皇后冰廳 (已結業)

聽朋友講長沙灣有間性價比高嘅西餐廳 價錢唔貴 而且野食都好出色 50幾蚊就有西冷食 一於同朋友去試試 原來餐廳地理位置非常優越 係長沙灣C1出口附近 一出就見到啦店內裝修簡潔 燈光唔會太亮 抬頭一看 仲有兩盞大吊燈 非常浪漫首先我地點左性價比最高嘅美式西冷牛扒 佢配飯或意粉 配黑椒汁 順帶一提 穿校服或出示學生證贈送熱飲一杯 實在係太窩心 講講塊牛扒 雖然冇得揀選生熟程度 但食落一啲都唔硬而且嫩口 重點係份量一啲唔細 大讚 另外亦可以優惠價加配小食 我地揀左芝士蘑菇釀雞翼 咬開雞翼 表皮小小脆 而裏面有芝士同磨菇 非常吸引 而且口感亦都好好 啱曬鍾意食芝士嘅你之後我地點左卡邦尼煙肉長通粉 同樣係穿校服或出示學生證贈送熱飲一杯 長通粉配上卡邦尼 味道濃沃 食上黎又唔會太膩 唔錯另外呢個亦都可以優惠價加配小食 今次我地揀左芝士煙肉焗青口 青口鋪滿芝士同埋煙肉 味道非常出色 同樣都係唔會太膩最後我地仲點左曼克頓薄餅 餡料有辣肉腸 牛肉 菠蘿 粟米 洋蔥 青椒 紅椒 非常豐富 選用咗薄批去做餅底 食落鬆脆 而薄餅望落去顏色鮮豔 非常開胃總括而言 我認為呢間餐廳性價比高 由於價錢唔貴 但係食物卻

前排經過呢間餐廳，發現好多人進食，於是就決定試吓啦，結果果然好驚喜🥰🥰🥰🥰Pizza超級豐富，醬汁調配得剛剛好，餅底脆卜卜🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣豬肋骨賣相超級靚，打卡一流，甜甜酸酸嘅醬汁，食落好開胃😛😛😛😛😛明太子雞翼上碟時熱辣辣，裏面餡料超級豐富，十分惹味😋😋😋😋😋😋😋😋😋😋最後仲送上甜品，為呢一餐晚餐話上完美句號❤️❤️❤️❤️❤️❤️❤️❤️❤️❤️

原來長沙灣嘅冰廳有2個極大嘅水晶吊燈💎提升室內氣氛啊🔥二人餐仲好親民添～🍝藍青口海蝦天使麵 $148極幼天使麵份量麵幾多～味道剛剛好忌廉汁唔會過杰，青口食落去唔腥又無沙，海蝦麵幾爽口彈牙，最重要喺一人一碟添咖～唔怕食唔飽喔😆🍗蜜味雞中翼4隻外脆內軟嘅雞翼，咬落肉汁流出嚟🤤配上蜜糖醬🍯味道唔錯～🍹特飲半價🇪🇸西班牙咖啡原來喺雲呢拿雪糕🍨加咖啡，幾特別嘅一款飲品😆🧋咖啡紅豆冰紅豆冰大大粒份量超多，每羹紅豆都好滿足啊🥰最後甜品為彈吓彈吓嘅抹茶紅豆布甸🍮

今期想發掘下屋企附近有啲咩餐廳，依間餐廳好似開咗一排但係未試過，見入邊都有唔少客人就一於食下啦。Pizza有幾款選擇，價錢唔算話好貴今次叫咗個曼克頓薄餅 ($138), 貪佢咩材料都有啲。不過佢打破咗意大利嘅傳統，薄餅入邊有菠蘿😂。個人覺得唔錯喇質素，性價比OK。首先配料係足嘅，每塊Pizza上面都平均。其次好似係辣肉腸、牛肉依d主配料質料唔錯。個餅底薄薄一片啱啱好，唔會太濕，Pizza嘅包邊又唔會太硬。估佢唔到，竟然有香煎鵝肝配紐西蘭肉眼扒，價錢仲要$100多d，即刻好心動。而結果係滿意嘅，首先見到嘅係大件夾抵食。個重點鵝肝外脆內軟，好creamy有汁。牛肉薄薄地，微紅。個部位唔會太多筋或者係肥肉，所以食落啖啖肉。薯菜不過不失呀唔係茶餐廳level. 另外有幾條炸番薯好好食, 因為佢甜得嚟好軟熟。叫咗杯朱古力($22)，係香濃嘅，唔係齋用水溝嗰隻。整體感覺ok👍🏻

