真台客 (已結業)

路德圍嗰邊有標位，所以渣車去行完DONKI 就去嗰頭搵嘢食。晏啲約咗人食飯又好耐無食過蛋餅，所以就搵咗呢度食少少嘢順便等夠鐘。蛋餅嘅配料我揀咗肉鬆同蛋，味道不過不失，反而任飲嘅冬瓜茶有驚喜喎！

同區都有幾間台灣店，今次選擇左呢間因爲佢唔洗等好耐就可以入座！ 餐牌簡單，又可以循環再用唔使浪費👍🏼👍🏼👍🏼食物方面選擇了：（5分係最高分）- 油蔥雞便當 （3/5）- 滷肉飯🍚 （3/5）- 臭豆腐 （4/5）- 燙青菜🥬 （3/5）- 大雞排 （3/5）由於成間店鋪無咩人叫「臭豆腐」，所以我地決定試下佢！ 店員好快將所有食物放在台上，但放低「臭豆腐」後，就不停係我地附近講好臭好臭好臭真係好臭🤣🤣🤣可想而知係無咩人會叫， 其實都幾正宗！細細粒都易入口。至於大雞排，炸粉唔算太厚，味道一般般！ 蔥油雞便當🍱份量好足夠一個男生，相對女生就太多了會食唔哂。以為蔥油雞係一件件上，最後變手撕蔥油雞，咪道道一般般！ 滷肉飯的滷肉有點大粒，如果再切得細粒一點會好啲！最後，對於店員態度。。。。無言！當中發現青菜有隻昆蟲，話比店員知拎起左碟菜睇幾睇話換過碟比我地，由於太飽既關係所以唔需要，佢竟然放番低。。。呢個舉動當時令我地無言以對。。。到收銀部份，叫左幾次都無回應，店員與店員之間不停高談闊論，完全聽唔到我地。。。無奈！

雖然係黃店, 但唔好食嘅話都只係可一不可再😢收工去荃灣揾下野食唔知係咪太耐冇尼, 行過路得圍見到喱間都多人排隊,又未試過, 自自然然就入左去🤭👾滷排骨麵✨個湯真係同福麵沖出尼個湯一樣- 😑滷排骨, 係豬扒尼一咬落去, 冇豬扒口感麵底唔彈牙, 令人失望!成個麵完全唔得😠👾鹽酥雞便當✨雞明顯係擺左陣😪因為只有餘温, 味道正常配菜唔係偏甜, 係太甜!最奇怪係餐具夾唔到野食架湯匙都好淺😓😓有樣野係唔錯👾黑糖珍珠鮮奶✨珍珠啱啱好😋黑糖比例都恰到好處不過得一杯野飲, 唔足以令我回頭@meaty_monsters#勇敢作反食肉獸 #mm荃灣 #mm台式

用左openrice多年，做左CD ROM咁耐以黎第一次難食到要寫評價🤮開舖以黎食過幾次，第一次食好有驚喜，有台灣味，但往後既質素都開始有少少下滑，今次之後都唔會再幫襯🤢蚵仔麵線：湯還湯，麵線還麵線，蚵仔極腥之餘亦都細隻左一截，而且個湯亦都唔係羹個種既濃度，如果係咁我不如食雲吞麵算啦酥炸花枝丸：食落去粉身好淋唔彈牙，之前爆多花枝粒粒係入面，仲好彈牙添…仲有個烤雞腿便當：都算叫做正常，但係配菜份量少左都係個句 唔會再幫襯

中秋食飯大出血完，諗住求其食個晏填下肚就算...點知...黎到荃灣呢間真台客，侍應收銀一律都係後生仔女，個個都好有禮貌招呼客人，印象幾好🤓🤓原先無諗住打食評，所以冇影餐牌😂😂蚵仔麵線唔算大碗，同係台灣食既麵線差唔多份量，但蚵仔好肥好大粒，麵線味道都幾好，有啲去左台灣咁既感覺😁😁呢個係大雞扒麵，呢個價錢有呢個份量同味道都幾好喎～雞扒份量好足，肉質夠嫩又juicy，但個麵既湯底如果可以濃味啲就好啦～整體而言都幾好，會翻兜！

