百匯酒家 (已結業)

🥢燒味拼盤唔錯，估唔到豉油雞係俾雞髀位😍 中間嘅木耳撈咗醋，非常開胃。🥢西蘭花煮得幾爽口🥢咕嚕肉好好食😋，炸皮好薄好脆口 咬落去啖啖肉，汁既調味甜酸度剛剛好。🥢粉絲菜煲較為清淡，岩哂中意食菜既我👍🏼🥢上湯龍蝦伊麵 有好多龍蝦肉，用料新鮮的，龍蝦肉質咬落去爽口有彈性，龍蝦肉同伊麵嘅比例剛剛好。🥢蒜蓉蒸魚 蒸魚火喉控制得很好，魚肉好嫩滑，配埋大量蒜蓉去蒸非常惹味😋。廁所環境衛生非常之差🤮 酒樓應該有好多年沒有裝修沒有翻新，環境有啲殘舊。

間中朝頭早都會喺呢度飲茶，今次就試吓晚市嘅蒸氣火鍋🍲.佢有四個套餐可以揀，我揀咗最基礎嗰個$158套餐，另外加多$38有個粥底。唔好以為咁平冇乜嘢食，呢個餐包兩款鮑魚、扇貝、蝦、牛肉、兩款手打丸、雞同埋雜菜🥬🥩🦐仲有一罐嘢飲，可以揀汽水或者啤酒。.鮑魚、扇貝同埋蝦都好鮮味，鮑魚同埋蝦上枱嘅時候仍然識郁！但係鮑魚有樣嘢可以改善，就係應該清洗得乾淨啲先上檯，我哋見到鮑魚周邊仍然好多黑色污跡！.每樣野嘅份量睇落唔多，但食下食下就發覺其實啱啱好😆想嗌多少少款式嘅，套餐以外可以散點，價錢都合理（好似蝦咁都係$5X咋）。抵食！可以再返嚟！

平日下午茶去食，明明都唔算多人又有空枱。3個人去食，職員都仲要安排我地同人搭4人枱，問下佢先好唔情願咁再安排比我。--🦐 蟹籽燒賣王 HK$8.8咁多樣嘢食稍為接受到嘅就係個燒賣， 係傳統茶樓嘅鐘燒賣，食到入面嘅蝦肉。.🐂 黑椒金錢肚 HK$20金錢肚蒸得唔夠耐，好硬身，好黐牙。.🍧 雜果涼粉 HK$12所謂雜果最主要係西瓜， 不過呢個價錢係幾抵食嘅。.🐣 雞蛋肉鬆腸 HK$20完全食唔到肉鬆味，雞蛋分量好少，腸粉食起黎唔 軟滑。.🐷 叉燒湯河 HK$23叉燒冇咩汁，而且好乾身，少硬。--📌 下午茶時段

住家附近，放假必去的醫肚推介，價錢合理，上菜快，又好食，冷氣足，坐得舒服正，最緊要等位快，其實鋪位轉左好多手，今次百匯係最出色，夜市仲有新鲜海鲜同蒸氣火鍋，可以由早食到晚，一家大细，多人必選

一早起身落筲箕灣飲早茶，諗住叫點心食下。上到去已經好多人，細枱基本上淨翻一兩張，好難得先揾到一張枱。早餐有自選孖寶，叫左一個A餐，蟹籽燒賣王拼蜜汁叉燒腸。同埋一個B餐，鳳爪排骨飯拼皮蛋肉碎粥。粥味道普通，似屋企自己煮嘅質素。排骨飯嘅排骨幾肥，食落排骨味幾香，鳳爪有少少咸。叉燒腸味道唔差但係層皮真係好厚好粉，叉燒唔多，冇乜味，好彩有豉油搭救。燒賣巨伏，好少會食到唔好食嘅燒賣，但上層燒賣好硬，下面好粉，食左一啖已經想放棄佢。以普通茶樓嚟講，價錢唔算貴，本身都覺得可以接受，但係食左個燒賣決定唔推介。建議如果真係食都唔好叫燒賣。

難得放假，朝早系筲箕灣。要食早餐但又唔系好肚餓所以就求其揀左間酒樓飲茶。 入到去見佢都幾多人覺得應該都唔會太伏。點知睇睇張點心紙發現大點要27蚊而點心紙上面基本上都系大同中點。不過好彩佢都有套餐可以選擇咁就叫左兩套餐啦。第一個鳳爪排骨飯加粥味道一般第二個叉燒腸粉加燒賣，個腸基本上無叉燒而個燒賣系我食個最難食個 個texture 完全唔合格而且淡而無味。 賣單84 蚊兩個人還好但考慮道佢嘅食物質數參差其實真系唔抵。用90蚊去對面茶記食好過。

