百匯軒

营业中

休息中

每年一到冬天就是吃長腳蟹的季節，各大酒家的魚缸都會塞滿巨型的長腳蟹，而且由於當造，價格亦會比較相宜，吸引不少食客前來品嘗。———————————————————————長腳蟹每斤售價$208，今次經理從魚缸選了一隻4斤14兩的，份量十足。食客確定後便會馬上清蒸，需時大概30分鐘。蒸好後的蟹會在食客面時，由專人將蟹解體，令食客食用時十分方便。吃海鮮最重要的便是新鮮，蟹肉非常結實鮮甜，肉量亦十分之多，而且還有少許蟹膏，非常鮮味，令人回味無窮。

屋村酒樓都知唔可以太多要求，但係連少少基本禮貌都冇，就唔好出嚟做嘢啦。唔知點解啲傳菜阿嬸，放低食物嗰隻手一定同一時間拿埋支筆。傳菜有個紮馬尾嘅，講嘢有少少鄉音，放低食物嘅時候，支筆掂到枱面其他食物，冇鬧佢，只係叫佢小心啲，即刻駁嘴駁舌，話地方窄梗係咁㗎啦，一句對唔住都冇，同枱嘅婆婆都話唔知請啲咩人。其實做服務業講句唔好意思有幾難？有呢啲人做餐廳服務業，唔怪得知啲人寧願上去深圳消費，起碼人哋都多謝前多謝後。

跟長輩飲茶，到百匯軒沙角店，裝修格局是屋村酒樓質素，服務態度也未能符合水準，愛理不理，沒有足夠人員招呼。叫了鮮蝦菜苗餃、薑蔥牛柏葉、瑞士汁乾牛河、牛肚、牛肉球等。牛肉球肉質鬆散，似乎下鬆粉下得太多，肉味全。薑蔥牛柏葉和牛肚算是不錯。鮮蝦菜苗餃也算是合格。一間酒樓的師傅功力好壞能從乾牛河的質素略知一二，可惜是日的瑞士汁乾牛河味道欠佳，油膱味太重，河粉炒得不夠乾身，油淋淋的。不過明白的，價錢的確比外面平一點，以飲茶的性價比還是可以接受。

平日入到去坐低想搵個夥記開茶開卡畀你都難。到新年嗰幾日就個個都輪流行埋嚟同你講曬揮春嗰啲字。然後過咗新年再去又係想搵個夥記沖茶都冇！基本上我除咗新年平時去次次都係自己去茶水房度沖茶，呢啲服務都唔知點講好。。。。。。到最近一次 當然係自己去沖茶啦，我哋兩個人叫咗五個點心嚟咗三個然後一路冇點心到，等咗好耐因為我要趕住返學，所以就追問啲夥記，阿姐睇完就走咗去我唔知佢有冇去追單，跟住又等咗十幾分鐘都仍然係未有點心到，由於我要趕住返學所以就去咗埋單，喺埋單時話俾收銀姐姐知兩個點心等咗好耐都未到咁收銀就搵部長去改單，但係個部長連一句「對唔住」「唔好意思」「sorry」都冇提冇講過！呢啲咁一流服務嘅酒樓我覺得真係唔係我哋呢啲平民去飲茶去食嘢嘅地方！！！可能會有人問我點解咁差都去咗咁多次，冇計屋企要將就老人家，老人家行動不便只可以去最近嘅酒樓，已經盡量避免，但係間唔中一次係少不免，但一定會諗方法以後都唔再去呢一間酒樓度飲茶，呢間酒樓叫~百匯軒~喺沙角商場！

同屋企人食飯最適合就係食中菜了叫左個晚市套餐野食就不過不失但有幾樣真心唔建議❗炸排骨好大陣酥味😅，同埋個粉漿同排骨係分開的😅鮑魚蒸得太老了，完全咬唔開😅而比較食得下既係個湯飯👌🏻冇咩要求是但食餐晚飯就ok但如想食好d, 應該仲有其他選擇了

貪平冇好嘢，（垃圾），唔怪得知星期六都冇人， $78加一真係好抵，但係望到個樣都唔想食，其他小菜還可以，真係唔好試，真係唔好試，真係唔好試，真係唔好試，剛剛好80個字。

今晚一行五人到沙角酒樓叫小菜食。酒樓人流都比較疏落，大約得7成滿。坐低一陣就開始單菜，點左有生啫栗子排骨煲小炒王花膠浸菜苗片皮鴨美極煎大蝦小炒王就好好味呢個係我推介，還有就係美極煎蝦，好入味比起好多地方都好食。片皮鴨就比較乾身同埋片得比較厚，不過我都喜歡有d肉既片皮鴨，食落冇咁滯，呢個我都ok但對於喜歡食皮個朋友就不推介。花膠浸菜苗就好淡，直頭都冇味咁，但我可以肯定係淡到冇味精。排骨煲栗子好硬，排骨就味道好咸直頭黑名單。呢個食評希望幫到大家，我會繼續努力。謝謝

一入門口掃安心出行，由個男人負責，但係佢一啲禮貌都冇，對每一個客人都係呼呼喝喝， 好似喝個仔做功課咁樣，入到去要自己搵位完全冇人招呼。坐低選擇點心但選擇唔算多，又唔係即叫即蒸，蒸嘅點心送到上枱係凍嘅，其中黑椒牛肚同埋鳳爪仲有浸酸宿味，同個部長講佢個樣就好似係我哋呃佢咁，畀面色我哋睇，炸嘅點心鹹水角春卷啲油浸到濕曬，根本就放唔到入口，腸粉不但止凍仲要皮厚肉少，茶係二手茶完全冇味嘅，咁大個人去過咁多次飲茶最差呢間， 一半都食唔到就決定走，由於太嬲所以冇影到相。仲有係價錢一啲都唔平！