今天嚟到新開無耐嘅真台客，我哋兩個女仔👭就叫咗個二人套餐($188)試下。.雞肉飯/魯肉飯/清湯麵(小) x2主食嘅話有以上三個選擇，我哋就分別叫咗雞肉飯同魯肉飯。.雞肉飯上面都會有少少魯肉，味道正常。魯肉飯都係正正常常，魯肉未去到入口即溶，但都算係肥瘦適中。.其實👩🏻之前試過係真台客叫過便當外賣，份量係超 級 大！我哋今次叫依個二人套餐就諗住可以咩都試下啦，點知連依個套餐入面嘅飯都係非常之多，我哋兩個人share一個飯應該都夠飽😂 (利申:我哋兩個都係正常偏食量大嘅女仔)。.肉燥拌青菜🥬肉燥其實即係魯肉，配埋生菜，無咩特別，但就有種台式味道~.台客炸物拼盤(四季豆、雞肉卷、鹽酥雞、甜不辣、炸芋丸)/滷水拼盤(滷豬腳、百頁豆腐、海帶、甜不辣、魯蛋)拼盤二選一我哋就揀咗炸物拼盤，以為依個拼盤有咁多種炸物，份量一定少啲啦，點知每種(除炸芋丸)都有四粒以上，其實三至四個人Share都可以每樣都食啲。.味道方面，當中四季豆就麻麻哋，感覺唔係好適合用黎炸，口感淋淋哋，唔太爽脆。.甜不辣🍢不過不失，蘸埋佢哋既辣醬食會惹味啲。.真台客將雞肉卷切開咗四粒，方便客人分享，口感其實比較似炸魚蛋，都幾好食。

首先，不得不讚賞店員的服務態度非常之好，一入去量體溫，入座，店員都好客氣，坐低望一望餐牌，就點咗個魯肉飯同蛋餅，魯肉飯既肉比起平時某某101既肉都大舊，飯粒水份岩岩好，配埋一齊好好食，但係個碗就有啲奇怪，有啲唔係幾平均，之後個蛋餅不過不失，對我黎講，幾好食，我本身鐘意食蛋，所以我幾鐘意食

星期六去荃灣食下野，見到呢間真台客，係元朗都食過，再入去捧下場！無得去台灣去旅行，叫左個台灣腸肉燥飯，碗飯勁大碗，每啖都有肉燥，唔會食食下冇哂汁好乾，另外可自助倒凍茶飲，消暑一流

由於疫情關係，已經好耐無去過台灣旅行，梗係要趁放假把握機會，同老婆出門口食下台灣嘢!主食方面，我地叫咗個大雞排便當，原本跟飯，我地轉咗跟麵。呢塊雞排絕對大過我塊手掌。雞排肉質夠晒嫩滑，肉汁好飽滿，食埋雞皮好邪惡，十分滿足！雞排醃味應該係用咗五香粉同椒鹽，算係相當大路嘅調味。呢碗麵又唔錯喎，簡簡單單唔洗太多調味。另外，小食方面揀咗蚵仔麵線、台式蛋餅同埋貢丸湯，呢三樣小食都係平時去台灣旅行好鍾意食嘅小食。我本身麻麻地蚵仔麵線嘅質感，主力都係老婆食得多。蛋餅就係台式傳統經典早餐，以往去台灣旅行真係可以每一朝嘅早餐都係食佢，我地今次揀咗粟米做配料。貢丸湯都係我同老婆嘅至愛，可以話係又簡單又方便嘅一個台式小食！呢到有得任飲冬瓜茶(凍)同埋麥茶(熱)，咁啱老婆唔飲得凍嘢，咁就可以飲麥茶，抵食之餘又夠貼心，照顧晒唔同人需要! 總括嚟講，成餐飯唔會話有太多驚喜，不過由食品去到細節位都好有台灣風味，令到我地又更加掛住台灣喇。

推介：⭐️⭐️💫————————店內有免費冬瓜茶自助斟嚟飲，今次外賣就冇試到🥃-對於細食嘅我嚟講，個麵嘅份量真係少麵就係相睇好粗嘅，但軟硬適中，好滑，好掛到湯，所以好好味👍🏻（少到有啲就住食咁）-湯底超濃味，對我嚟講有啲太鹹（所以配麵就好食），同埋太油，如果食得濃味嘅會覺得佢好好味-牛肉份量好多，都幾入味，唔會太肥，不過我覺得再炆林啲再好-食台灣牛肉麵其中重要嘅配菜就係 - 酸菜酸菜完全唔得，超級鹹😐———————————整體來講，覺得個牛肉麵麻麻地，淡返少少，寧願牛肉少啲麵多啲就好。-更多食評請支持IG❤️：namnam_happyshare