無諗過冰廳有生蠔食，但今日又真係俾我在“ 皇后冰廳”食到，仲要係質素不錯。冰廳光潔明亮，2棧巨型的水晶吊燈令冰廳的格調提昇不少，頗舒適。愛爾蘭N2生蠔$38/隻~買5送1，好抵食。生蠔頗大隻，厚肉肥美， 爽口鮮甜，好正！今日揀左皇后pizza優惠套餐$188~pizza8選1+小食+飲品，非常抵吃。小食~ 法式蒜蓉包4件~非常香脆，蒜味和香草味很香濃。千島海鮮薄餅~ 材料十分豐富，有蟹柳，蝦，魷魚，蜆肉，洋蔥，青椒，粟米和蘑菇，配千島醬，酸酸甜甜十分滋味。最後送埋意大利奶凍，口感柔滑，奶味香濃。凍檸茶(＋$3)~ 檸檬和茶的比例不錯， 茶味濃又不失檸檬的酸香味。芒果柚子梳打(＋$19)~酸酸甜甜好開胃，加上一球芒果雪糕就更完美。

餐廳嘅名字非常出眾，唔知食物又係唔係呢？！不過價錢就絕對係平民都負擔得起！千島燒雞田園沙律 侍應好好咁幫我將醬汁分開上，對於我呢啲驚肥人士嚟講，真係好貼心。燒雞嘅皮好脆好香，肉質都幾滑！一口西西里牛肉配飯 西西里汁原來係酸酸甜甜架，有紅蘿蔔同腸仔。牛肉已經好冧，一咬就知啦，吸晒啲醬汁嘅精華。配飯食真係好夾。香草忌廉焗龍脷通心粉一上枱冒晒煙，熱辣辣。忌廉汁同芝士一齊係無敵嘅，通心粉掛汁，好好味。龍脷柳好滑，加上有醬汁，絕對好味！雙重芝士漢堡漢堡包以黑炭芝麻包為基底，包身好香，有陣陣芝麻香，加上烘得夠脆，外脆內軟。漢堡係流心，一切開就有芝士醬流出，好吸引！仲有雙色薯條添，我哋都清晒呀。

去開深水埗區買電子用品然後就去左長沙灣間友和旗艦店行到肚餓就喺附近睇吓有咩好食呢間西餐廳價錢親民，款式有好多一於去試吓!-西冷牛扒二人餐 $188有一塊手掌咁大嘅西冷牛扒+ 芝士白汁焗四蔬，仲有餐飲同埋甜品牛扒份量好多，啖啖肉，牛味濃郁，配埋蒜蓉汁同薯條，好滿足呀! 甜品係奶凍，食完正餐之後食返個甜品就圓滿啦👏🏻👏🏻-鮮茄焗豬扒飯$42加$12就有湯同埋沙律一路都係焗豬扒飯嘅fans，今次呢個焗豬扒飯做得好出色，豬扒又夠林，又夠多汁，正呀🤩🤩-見佢仲有好多其他選擇，例如Pizza All day breakfast咁，價錢都好親民，食物質素唔錯，下次要再嚟試吓佢啲Pizza先!-估唔到長沙灣都有臥虎藏龍!可以再encore

之前試過一次皇后pizza好好食，又見openrice有 pizza2⃣️人餐優惠卷只係108😍於是今日同老公帶爸媽4⃣️人去皇后聚餐，上次試過薄批好脆好好食，呢次聽侍應講話🈶️厚批🉑️以試下，我們就選了千島海鲜pizza，芝士超多，好香，海鮮又多，但又唔會令個pizza濕晒，千島醬配海鮮勁正，厚批外脆內軟，佢哋既pizza係即叫即整，都唔使20分鐘👍🏻👍🏻仲有🦪買5⃣️送1⃣️……好新鲜肥美，海水味十足，汁都唔洗放，入口好似飲左啖海水落口咁，勁正👍👍還🈶️3⃣️色焗法国🇫🇷生🦪，都係水準之作，照顾到唔食🉐️生野既客人，負責人既細❤️，值得一👍我哋仲叫左BBQ🐷仔骨配薯菜，好香好多肉，仲要🈶️蕃薯條😍還🈶️法国🇫🇷鹅肝配肉眼，超級大件既肉眼仲有大大隻鵝肝先賣118，真正做到抵食夾大件最後我們還叫了4⃣️個甜品，布朗尼蛋糕同❤️太軟都係各➕2⃣️8⃣️蚊就有得食，超级🈵️足既一餐，埋單用埋餐飲券唔洗7⃣️0⃣️0⃣️蚊抵到🈚️人🈶️最後要讚一下服務員很專業，服務態度非常好👍🈶️時間一定會再去，下次試吓漢堡飽先，我見今日幾枱客人都食，相信應該好好味😋

