盈苑海鮮酒家

营业中

休息中

土瓜灣罕有有質素的茶樓，尋晚食晚燒雞燉湯同鮑魚排骨煲，味道唔錯，無太多味精，算係土瓜灣唔錯嘅茶樓，當然價錢亦唔算平，但真心可以。 今日再試茶市，點心都好食，有蝦餃，燒賣，沙薑雞腳，炸兩，蒸排骨，炸鮮奶同埋桂花糕,全部都收貨，唔駛出尖沙咀飲茶都嘆到靚點心，正

星期日午市，兩人叫左五個點心黎左3個點心後，開始不斷黎錯一d我地無叫既點心，懷疑有另一枱既單落錯左黎我地果枱，即時同職員反映。可惜繼續不斷黎錯，叫職員對單，發現真係有一大堆我地無叫既野食，再次反映係錯，及追返我地未黎既兩個點心。可惜都係繼續黎錯點心，之後就追極都無職員跟進，我地兩個點心亦一直無黎。坐得陣再追最初落單個阿姐，佢建議我地走。結果我地兩人只係食左三個點心下唯有離開，完全未飽，但有一肚氣。呢間酒樓不如算啦