以前覺得筲箕灣好多嘢食，現在覺得大失所望。 年初一在石澳行山返回嗰區，見到呢間酒樓，冇唸過其他原因就入去，因為不想周圍再搵。 點心單上寫著價錢在新年期間加價，茶位費也加幾蚊咁，這個覺得正常，新年溜溜。 4大2小，點了半隻燒鵝，一窩什麼蟹肉伊面，兩小碗燒鵝瀨粉，幾個點心而已。 結果大失所望，食物唔好食。 半隻燒鵝麻麻地， 可以話中規中矩。 兩碗燒鵝瀨，簡直在廚房攞出來，冇煮過一樣，瀨粉既湯超凍， 燒鵝也是凍冰冰。 一鍋寫上有crab 的伊面，湯就熱但冇餸，唔知那裡放了crab 肉， 菜都冇一條。 點心也是些基本的，叉燒包，奶黃包，燒賣等，也是一般般。 咁樣就9xx， 價錢收貴但質量唔成相比。 失望，以後也不像去嗰區食飯。

每個香港人都知道去酒樓有知客櫃檯，梗係要去登記攞位，原來呢間酒樓攞左飛入到去都未必係你。因為呢間酒店毫無制度可言!我係呢間酒樓攞左飛等位，入到去比個阿叔坐左，我同個部長講講我張枱有人坐左，佢話，襟呀，你照坐啦。我咪同個阿叔坐囉😆點知個部長又走黎話叫我去第二張坐，去到第二張枱野食都未叫就係襟有野食黎。

同朋友相約在筲箕灣午膳。 一行三人, 就來到筲箕灣港鐵站附近的百匯酒家。午膳時間, 客人真多。 我們今天有點兒運氣, 即時有位子。午市套餐, 有A餐 $160 和B餐 $288, 分別在於可選擇食物選項的多寡。 見食品選項也頗合心意, 便點了A餐。燒味丶粉丶麵丶飯(選ㄧ款) : 臘味崧菠菜炒飯。 臘味味道尚可, 以菠菜炒飯還是首次嘗到, 如果炒飯可以乾身ㄧ點較好。精美小食 (選一款) : 潮式咸菜豬肚。 初時以為小食是一小碗, 來時竟是一大湯碗。 味道還不錯, 胡椒味夠, 咸菜不太咸, 而咸菜豬肚份量也不少。 點心 (選三款) : 豉蒜蒸排骨丶金珠咸水角丶鮮蝦九菜角。 蒸排骨尚可, 有肉; 咸水角是一般酒樓水準; 鮮蝦九菜角做得好, 九菜角炸得脆口, 但不油膩。 每位茶$8, 是平價之選。

3：00坐低開始點菜。下午茶特價野食蠔皇鮮竹卷唔好食。奶皇包漏左單。老豆話蝦餃d蝦唔夠鮮。3：25未食完已經有夥記問野食齊未要唔要幫手跟下，齊左野食可以幫手埋單。開頭以為酒樓咁好服務係咪想博貼士？之後發現每數分鐘就轉人過黎問埋得單未？3：40分黎左個黑面阿姐話佢要check我地張抬既火鍋爐，擺明趕客做晚市。企係你側邊唔走迫走你。價錢方便，酒樓下午茶大點廿幾蚊碟，算正路。PS. 唔介意俾幾百蚊飲茶趕過食快餐既可以挑戰下。

跟家人到有東區食街之稱的東大街吃晚飯，由街口進入不久，看見一酒樓門外貼上最健康的蒸氣料理，想起去年也在這裡吃過不錯的蒸氣煱，於是今次決定再度品嚐。時間是晚上六時多，酒樓內人流不多。裝修已有點殘舊，但勝在地點方便。我們要了精氣窩四人套餐，種類包括珍珠龍躉斑、元貝、海蝦、蝦丸、墨魚丸、鯪魚球、雞肉、菜、菰、千層糕等。特別之處是職員先把米、排骨和少量南瓜肉放進煱內，加上少許水，蓋上蒸盆，客人便可自行選擇先蒸哪些餸菜，只要跟著附上的煑食時間便可。我們先來個清蒸海蝦，size也不算少，味道鮮甜；龍躉斑也很嫩滑元貝實在太細小了還有的是每枱2-6位會送1碟安格斯牛肉。待客人食完所有餸菜，拿開蒸盆，便可享用已熟透的排骨粥，但提議最好加少許鹽享用。整體而言，海鮮較為美味，其餘不過不失，但對比去年的蒸氣煱還是有些失望。

