盛八食堂 (已結業)

與親朋好友去逛街肚子餓，得悉名店坊有間"盛八食堂"，于是走去醫肚~六時半就到了，因此不用等侯~一坐下便要了杯熱朱古力，著實不錯一送到面前有個心形圖案，雖然我是男生，但確實令人食指大動入口是和暖的，不會太熱，影響對味覺的判斷其可可味濃郁，帶有少少奶香，質感幼滑細膩然後來了個煙三文魚沙律，不過不失煙三文魚咸了點，必須要夾著菜吃，那就剛好，蔬菜蠻新鮮叫了客吉列豬扒芝士蛋包飯, 好味豬扒挺鬆脆，蛋很軟熟，濕潤的包裹著白飯芝士酥香，整體配合不錯，只是有點膩~~~蕃茄芝士焗長通粉，不錯蕃茄酸酸的，很醒胃!!水煮蛋亦不錯蛋黃是生的，咬開有蛋汁流出，既香又滑~最後以waffle及雪榚作結Waffle 較硬及乾身，可惜~

是日同媽子行銅鑼灣 之後去左盛八食TEA2個人叫左三碟野食 有腸仔,雞翼同意粉!第1碟係溫泉蛋卡邦尼意粉 賣相VERY GOOD 隻溫泉蛋好吸引我篤穿左隻蛋 撈勻D意粉再食 個蛋黃醬好正 蛋白亦好滑呢碟做得好好食 第二碟係黑豚腸, 一碟有幾款腸仔媽子切開其中一款 搞笑地話肉既顏色似臘腸但食落甜甜地 配埋個醬幾好食 最後係雞翼 共有四隻 但我影相前偷食左一隻D雞翼即叫即炸 熱辣辣 好脆好香口上面有少少香草 不過略欠香味唔夠出如果多少少調味就更好

喺supermarket行到咁上下，見到原來有間蛋包飯，睇到menu好似都正正常常，個名又好似聽過吓咁，於是就即管試吓啦。我地三個人嗌咗一個龍蝦湯，一個黑松露忌廉湯，一個雞同一個蟹餅嘅蛋包飯，仲有一個黑松露多士。首先黎嘅腸仔都算正常，再黎碗個龍蝦湯嘅時候，見個賣相都ok啦，仲懶cute咁畫咗個笑哈哈，點知飲落去先知瀨野，鹹到爆X_X我地即刻同個waiter講，佢都好好人咁話換過碗比我地睇吓會唔會好啲。好啦諗住比多次機會佢，但係都真係唔掂，淡就係淡咗喇，但係好明顯係好似溝過水咁，超難飲。碗黑松露湯仲衰，原全係用味精粉開水沖出黎咁嘅味。好彩啲waiter見我地掂都唔想掂碗湯，都主動話幫我地cancel咗個order去。算啦我地諗住呢間野話曬都係食蛋包飯為主，可能啲主菜會ok番啲呢。Turn out啲飯係正常嘅，但未至於好食囉。而個多士都係啲味精超勁，得個鹹字，同埋佢又搵張紙墊住個包，一切開下面張紙就搞到溶溶爛爛咁，黐住曬個包，好鬼核突，食咗三份一都唔想再食。我自問對食嘅要求都唔算好高，但係喺香港真係好小可食到啲咁難食嘅野，搞到我一番屋企都即刻開個openrice account抒發吓lol

