真秘鍋 (已結業)

天氣一凍就好想打邊爐，於是朋友帶左我去呢間新開嘅火鍋店，地點係旺角，都好方便。呢度d湯底選擇有好多，而且全部都好吸引，掙扎左好耐之後我地揀左龍蝦湯底，侍應拎過嚟嘅時候我嚇左一跳，個湯入面竟然有原隻大龍蝦，足料程度滿分！！！打邊爐當然唔少得肥牛啦，餐廳經理推介左兩款俾我地，分別係牛小排同手切牛。牛小排個碟好靚，肉質比較軟滑，手切牛肉質就比較實而且肉味比較重。另外仲叫左幾隻鮑魚同蔬菜籃，鮑魚夠新鮮，蔬菜籃都整得好有heart，個籃入面青菜都五六款，仲有幾款菇同車厘茄。呢餐火鍋真係好滿足，湯底好濃好好飲，其他食物都高質，鍾意打邊爐嘅朋友一定要試下

太早食完飯行咗陣街又見肚餓，10點令11點想搵個地方食宵夜，仲要係想食熱辣辣嘅辣野。諗起朋友提起過真秘鍋既新出牛蛙鍋唔錯就上去試一試。原來宵夜10點後做緊六八折我同朋友兩個人單點左一個麻辣牛蛙鍋，再加一份鴨血水晶粉同蔬菜，作為宵夜來講已經飽飽夠食。侍應介紹店入面用咗好難搵貨嘅新鮮牛蛙，第一次食，果然係比田雞滑同大真係超級多。平時都已經鍾意食開麻辣田雞煲嘅我，試過食新鮮牛蛙真係返唔到轉頭。總括嚟講麻辣鍋唔係介乎於川式同台式之間，辣到適中，都比較啱香港人口味。

４人組聚餐，朋友推薦的火鍋店。中秋前才開業的新店，朋友已經來了３次！我是４人組中，最喜歡打邊爐的，當然舉雙手讚成！！打邊爐，第一步是選湯底，朋友前２次都是選招牌龍蝦湯的，但４人組中有１位對龍蝦敏感，無奈的放棄了龍蝦湯！選了三味西湖，surprised！三味：用３種魚熬出來的濃湯，奶白色！加了薑和胡椒 (應該是白胡椒)，完全沒有醒味！更有去寒和暖胃的功效！我喝了４碗(其他３位也喝了３碗！才開始吃魚頭和涮菜！手切鮮牛肉、秘丸併盤、玫瑰松阪豬肉、ＱＱ粉，好吃！滿足！會再來喝三味西湖！

懂我的人都知道，我好少打邊爐🤭知我要求高，最近就帶我去了湯底足料，食物用料夠新鮮的 <真．秘鍋>開餐🤤點了鴛鴦湯底，<玫瑰香妃>，一聽個名就知係養顏湯😍材料有玫瑰，花膠，黃雞和芝士🧀，初時怕芝士放於湯底內，加上有花膠會太稠，但出奇地像平時的雞湯一樣👍🏻<三味西湖>，用上三種🐟加上當歸，胡椒及一些藥材一同淆製而成，藥材味濃，此湯更有活血祛風等功效。兩個湯底均用料十足，且加湯更是用魚湯和雞湯添加，👍🏻打邊爐點少得牛肉呢？<懸燈結彩>用燈籠做裝飾，一上枱已經好吸👀，🐮是頂級牛小排，油脂均勻，味濃。<玫瑰松阪豬>，頂級豚肉的代表，卷成玫瑰花🌹的形狀再加上金箔，又是視覺享受🤩，口感爽又不肥膩。<秘餃拼盤>，總共有六款餃子🥟，粒粒餡料豐富。<秘丸拼盤>，有五款，粒粒手打，口感不會太實和太粉👍🏻<秘選菜籃>，除了有粟米，白菜，西洋菜，竟然連秋葵都有👍🏻

朋友生日，食火鍋就最好。去open rice 搵到呢間新開火鍋店，睇食物相又幾好環境都唔錯，又可以經open rice 訂位好方便。訂26號晚，而家仲有折添！地點其實都容易搵，附近都多左好多餐廳。當日餐廳打黎確認及通知要收$100切餅費😕。有好多餐廳都冇收費呢啲費用，就算有收都係以人頭$10！呢一點係不滿意🙁🙁！因臨時先知道，已經來不及搵其他餐廳！唯有去試試啦！當晚到達，客人不多walk-in 都有位。由於新開張，單點有88折（醬料除外）我地揀左桃膠烏雞湯底，肉類比較偏貴，最後揀左牛肩肉，丸類拼盤，菜籃，QQ水晶粉，因有朋友生日送左一份松阪豬。湯可以先飲好清唔錯，之後每次加湯用雞湯，但會偏咸同埋好膠要keep住加湯，後期我地要求加清水。食物份量都可以，但牛肉就少左啲，牛肩肉嫩但冇牛味。丸類新鮮打但唔夠彈牙。要讚既係菜籃蔬菜新鮮份量夠。QQ水晶粉都可以。整體上可以試

