皇后冰廳 (已結業)

前幾日去長沙灣探位老人家，她介紹我們到附近新開的皇后冰廳，這間是港式茶餐廳，款式多價錢又抵，而且又啱我們口味，當然要吃個 tea 啦！冰廳裝修並非一般的餐廳，而是都幾豪華，天花掛上水晶吊燈，閃閃亮亮，時尚雅致。餐牌上的食物種類甚多，有愛爾蘭N2生蠔及法國生蠔、皇后Pizza、自家製牛角包、美國肉眼扒、鵝肝、意大利粉、焗飯、湯麵、小食、特飲等，選擇非常多元化。香煎鵝肝(配紐西蘭肉眼扒)    $98紐西蘭肉眼扒都幾大塊，牛味香濃，肉質鮮嫩，吃起來好有肉汁，鵝肝入口即融，好 creamy，配合雙色薯條，炸蕃薯條及炸薯條，薯味濃郁，香香脆脆，口感非常豐富。套餐升級特飲(半價) + $19  椰子沙冰沙冰造型可愛，口感軟綿綿，椰汁味非常香濃，冰冰涼涼，消暑解渴。日式黑豚肉漢堡    $58以蔬菜汁製作而成的漢堡包，健康美食，漢堡外皮脆脆的，咬起來很軟綿綿，餡料除了有黑豚肉，另有番茄、生菜，蔬菜翠綠鮮爽，黑豚肉味道特別香濃，肉質好鮮，而且好有肉汁，特別好味。這款都是配上炸蕃薯條和炸薯條，雙式薯味都好濃厚，香脆可口，讃！套餐升級特飲(半價)  +  $19  芒果沙冰同樣都是沙冰，不過這杯是芒果味

這附近餐廳不是很多，同事講有間餐廳不錯當然就約一起去吃晚餐啦，去到見到都幾靚而且座位都舒服，我們2人叫2個主食加一個小食，甜品和飲品，十分抵食仲要勁飽肚。薯蓉焗螺勁大隻都不用$30必推介，螺肉彈牙新鮮，蒜味重而且薯蓉十分香滑。超級夏威夷薄餅，啖啖肉有有不少配菜波蘿和蕃茄醬帶微酸幾開胃，皮底又脆口，份量不少差點吃不完。一口牛肉意粉，意粉炒得幾香口，牛肉軟熟，醬汁夠濃好味，仲有腸仔同配菜，不用$60好大份。最後我們各自叫了飲品凍檸檬茶，都是半價和加幾元都不錯。最後見有甜品配就叫了一個士多啤梨芝士蛋糕一起食十分滿足。

今天到長沙灣朋友家家訪，後在附近找食，被帶到地鐵站對面的餐廳。點主食加12元有餐湯同沙律，非常經濟。 （忌廉雜菌湯）湯熱味道適中，有雞髀菇與蘑菇，口感同味道不錯，沙律放咗芝麻醬，多少少醬更好味，青菜新鮮，份量ok。主菜（日式豚肉漢堡包）上菜時看見漢堡包是綠色的，一問之下至知道係綠茶味，挺有趣。豚肉嫩口腍軟，雖帶少少筋，輕微薄了點，但都幾大件，再加埋厚切蕃茄，醬汁滿滿，很啱豪邁嘅我，食到一手醬汁先夠滋味！另一個主菜（蒜蓉牛油虎蝦配豬鞍），這件西班牙豬鞍肉質腍軟，煎香後再半焗，有效保留肉汁與鮮嫩，雖然有些肥膏，但挺甘香脆口，我忍不住也切了些吃。其實煮時加鹽與黑胡椒已經好味，跟蒜蓉汁係比我哋多一款口味選擇，虎蝦肉實有蝦味，伴菜的薯條也有心思，除了薯條外，也加入蕃薯條，味道香甜。色彩更豐富美觀，而熟的青菜份量也足夠。優惠價加18蚊選咗碟(白汁芝士焗四蔬) ，就呢個價錢係無咩麼期望，結果挺出人意表，芝士味香口，白汁濃郁，出乎意外的好，在外邊很多收六七十蚊碟的也沒有這個味道。最驚喜係28蚊嘅(香草牛油焗翡翠螺) 肉腍又有牛油香，再加牛油味十足嘅薯蓉，好味又抵食！飲品半價，因今天已飲咗兩杯咖啡，

