碗屋 (已結業)

今次係第三次到碗屋，每次都非常期待！無論食物、環境同服務都令我好滿意。以前都會去食其他餐廳食放題，但係好多都會有限時，加上會有漏單嘅情況，所以就會食得非常之急。碗屋就唔會有呢個情況，無限時可以慢慢食，亦都唔會漏單，加上侍應都會好耐心咁解釋不同菜色嘅內容。講到服務，由打電話booking、到餐廳門口、落單、加茶都100分！無任何一間放題可以做到。首要推介絕對係刺身，每一件都切得好厚，絕對唔會粗製濫造，每次都會叫幾Round。另外一個要推介嘅就係炸物，炸得非常之新鮮，熱辣辣咁樣拎到嚟你枱面。個人首選就係炸蠔。Menu 都有幾十款野食，可以請每一野都Feel 到有心煮俾客人食，呢個亦係我回頭再幫襯嘅原因。今次都係由6點食到10點，非常滿足的一餐。

以前新世界店舖已好喜歡,現在都坐得舒服. 碗屋唔似其他限時放題咁, 半個小時前又截單, 坐位又狹窄, 食到趕頭趕命, 最憎.碗屋一向是我放題首選, 最啱同朋友慢慢傾, 服務員又友善, 食物又好, 完全冇漏單.小食選擇了蟹蓋, 好鮮. 軟殼蟹, 燒蝦,, 燒牛, 燒扇貝等, 全部食材新鮮, 醬油份量適中, 唔會配料多過主食, 食物細緻些, 享用過程開心好多.魚湯好飲到一人飲3-4碗.🤭 本人覺得物超所值, 難怪成日都滿座.午市仲有銀行卡折扣優惠, 更加抵食.

碗屋聽過很多次，真正體驗就是第一次。職員服務態度良野，當日一行3人坐吧枱，到左9:00左右服務員會主動問要唔要調枱，會坐得再舒服D👍🏻食物方面，即叫即整。部份食材確係新鮮，惟我地第二轉叫刺身時，已經上唔齊，當時只係6:30左右，跟住每次order都係上唔齊，每隔一陣又要再叫，來來回回好多次，唉。價錢加埋10%大概700一個人，生日飯來說呢個價錢可以更好，雖然佢地無限時，但好多食物你只會點1-2次，唔會食得好多，所以就算無限時，都唔會食得好耐，以呢個價錢可以有好多更好選擇。

都有成年無去，今年情人節晚飯選擇放縱一下自己食下放題！用open rice 訂枱，可能要Lock up deposit 關係，所以都相當易訂到枱(但今晚依然係full house😆). 平時只食一段時間，今晚要分兩段，不過無所謂，因為點都夠時間食。我原本訂咗7:45，因為OT 遲咗到(我有打電話通知餐廳)，結果成8:15先到，估唔到經理埋單嗰陣，計我8:30先入場，打個九折俾我，相當有驚喜！食物質素方面一如既往，都保持到水準👍🏻，不過可能情人節關係，個餐牌係唔同咗，選擇好明顯少咗啲，但我理解同可以接受嘅👌🏻餐後有個小小嘅情人節限定甜品，都唔錯👍🏻 總括嚟講，依間餐廳食咁多次都暫時都冇令我失望🥰

食過幾次又想再嚟食，碗屋係無限時日本放題，食物高質，服務招待都很好，點菜都係店員埋嚟同你落單，而且仲會耐心介紹，唔會有吹你走嘅感覺，同朋友嚟食好盡情盡興。餐廳裝修係舊日式風格，多人嘅話都可以訂榻榻米房間。不過呢度好難book位，經常都full booking，我今次訂位都係得返bar枱位置，唔理咁多照食。#刺身拼盤一開始重頭戲有一大盤刺身，每人可以選一款頭盤，我哋揀咗龍蝦刺身，肉質新鮮。最鍾意連殼原隻赤貝，肉厚彈牙，唔係好多放題可以食到。三文魚、油金魚、吞拿魚厚切肥美。帆立貝、甜蝦鮮甜，仲有海螺及北寄貝，刺身有11款無限提供。#炸蠔外面脆漿鬆脆，咬開裡面蠔熱辣辣，肥美juicy。#鐵板厚燒牛柳厚切牛柳燒得剛好，唔會太熟，肉嫩有肉汁，牛味燶，配炸蒜片食更好味。#銀鱈魚西京燒銀鱈魚屬於重油分嘅魚，以西京漬醃魚肉，燒好後表面金黃，魚油好香，魚肉帶點淡淡的甘甜味，出面好少放題可以任食銀鱈魚。#炸軟殼蟹表面炸得酥香，裡面仍然保持蟹肉口感，蟹肉和外層軟殼在口中層次分明。#火炙左口魚鰭邊壽司左口魚本身魚油濃郁，上面配以生洋蔥絲及蘿蔔蓉，經火焰一下後令魚油香更加提升，飯唔大舊。#天婦羅蝦即叫即炸，天婦

