真台客 (已結業)

今次真香港人嚟到位於荃灣嘅真台客。食台灣嘢一定要食魯肉飯啦！魯肉飯🐷🍚除左魯肉仲有半隻蛋，魯肉都足夠撈到一碗飯，但如果再多啲就梗係好啦🤤正宗台灣臭豆腐👍🏻豆腐聞落係有臭豆腐嘅味道，外皮都炸到脆卜卜，點埋豆瓣醬同夾埋酸菜一齊食更加惹味，果然係👍🏻👍🏻👍🏻大雞排便當 (+魯肉）🐓🍱上枱真係嘩咗聲🤣 塊雞排好大塊，外皮幾脆但厚咗小小，上面灑咗啲椒鹽調味，內裏肉質嫩滑，算幾唔錯。🥹 至於魯肉係另外加嘅，份量足夠，加埋啲汁撈飯一流。唯一缺點係唔夠肥同淋，如果再肥啲，膠質再重啲就正喇！🤤 便當類會附加配菜，例如豆腐、菜脯、小唐菜等等，味道就中規中矩啦。📍真台客真台客 (荃灣)荃灣海壩街83-93號荃好景大廈地下C號舖味道🐽🐽🐽價錢🐽🐽🐽🐽環境🐽🐽🐽

本人一直都好支持小店，今晚經過荃灣呢間台式餐廳，便入去試吓！晚上大約7:30左右，不用等位 ，餐廳只得三枱客，手機程式嘟code落單，選擇咗大雞排清湯麵 和 真台客牛肉飯！大雞排清湯麵：賣相送到台上OK的，但點知飲啖湯就中伏，完全無味，((幾乎似水))，係要靠食到炸蒜片先有少少鹹味，湯唔熱！雞排炸得夠熱既，味道可以！ 整體嚟講 👎🏻👎🏻真台客牛肉飯：呢碗飯送到枱上，賣相已經麻麻，份量小，牛肉無乜肉汁👎🏻(小小鞋鞋地)

依幾年香港經歷咗好多轉變，由運動到疫情到今年通關，短短幾年周邊人事物都變咗好多，特別係通關之後，除咗更大量嘅移民人潮外✈️疫情通關同埋經濟因素，加速咗飲食店舖一間接一間結業，好多用心的小店都敵唔過洪流洗刷😢如果大家欣賞的小店還存在的話，就要多多珍惜同支持啦😮‍💨所以趁著放工時候，野豬都拉馬騮太太去荃灣真台客支持下，叫咗個新嘅台客必食餐（雞肉飯+台客大雞扒）仲有得配台式飲品，雞肉飯夠哂地道，飯量亦足夠😛台客大雞扒足足有1.5倍手掌咁大，而且肉汁有保留，唔會好乾身👍🏽馬騮太太叫咗總匯蛋餅+甜不辣，點解正餐叫咁少，因為兩款嘅份量都非常大😂總匯蛋餅非常足料，女士食個陣可能要兼顧一下儀容啦😂甜不辣調味適中唔會太鹹，亦唔會咬到一口油，台灣味還原道十足😋經過幾年時間，走入店內嘅第一感覺，無咗初初嘅熱鬧，坐位雖然都係滿座，但反而感覺多咗份平靜，但有時我哋嚮往嘅，或許就係依份平靜🍵雖然裝潢有變面孔有變，但熟悉嘅味道、價錢都無變，與及老闆一直堅持嘅初心，不變。

噚日(9-9-2023 Sat)晏晝,同老公離開葵盛,去埋葵芳買嘢後,再返荃灣買嘢,但我開始有啲肚餓想食少少嘢,行到嚟呢頭,記得我仍未幫趁過台蔡滷肉飯(https://www.openrice.com/zh/hongkong/r-%E5%8F%B0%E8%94%A1%E6%BB%B7%E8%82%89%E9%A3%AF-%E8%8D%83%E7%81%A3-%E5%8F%B0%E7%81%A3%E8%8F%9C-r757502),於是行嚟,點知有人龍,我哋就唔等喇,行過嚟真台客睇,老公又睇吓新記冰室(https://www.openrice.com/zh/hongkong/r-%E6%96%B0%E8%A8%98%E5%86%B0%E5%AE%A4-%E8%8D%83%E7%81%A3-%E6%B8%AF%E5%BC%8F-r637993)話有流心芝士牛角包,但sorry,我冇乜興趣,因為牛角包我可以去享樂買,於是都係喺呢喥食.我哋睇完menu就掃QR code落單,要咗$30.00嘅蔥抓餅同$36.00嘅蚵仔麵線.喺等嘅時候,我先斟冬瓜茶飲,今次飲落,比以往淡咗啲冇咁甜,都好嘅,太甜