平時行開AEON 都見盛八食堂好多人,今日閒日下午茶時段竟然無咩人同家姐SHOPPING 完,入去食個TEA 先家姐叫左個咖哩芝士黑豚焗飯我原本想叫個吉列松葉蟹餅蛋包飯但經理介紹我試個新野 用全蛋白做既蛋包飯(有FREE DRINKS)個名都好長下"北海道松葉蟹餅蛋白蛋包飯"上菜都幾快手.可能係因為無咩人家姐個咖哩焗飯D咖哩好香, 有少少辣塊吉列豬扒炸得好脆 幾香口 水平比較其他吉列鋪高整體呢講都好食而我個個蛋包飯都幾特別蟹餅入埋有好多蟹絲 仲到有薯蓉係入面 幾好味個蛋白唔係太濃味 清清地 幾啱D想食清淡D既女士我地兩隻為食貓剩食蛋包飯 唔多夠喉再叫多份芝士火腿地雞三文治份三文治好大碟 有雞肉 蕃茄 火腿 芝士同3塊面包面同底個塊方包烘左 芝士好濃好香最後食唔哂 要打包食完個TEA好滿足!服務都OK, 應該有下次

要我改幾多次都一樣, 因為我講既全部真話YAHOO團購券就快到期,本身我早一星期就黎左食飯,點知佢話星期6唔用得,因為果個星期6係紅日,下? 間野坐唔夠一半人,一D變通都唔識?算數, 侍應話張COUPON會延期至8-13號都用得,咁我唯有再黎過,好啦12號我再黎,等左30分鐘原來過左張飛既NO,個WAITRESS居然非常不客氣叫我再拎過新NO?唔係寫住3個NO.之內可以下一張抬比我?不過我見其實已經冇人等位,下一張抬到我地,就算數跟住佢見我拎住COUPON,就話11號已經截止?咩話?即係之前個WAITER搞錯?仲要佢做錯而令我白白浪費金錢?擾攘左一輪,最後就由另一個WAITER話比我用埋,先至有得坐食物質素:燉牛肉蛋包飯 & 芝士漢堡扒SET蛋包飯居然冇飯, 比左一大堆生洋蔥我,芝士漢堡扒SET同上另外炸蓮藕餅非常冇誠意,2片超薄的,只有油益味,另外上桌時鐵板冇熱力, 咁要鐵板黎做乜?平心而論, D蛋係幾好食,滑得黎幾香,不過, 如果我淨係食蛋,我使咩食呢間先?大把茶餐廳有佢既質素,但平佢6-7成啦,而且唔使受佢氣!

經過呢個沒有什麼人的商場, 見到呢間有鵝肝漢堡的餐廳眼前一亮就行了入來.點了個鵝肝漢堡餐, 十二點前人流唔多所以都幾舒服.一開始飲了個忌廉湯, 唔錯.之後主菜鵝肝漢堡, 鵝肝都幾滑加上漿汁簡直人間美味~ 漢堡肉很有彈性, 似乎係當日即打的. 薯條更係皮脆內軟, 很好!上菜很快唔需要等太耐, 而且服務生很有禮貌, 抵讚!

自己很喜歡雞蛋和其他副制品,新年時朋友推介我有機會可到這麼一試.於是一天晚上就到來了.位置有一點點難找,原來它是在AEON內,晚上6時多一點,人不多,只有2-3枱客.一打開MENU, 很多蛋包氯的選擇,令我都花了好一段時間才決定點什麼!我選擇了這個雙拼的組合,白汁那邊是豬肉, 咖哩那邊是牛肉.一次過可食到兩個口味, 真好!而它是有一層大大的滑蛋放上飯上,那層滑蛋很好食! 份量十分!朋友叫的是關西風味的蛋包飯,其實食下去是章魚小丸子的味道,感覺就沒有我那個雙拼有特色.這個較普通一點.食完飯已經有飽飽的感覺.不過看到它還有很多小食也十分吸引!!忍不住叫了benedict的東西!這個份量一樣驚人!!一塊多士之上有一隻完全的half cooked 雞蛋!一咬下去, 強烈的蛋汁已經搶閘流出來!!!!十分壯觀!!還有雞蛋上有一層溶了的芝士, 食這個口感爆滿的!!