約咗愛人行中環，大家都未食飯又見到呢間嘢喺面前就衝上去試下咁話啦。店舖嘅職員服務態度非常好。既有禮貌又肯幫忙。仲好主動話畀客人聽1點前離坐有折用現金或八達通畀錢又有折咁就坐低食啦。本身見到佢有放題都有啲興趣想試下但係望到咁多腐皮就唔係好夠膽畀咁多次去試。既然都入到嚟就試下佢嘅刺身套餐同鰻魚飯套餐啦。刺身套餐首先上咗喺個沙律同埋中華冷麵。中華拉麵偏酸，個沙律都係偏酸。有啲人就會覺得咁食得沙律中華冷麵梗係酸㗎喇。要留意，我講得出係偏酸梗係比正常嘅酸更偏酸。然後到個刺身上，不得了。全部都非常清淡，啖啖滋味淡如水。不過值得欣賞係師傅嘅刀工。輪到個鰻魚飯套餐，唔知個鰻魚係自己燒定點啦總之我就總係食起上嚟就係買返嚟返熱。最有驚喜係佢個麵豉湯，甜身。有趣有趣。咁樣食一食有個折兩個人兩個餐落樓都唔使$400。仲要送多張優惠券畀你。

🔅碗屋🔅中環🔅日式放題🔅公司又一年一度搞聖誕大會！我地去左碗屋食放題，果日lunch大家都係飲左幾啖水，等夜晚食飽飽！一去到，餐廳安排左間房俾我地，可以自己嘈到拆天！一開始當然係要上一兩隻刺身船啦，三文魚、赤身吞拿魚、油甘魚，全部都好厚切，好新鮮，一入口就覺得入口即溶，魚油超香，好正！海膽完全係新鮮max，唔重海水味，好開心！新鮮生蝦都好食！每人可以上一份鮑魚、金目雕、或者龍蝦尾，真係超難揀～ 我最後揀左金目雕，好重要佢一片片切好再加上三文魚子， 好好味！食放題最緊要係細細份，咩都可以食下～ 秋葵、豆腐、銀鱈魚、厚切燒牛舌、雞軟骨、蔥吞小手卷、海膽小手卷！我特別推介個魚湯，好香熬製而成嘅暖肚之物！同埋我都好中意個左口魚裙壽司仔，超開心，雖然係飯我哋都encore左！我地仲有酒水free flow，紅白酒，whisky，同梳打😂 甜品又係咩都試吓，雪糕、糯米糍、蛋糕卷，仲有榴槤味嘅糯米糍！好開心！食飽飽先至係個開心嘅聖誕節，最緊要都係同所有同事齊齊整整過聖誕！碗屋網上訂座享85折優惠兼賺Rice Dollars 網址: https://s.openrice.com/QrbS0EDq

相信不少中環白領都聽過這間居酒屋，食物質素有保證，環境舒適，服務周到。各方面都係水準之上。即使沒有在網上OpenRice 訂座，以指定信用卡付款就有85折。今日慶祝同事生日，5個人安排了一間房坐，侍應會主動入來探望下我們有何貴幹。午餐餐牌由$238至$438不等，有超過10款。以下這款是8號和9號餐，薄燒和牛和厚燒和牛的刺身套餐。睇相都知，和牛份量都幾多，而且鮮嫩多汁。刺身好新鮮，有口感，認真和味。以下是1號餐的雜錦刺身，有帶子、吞拿魚、赤貝、海膽⋯⋯好豐富，另配肥牛烏冬。

男朋友生日諗住同佢食個生日放題，一個價錢冇限時，啲赤貝係新鮮嘅，平時食活赤貝好貴，呢度剩返10隻八隻就值晒。頭盤仲有個龍蝦刺身，因為生日個刺身拼盤仲有支蠟燭好驚喜。啲刺身encore左四五次。雖然冇飲品任飲，但係佢全部嘢食都好好食，牛舌入口即溶，牛柳勁林，甜品好多款，鴨肝好香，啲鐵板燒全部都好好食，職員態度亦都好好，預期俾3百幾4百，不如加多少少五百幾食哩到嘅放題，OpenRice 訂位中有折扣。勁滿足。