食物質素極差 $38花枝丸係三粒對半 炸燶晒 $38臭豆腐 係兩舊豆腐分開8粒 又燶叉乾 臭豆腐酸菜得兩條絲。油蔥雞肉飯 水煮無味雞 白飯極之乾 台灣牛肉麵 小牛肉 面明顯係煮過龍溶溶爛爛以前多次幫襯 都不錯 最近所有食物質素差到過火 千祈唔好再幫襯

荃灣嘅台灣菜都唔少，路德圍已經有兩三間，呢間真台客算係入邊比較高質嘅。平時多數食佢哋嘅便當或者台灣麵，因為覺得大件夾抵食。今次去嘅時候唔係太肚餓，所以決定試吓佢哋嘅輕食。蚵仔麵線我覺得佢係還原到80%嘅台灣味道，落蒜蓉係重點。麵線唔會太腍，蚵仔都好新鮮，整體來講交足功課。台式臭豆腐臭豆腐最緊要係外面脆，入面有臭豆腐嘅香味，一上枱已經聞到。佢原則上還原左台灣臭豆腐嘅味道，真心好好食。以後應該會再叫。

今次去咗路德圍一間台式小店 - 真台客，試吓佢啲台灣小食。呢個台式蛋餅我叫咗2種配料 - 芝士🧀️ & 肉鬆😛。一夾開見到啲料好足，蛋餅脹卜卜❤️上菜果時仲好熱辣辣，啲芝士溶晒！加埋啲醬油，好好食！之後就叫咗臭豆腐。呢個臭豆腐不得了，又聞到食都好臭😋！而且熱辣辣，脆得嚟食落juicy 一啲都唔乾👍🏻最後叫咗呢個牛肉麵🐂。$66有菜、紅蘿蔔同大量牛肉，麵量麵好足.. 可以話係好抵食💰！牛肉好腍，湯都好好味🤤

講真，呢間台灣嘢唔算係好好食，勝在平價大份，選擇多， 湯，便當，麵，蛋餅，珍珠奶茶，甜品，一應俱全。今日落雨就附近搵食，見到門口寫住一蚊鹽酥雞，就決定再食呢間餐廳。叫咗餐牌上面睇落最伏嘅炸鯖魚。結果又還好，條鯖魚都幾大條，肉多，唔算炸到好老，再加埋碟鹽酥雞，都係55蚊，仲有冬瓜茶任飲（好淡味）。雖然唔算好好食，但呢個價錢，去大家樂淨係食到燒味飯，我覺得可以接受啦。平日晚上睇落都唔洗等位，係咁淡既巿道，成街兩餸飯，希望呢間小店可以係路德圍捱得住。

叫左個雞扒麵，無雞扒，淨食麵？ 叫左個雞扒麵，無雞扒，淨食麵？ 叫左個雞扒麵，無雞扒，淨食麵？ 叫左個雞扒麵，無雞扒，淨食麵？ 叫左個雞扒麵，無雞扒，淨食麵？ 叫左個雞扒麵，無雞扒，淨食麵？

剛吃過老厝邊的甜不辣， 覺得不錯， 按耐不住又想試其他台式店的手術， 一較高下選了在荃灣區開業了一段時間， 在其他區灳有分店的「真台客」來比併感覺上， 有分店， 又開店有一定時間， 品質應該有所保證台客炸物拼盤$60內有：雞卷，鹹酥雞，炸甜不辣，炸芋丸2粒和炸四季豆1. 雞卷雞卷原來係雞髀條骨， 仲要有腥味。2.鹽酥雞大大粒，有粒左右， 皮唔夠脆唔夠椒鹽雞肉唔算嚡，只係小小乾3.甜不辣炸得唔脆，切得又薄甜不辣一啲都唔煙韌， 好硬好實, 4. 炸芋丸唯一好味啲係炸芋丸，外皮少脆有芋味， 內芋泥軟。5. 最後的四季豆，好厚粉， 又唔脆。成碗嘢，調味粉無嘜，無咩味。 

今日第1次試‘’真台客‘’，想係屋企食下台灣野，所以我叫外賣，台式蛋餅沒有肉鬆都唔緊要 （變左栗米蛋餅），叫左2盒飯都是‘’生米‘’未煮熟 （ 鹽酥雞便當＆魯肉飯）！鹽酥雞飯係我食， 小朋友食滷肉飯，唉…小朋友唔識已經食左一半，真過分！ 其實未煮好，餐廳應該自己知道，無可能咁樣都比客人！全個外賣最正常好味係古坑珍珠啡， 還有蘋果梳打都好飲。（個飯唔影因為撩到亂曬）下次可能只可以叫飲品，其他飯類食物要認真考慮一下！