今晚我要攞消毒水比個好朋友，當然要一齊食埋晚飯先返屋企啦！朋友話帶我去長沙灣服務社區大樓食好嘢!我即刻問:「服務社區大樓都有嘢食嗎？」朋友話:「總知你跟我嚟啦！」我當時用咗一個 疑惑嘅腳步一路跟住朋友行。只係係元州邨過條馬路就見到有間「皇后冰室」朋友話就係呢間喇皇后冰室目測有大概30個座位左右啦！都座得幾舒服，夠寬敞。冰室有2位樓面職員。兩位都好有禮貌， 尤其是男職員。我地睇完餐牌就叫嘢食，見到有一set係pizza套餐，都幾低食。1個9吋pizza+1份小食+2杯飲品$188千島醬海鮮薄餅（ 有芝士，蟹柳，蝦，魷魚，洋蔥，青椒，粟米及蘑菇）餅底又薄又脆，所以完全唔覺漏，我自己食咗半個。加咗芝士粉仲好味小食我地揀咗 蘑菇芝士雞翼，一客有4隻。雞翼煎到金黃色，好香，切開雞翼裡面有芝士及蘑菇，味道非常好飲品就叫咗凍柚子蜜及凍檸檬茶。因為凍飲所以每杯加3蚊。所以整份Pizza餐係$194意大利蕃茄蝦球天使麵$62賣相都唔錯，蝦球有4粒，粒粒都爽口彈牙，而且麵質煮得剛剛好，係我鐘意嘅質地。蕃茄醬亦唔會太酸其實真係冇諗過係屋邨會有間咁好食嘅餐廳。下次再去朋友家嘅時候，都一定要再幫襯。

長沙灣區我真係不太熟識，甚少去。今日倍同老板嚟呢區見客，散會己是七點左右，左望右望，發現一間外觀幾靚餐廳，橫掂夜了，晚餐後才回家吧！嘩！生蠔有推廣，三，四十元一隻，抵食。要了兩隻愛爾蘭 N2和一隻法國品種。法國呢款比較瘦，但質感creamy，鮮！N2呢隻就比較爽口，有海洋味道。套餐有多款，今日想食醬燒西班牙豬肋排。醬汁夠入味，啖啖肉香。配莱不只是薯條咁簡單，還有炸番薯條，甜甜的味道，停不了口。餐湯是粟米煙肉什菌忌廉湯，非常濃稠，綿滑口感。沙律菜翠綠新鮮，滋味！

疫情緩和媽媽約咗長沙灣朋友短聚，順道食飯傾下計，朋友帶到「皇后冰廳」，入到餐廳感覺唔錯，裝修有格調，有大水晶燈，雲石餐枱配藍色梳化椅，有高枱坐位，飲住杯Earl Grey Tea，望住車來車往長沙灣道都幾寫意  打開餐牌選擇好多，有小食、意粉、牛扒、漢堡、薄餅….. 由40蚊起就食到唔錯意粉，市區中呢個環境，非常抵食三色焗芝士焗生蠔 $68
焗生蠔分別有3隻味，有茄汁、蒜香、芝士，面層白汁芝士幾香，底下有層薯蓉，撈埋食都幾香黑松露野菌燴意粉 $42黑松露味道適中，意粉入口軟硬唔會似茶餐廳太淋，整個意粉$42算幾抵食醬燒西班牙豬肋骨排 $78有齊薯條同炒什菜，配菜都唔少！豬肋骨好惹味，薯條又炸得香脆半價可以叫飲品，我叫左伯爵紅茶，最surprise 用左咁靚花茶壺serve 市區平平地幾個人唔駛一百蚊，坐得舒服，有唔錯西餐，都算性價比高