💸 : HKD 350 each -Black-boned chicken soup - warm our bodies and strengthen the immune system, it also benefits a lot to ladies 💃Deep fried bean curd roll 響鈴 - 1s in the soup and then dip its end with a little seasoning Love Pork to the moon and back - in flower shape, photogenic 📸Its dumplings are also specially filled with chinese herbs 😋😋😋--enjoy Karaoke here tooo🎶🎶🎶🎶我輕輕嘗一口妳說的愛我還在回味妳給過的溫柔 #周杰倫 #甜甜的 #說好不哭 --

屋企人想打邊爐，有時喺OpenRice搵餐廳都怕會中伏，睇咗幾間，最後睇相揀咗呢間。點咗個養生人蔘雞湯，湯底唔錯蔘味幾濃，天氣涼左飲落暖身個人幾舒服。飲完湯服務員主動詢問提出幫我地剪雞，幾貼心。家人鍾意食蝦，都幾新鮮彈牙，其他食物都唔錯。試食結論係，新店食品同服務睇得出有用心，最緊要屋企人都滿意，可以再食。下次一定會再嚟呢間火鍋店，因為啲嘢好新鮮同靚，同埋我哋成班人都食得好開心，強烈推介大家可以去食。

呢排天氣開始轉涼，最開心就係同一班好朋友打邊爐！係OpenRice見到呢間火鍋店，除咗嘢食夠吸引之外，仲可以同朋友喺獨立嘅VIP房唱K，大房有埋獨立洗手間。我愛上左佢嘅湯底招牌龍蝦湯，真係好鮮甜同埋好濃郁啊，湯入面仲有成大隻新鮮龍蝦添，打完邊路可以叫員工幫手拆殼，服務抵讚！我哋亦都叫咗海鮮拼盤盛，可謂包羅萬有，有生蠔、龍蝦同扇貝等，全部排列得好靚好整齊，令人賞心悅目，不過嚟唔切影剛上枱既相，朋友就已經等唔切開動左。仲有丸同餃拼盤，擺放嘅方式好特別，一層層陳架，循序漸進，各人可以因應自己唔同嘅口味揀嚟食。全部手打丸又彈牙又滑，值得一讚。當然唔少得要見呢度嘅牛小排同埋海膽杯，係佢哋嘅主打嚟㗎。牛小排擺放到好似一個半球體咁望落去好吸引！放入湯底裏面幾十秒就食得啦，牛味十足;海膽杯好精緻配上蟹籽同青瓜，一啖真係唔夠喉！蔬菜籃一定要叫，啱晒想清腸胃嘅朋友，裏面有好多唔同嘅蔬菜，番茄仔冬菇粟米同秋葵，望落成棵盆菜咁，色彩繽紛。仲有啲滷水同埋小食，等大家可以係打邊爐前開一開胃先，總體都幾推介。

環境相當唔錯，仲有得唱k，如果要打邊爐+唱k可以考慮👍🏾湯底唔錯，但偏貴。野食正常，無咩特別，無咩一定要食，無酒飲👎🏾服務不過不失，整體無咩特別，應該唔會再食，因為以哩個價，可以試食其他。

踏入了10月，早上的太陽🌞令人出汗，到了晚上涼風吹起🌬好像提醒我打邊爐的季節準備又開始了🍲行旺角見到百利達廣場開左一間新的火鍋店，就行上去打打邊爐先😙叫左個叫「金口玉言」既湯底「金口玉言」係啲咩🤓就係「人蔘雞湯」看看湯中的雞🐔很大隻又肥味，而且配上了藥材，雞🐔的中間看到一條人參，很補身的..“南非鮑”大大隻，每隻南非鮑都切了三刀都好厚身👍🏽食落口仲好彈牙😙“即炸響鈴”每次打邊爐都會一定叫。最喜歡係淥一淥就要即拎上來食的感覺～響鈴炸得外脆內酥，食落層次豐富！“秘丸拼盤”總共有五款丸墨魚丸上面有蟹子😍每款丸都唔會好麵粉，有手打的感覺“手工萵筍片”，呢個好特別～平時都好小食，用了心機手工切成卷片狀特別入味🤤好豐富既“蔬菜拼盤”～點都要食下蔬菜喔！有粟米、冬菇、南瓜🎃、菜、番茄仔....Haha~~食左d健康野之後，黎個“鵝腸”先😍好肥美呀！白色的是脂肪來的，果然邪惡的東西特別好食。以新店來講，裝修靚坐得舒服，味道唔錯同價錢都合理，希望一直保持水準就會再幫襯。

同朋友聚會，最好就係打邊爐，一齊烚吓烚吓😆旺角新開左真秘鍋火鍋店，一於去試吓先！我地4個人叫左金口玉言，係人蔘雞湯湯底嚟嘅！啱晒依家涼涼地嘅天氣補補身😊香濃嘅人蔘味藥材味同雞好大隻又多啖啖肉都嫩滑！叫左南非鮑魚超好個頭，就算打邊爐食都勁彈牙啊😍絕對係高級貨色蔬菜拼盤，菜好新鮮爽甜即炸響鈴，放落湯底即刻拎上嚟食得，加埋人蔘雞湯，口感層次豐富👍🏻丸拼盤，新鮮而爽口彈牙，唔似出面嗰啲好粉手工切萵筍片，唔會太厚，食落好爽口