第一次吃蛋包飯，獻給了盛八。這一間餐廳位於銅鑼灣AEON supermarket一樓，比較難找。E出口向左走，去到有戲院的珠城大廈轉左，直行，便會看到一個指示牌上面寫上“AEON supermarket” ，指示轉右過馬路直行便會到達。這一層除了盛八還有另外兩間日式餐廳。甫到達看到盛八門外的人龍，而另外的則門可羅雀。這種強烈的對比，令人們入去以前已經抱著很高的期望。外牆透明玻璃畫上七彩的蛋公仔圖案，富民族風的彩色地板，牆上的各種小擺設，雞蛋調味容器 —這些都令人目不睱給，同感受到設計者對客人用餐時環境的重視。1) 煙三文魚蛋沙律彩之卷 $56 (6.5/10)貌似壽司，但沒有米飯在裡面。取而代之的，是白麵包，中間夾著煙三文魚、碎蛋沙律，生菜。外面跟壽司一樣，由紫菜包圍，但紫菜偏”淋”， 不夠乾身和脆。2) 關西大阪燒蛋包飯 $ 86 (7/10)讚，一來這算是真正的 “蛋包飯” ，因為連飯底部也有蛋皮包圍。二來蛋非常滑溜，配上大阪燒的精髓 — 特製濃漿和沙拉醬 —結果比預期好。3) Hayashi牛肉滑蛋包飯 $ 89 (5.5/10)這是盛八名物，稱得上是這裡招牌菜，蛋比起關西蛋包飯

今次貪新鮮買了團購的優惠卷， $60 可作 $100使用而試盛八。今次食午飯，十二時半來到都有乜人食野，完全唔駛等位。地方都尚算清潔，但冷氣比較大，可能是人少的關係吧。野菌燻豚芝士牛肉滑蛋包飯一邊是燒汁 + 牛肉，燒汁味濃，燒汁中配有牛肉碎，口感及味道都不錯，但個人覺得有點偏鹹。另一邊是白汁 + 野菌燻豚芝士，冇乜芝士味，但白汁味道足，野菌燻豚冇什麼特別。但最可惜的是蛋皮包飯變為蛋冚飯，蛋不是包著炒過的飯，而是冚在飯面，有點失望。咖哩芝士比目魚焗蛋包飯咖哩味濃，比目魚是吉列過的，芝士在飯面，用焗爐焗過，賣相不錯，蛋是一隻溫泉蛋，親熱可把蛋弄成炒蛋狀，配合咖哩一起進食，感覺妙奇。

在這個農曆年初二, 經上址(Aeon)的時間又剛好是中午食晏時間, 在二樓的食堂那裡有好幾間食肆可供選擇,同太座看了一遍選了這間店面比較顏色鮮艷的,尤其是地磚更是名色彩斑爛,店內牆上的裝飾頗能帶出氣氛,由於時間尚早客人不多, 年輕員工也是表現稍為鬆散,我們落的柯打-蛋包飯不消五分鍾已經送上, 可見廚房有幾忙, 亦可以感覺得到這店應該採取快餐策略了, 飯是暖的, 蛋皮只是煎成後放上去,而不是包住內部的飯,講得難聽點叫”偷工減料”, 唔知道是否這店認為自已的師傅技術未到水平定抑或想慳時間的關係,要咁樣去完成呢個蛋包飯, 但作為食客的我們則唔太滿意咁樣嘅安排, 個炒飯就普普通通,調味OK, 個蛋皮亦係唔太滑嗰種, 兩種汁都OK公司治 – 就反而等了超過十分鐘, 這樣還似樣一點, 內餡算豐富, 生菜亦算多,

