百寶雞

营业中

休息中

✨百寶雞半隻雞份量略少 一打開都呆一呆標榜首創去肥膏同尖骨切法 注意係去尖骨 唔係去晒骨雞皮薄 有毛 所以冇食 已經扣晒分 肉薄骨多 肉質軟腍 冇乜雞味 唔似新鮮雞亦唔算好入味 味道帶微甜 有藥材香料味 整體好一般 真係試一次就夠了總結：味道麻麻 份量又少 影出嚟好似份量正常 但個盒其實係大手板少少話說因為佢嘅特別切法需時起碼要等30分鐘 但我個人就唔係好明白用咁長時間點解淨係去到尖骨同肥膏起晒皮下肥膏 但啲皮有毛都係食唔到咁有咩用起晒啲尖骨 但一樣有骨 咁又有咩用呢30分鐘人哋海南雞都可以起晒骨啦🙄環境正常 服務正常 價錢貴 以佢呢個質素味道 完全唔值如果真係新鮮雞又唔算貴 但感覺唔似180蚊半隻雞 大約平時三分一隻雞份量真心去附近買鹽焗雞加送好過

呢間手切雞飯老店我係由細食到大，佢已經開業超過20年， 見證大圍飲食業嘅變遷。老店由一對老夫婦主理, 小店經營，慢工出細貨。 師傅一直堅持切雞去肥膏少油，淡淡雞肉，配醬汁雞皮十分之符合健康原則。秘製醬汁令到雞肉原汁原味。佢哋嘅白飯亦都有一定質素，唔會太硬太乾。另外推介佢哋嘅雞腎，非常新鮮好味，不會有過多嘅味精。由於佢哋只有外賣冇堂食，所以一般只有少量現貨. 建議買外賣飯盒或切雞，可以預先打去訂以免去等待時間。一般半個鐘之前落訂會較安全。

相信大家聽過白切雞、鼓油雞、貴妃雞、太爺雞，但你可能未聽過百寶雞。細細個游走 沙田和大圍，呢間百寶雞真係好食！一D肥膏都無，點解無肥膏？因為師傅會把每件雞起骨去肥，而且每隻雞都係鮮嫩。食完真係一試難忘。幾十年老鋪，我隔左幾年無食，今次食番，質素咁多年都無變過！

我吃了雞,不論即食或翻叮食,毫不破壞味道！該店35年來保持水準！由始至終,他的手法一流！不論 點秘制醬汁或不點醬汁一樣好味！🚨🕰️最好及早計劃,因為需時制作,我建議打電話預訂,以免白行一趟！🙇

《👍全港最正的🐔—百寶雞》開業33年，秘製百寶雞，基本上住大圍既人都應該聽過佢個大名！佢絕對係全香港最好食既雞，沒有之一！——————————————————㊙️秘製百寶雞 $280/隻先講隻🐔雞，雞起哂肥油同骨🦴，你睇下張圖，起到乾乾淨淨，唔食埋塊雞皮真係好對唔住自己！😋食落去舊舊都無一絲既肥膩感覺！連骨都唔洗吐！雞由👨🏻‍🍳梁師父秘製汁浸成，每一個位都入哂味，唔會只係得顏色！🐥而雞係真有雞味，因為並非雪藏雞～ 而👍最最最正係個醬！佢同出面既唔同！唔好睇佢有層油就怕，其實佢有多種香料，包括五香粉啦，整既～如果配米線呀，或者熱辣辣既白飯，超級香同惹味🤗！——————————————————⚠️要注意既係，因為師傅要起骨同皮，每隻雞都要20分鐘時間先搞掂～ 📞記得預先大概一個鐘打過去訂左先！☎️電話：2601 1111同埋雞每有限量，所以最好早d 訂左先！——————————————————🐣百寶雞 (大圍)大圍積信街41號

呢個係第一個無食過而又寫既食評 話說早幾日行過大圍 見到呢間聞名已久既百寶雞 當時大約17:30左右 在門口望入去掛滿十隻八隻雞 我就埋去話唔該要半隻 個阿叔二話不說就比左個冧把牌仔我 我莫明奇妙再同佢講要半隻外賣 個阿叔就話「咪比個牌你半個鐘頭後來攞羅 唔使你等呀！」就咁睇都知道個語氣係點啦 聽完嘩一聲 唔知咩事 我買半隻雞遮 唔使咁係馬 而且已經有十隻八隻掛曬係度 一斬就係 當時又一個人都無排隊 最後無買到 重有佢D雞腳夠胆賣$25蚊5隻 而且係勁細隻 真係矜貴 其實咁樣做生意幾好食都無用 唔知點解重會有人幫襯？

從小到大如果想食飯加餸，屋企人都會去大圍買百寶雞。因為自小買到大，佢地個預定電話26011111唔洗入電話都記得。未去前已經打電話預定，否則將要等好耐，老闆話45分鐘可以力，所以我較好時間先出門。去到即刻有得力，今晚成家有百寶雞食，真係好開心 因爲好耐無食過喇！一打開都忍唔住偷食，每盒百寶雞都有老闆特製醬汁。因為特製原故，我對當中成份不詳。但係食入口中，我覺得有點花椒八角及椒鹽味。百寶雞既味道很香，不似一般既豉油雞，食進口中會帶一點甜味平時我係唔食雞皮，但係百寶雞既雞皮真係好入味，會令人忍唔住要食。而且最重要係老闆切走曬脂肪！雞皮及肉係分開的！百寶雞肉很軟林，送飯一流