下晝2點後嘅真台客等位時間唔耐，5-10分鐘就有位，然而平日夜晚閒閒地要等半個鐘以上，咁嘅天時係街等位真係熱溶了。出面免費任飲熱麥茶或凍冬瓜茶，消暑一流。牛肉麵湯底好飲，咸度適中，麵條闊身彈牙，蘿蔔超級甜，加上酸菜胃口大開牛肉嘅份量都唔輸蝕，起碼有4-5條，而且牛肉炆到好林又無筋，講起都想再encore。蛋餅餡料可自由配搭，建議一定加芝士，香氣四溢。而台灣腸唔太建議order，份量細，唔抵食。

幾個月前，見新開咗間台灣野，好多人排隊，有啲興趣想試，今晚咁啱想食台灣野，雖然見食評麻麻，都比次機會佢啦。叫咗鹽酥雞便當同珍珠咖啡，原來有免費冬瓜茶提供。鹽酥雞咬落質感正常，但味道偏淡，勉勉強強咁啦，最大鑊係個飯，珍珠米嚟嘅，但係我未食過咁硬嘅珍珠米，加上唔夠熱，好似食緊冷飯咁🤮魯肉汁又少，又乾又硬，真係想像唔到咁嘅垃圾可以俾人客食😓仲有間餐廳有好多蚊滋，不時飛下飛下，令人感覺好唔衛生，成餐飯食落好似受罪咁👿唯一可喜嘅係杯珍珠咖啡，味道幾好，可惜挽救唔到成餐飯味道嘅評分🤷🏼‍♂️

一開始我係特登入元朗食呢間～ 之後佢喺荃灣開分店好開心🥳 因為荃灣冇乜台灣菜，仲要係黃嘅😙 又係喺路德圍，完全係黃店集中地，正😙呢間最特別之處係冬瓜茶同紅茶免費任飲～ 自助式咁斟就得，冬瓜茶清甜好飲😙 🍜 滷排骨便當 $48 飯亦都可以轉麵～ 滷排骨超大塊，味道都滷得唔錯，不過略嫌肉質乾咗d，同埋偏瘦🤨🤨 麵的話佢會有d洋蔥🧅喺面，成碗麵會帶微微洋蔥味，不過湯底整體都係淡，直頭可以用冇乜味嚟形容😣 🍗 鹽酥雞便當 $48一樣可以轉麵，鹽酥雞又係份量唔少，成盤碟仔都係😗 鹽酥雞炸得ok，都香脆好食，肉汁唔算多但已經對得住價錢!😌 🥙 蔥抓餅 $30 加蛋 $5蔥抓餅比較硬身，冇乜香酥嘅感覺，覺得一般～

雖然黃店，但真係唔會有下次，雞扒好油，鹽酥雞都係，仲要係千年油，連我姐姐都食得出😩以為發生會穩陣啲，都唔得🙈唯一可取係果半粒滷蛋，我碗麵都OK嘅生菜都可以。

今次食台灣嘢：•真台客牛肉麵$60湯底味道足，麵粗身又厚厚哋，唔係彈牙嗰隻，但有咬口。牛肉都有成4-5舊，係酸菜太慷慨，有少少多得滯🤣•正宗台灣臭豆腐$36豆腐唔算好臭，上枱時豆腐鋪滿左隻碟，個其實全部都細細粒，唔算好多。上面嘅醬甜甜哋，我哋有加辣醬，鍾意香口啲•蚵仔麵線$36麵線唔似台灣嗰啲咁碎，仲可以用筷子夾得起。蠔仔都幾肥美•台式蛋餅（玉米）$36蛋餅油左少少，粟米係捲喺入面，但唔係黏住蛋漿嗰款，粟米粒都幾多，食嘅時候係咁跌岀黎•🍻【後記】曾經睇過一個食評，話哩間唔好食，本來有啲卻步。但黎過附近幾次，我見佢雖然無好似隔離新記排長龍，但人流不絕，所以今次就黎試下。覺得味道ok，可以再黎。•今次兩個人黎，點左4樣嘢，其實每樣份量唔多，但對兩個肚嚟講就多左啲🈵