10月29日, 以往提起盛八總會諗到日本烤肉… 不過呢間盛八食堂就完全係走在另一條截然不同嘅路線… 就係蛋包飯喇! 呢度嘅蛋包飯款式非常多元化~ 除咗一般橢圓形嘅蛋包飯外, 仲有蓋飯式嘅滑蛋包飯、焗蛋包飯, 連包住嘅都有茄汁、咖哩汁、忌廉汁、磨菇等選擇, 認真花多眼亂!::: Hayashi牛肉滑蛋包飯 ::: $79 (半價)呢個應該都算係盛八嘅其中一款主打蛋包飯~ 其實就係蛋包飯上淋上豐腴嘅燴牛肉紅酒汁同埋磨菇忌廉! 呢隻蛋包飯只係將蛋蓋喺飯上, 所以蛋皮可以唔洗整得咁熟, 而且加上忌廉調和, 滑蛋效果唔錯. 滑蛋入面係撈咗茄汁同埋蔬菜粒嘅珍珠米飯, 飯粒夠晒軟糯, 味道香甜~ 加上滑蛋同惹味嘅燴牛肉, 所有材料都配合得好好! 好味道呀~::: 咖哩芝士吉列黑豚焗蛋包飯 + 忌廉磨菇湯 ::: $83 + $10跟飯加$10就可以有嘅忌廉磨菇湯質地好杰身, 內裡有唔少罐頭磨菇片, 忌廉濃郁富奶味, 係典型日式風味嘅忌廉湯~咖哩芝士吉列黑豚焗蛋包飯呢個絕對係gimmick之作! 照字面解, 呢個飯就有齊咖哩、芝士、吉列黑豚同蛋包飯~ 至於個焗字, 其實應該之限於個灑上芝士再拎去焗嘅咖

說起蛋，你會首先聯想到哪間餐廳呢？我嘛，應該非澳洲牛奶公司的馳名滑蛋莫屬吧？但一嘗盛八食堂後，恐怕澳牛在我心中已開始動搖，是港或日式亦已不重要．曾幾何時，我和好友C最喜歡到尖沙嘴的woodhouse，裡面的一日式cafe內品嚐我們認為城中最好吃的蛋包飯．可惜，事與願違，那間日式cafe已搬遷，我們再也找不到能和它比得上的蛋包飯．這天，感謝團購，令我在盛八食堂重拾當初的味蕾．盛八食堂位置非常隱蔽，沒有任何的宣傳在其AEON百貨外，除非是有心人，否則必定難以發現此店．店內的裝潢與”蛋”的主題非常貼切，由牆上的蛋形圖案，到枱上的蛋形調味料，都令人會心微笑，不得不佩服日本人的細心．說到吃的方面，整體上是很滿意的．說白一點，比起類似的日式西餐廳如Coco一番屋等，我更喜歡這裡．不用跟人家擠是一回事（對，我非常不喜歡擠湧的地方），更重要的是，這裡的前菜是更勝一籌，例如說從沙拉油的選料便可看其餐廳進口貨的quality.到最重要的環節：蛋－包－飯！別看它餐牌上小小的，實物可是比它大三，四倍！我點了關西大阪燒蛋包飯：賣相非常吸引，而它所謂的關西大阪燒精華其實是指在牒上的醬料（蛋黃醬，濃辣醬油）和那隨風

今天約了小哥和小嫂吃飯，挑來挑去結果決定來盛八來個全蛋宴這店在AEON Jusco裡面，老實說單憑地址不容易找。也許地點比較遠離大街，即便是晚飯時間，人流不算太多。Menu很豐富，有滑蛋，有熟蛋，有焗蛋包飯，有鐵板蛋，有蛋三文治........ 看得人眼花繚亂。雖然我們只有三個人，但抱著飽死的決心，每人叫了一個蛋包飯之外，還另外叫了一個小食和一份三文治。食物上桌的時候，隔壁桌還一直望著，呵呵呵～盛八3.6牛乳滑蛋三文治 (8/10)蛋很厚很幼滑，也有北海道牛乳味，讚一個！雖然麵包有烘過，但不夠鬆軟，屬於普通貨色。盛八腐皮糖心蛋 (7.5/10)腐皮有炸過，趁熱吃的時候脆卜卜的，口感很好。相對地，蛋在這道菜就失色了，味道不夠出，蛋也不像糖心蛋。芝士野菌黑豚漢堡蛋包飯 (7.5/10)這是我點的。黑豚漢堡很厚但沒有想象中大塊，切開是全熟了但味道較淡而且有點鞋口。加分的是那個燒汁，連著淡口的漢堡一起吃剛剛好。芝士味很弱，接近於無，非常可惜。野菌份量也不多。當中最精彩的是蛋包飯，茄汁飯做得乾身，蛋當然不用說的不錯吃，很厚一層，雖然不是滑蛋也非常嫩。吉列北海道松葉蟹餅滑蛋包飯這是小嫂的，只小嚐了