賣成幾佰元一隻雞，居然俾雪雞人食，店主滿口仁義道德，鬼話連篇，上門對質滿口歪理答不上，只係問上一句：賣的是鮮雞淨係雪雞？店主迴避問題！一味錄音機上身，總之係靚雞！

滿懷希望去買隻雞給父親做生日, 點知隻雞普通到離晒普.1. 鹵水雞一隻, 沒有其他人講不會鹹.反而帶點點甘2. 一啲雞香撲鼻感覺都冇 3. 拿雞時我也有一張包你不會肚痛的單張 --> 冇4. 唔明金綱, 小儀可以俾10分

百寶雞，是近廿年吃過最美味致極的鹵水雞！堪稱全港第一！相片拍得不好影響各位對此鷄的印象，是老叟不對; 先對店主致歉！百寶雞在大圍已經營多年，老闆本住良心做好靚鷄。多年來均取鷄味較重、肉質好、脂肪比例平均的來貨以秘製鹵水煮鷄。多年來出品水準保持穩定。鹵鷄在鹵製後，在客人落單時才以人手用心起骨除多餘脂肪。鷄肉與皮均披著風味十足、惹味帶清香而微甜的味道。這鹵水其他店舖不用: 一般鹵店以平價豉油老抽、花椒八角、糖與味精做味; 百寶鷄則應、不以水準較高的豉油老抽、不燥的葯材吊味---- 吃後全無口乾上火的問題，也不失其鹵香風味，吃後真的是齒頰留香！而雞肉方面，不論肶、背、胸均鹵得入肉而又不失幼滑！細心品嚐，便知此鷄在選料、鹵製及起肉均花上不少心血。香港，已很少廚師肯用心去炮製好一隻鷄了！喜歡吃劣質豉油味精雪鷄麼？飲食，真的有絕對民主自由的。

呢間店的歷史上一位食家已經詳細敍述.1985年在大圍創立.店內貼滿報導同相,要食雞最好2個鍾前打電話預訂.其實在現場立即叫.一小時就可以的.店內細細.周圍望也不會見到1隻雞,點菜時要對著空氣講....店主梁虹光師傅.為人也什冷酷的....圖中只係半隻雞.骨也不是全部起骨,胸部仍有骨的..賣點只可說完全沒有油同乾淨.而鹵水汁也不會鹹.反而帶點點甘...拿雞時我也有一張包你不會肚痛的單張.內容只是什麼食物配什麼食物不可以.同有關方面監管不力.....總括..食物味道是好的...但不至於特登去..一試無妨

早前見到雜誌報導，知道大圍有位高人---梁虹光師傅，廿幾年來，獨沽一味，百寶雞，用其獨家刀法，去尖骨、起肥膏，務求大人食得健康，小朋友食得開心，淨係呢一份精神同心意，足以叫我專程去一試。百寶雞位於大圍積信街41號，唔難搵，舖面唔大，但貼滿報紙、雜誌嘅宣傳和報導，仲有前港督彭定康試食及與大班鄭經翰嘅合照，非常威水。今日係有備以來，所以一早已經打電話來預訂，因為梁師傅堅持即叫即斬，斬雞壹隻需時最快都要十二分鐘，如果有客人等候，隨時要敖上個多小時，所以梁師傅早已張貼聲明，提醒食客最好提前兩小時預訂，非常巴閉。我今日比預訂時間早咗到，眼見舖頭門已開，但空冇一人，便站在門外大叫一聲，因為舖頭嘅門口係有一趟半腰掩門攔著，所以我冇硬闖；有一把雄厚嘅聲音係舖頭後面嘅工場傳出來：「係咪訂咗雞？」「係。」跟著，就見到一個身穿白色工衣，紅色短褲嘅中年男子，由工場走出來，雖然真人比相中人老，亦比較瘦，但我肯定這名中年男子，就係梁虹光師傅，佢二話不說，隨手拿起工作枱上嘅廚師帽，往頭頂一笠，便走到砧板面前，一手拿起刀子，另一手拿起百寶雞，埋首開工，非常酷。根據報導，梁師傅只用120天大嘅農場活雞，每隻重約四斤，每

百寶雞已經多年無買因為對我來說貴了一點；每次經過都望吓破舊鋪子算了，窗口貼滿老闆自己的廣告剪報，雞香依然撲鼻，由這個月開始已加價致兩百元一隻，今晚好想好想食就等了半粒鐘，街上D人眼望望，像我以前--也層一樣.....咁樣(衰樣)嘅鋪頭都有人光顧D雞......；我要求留骨，鐘意骨都好好味道!! 其實百寶雞有乜咁特別呢？就喺夠香味有回甘的香味；比美茶香雞、咸香適當、今晚食的雞胸有點乾，但整體OK，請客不會失禮。