白布烏冬 (荔枝角道) (已結業)

深水埗開了一間日式白布烏冬餐廳，每次經過都見到好多人排隊，所以決定搵日去試下。不過大熱天時，不太想在太陽下排長龍，所以我地決定店鋪開門前15分鐘到。沒想到，很好人跟我們一樣早到排隊😂幸好開門後，我地第一批入到餐廳。店內是日式裝潢，以深啡色木為主調。我選擇了鴨肉沾白布烏冬，烏冬厚身、很滑，不過因為太滑夾起來有點困難。湯底有大量的大葱，甜甜地，味道濃郁。另外，每張枱上都有一碗醃製過的白蘿蔔，酸酸的，非常醒胃，大家記得試下呀~

今日終於食到想食好耐嘅深水埗白布烏冬專門店！白布烏冬全部都係自家製，一大塊布形烏冬，口感彈牙煙韌又滑溜！最推介！凍食天婦羅白布烏冬($115)配兩款冷食醬汁（凍湯+芝麻醬），白布烏冬凍食超好食，過完冷河口感勁彈牙勁煙韌勁滑溜！（真心，超級好食！我會再返嚟食！）另外我覺得天婦羅都好食，唔算好多炸粉！另外仲有食咗鴨肉沾麵白布烏冬($86)，沾湯入面有厚切鴨胸肉，配埋白布烏冬好好食！（不過我覺得冇凍食咁煙韌～）

本身唔太鍾意食烏冬，不過見咁多人排即管試下，佢分湯烏冬同沾烏冬，諗住烏冬本身咁滑掛湯能力成疑，所以點左湯鴨胸烏冬，當然一黎就試湯，有點驚喜，鰹魚湯咸香帶有一陣強烈烤鴨香味，本身鍾意食片皮鴨，試過北京大董嘅鴨胸油，一咬先係皮脆，跟住鴨脂肪嘅油香滲出黎，最後鬆軟鴨肉，食完果啖啲香味留晒喺牙縫（一試難忘）！當然呢個鴨肉無咁勁，不過佢烤完啲皮都好香，一咬落去又唔靭，好好食！不過烏冬真係有啲滑，一夾一咬跌幾次，食到成眼鏡湯汁。唯一係茄子，好似有啲唔太夾（個人喜好，唔鍾意食茄子），但整體不錯，搭正十二點開門即入，唔駛排隊。下次會試沾湯，但啲烏冬真係好滑！

第一次接觸白布烏冬係見到朋友po相，上網睇過先知原來白布烏冬係改良於群馬縣其中最有名氣的其中一家烏龍麵店「藤屋」。該店的「店自慢」，就係闊身好似白色被子一樣摺疊起來的烏冬麵「ひもかわうどん」，就好似白布咁～ 後來被引用並改良成依家深水埗呢間白布烏冬。白布烏冬全自家製，口感彈牙煙韌又滑溜。裝修好有日本feel 好用心！烏冬主要有三種食法：沾麵、冷麵、湯麵，各有特色。太好啦！平時午餐晚餐時間要排長龍，揀左冇咩人食飯嘅時間嚟完全唔使排！第一次嚟食揀左最抵玩嘅鴨肉沾麵。我揀沾麵嘅原因係，沾麵嘅湯一開始係熱，可以食到湯麵嘅風味，等食到一半d 湯同麵都攤凍曬，就可以食到冷烏冬嘅風味。仲因為沾麵係湯麵分開，就唔怕浸到d 烏冬軟爛曬。烏冬成一塊薄薄的長方布形，每份有8片，望落薄但夾起都有一定重量。鴨肉湯望落清其實味道幾足。入面固定有3片頗為厚實嘅煙鴨胸、大蔥、少許紫蘇葉、茄子等。飲落幾清但係味道濃郁，茄子、大蔥都好軟腍入味～食鴨肉嘅時候加dd 紫蘇葉同湯、烏冬一齊食，味道會再豐富d。烏冬沾湯之後滑到完全夾唔到😂 食到好狼狽，湊個口去碗邊，好努力吸起，sir sir 聲大大聲😂😂可惜食到第三塊d 烏冬同

岩岩開始拍拖一般都會見得頻密啲，見面就好多時要諗食咩，今日就想介紹一間去左可能會影響斯文形象嘅餐廳/食物😅-呢個好可能亦係揸筷子🥢高手嘅訓練場所🏆雞肉入沾白布烏冬$86🍜唔好以為得個幾塊邊夠飽，其實佢一塊都唔薄架😲首先個烏冬係好滑好難夾起😵我本身揸筷子已經唔叻，而家隻烏冬仲要恰我，一夾就跣🤯anyway，塊烏冬係幾彈牙嘅，個湯唔會太鹹，雖然幾掛汁，但濃稠度比想像中低。感覺個湯帶有雞肉嘅精華😋雞肉唔嫩滑但唔算太乾🐥🐥🐥鴨肉入熱湯白布烏冬$86🦆呢個個湯反而無咁特別，但鴨肉好嫩帶有油脂香但唔膩👍🏻烏冬因為浸住湯失去口感，除非你係筷子高手，如果唔係都幾難係啲烏冬仲未林曬之前食得完😂