喺朋友介紹下黎左呢間開左無幾耐既火鍋店😚 我平時算少食打邊爐，因為怕熱氣！ 但今次打完都無咩事😆 對我黎講，湯底好重要，而呢度既湯底我同朋友都幾滿意🥰呢個係鴛鴦湯底，因為我唔食辣🤣 我地叫左金口玉言拼楚香麻辣湯底金口玉言好啱女仔食😍佢係人參雞湯，個湯飲落好thick，好有骨膠原既感覺，仲有藥材味，感覺對皮膚好好😆 入面仲有我最愛既蜂巢豆腐，後期索曬啲湯底好和味麻辣湯底朋友表示辣得黎又唔會搞到食唔到野食既味道，唔食得辣可以叫小辣我地仲叫左黃喉，牛骨髓同腐皮，黃喉夠曬爽同脆，牛骨髓係朋友鍾意既，我試左就覺得唔腥，正常咁 😂腐皮好滑，浸左落湯都仲有食到有佢既味道，好香👻呢個係大連鮑魚😆 我係鮑魚愛好者hehe 我超愛呢度既鮑魚，好大隻！啲肉好嫩，同好有鮮味，無急凍味🥰好味好味我地仲叫左手切牛🐮😛 係限量既五花子，omg 好好食，佢肥肉瘦肉比例一半半，肉質嫩滑有啲彈牙，味道仲有啲鮮甜味，值得試最後係鵝腸，賣相唔錯🤣 唔洗淥好耐就可以！覺得味道都唔錯，都係好爽口

朋友生日，有人話想唱K，有人話想打邊爐，估唔到真係有地方可以滿足呢兩個慾望，而且間K房同CEO唱K房一樣咁掂，音響好，音色靚，仲有埋獨立洗手間添！打去問D房果然好full啊，好彩醒目有提早book！Book K房有500一位最低消費，平時食餐飯都300-400百，唱K都要成200，我覺得都合理算幾抵。我地食得唔多，揀唔到咁多野食，所以食得矜貴啲，有人唔食得辣，我地叫左個麻辣拼人蔘雞湯底，滿足大家嘅口味。呢個澳洲龍蝦刺身，就係我地嘅主菜。。呃like用😂。。肉質實淨夠彈牙。另外叫左個牛小排，大圍都食牛，就點左呢個試下，排場一流，油花多，牛味十足。海蝦係我點，點都要叫返啲我想食嘅，估唔到同樣出場都咁有氣派，蝦肉爽身彈牙。食完肉當然叫返個菜啦，我地點左皇帝菜同生菜，上枱美觀，食落菜就同度度食嘅差不多啦！

我真系好中意烚吓烚吓😂😂基本上一個星期都要打個邊爐🥢今次試左真秘鍋呀！佢真系好Surprise到我🤩🤩🤩我地今次七個人去食 店員同我地講其實哎野食人頭夠低消$500就可以坐唱K VIP房🎙🎙🎙梗係轉啦🤣大佬呀一路唱K一路打邊爐真系無試過呀🎤仲要個房音響幾PRO，有獨立洗手間👍🏻👍🏻啲歌仲好過K🎹🎧🍾講真食餐飯基本三四百而家$500有得唱埋K性價比 超值啦👍🏻👍🏻👍🏻呢到都系先飲湯後打邊爐🍲我地試左人蔘雞湯拼麻辣湯🌶🌶個人蔘雞湯🐔飲完好舒服呀 好平和好舒緩😗響鈴係必點佢仲要新鮮炸起！仲要手切新鮮牛🐮 呢個真系唔系人咁品 對於牛魔王ge我一碟點夠 仲叫左黑豚肉/鵝腸店員仲介紹我地飲自家製桂圓菊花茶🌼☕我地呢d咁養生梗系飲呢d啦 😝😝😝又唱K又打邊爐 好忙呀🥳🥳🤣🤣

最近朋友介紹我黎呢間火鍋店，話食物好正，有好多經矜貴食材選擇。今晚我就同朋友嚟試試先，果然冇介紹錯。首先環境舒適，坐得闊落，岩曬一班人黎，服務也不錯。湯底選了九五之尊龍蝦湯，龍蝦唔係冰鮮貨，新鮮即撈，好有誠意，金黃色的龍蝦油熬曬出黎超鮮。 我本身好鍾意食龍蝦 ，見到湯底鮮橙色，已經流曬口水。之後烚食物，食物都吸收曬香濃嘅龍蝦精華。餐廳還提供各種刺身，我地點了牡丹蝦刺身及象拔蚌刺身 ，非常新鮮，牡丹蝦肉質爽彈，象拔蚌爽脆，吃得出是高級貨式。扇貝聖子王大大隻，新鮮度爆燈。  鵝腸都好好味，好脆口。懸燈結綵牛小排是必點之選，打卡超靚，牛肉味超濃，啱曬我哋牛魔王。餐廳好高質，價錢也ok，可以encore!