📍 【皇后冰廳】晚餐食西冷牛扒都只係 💰$58 本身薄扒都驚佢伏😂 因為好多薄扒煎衰咗都會變到成塊毛巾咁😂 但呢個又煎得幾好喎，而且煎到有啲邊邊位幾脆，幾好食😋 配菜我地要咗薯菜，特別既係佢地除咗薯條仲有蕃薯條兩溝🍟我同fd子都覺得蕃薯條好好食，甜甜地又脆口，呢個價錢同質素黎講認真抵食😳跟住我地叫咗個千島海鮮薄餅，都幾多料，啲蝦🦐大大隻，個餅底都ok，可惜啲料唔太夠味有啲淡😳 對於重口味人士黎講唔夠過癮😂跟餐可以有小食跟，我地要咗炸雞翼同芝士焗青口🦪炸雞翼好大隻又脆，而且仲搽咗蜜糖係面🍯 Gooood芝士焗青口真係一定要叫🤪 佢啲青口真係落足料又夠味，放咗勁多煙肉，芝士多到拉絲，溝埋d沙律醬😳雖然fatfat但好食😍主食都大件夾抵食又好味，但反而野飲同甜品係敗筆😿我地一人叫咗杯凍海鹽朱古力同凍香蕉🍌朱古力，係咪聽到個名都覺得似吱矖cream擺得好威個種咁呢？ 但一上到枱 (圖3) 我地兩個😰😰，除咗隻杯唔同之外，個樣同杯普通朱古力無異，而我杯海鹽飲落去又真係同普通朱古力無異喎🤣 Fd子個杯都好啲，有啲蕉味，但感覺比佢好威既名fake咗🥲但呢個都可以係話我地ff得太美好，壓軸先係最最最

兩公婆放工去左長沙灣揾食，今次去一間揸車經過未去過冰廳，臨住快靚正去試下啦！ 都差不多新開一段時間，終於可以黎幫親下。安排坐底可能已成晚上八點，無乜食客更舒服，裝修上簡約配上天花兩盞水晶吊燈，整體感覺良好，員工服務好有禮貌。枱上 menu竟然有兩款生蠔 order添，買五送一優惠，更係試下佢啦！ 個人喜愛爾蘭，所以揀左N2生蠔即叫即開，超新鮮鮮甜爽口，鮮味停留口腔內溫存，讚！ 我見到推介日式黑豚肉漢堡 $58 可愛綠色包配上大大塊嘅黑豚肉，三色薯條色彩繽紛，當我咬第一口淡淡滲出綠茶香夠特別，見到心情都好轉，味道不錯，份量足，性價比高。 全日早餐 $48 可半價叫飲品份量不少，主打有幾款可選，其中雞扒較想試，還有 salad菜，滑蛋，火腿，香草腸，茄汁豆同薯餅，味道較平實， 絕對滿足嘅。凍朱古力 $22 半價也只需$11 最後甜品叫左個香滑嘅奶凍，不會太甜，夠香濃兼滑嘟嘟，完美。如果唔係食生蠔，真係超經濟抵食。

因為有10蚊優惠卷的緣故，這間餐廳開業一年多， 終於的起心肝來試。但是這次就是我最後一次來食， 因為今次的用餐體諒實在不太良好鮮茄焗豬扒飯這個飯最大的問題是焗飯是微温， 甚至乎是偏凍的 ， 這是個是焗飯的至命傷。因為真係頂唔順佢係冷飯😅😅所以叫了餐廳再為我焗了一下。 然後再上菜時， 飯有比較熱一點，但也是有點位置仍是冷飯。不過我已經不抱期望， 所以沒有再糾纏下去。這個飯雖是炒飯底， 但飯炒得一點也不香，更不用說鑊氣，只有少量蛋絲，一點也不像炒飯，但也有可取之處， 就是飯也夠乾身。然後豬扒只有一位成年女士手掌心的大小左右，而且是薄扒，沒有煎香， 肉質軟腍，沒有太乾太嚡的問題，也沒有豬羶味。至於鮮茄醬， 一點也不濃郁，味道偏淡。 友人則點了焗肉醬意粉友人的意粉則沒有不夠熱的問題， 但肉醬份量偏少， 再加上肉醬味道偏淡，完全不夠拌著意粉吃。意粉也有少少發脹問題，也偏淋。 友人加$12 配了沙律和餐湯沙律菜新鮮湯，應該是洋蔥湯，則太咸。另外加$19配了一杯柚子蜜梳打， 柚子蜜也是很少， 令整杯飲品也沒有什麼味道， 就連我不好甜， 也覺得太淡味。再加上， 再最後留意到有一枱客人， 點了一杯凍朱古

年初一外賣叫咗五樣嘢食有三樣都係有問題嘅：1. 夏威夷薄餅($142 )：又細又薄，完全唔值呢個價，pizza仲要切到有大有細，塊塊size都唔同。2. 意式焗雞扒伴燒汁意粉($72)：塊雞扒係生嘅!! 3. 鮮茄焗豬扒飯 ($72)：一舊鮮茄都冇，啲飯好爛。個廚房咁都出俾客嘅...事後影埋相講返畀餐廳知塊雞扒係生嘅都冇咩反應，到底有無心做？

