺得味道不夠鮮甜，一般般囉😒

🍽菜式：日式（烏冬）🏡裝潢：傳統日式餐廳😋味道：4/5📸打卡：4/5💰性價比：4/5 ($70-160/人)👍🏻推薦度：4/5.🏡其實只係試業中 但每次路過都大排長龍 所以想試好耐🤥不過最近少咗人出街食飯 所以等左大概十分鐘就入得😗裝修好有日本傳統居酒屋嘅感覺 暗暗地又好整齊企理🤣再加埋熱血嘅日本歌 都幾有日本風味🇯🇵.🍜冷沾白布烏冬（二味）$66 (7.5/10)二味係配兩種醬汁😙分別係平時冷麵嘅汁（似係蕎麥麵汁）同埋胡麻醬 兩隻醬都係凍嘅 加上白布烏冬都係凍冰冰 所以成個感覺好冷🧊兩隻汁都係正常發揮 冇乜特別 如果鍾意清清地可以揀冷麵汁 白布烏冬好滑身 出奇地好煙韌😆係我鍾意嘅口感😋.🦆鴨肉入沾白布烏冬 $86 (8.5/10)個人覺得熱湯熱辣辣更好食🤤而且熱鴨肉湯比較濃味 鴨肉都好入味🤩烏冬比想像中更掛汁 唔會沾完都冇乜味 原來成塊烏冬沾汁都幾大塊幾重手 所以食晒7塊都幾夠飽！🥰但有待改善嘅係冷氣太凍🥶食完第一塊個湯已經凍咗。。好影響質素🥺同埋都坐得唔係咁舒服.🐼原本expect都係一塊大啲嘅河粉 但食落其實都幾有驚喜😍口感煙韌 湯汁濃味 但個人覺得menu可以在多選擇啲🤥

成日見佢長期排長龍🐲終於係禁食令前夕黎食🤣樓面闊落，充滿日式風情🇯🇵-冷汁白布烏冬（一味）🤎$56-7️⃣大塊白布烏冬攞左係筲箕上，一夾便知龍與鳳！厚度十足，唔洗怕會唔飽肚😆，一味係配上鰹魚汁，甜甜地咁，白布烏冬好煙韌，一沾上個汁就可以完美地掛汁，一旁有生薑、Wasabi同京蔥絲可以加，我加左蔥絲非常調味😍冷汁天婦羅白布烏冬天婦羅🍤$115-呢個set多左一個醬汁係胡麻醬，不得不讚個汁真係勁高水準😍唔係平時就咁買果種胡麻汁，呢個帶有濃濃芝麻香，無平時果種有少少酸，呢個汁似係榨左啲胡麻，🔴必試呢個汁🔴😋個天婦羅🍤就無話好驚喜：香菇、蕃薯🍠、蝦🦐、茄子🍆等，皮薄用料新鮮粉皮不厚不油膩😍

剛開張時，已有不少傳媒介紹.  其實店舖就在我教會的附近. 呢幾個星期日都見到店外有一大條長龍, 就係排呢間。但天氣實在太熱, 要排咁長龍真係頂唔順。難得今日放假, 下午等埋老公收工就去碰個運氣, 好彩前面排得唔多人, 我地等兩三個就到. 之後安排入座.其實入面都算幾大, 不過座位就唔算多, 有三幾張大枱, 亦有面壁座位.同埋佢原來有自己的logo, 印好了紙巾盒, 濕紙巾, 口罩信封等.未知是否因為是 "試業中"的關係, 食物的選擇唔算太多.所以最後我地揀左兩款沾麵.一款雞肉, 一款鴨肉本人還是第一次食白布烏冬, 其實夾起上來, 的確有點難度, 唔容易食.呢個白布烏冬的質感猶如厚身的水餃皮, 不過口感則較煙靭,在沾上湯的時候, 食落係滑不留口的. 一個SET都有至少6-7塊, 其實食落都幾飽肚.兩款湯的味道係一樣, 只係食材不同,入面有大量大葱, 同有茄子數件.而鴨肉是俾鴨胸肉的.湯既味道甜甜的, 似日本壽喜燒打邊爐既味道.整體黎講, 都幾好味!