終於來到了龍年最後一個工作天因為買了團購優惠卷 $60可當作$100使用放工之後急不及待來到盛八食堂吃晚飯一來到的時侯見到有不少人在門外等侯還好等了大約十五分鐘就能入座了等侯取飛的時侯店員已提醒過一小時要交枱對我跟男友來說絕對沒關係反正我們吃完以後就要去花市戰鬥 也不打算在這裡久待因為等侯的時侯已經看過餐牌了所以一入座就可以點單了我點了一客關西大阪燒蛋包飯男友則點了吉列松菜蟹餅蛋包飯另加$15 配餐湯及沙律餐湯和沙律先到餐湯是忌廉湯內裡有幾粒粟米普普通通 總算可以暖暖胃沙律反而有點新鮮樣子雖然跟普通沙律沒分別但一吃 就發現沙律醬裡有芥末的味道味道不太搶 很刺激 很有新鮮感呢再來是我點的關西大阪燒蛋包飯蛋上的木魚因受熱的關係不斷左右舞動 很吸引人大阪燒的醬汁酸酸甜甜 讓人很開胃加著茄汁飯來吃 真的是說句很好吃啊再單獨吃一口蛋蛋的樣子雖然很熟 但其實很滑溜 而且帶有很香的牛油和奶香味一次過滿足了兩種口感啊男友的吉列松葉蟹餅由於是即炸所以大約過了五分鐘才到看到滑蛋這個半孰的樣子就知道她有多滑溜了而蟹餅即炸 熱辣辣 脆卜卜和滑蛋剛好形成對比蟹餅雖然是炸物 但都吃得出裡面的蟹味和薯仔香味而且薯蓉

我真不該在沒晚餐吃的夜晚打這篇食評，害得我肚子都餓起來了！哈哈～ 今天又要介紹一間在CWB而又不用排隊的好食店了～ 那麼好的食店當然是我男友選的而不是我選的啦～ 哈哈～ 如果真的要去吃記得買團購COUPON～ 我們不知道所以要付正價啦～ 哈哈～這家店在以前CWB LCX，現在是新開的JUSCO超市裡面～ 我們去的時候等了幾分鐘就有位了～ (那天還是星期五呢）所以對於不喜歡排隊的人來說～ 這裡是不錯的選擇呢～ 店裡位子不多，幾逼人～ 但係裝修幾可愛呀～ 好多畫係入面～ 見到都幾開心XD因為超肚餓的關係～第一時間當然是看餐牌～ 好多蛋呀～～～～～～～連盛SALT同PEPPER都是蛋來的～這個笑好可愛 HAHA～～～ 應該都是蛋來的是嗎？終於上菜了～ 第一道是小吃～ 我跟男友都喜歡～ 因為個醬好好味呀～ 連沙律醬都是好喜歡的味道～ XD 份量尼講呢～ 兩個人岩岩好～ 不過多一個都不夠吃～之後是這個鵝肝蛋包飯～ 鵝肝味道一般～ 但是個蛋同個醬都好好食～ 可以做到咁好食既蛋包飯～ 不錯不錯～ 另外就是這個飯... 我吃不出是甚麼醬來的，但是好MATCH個蛋～ 所以我突登影左俾大家睇 HAHA最後