皇轎印度餐廳 (已搬遷) 新店位置

d咖喱冇咩香料味，亦唔夠辣，食完真係留唔下一個好深刻的印象，點左個dinner set，份量只係一般大，不過2個人一定夠食...但價錢我覺得貴左d lor，每人要成103元又唔係特別好食，可試可不試！要比較，我覺得上次去長洲個間好食d！

節日時分，維園遊人落驛不絕，天后的食市也繁忙起來。我跟媽和男友說了很多遍，要到我家樓下的皇轎試試，今天終於如願而償！皇轎今天一改頹風，客似雲來，老闆跟兩位下屬應接不暇，把一些心急進來的食客都趕出去了。我們要的兩杯水千呼萬喚始出來，最終更是生水貨色。另外給我們的餐牌不完整，有少許被騙的感覺。不過基本上他們還是相當禮貌的，可能少見大場面吧。我們倆點了：1. 腰果咖哩雜菜──最後來的是純咖哩雜菜，還按有腰果的價錢計算……味道一般，根本不能算是咖哩。2. 馬沙拉燴魚──相當好吃！可惜只算微微微微辣，份量太少（咖哩雜菜亦然）。3+4. Nan (Plain) + Garlic Nan──蒜蓉味太輕。結帳時還把plain nan 按butter nan 的價錢計算(hoho，我精明眼看到了還成功討回公道！）男友的評語是，整體食物不算油膩，吃下感覺清爽，味道不濃不淡，無論空口吃或伴著nan來吃濃度也適中。馬沙拉要是辣一點的話味道該會更突出，可讚的地方是所選用香料味道清爽特別。

去完大坑睇火龍都已經10點, 兩個人未食野行行下就來左清風街, 朋友想食咖哩所以係呢度買外賣nan - 普通薄餅咖哩羊肉- 份量都幾多, 咖哩唔辣, 但朋友話好食過隔離既阿郭咖哩白飯

服務態度懶散.水都唔加!再者，食物又唔係真係好掂午餐)羅宋湯無味，咖哩羊好蘇好難入口，飯好硬，d薄餅好薄，凍奶茶唔好飲。總之一句講晒：唔會再去。

之前在5月15日已經與老公在此食午餐，覺得好味又抵食，凍飲唔駛加錢外，仲唔收加一，nann bread夠熱及大塊。我食咖哩牛及咖哩羊，兩個汁底唔同，牛大塊及味道清，羊則夠腍及汁底濃味，點nann bread無得彈。早兩日慶祝同事生日，預早訂了9位食午餐，有位港人女侍應，招呼好到不得了。佢仲介紹，有一味羊脾，足夠8-9位享用，全隻$220，半隻$120，不過需時45分鐘，最好訂時預訂，下次一定要約埋好羊者一齊品嚐。我地大多數食set lunch，分別雞、牛、羊，個雞因為叫椰汁咖哩雞，所以椰汁味夠重，總括都係個羊好食D。有同事試「特別推介」羊膝(散叫)原價$70，特價$58，個汁好好味，我地爭住試，果然，點nann bread好「正」。另外，加$10試佢個芒果奶昔，佢話係自己發酵o既，與邊寧頓街Shalimar Club比，較稀及遜色，不過都好過飲奶茶，佢d奶茶的確唔掂。這次午餐，各同事均讚不絕口，連我最嘴刁上司都讚nann bread及汁底好食，佢話日後若可單叫汁底同nann bread外賣都唔錯。埋單時，印藉伙記(唔知係伙記定老細)好醒目咁幫我地除埋條數，非常好服務，佩服!其實係幾抵食

經過皇轎門口,見到點午餐好平,走左入去食,以前食到抵的午餐,點知扼人唔駛本,$36的午餐,份量少得好可憐,杯果什餐飲又唔好味道!食完都唔飽肚,下午四點仲要再吃下午茶先頂得住!好蠱惑的咖哩店

前幾日和男友到這裡吃晚飯,我們點了一個蕃茄咖喱雜菜,羊肉烤餅和牛油咖喱,全部都好正呀!d味道唔會好似重慶大廈咁濃噃.而且另外點了一杯mango juice, 好濃縮呀! 甜死呀!整體就真係唔錯噃!下次都會去食

是日見這間印度菜午餐價錢優惠，不妨一試。餐廳不算大，環境配著幽暗的燈光，給予食客舒適的感覺。二人點了兩個午餐，價值$38一份，分別為咖喱牛腩及咖喱雜菜羊肉。餐湯有一些芫荽，我不太喜歡故只喝了兩口而已。主菜咖喱味道香濃，尤以羊肉的咖喱汁為甚。牛腩及羊肉炆得很淋，肉味濃郁。咖喱配以Naan烤飽，Naan上菜時是熱呼呼的，烤得鬆軟香脆，好不吸引。最後加$10轉餐飲為Marsala Tea，奶茶有很香的香料味，值得一嚐。

落左天后，午飯在幾間未試過的食肆中選擇，見都幾個星期無食過印度菜，就試這間先。這裡的午市套餐38蚊，包湯包主菜包naan或飯包飲品還不收加一，真的是幾便宜。午飯時間都幾多人，一個人的話，是坐到去往廁所途中的二人位，都無所謂。吃咖哩當然是要配羊肉，見佢有個58蚊的Rojan Josh羊膝相當之吸引，不過午市獨吃羊膝，是誇張了一點，所以就只叫了個咖哩羊肉。午餐要加錢才有前菜，所以都沒有常有的papadum及薯仔咖哩角。先來的忌廉菜湯，幾濃郁但沒有什麼味道，喝了幾口已沒有興趣喝下去。羊肉跟naan一起來，羊肉是羊腩的部份，全沒肥肉，但吃落是出乎意料的嫩滑，有點點的羊臊味，香料味道亦豐富又夠味，尤其好香的芫萎味。落單時有問要大或中或小辣，個人覺得這個「大/中/小」的分法，在咖哩來說有點奇怪，所以只說要「spicy」就算。來時有辣味又不算太辣，帶起香料的味道，很不錯；Naan亦很有水準，熱辣辣，質地軟熟，用來醮咖哩汁，轉眼間已經清了那兜咖哩汁。總括而言，是水準不錯的咖哩，至少比附近的一間港式咖哩店為好。最後要了杯原味lassi，埋單48蚊，如果要普通飲品的話，38蚊可以埋單，經濟抵食，都食得過。

昨晚上完課﹐和家人去宵夜。見到這間開了不久的印度餐廳忍不住要進去試試。莆進去見到只有一檯人﹐心想是不是還要留低呢﹖再想一想﹐都進來了便既來之則安之﹐一試無妨吧﹗因為之前大家都已經吃過晚飯﹐不是太餓﹐所以只點了幾個不同味道的naan﹐lamb madras (椰汁咖哩羊肉) 和是日精選的butter chicken。味道出乎意料的地道﹐不是太辣﹐但是很香的香草味。不錯不錯﹐下次可以再來好好的用膳﹗我覺得比附近另外一間頗出名的咖哩店更好吃﹗其中最有驚喜的是keema naan (羊肉烤餅)。起初以為會很膩﹐怎知不會。軟軟的包裡有著香口的羊肉碎﹐帶點微辣﹐淨吃這個已經很滿足了﹗