身邊有唔少朋友都提過話想試，但係因為地點對我嚟講唔係好就腳所以都開咗一排先食到。由於嚟排限聚令只係得兩人枱，所以唔算等咗好耐就有得入座。我叫左碗雞肉入沾白布烏冬，只係大概過咗三定四分鐘就上菜，速度好驚人。個湯係熱嘅，因為啲雞係炸過嘅所以湯上面係有一層雞油，聞落個湯都幾有雞嘅香味。飲落去係似偏甜果種壽喜燒湯底，仲有啲野菜嘅甜味。平時唔太好日式清湯嘅我因為個湯都幾重口果所以都幾中意！食到一半有落到啲薑蓉，蔥花同少量wasabi，我覺得幾解油膩。白布烏冬係涷上，有8塊。夾起上黎就好考筷子功力因為佢又滑又大塊。之前一直都覺得視覺上佢好似餃子皮，但係食起上黎又唔太似烏冬嘅口感，反而似涼皮 x 河粉，口感好q又厚實，所以係幾飽肚。唯一個缺點就係沾完個烏冬落個湯其實都唔係好掛到汁，所以大部分時間都係一啖烏冬一啖湯。同埋由於啲烏冬係冷嘅關係，食到一半個湯都會變涷左。如果要避開嚟個問題可能就要嗌熱湯果款啦。其實見到openrice佢都唔太多人讚，但係我又覺得又唔太差喎~ 如果鐘意食澱粉質又鐘意壽喜燒嘅人應該會中意。整體黎講，價錢同分量成正比，唔多人排隊都可以再encore嘅

白布烏冬喺深水埗荔枝角道，由深水埗地鐵站行大約10分鐘，近城大獸醫中心。當日打算食晚餐，5點幾去到已經有啲人排緊隊😱 等到6點開門～～ 真係要比啲耐性！白布烏冬係日本群馬縣的名物，烏冬唔係一條條，係成塊薄薄的，長方形的，所以食落都幾唔方便，我要自己手動用筷子切開佢⋯⋯質地係幾好的，滑滑又彈牙，但掛湯能力低，叫左個鴨肉入沾烏冬（$86）同雞肉入熱湯烏冬（$86），兩個湯都偏甜，如果再熱少少會好啲。價錢都可接受，可以當係試試新野。

今次係第一次試呢間白布烏冬，其實佢都開左有一段時間，但開業初期在疫情期間同埋勁多人排住隊去食，一排可能要排一個幾鐘，所以我選擇過了熱潮後平日去試。我今次試了天婦羅兩味冷食白布烏冬（$115）。這是冷食的沾麵，有冷麵汁同麻醬兩個汁，天婦羅唔會太油，顏色不太深應該不是用萬年油黎炸，食完唔會膩，而白布烏冬是幾特別同幾彈牙，但小編食完始終鍾意食一條條的烏冬，白布烏冬成塊有點重，雖然第一次食是特別噱頭，但食完第一次未有覺得心動到想再食一次。店內的環境十分舒適，好似去左日本嘅感覺，同朋友傾下計食野都不錯，小編覺得值得黎試一次👍🏻

假日同朋友行開深水埗先知道附近開咗間<白布烏冬>，而且唔需要排隊，當然要試下咁特別嘅烏冬啦~而且價錢又唔算貴。由於疫情關係，店入面有部分既枱都係封左，好彩早到立即有位~食物選擇其實唔多，主要都係食一片片既白布烏冬，食法只有三款，分別係熱湯、沾麵同冷麵。雞肉沾麵雞肉湯麵我自已就鐘意湯麵食法，總係覺得烏冬要熱食先好味~~加上枱上提供既七味粉同酸蘿蔔粒，而且環境又有日本感覺，好似去左日本咁~白布烏冬本身係無味，要靠鏗魚湯先吸到味道...而且烏冬一片片咁好難挾，好考筷子功.筷子功差既我食到成件衫都係湯汁