星期六多數係周圍去食早餐今次搵到沙角村酒樓見佢星期六都有早茶特惠有個孖寶$37.8另外有一個更特惠$27.8粥 + 點心對老人家嚟講都唔算貴點心都正常粉果果皮差d d

每一年媽媽生日都諗爆頭要食啲咩😆😆😆😆😆媽媽主動提出想食酒樓👍🏻🥹👍🏻🥹🥹咁我哋梗係嗱嗱聲搵吓屋企附近有邊間好食😝😝😝😝😝😝😝😝今次我哋揀咗百匯軒💃🏼💃🏼💃🏼💃🏼💃🏼我哋訂咗套餐😎😎😎😎😎😎出奇地有驚喜😍😍份量好足而且味道亦都10分唔錯🤤拼盤夠大份 海蜇好味🤤🤤蟹🦀️外脆内又唔會乾西蘭花帶子都新鮮龍蝦伊面勁正正正😍😍😍👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻上菜速度都OK侍應招呼都好好過咗一個好開心嘅生日夜🎂🎂🎂🎂💃🏼💃🏼💃🏼💃🏼💃🏼

領展在沙角商場進行推廣，送出百匯軒分別為100及5OO元現金券，用法與現金無異。但只限堂食及每次限用一張。然而百匯軒擅自更改現金劵條款，1OO元只限一款午或晚市食品，而500元則限於指定晚市1880元的8人套餐，遣反合約，應受領展責備及作出補償。

呢間酒樓好近沙田圍站🚝, 就响對面沙角商場內。 早茶孖寶$34.8(1份有兩個點心), 我哋叫左兩個孖寶, 有兩個鳳爪排骨飯, 叉燒腸及芋頭糕, 另外, 再散點左個五豆糕$14.8, 食評如下👇:🥢鳳爪排骨飯豉蒜味唔濃, 鳳爪排骨正正常常冇咩特別, 白飯粒粒分明爽口唔會太淋太多水份 🥢叉燒腸粉皮唔算太厚但不滑溜, 叉燒不是蜜味的, 而是屬於鹹的那種, 我個人就唔識欣賞🥢芋頭糕芋頭糕煎得幾香, 有芋頭粒及臘味碎, 唔差🥢五豆糕😋有驚喜, 入口Q彈清甜, 食到粒粒豆又唔會好硬, 好食 👍枱與枱之間有適當嘅距離, 坐得舒服, 早茶平均十零蚊一個點心有飯有腸粉, 普普通通食一餐都唔錯魚堅總評性價比 4👍(以5👍為滿分)

難得地可以同朋友同一日平日放假 當然要約會見一見既朋友話想飲茶 又要方便泊車 所以就揀左沙角呢間茶樓平時通常都係飲早茶或者下午茶....好似勁耐無試過飲午茶 原來貴咁多架😱😱😱😱無哂啲特價點心🥲因為窮 所以揀左個最平既三五知己套餐一款小食 一款粉/麵/飯 三款點心 承惠$178 小食：海蜇手撕雞Er....無諗過可以咁難食.....平時海蜇點整都唔會難食得去邊....但呢碟海蜇剩係食到麻油味.....成碟野都超級油 每啖都好似比油包住咁 又完全唔入味👎🏿👎🏿👎🏿主食：瑞士汁乾炒牛河色水好夠 但真係剩係得色.......牛肉仲老過我阿婆.....又乾又鞋....似係翻炒左無限次.....炒到乾哂唔夠味想加啲辣醬調下味啦問左幾架車既姐姐有無辣椒醬 架架車都話無🤷🏻‍♀️🤷🏻‍♀️點心：桂林牛肉腸 豉汁蒸鳳爪 蟹籽燒賣王每款都成功地讓人失望.....燒賣食落口既感覺似浸過水....有陣淡淡地既味...好失望好失望🤦🏻‍♀️🤦🏻‍♀️🤦🏻‍♀️🤦🏻‍♀️見到隔離檯咸水角幾靚 又叫左碟終於有樣野係正常...夠香夠脆 但係偏細粒 係瘦身版咸水角🙊🙊真係唔會有下次.....

相約長輩去飲茶找間方便嘅位置，屯馬線又方便主要做街坊生意，這間酒樓是集團式所以有分店，但分店價錢不同的！平日午市人客也算多，看似大部分街坊，我哋點了粉果、鳳爪、蜆介鯪魚球、牛肉腸粉、炒米粉、海蜇雞絲。點心和炒米粉味道算普普通通，海蜇雞絲唔夠味，反而蜆介鯪魚球夠香口，蜆介汁夠味道！環境方面都幾光亮，座位唔算太迫，服務態度都可以啦！一叫都有職員幫手！

放學後與同學在「百匯軒」飲午茶，水餃、鯪魚球滑雞粥、椒鹽鮮魷，兩人共享三款食品！$27.8椒鹽鮮魷這個價錢很吸引我們，心裏有數相信份量不多，果然是對的，但兩人分享都滿足，鮮魷肉質都合格，脆漿口感，就粉漿較多，連加一都是$30，更勝街邊魷魚。$27.8一碗四隻大水餃，味道尚好，還有不少生菜。$28.8鯪魚球滑雞粥，鯪魚球爽彈仲有果皮蓉味道很好，雞球肉滑，粥底味精較重。人均消費$55，任坐任飲茶水是受歡迎原因之一。