叫左牛肉面外賣 返到屋企 發現碗牛肉面無牛肉 得個面同湯打去問 店員又話退錢 又對晒資料 又問個湯咩色搞到我好似呃佢幾十蚊甘一如我所想等左成日 最後都係無退 算 當70蚊買個面食不過無下次

今日(31-12-2022 Sat)除夕同老公送完膠肚餓食嘢先,行嚟睇吓新記冰室,冇位了,而隔離嘅呢間開咗門喇,於是食呢間啦,我哋坐低睇,見有$198.00嘅二人套餐,於是掃code落單,但個女仔話未有九份紅豆芋圓湯.我問會唔會有第二啲補返?佢答唔會.噢!咁嗌第二啲啦.但冇耐,入面大廚同佢講咗啲嘢,之後同我哋講20分鐘後有九份紅豆芋圓湯,我哋可以叫呢個餐喇.咁我哋揀咗:5. 黑糖珍珠鮮奶少冰味道啱啱好好,珍珠夠腍同煙韌.味道:5分6. 凍古坑珍珠咖啡老公嘅我冇試到.1. 清湯麵(小)麵嘅口感彈牙,啖湯都好味.味道:5分2. 雞肉飯食過清湯麵後食佢,覺得遜色啲,雞肉係好滑但冇乜味.味道:3分4. 肉燥燙青菜端上嚟睇唔係肉燥而係滷肉,算吧,食落佢係好入味嘅.味道:3分3. 台客炸物拼盤有九層塔鹽酥雞,甜不辣,四季豆,雞肉卷同炸芋丸.我一食就食咗炸芋丸,外脆內軟同甜甜地,唔錯.味道:4分九層塔鹽酥雞味道唔係好鹹,同樣外脆內軟.味道:3分四季豆同甜不辣都正常冇問題.味道:3分雞肉卷同樣係外脆內軟,雞肉juicy.味道:5分7. 九份紅豆芋圓湯我哋叫後上嘅,兩碗大大碗,紅豆夠腍又唔太甜,芋圓同樣

20-11-2022 (Sun)晏晝同老公落荃灣買嘢同整眼鏡,之後老公話想食少少嘢,我哋就行到路德圍附近搵嘢食,原本想食格仔餅,但老公話想坐低食,咁行吓行吓,佢話嚟真台客,因為我哋每次都早落嚟食唔到.啊,好啦.我哋嚟到時都多人,坐低後個女仔話用QR code落單.我抬頭周圍望,見到有桃膠甜品,就決定要$45.00嘅椰皇雪燕桃膠鮮奶,老公要$28.00嘅九份紅豆芋圓湯.好快,九份紅豆芋圓湯到嚟,之後係椰皇雪燕桃膠鮮奶,原來椰皇雪燕桃膠鮮奶有熱嘅,我就揀咗熱.我先食椰皇雪燕桃膠鮮奶,雪燕同桃膠份量唔少,當中重有紅棗同龍眼乾,所有嘢都好夠腍,而成碗唔會太甜,因為呢喥話係低糖配方,不過奶味淡咗啲.然後食九份紅豆芋圓湯,呢個都唔太甜,紅豆又多又夠腍,芋圓係雙色芋圓,口感正常嘅煙韌.其他:一如以往,有凍冬瓜茶任飲,不過冇咗另一款,係咩呢?追查我嘅食評,係冇咗熱麥香紅茶(食評係2022年1月6日刊登嘅呢篇:https://www.openrice.com/zh/hongkong/review/yeah-%E4%B8%80%E8%85%B3%E8%B8%A2-e4295846),𠲖o家唔係用紙杯係用膠

真台客｜荃灣一個人荃灣行完街搵食，當然去路德圍，我想食台灣菜，一經過見到真台客就入去試一試😎本身想食蛋餅，但我本人食量不多，只能叫一個，開頭糾結是牛肉麵定係滷肉飯，最後決定試一試台灣腸滷肉飯😋滷肉飯做得好好好香好入味，但肥膏比例佔嘅比較多肉就比較少🙈台灣腸好肥味，不會太過油膩，好食呢👍🏻其他配料仲有菜脯同一件滷豆腐，每一啖飯加菜脯和滷肉飯吃，口味提升！就唔會覺得咁肥膩😽佢地嘅冬瓜茶係自由添加，飲完自己可以在加，好大方呀！甜甜地幾好飲，去飲品店買冬瓜茶都要30元，這裏是任飲🤣