店舖燈光暖黃偏昏暗, 形成十分日式餐廳既感覺☺️每張枱既距離充足, 有空間感, 坐得好舒適👍每位客人仲有杯熱既綠茶, 食物不收服務費, 但店員仲會密密主動加水, 值得一讚🥰烏冬主要有熱湯(沾麵/湯煮)同冷汁咁食😎🍴ᴍᴀɪɴ·雞肉入沾白布烏冬 $86﹟數過一份烏冬大約有7片到🤔夾起上黎好考筷子功🥢因為d烏冬都真係幾滑身😂就咁食係無咩特別味, 有少少煙韌彈牙既感覺, 將烏冬浸落個鰹魚味湯之後就會食到湯底既清甜☺️湯裏面主要有幾舊正常發揮既雞肉, 大蔥同埋茄子🍆🍴ᴍᴀɪɴ· 冷汁白布烏冬(二味) $66﹟冷烏冬主要有2款醬汁, 其中一個係甜醬油, 食落都係清清甜甜咁🙂而另一款係芝麻醬, 芝麻味好濃烈, 對比下比較特別😋烏冬用左竹籮黎隔水, 所以都唔會話食食下變腍, keep到爽滑👍

之前放工路過深水埗 見到間裝修緊嘅餐廳 叫做白布烏冬🧐 聽落幾特別咁 過左一排見佢開左同試業 當然要去食啦🤩~~🍜雞肉入沾白布烏冬 $82第一次食咁大片嘅烏冬🤣 烏冬有6片 質感彈牙 似食緊讚岐烏冬嘅口感☺️ 望落份量好似好少咁 但食完都幾飽架🤪可以揀湯烏冬或者沾嘅 沾就係凍烏冬 食落就更加煙靱☺️湯底夠熱 味道就偏鹹 醬油味好濃 配料都幾足料 有雞肉 大蒽 茄子 紫蘇葉 雞肉🐓有3大件 肉質嫩滑😋 不過不失另外仲可以加wasabi同薑蓉 加左成碗湯即刻惹味左好多🔥~~總結1）幾有特色 味道都中上水平 可以一試~~評分📈味道 7.5/10環境 7.5/10性價比 7.5/10

想食想左半年，先搵到機會過黎食，但結果冇想像中特別。一片片的烏冬，望落好似好少，其實好夠飽，因為每一片都好厚，我本身想像係同餃子皮咁上下，但更真實的想像係平時烏冬未切成一條條之前的模樣🍜烏冬好滑好滑，不過就會有個問題，每片都好有份量，一啖係唔會食得晒一片，要分兩三啖，但因為好滑好難夾，一路食又會跌返落碗湯度🙈味道係好食ge，但我叫呢個鴨肉沾烏冬，得3件鴨胸，然後就係大量吸入烏冬，以我一個咁喜歡食烏冬的人，都覺得食到最後有d膩🙈嗯，打下卡就好，可一不可再。

之前呢間烏冬係奧運，諗住去試，點知搬左去深水埗，終於搵到時間去試下。睇open rice啲相好長龍，好多人排隊，都已經有哂心理準備。星期六3點幾去，冇人排隊，不過岩岩full house 要等10-15分鐘先入到去食。.Menu好簡單，選擇唔算多，比較出名既係雞肉同鴨肉。我地嗌左雞肉熱湯烏冬，其實舊雞肉冇咩特別，同白烚冇分別，亦都唔滑，但叫做有餸配下個烏冬。.烏冬一塊塊咁幾得意，食食下仲覺得自己食緊刀削麵，因為個質感幾似。.湯底方面，鰹魚汁味濃，少少酸同甜甜地既感覺，配烏冬就岩哂。.總括黎講，唔洗排隊都可以再encore，不過應該會嗌淨烏冬。

之前係社交平台見到介紹呢間好特別既白布烏冬 覺得好特別 烏冬通常都係一條條 好少見係一塊塊 初初新開個陣應該勁多人去食 排晒長龍 咁當然就等多排先去試啦 懶得排隊 天氣又咁熱咁岩今日係長沙灣附近 時間又差唔多 行得過去都五點幾 差唔多開門 咁就諗住睇下多唔多人啦 去到門口冇人排隊 入面有幾枱 不過仲有大把位 可能因為疫情既關係少左人 或者真係我地早黎 襯冇乜人就係時候要試下喇 入去要量體溫同消毒 環境唔錯 比較黑 幾中意呢種環境 一坐底 當然要睇menu先 再睇下邊啲係必食同推介同朋友一人叫左一個雞肉同鴨肉既沾烏冬 每份有7塊烏冬 肉好似每樣有3塊 係普通雞肉同鴨肉 幾好味 湯入面仲有啲菜 洋蔥同茄子 一黎到即刻試啖湯先 個湯好好味 應該係魚湯黎 烏冬好滑身 都幾難夾 夾左落個湯度 又好難夾返上黎食 可能係我地唔識夾 不過真係好好食 價錢都算合理 始終唔同普通烏冬 真係幾特別 服務又好好 仲冇收加一 值得一試