星期日一早去飲茶，難得還有特價時段，點心可揀的款式都多，以孖寶價錢同款式特別吸引我地點了6份孖寶，再點碧綠叉燒腸，蝦餃皇同豉汁鳳爪碧綠叉燒腸： 皮太厚，叉燒份量感覺好少，實際上份量不少，幸好配上香茜，味道不錯皮蛋瘦肉粥： 肉碎偏多，不過多數是筋， 皮蛋好似有好多，因為切得薄薄的，連皮蛋黃也食唔到脆皮釀茄子： 物如其名，炸得真的皮脆，魚肉更有馬蹄， 配上特製豉油，味道一流津菜鯪魚球： 大大舊鯪魚肉，魚球彈牙，葱多，味道ok薑汁千層糕：薑味十足， 質地煙煙韌韌，口感一流乳香豬手（右上角）：豬手大大件，多肉，腍，不過南乳味唔出鮮蝦炒米粉（右下角）：炒得甘香，條條分明，椰菜西芹粒炒得爽脆，不過所謂鮮蝦炒，都只係都係得兩蝦這麼多蝦餃皇（中間）：蝦量都不錯，不過唔彈牙，皮太薄，一夾即穿，d肉汁走哂😢潮州粉果（左下角）： 一般貨色，無驚喜潮州糯米卷（左上角）：糯米入味， 花生多，皮唔厚家鄉釀玉環：節瓜腍， 不過蝦餃唔彈牙咸魚肉餅飯： 大大塊肉餅，咸魚份量都唔少，飯粒分明， 帶甘香梅菜排骨飯：份量多，飯粒分明， 帶甘香，梅菜味出，排骨都多肉香煎蘿蔔糕煎得香脆，不過蘿蔔少，好左粉漿唔硬豉汁蒸鳳爪：豉味唔

晨早流流要起身同長輩拜年，最衰樓下冇食肆開門，咁岩就見到百匯酒家開左，呢間之前係明星酒家，自從轉左名就冇去喇！正所謂冇期望就冇失望，過年有得飲茶就喜出望外。過年飲茶就一定貴，冇法啦，一年先有一次過年！鮮竹牛肉球－都幾大粒，肥瘦適中叉燒腸粉－都好似牛肉球咁樣夠料，新年不嬲都係冇咩料，今年竟然足料，可能因為個價錢貴左流沙包都夠熱，並不是好像平時般番蒸！蝦菜餃就差少少，仲食到有雪味－３－整體來說,過年去酒樓食野都不會有所期望，但今次整體上都ＯＫ　ＬＡ，　最起碼食完冇狂灌水！

完成石澳龍脊一天遊，返回筲箕灣享用晚膳。百匯酒家鄰近筲箕灣巴士總站，有地利優勢吸引筆者到訪。 酒家內分成兩部份，一部份提供蒸氣石鍋美饌，另一部份則提供晚飯小菜。芹香龍皇帶子羮：芹菜香氣明顯，湯羹稀稠合適。 金蒜銀絲蒸北海道元貝：中等體型的元貝，鮮甜度 OK。以金蒜豉油調味份外惹味。 蒜茸帶子蒸勝瓜：菜式的處理手法與金蒜蒸元貝有點相像。菜式雖有味道清爽的勝瓜作配襯，但仍緩和不了略重手的調味。 薑蔥牛油珍寶蝦球：蝦球的炸漿外衣實在大厚得誇張，以此充作「珍寶」實在有點過份。薑蔥味輕，牛油味重。 順德魚茸煎蛋：口感煙韌，蛋香理想。清蒸生猛珍珠龍躉斑：魚肉味鮮合預期，加上特價，抵吃。菠蘿生炒骨：生炒骨口感硬實，不欣賞。芝麻蒜香骨：製作比生炒骨佳，口感鬆軟得多。芝麻香蒜兩者皆是搶味之物，惹味感有一定保證。蔥油走地雞：蔥油是菜式的靈魂，味道相當吸引，雞肉亦見美味。 海皇雜菜煲：菜蔬款多味甜，各式海鮮不見特別。淺嘗了班塊一件，乏味不吸引。整體來說，酒家的食品水準屬可接受水平。雖然餐單中有多款特價菜式，但最後人均消費還是要百五元一位，不見得特別便宜。另外，席間有個別店員黑面發脾氣，影響了服務

平日放假一早去飲早茶！唔洗等位，但要搭枱，好多係大枱，一枱搭三四張單。鴨腳扎個碟好大，鴨腳扎就正常大小，鴨腳唔夠淋雞絲粉卷好大碟，餡都好多加豉油都滿出！唯獨啲木耳有啲苦，洗唔乾淨？！燒賣相比起食開既酒樓，佢係細粒啲，不過都有蝦。普遍啲點心都較為淡味，可以少鹽健康啲掛仲叫左鳳爪排骨飯，有兩只鳳爪，五粒排骨到，都算大碗，飯軟硬度唔錯，有咬口，唔係爛飯可能太多人搭枱既關係，埋單發現計多左一碟，收錢個呀姐態度麻麻，話“”頭先問左你食咩對左單“”，甘佢問我係咪食左排骨飯，我係有食一個，點鬼知你計左兩碟姐！