幫男朋友清完間房，食返個快tea舖面都幾細，啲位都幾密下。男朋友話睇啲裝修、碟之類，感覺間舖都係行港女風😂原來唔止吞拿魚，入面仲有啲蕃茄，好清新既感覺，牛角包鬆軟好味😋缺點係太快食完😂😂不過30蚊有埋杯嘢飲都算係咁啦🙈份量唔算多，下午茶過下口癮都唔錯既沙律醬俾得唔係好夠，食到後尾冇得點😢總括而言，係唔錯既體驗，遲啲可以再試下其他野食

我返工嘅樓層同事，每朝早大家都會叫外賣早餐，前前後後也試過不下5、6間茶餐室（長沙灣），只有不斷幫襯而沒一間試過後是永不回頭的，「皇后」是我們的第一間。由他開業至有送外賣前，我們都滿心期待，直至第一次外賣，竟然非常失望⋯⋯一開業就留意這餐室走「高檔」路線，價格偏貴，但眾人也抱著一試心態。中伏位 （早餐）：1）跟餐多士偏硬，明顯不是新鮮製作 2）豬排偏硬，有明顯雪藏味 3）湯頭偏甜（係越食越甜）有點怪怪的（平常吃的湯粉是鹹湯底）4）普遍餐室早餐跟餐飲都會有朱古力，但這間如要跟朱古力，竟然要額外➕$17.5（外賣餐單沒註明要額外➕錢）當我落單時職員也沒提示朱古力需另加$17.5（當時我也沒留意普通的朱古力跟餐是要➕錢😔）.........有人會問，點解唔即時打番電話比餐室查詢，因我們已吃了一半檢查單據才驚訝發現我當日吃了一個那麼貴（$60）而又難吃的早餐，大家也異口同聲表示不會再幫襯，所以便沒有致電餐室........其實價錢貴不是大家「不再幫襯」原因，我哋比較著重食物質素。其實長沙灣一帶也有佷多餐室選擇，而「皇后」無論食物質素/味道/價錢/位置也是在其他之下，真心希望「皇后」也有所改善。

石燒牛好好食，上檯時五成熟，即刻食好juicy 幾軟身，牛味唔會好重，但牛油香味出色，要注意嘅係石板都幾熱下，上檯無幾耐就要食，唔係會熟過到。巴馬火腿同三文魚pizza 皮薄料多，幾香脆，三文魚pizza 每塊都有成嚿煙薰三文魚係上面，巴馬火腿同水牛芝士pizza 質素唔錯，味道平衡，食完唔會話一係pizza餅皮味一係成口蕃茄味，薄皮派可以試下。餐廳環境舒服，細細間但坐落唔會束手束腳，個到重有麵包賣，有機會可以試下。

行過長沙灣見到這間門面美觀的餐廳，諗住食個餐便算，怎料超驚喜！服務生超有禮，精神奕奕，對答得體，一定有下過功夫在服務態度方面，抵讚！下午茶選擇颇多， 種類有雞翼有意粉有牛角包 。 望望四周圍 ，也有 新鮮熱辣辣 的包點類，例如 賣相不錯的 芝士撻 。必定要試卡邦尼意粉， 意粉軟硬適中， 卡邦尼醬 味道有層次感， 賣相平凡但味道 好味！！！讚！！！制作有花心機，下午茶叫卡邦尼，要多個牛角包，一點也不貴。在長沙灣有坐得舒服，食物質素好，價錢平民化的餐廳，這間應是必選

黎到長沙灣 見到間甘既西餐忍唔住試一下平時港島過100蚊而家多幾款都係78蚊抵好 多有半個牛油果煙三文魚煙肉香草腸扒蕃茄茄汁豆牛角包滑蛋沙律菜薯餅抵食到嘔十分吸引我一定會再黎又近地鐵站不過要甘岩係附近先會食唔係就無人食估計本村居民未必會食因為78蚊個下午茶我見老人家多希望可以挨得住最少好過旁邊果d藍店同埋貴少少食好多我會認為 值得推介無論如何 試得一試唔係打手，只係見到理間野幾好希望唔好挨到 有緣下次再支持

這CAFE在公司附近, 星期二走了去幫襯, 等了一下就有位.一行三人叫了三個餐, 全日早餐 : 腸仔係微暖 (同事反映),  茄汁豆漏了.鱸魚午餐 :  餐牌顯示有兩塊魚柳, 來到只有一塊, 同事反映, 魚柳係暖的.我叫的係安格斯牛扒,  牛扒質素唔錯, 但又係暖的,  薯蓉的份量太少, 男士應該吃唔飽.隔離台有漏單情況,  廚房有做錯餐的情況, 新開餐廳仍有改善的空間.環境 : 新開CAFE, 招呼 : OK啦, 收碟好快,  店員算有禮貌