喺荔枝角返工嘅朋友，可以放工過去呢間西餐廳dinner，行過去都係10分鐘，，十分方便，價錢合理，值得一試裝修都唔錯㗎全日早餐$48有香煎雞扒，田園沙律，茄汁豆，美式腸，薯餅，火腿，炒滑蛋，以呢個價錢食到，超級抵，雞扒大大件，唔‘鞋’口，我鍾意皇后Pizza優惠套餐$188我哋叫左煙三文魚pizza同埋糯米釀雞翼滿滿煙三文魚鋪滿整個Pizza，新鮮好食超級讚以糯米釀雞翼都十分新鮮，好少見有食肆有呢一款嘅雞翼，甘香可口特飲仲有半價添，我哋叫咗一杯黑牛，另外再加多杯熱柚子蜜飽到要打包添啦

睇餐牌發現依間餐廳嘅嘢食都有幾多款 有pizza、all day breakfast、小食、意粉、burger等 最後我哋揀咗pizza套餐再加一個肉醬意粉皇后Pizza 餐包括一款Pizza同一款小食在送埋兩杯熱飲我哋就揀咗千島海鮮薄餅配芝士磨菇釀雞翼四隻再加錢叫多咗杯特色嘢飲-芒果奶昔佢哋嘅薄餅一上枱勁香 值得一讚嘢係個Pizza皮好薄好薄 食落超級超級脆口 餡料都好足料 口感層次好豐富 🥳🥳芝士肉醬意粉芒果奶昔芝士磨菇雞翼雞翼入面釀咗一粒粒嘅蘑菇同芝士拉絲 佢哋用嘅芝士帶有奶香味 同雞肉好夾😍😍依間餐廳地點都幾方便 又近地鐵站 又近深水埗👍🏻放工我會多啲嚟食

喺荔枝角行街之後，朋友建議去長沙灣嘅皇后冰廳食飯，食完覺得都幾有驚喜。餐廳重點推介生蠔同焗蠔，見佢嘅精選法國生蠔只係$20一隻，仲要買五送一咁低，於是就要咗六隻試吓。上枱見到隻隻生蠔睇落都真係好新鮮，雖然唔算好大隻，但係食落好鮮甜，一啲都唔腥，鍾意食蠔嘅一定要嗌嚟試吓。主菜要咗一個鮮茄焗豬扒飯，賣相好靚，聞落都好香。豬扒嘅份量都幾多，食落唔會好乾。啲飯係炒飯，夾埋啲芝士同茄汁一齊食，甜酸度啱啱好，真係好正。另外叫咗嗰藍青口海蝦天使麵，同樣都係賣相超靚，總共有三隻藍青口，同埋兩隻海蝦。青口都算幾大隻，海蝦爽口彈牙。天使麵軟硬度適中，個人好鍾意佢個汁，香口得來唔會太鹹，成個配搭好好。跟餐加錢要咗沙律同埋餐湯，沙律嘅份量都幾多，沙律菜好新鮮，配埋麻醬好開胃。餐湯係蘑菇粟米忌廉湯，入邊有好多蘑菇同粟米，飲落唔會太稠又唔會太稀，好好飲。睇相見到佢嘅芝士磨菇釀雞翼好似唔錯，於是叫咗兩隻嚟試吓。上枱見到兩隻雞翼都好飽滿，賣相真係一流。切開入面又見到好多芝士同埋蘑菇，芝士唔會太鹹，同蘑菇、雞翼一齊食，真係好正，下次嚟嘅話都一定會再食。

估你唔到茶記外表但有咖啡店裝修同質素的餐廳，近近地約fd隨便入都okay bo~ 叫個2人set, 一個主菜肉眼扒＋芝士煙肉焗青口，黎到巧香的肉肉味，佢以長取勝，較薄的厚度岩曬扮櫻桃小嘴的我地，青口芝士落得好足料架，青口都幾大隻。食完牛牛再試個豬先，見有個竹炭烤豬漢堡，用黑毛豬好大塊巧juicy架, 仲大塊過包，食竹炭好似好健康咁，唔記得可以吸咩lu~ 環境坐落幾舒服下，餐廳大概坐到20個到，個老闆仲會關心下食物質素食後感tem ，佢可以book位，下次有興趣試豬肋骨同佢d cheese cake先。