今晚朋友帶我出城 去中環食日式放題! 一行7人BOOK左間房 爽啊! 反而出面既枱見到係迫陝既!第一次食放題吾係剔紙仔 吾係手機禁制 係人手Order落單 即時無叫得甘狼死!但服務係幾好幾NICE既!🌟海膽手卷/刺身 – 新鮮 鮮甜 冇怪味 入口即溶! 份量都比足!🌟釀蟹蓋 – 大大件 入面塞左好多蟹肉! 🌟鯛魚湯 – 成碗魚既精華飲落肚咁 清甜🌟刺身 – 全部都好精神! 款式都算多🌟鴨肝 – 撇除佢獨有既氣味 食落去有D似鵝肝 如果配襯個塊麵包可以烘埋就更好🌟雪糕 – 其中柚子/豆腐味 好突出有驚喜! 餐廳有儲分卡 儲齊十個印仔就可以FREE一位 總結: 食物質素的確係好過出面$200-400 一位既日式放題 加上時間充裕 唔洗食到趕頭趕命! 但碗屋賣單大概五百蚊一位 對於我地胃細既女士來講就冇甘化算 但若果你地係大胃人士就超抵食勒!!!!!

聽就聽得多，今次一於下定決心決定試吓佢！第一次食中環碗屋，地方環境都唔錯，此地方應該經常爆滿，因為我成日訂位，都訂唔到！當日去到亦都係相當多人經常爆滿，因為我成日訂位，都訂唔到！去到亦都係相當多人。首先打開餐牌，發覺食品選擇種類真係好多，魚生，壽司，刺身，燒物，炒飯烏冬等，甜品雪糕應有盡有！食物質素方面，亦都相當好，絕對唔係話求其俾啲平嘢你就算，當然佢嘅收費亦都唔算係平，都要五百幾蚊一個人。而職員服務態度非常好，非常值得一試!

放題成日都食有日見到朋友Ig story 既放題好正佢就提議我生日食呢間一開始有幾種食物比我地揀好似有鮑魚 龍蝦 龍蝦身 等等我揀左龍蝦刺身🦞(朋友上次揀左鮑魚)果日係平日～不過等勁耐因為生日 朋友order 刺身蛋糕( 只係加多枝蠟燭😂🙊)不過都好靚～D刺身都好新鮮油甘魚 赤貝 8爪魚都好好食 個龍蝦刺身好正🥰

同事食過呢一間放題讚不絕口，為食嘅我當然唔可以錯過啦，當日晚餐時段座無虛席，冇book位嘅根本食唔到⋯由於我地人多，先嚟一個大魚生船，所有魚生都好新鮮😋，吞拿魚、油甘魚、三文魚都係厚切上，海膽食落都冇一陣腥味，牡丹蝦肉質鮮甜、彈牙，值回票價。原本以為只係魚生好食，原來熟食都唔差喎…燒牛肉粒、燒魚鮫、燒菠蘿、炸紫薯、仲有每枱每人都有一客燒鮑魚，都好美味，唯獨是我覺得鵝肝同燒蝦差啲啲，可能係我本身對燒中蝦麻麻，十居其九都係燒到好乾，唔同燒大虎蝦或者龍蝦嘅質感，因此唔太鍾意食，可能太多客，到最尾食雪糕都要等好耐，而且想食嘅味道都冇曬🤷‍♀️，唯有下次再食😆

喺中環返工食飯一定唔平 所以有時寧願食貴少少食好啲 呢度坐得幾舒服🙂👍🏻之前八個人一齊食可以坐房仔Lunch menu定價$238-278左右我點左個1.刺身盛合配中華冷麵刺身種類好多 幾新鮮同肥美 完全唔hea🤫🤫最推介象拔蚌同牡丹蝦 不過中華冷麵太多汁 偏咸因為有同事生日 經理仲每人送左一客雪糕☺️多謝餐廳食飽仲有得儲印仔 好似滿12個可以free 1個set☺️用某啲信用卡可以85折！推介附近返工嘅朋友嚟食

四個朋友一齊去食放題，碗屋始終係不錯的選擇！雖然比外間放題貴，但確實物超所值，服務態度不錯，上菜快！收碟快！我哋6:15pm已經坐低，9:30pm last order，侍應叔叔很有禮貌說可以慢慢坐收10:30pm！食咗好多個海膽手卷，海膽和刺身夠新鮮又夠凍！而且手卷入面嘅飯好少，最怕勁多飯！太飽食唔晒又浪費！牛柳粒又林又有牛肉味！不過油甘魚鮫就一般，因為太大舊肉，同埋唔夠滑！甜品方面炸榴槤糯米糍幾好食，經理姨姨介紹！地方唔會太嘈吵，可以傾吓計！如果有6個人可以提早book房，房間最低消費$3000！