最近深水埗開咗一間白布烏冬，而佢嘅烏冬就如其名，外貌尤如一塊白布般。之前就算非繁忙時段都大排長龍，不過呢期正值抗疫時期，街上人流少咗，我見今日唔使排隊，就即管試吓。呢度食嘅都係白布烏冬，而食法就有三類，分別係熱湯、沾麵同冷麵。而且佢仲有售外賣套裝，不過價錢都唔平，價錢同堂食差不多。枱上放有七味粉同酸蘿蔔粒，讓食客可以隨自己口味再加調味。我就揀咗鴨肉沾麵，其實店員冇乜特別講解，店內亦冇介紹，不過大概都知沾麵嘅食法，所以我都冇再多問。但如果以沾麵來講，呢個湯底相對比較水狀，再加上呢個係麵片唔係麵條，所以其實好難做到沾麵嘅效果。我初頭睇相以為呢碟係餐前小食，但原來係蔥絲、姜蓉同日本芥辣，三樣嘢我都唔食嘅😅鴨肉其實就係平時食開嘅煙鴨胸，總共有四件，切得都幾厚身，而且每件鴨胸其中一面都有黑點嘅物體，我相信應該係每一件都有煎過或者燒過嘅效果。另一份揀選咗冷麵二味，其實就係分別有兩款唔同嘅醬汁，一份係芝麻醬，另一份係冷麵汁底，所以味道都不用多介紹。白布烏冬喺香港來講比較新穎，所以都不乏各路食客過嚟追捧朝聖，不過試過之後，其實諗深一層，麵應該係條狀嘅，而呢塊白布做得超滑，而且比較厚身，要夾住一塊好大嘅

難得早放工，平日六點半去到都已經要排隊，等咗大約15至20分鐘，終於有得入去坐；所以一定要預鬆少少時間，如果唔係要等好耐：（烏冬一條條平時成日食，未試過成塊食；感覺幾得意，但麻煩～滑捊捊，食起上嚟幾狼狽😂而口感煙韌偏彈牙，唔錯；鴨肉入沾白布烏冬 $86鴨肉厚身切片，肉質好滑，一塊大烏冬沾上香甜既湯；即時滲透住濃濃嘅鴨香味雞肉入沾白布烏冬 $86雞肉比較鞋，而且湯嘅甜度冇鴨肉咁濃；鍾意清小小嘅朋友可以試

沾麵同烏冬都成日食嘅嘢，但係白布烏冬沾麵就真係第一次食。呢間新開嘅白布烏冬長期有人排隊，鴨肉入沾白布烏冬個沾汁好甜，好似飲緊鰹魚糖水咁，入面有幾塊煙鴨胸，而主角白布烏冬就好似大塊同扁身嘅上海年糕咁。一句講晒，試一次好啦！⁣This newly-opened place specializes in "white-cloth udon" - a flat sheet of udon dipping into a bonito soup. The dipping soup was over-sweetened and the "white-cloth udon" tasted like an ordinary flat rice cake. Nothing special!⁣

周不時經過見到好多人排隊，都心郁郁好想食，夜晚八點幾嚟到，大約等咗半個鐘終於有得食。白布烏冬有湯烏冬、沾烏冬同埋凍烏冬三大種類，安全起見揀咗兩個Menu上面推薦嘅雞肉白布沾烏冬（$86），同埋天婦羅沾烏冬（$115）。烏冬口感煙韌，不過食起上嚟有啲麻煩，會成日滑走咗，揸筷子技術唔好會食得好困難，味道都好普通，大概就係壓扁咗嘅一舊麵粉。個湯頭好鬼甜，食兩啖就好口渴。天婦羅又或者雞肉都係份量勁少，除咗一隻蝦其他全部都係蔬菜，雞肉就不過不失啦。整體來講性價比好低，價錢貴，味道都平平無奇，完全冇特別，絕對唔會食第二次。餐廳環境都OK嘅，裝修都幾好。

白布烏冬原本位於大角咀之前一直也很想去嘗試但奈何地點有點偏遠他們剛剛開了新分店在深水埗所以馬上叫朋友陪我一齊去😍😍由於是新店開張關係所以人流也非常多中午時間去食 我們等了大概20分鐘才可以內進餐廳暫時只接受現金我叫了一個鴨肉烏冬要了熱湯 及冷烏冬食法：把烏冬好像沾麵般浸進湯裏 沾滿了湯汁後 再一啖吃進肚😋😋 湯汁濃郁得來又很清淡😍鴨肉很重油香味，肉質夠軟滑配上湯裏面嘅清甜蔬菜做得很Balance～烏冬又彈牙又煙銀口感很好👍🏻

新店開張未夠一個月，較早前lunch time 經過排長龍，今日放假避開排隊高峰期，下午5:45就去到食晚飯，果然未有人排隊，不過已經有一半入座率，留意3:00-5:30係落場時間⏰好窩心有個靚靚信封放口罩😷，白布烏冬仲有set 裝可以買返屋企自己煮🍲烏冬分別有五款配料選擇，而口味就有熱湯烏冬、沾烏冬另外有款冷汁烏冬，但沒有肉嘅配料選擇！白布烏冬上場鴨肉入沾白布烏冬，有四片鴨胸肉有煎過，所以會比較香，但湯底有啲鹹雞肉入熱湯白布烏冬，有三件雞肉，湯底較鴨肉湯清D，冇咁油！烏冬係滑嘅，配料唔算多，但勝在烏冬夠飽。