碰麵 (已結業)

同同事係孖沙街揾左大半日都揾唔到位食lunch，但間間都迫爆哂人。好啦，轉身準備離開孖沙街既時候，見到呢間餐廳冇乜人食，感覺就好似係沙漠見到綠洲咁，衝左入去。我地入到去，感覺好特別，因為佢既裝修充滿歐陸風情，宜加有好多好有藝術性既擺設，我地真係以為去左法國既羅浮宮。我地坐底，枱上冇乜menu，只見到lunch有三個餐揀，好啦，我就叫左個紅酒燴雞飯，而同事就叫左個魚柳食同車仔noodle。我個紅酒燴雞，食落冇乜特別，唔夠紅酒味，但最值得一提既唔係佢D雞同細酒，而係D飯！我食得出呢D竟然係日本珍珠米！！！我對上一次食珍珠米已經係唔知十幾年前﹐因為屋企煮親都用泰國米，所以印像特別深刻，我心諗以呢個價錢呢個地段食到珍珠米，33蚊有埋奶茶送，簡直係超值，係超級值！而我隔黎既同事就叫左炸魚聊飯，我見佢個魚聊炸到咁靚，係仲金過KFC既炸雞果種靚，我叫佢比一舊我試下。我放入口試，嘩，層外層好脆，而入邊D魚肉好鮮。我試左一舊之後，心中真係有種衝動搶左果位同事既魚聊成舊食左。而另一位同事既雞翼我都試左， 外皮又係炸得好好。總結我覺得呢間野既炸野特別有水準，我會試多幾次睇下點。我地4個人埋單都只係149，呢

午市bang bang聲搵食，唔想食飯，見到門口有個麵字，人又唔多...(查實係少到有人企響門口招客) 食左先算，名叫碰麵，logo設計都好似係食日本面，但原來係車仔面，唔緊要車仔面通常好食......我錯，超錯!!日本腐皮+午餐肉+腸仔+米粉，跟豬骨湯底....首先，個湯係豬骨湯(稀釋5倍)，腐皮淡口甜甜地有點怪味，直覺認為係變左味，午餐肉，你唔會覺得係豬肉，都有可能係肉，但又梅又核凸的貨色，腸仔同午餐肉都係同一個家族....個米粉係好食的，檸蜜都唔錯的，但成碗野係可以用"嚇親人"來形容，實在好唔得。食野途中有幾次好想望下個廚，一個點既廚可以煮到d咁難食既野，入d咁難食既貨？佢自己有無食過？？係咪已經準備好....但我望佢唔到...會比多一次機會佢，不過肯定唔係食麵。

平日各有各的忙，也許生活就是應該如此，所以就算心裡有很多朋友想見但也比較少機會，特別是中學時代的同學就更難約，是次在街上巧遇一位好朋友，不由分說立即夾時間在附近吃一餐。我不知入哪一間才會好吃，在孖沙街附近行了一轉但最後還未有心水(可能將來會試試生記)，行了十多分鐘也沒有想入的，最後不想再找下碰到「碰麵」，看到裝修不錯，有很多相片放在牆壁，所以走進去。裝修不錯但吃的沒太吸引，看麵類有如車仔麵的感覺，但配搭上比較多一點，最後還是穩健一點選蕃茄豬扒焗飯和一杯熱奶茶好了。而朋友就選了兩款茶餐，一客芝士公仔麵和一客西多士。蕃茄豬扒飯的豬扒十分薄身，一看下我們第一時間看一看價錢發現很平價，大約是將貨就價吧，吃下去沒有厚身的來得過癮，唯一是不韌。飯才是最應該改善的，不是炒飯底也沒關係了，但飯粒太濕太多水份就是不對版的最大原因，而蕃茄醬沒有加分位，芝士也是太少了吧。英式粒粒朱古力醬西多士還算不錯，西多士不會油膩的，中間花生醬多，加上朱古力和煉奶加起來香甜可口，好吃的。奶茶的茶味多一點但是有點澀，在這兒對此不會要求太高吧。這兒的卡位很好坐，6時的時候很少客人，所以很舒服，如果吃的可以好一點就好了。下次真

I have always wanted to go this place because there are so many choices of broths and noodle combinations to choose from.Got there late in the afternoon and there were only three people finishing off their tea then.The air conditioning at the restaurant was quite stuffy so it was lucky that it wasn’t that hot that day, but hot enough that you felt the air conditioning was not adequate.On my table there were lots of toast crumbs which didnt seem to bother me, but it meant that no one wiped the ta

因為剛剛搬office 到上環區，所以就黎到呢區搵野食，這個星期內試過呢一帶既茶餐廳...多數都係麻麻~而價錢又貴…剛剛見到bump 以為只係食麵 ....原來都係飯食....價錢正常.....現在每天都會黎食午餐~~~我今日點了午餐b 是 吉列魚柳飯，米是用珍珠米~魚柳有差不多半個碟咁大塊...外趣內軟，非常可口…飯上面有好似曼魚汁的物體，再加上特別的沙拉將伴碟…食完之後給人滿足的感覺.....雖然價錢唔係平，但你會感覺到它們是用心去做的...PS. 從來未試過它的麵食...

從其店名看, 係應該食麵的, 但見佢都只不過係車仔, 又幾貴, 要了個不相干的午餐咖喱牛肉飯, 牛肉五小片, 咖喱沒有甚麼味道, 除了港式口味有o的菠蘿, 都唔錯飯有點生而無米香……熱咖啡, 完全係即溶貨色, 不值一提……

午飯時上環每間餐廳普遍要排一輪隊先有得食, 想食車仔麵, 就去碰麵試一試門口無人排隊兼內裡只得小貓三四隻, 初頭仲慶幸大把位添....車仔麵本身應有既豬皮, 籮白...等等是沒有的反而湯既種類有麵豉, 福字味精, 韓國泡菜...自己叫了麵鼓湯米, 台灣腸, 蟹柳湯底淡而無味, 台灣腸還可以, 蟹柳一咬落口是麵粉質感~同事a叫了墨魚丸, 來到的是魚旦, 侍應還死口認定是墨丸沒有下次了!!!!

比街外鋪面的照片,誤導咗入去...一心想住要一個冬蔭公湯疧金邊粉,誰不知來了一碗火紅色'全油'面嘅麵以十分嚇人,唉..為由希望眼錯,食過才知自己睇錯好可惜連個口都幇唔到佢,淡而無味的所謂冬蔭公..一小小'執'柴菜仔,加我從未食過 '加供炸墨魚丸'!!!點解會知知知,因為從口感以至味道都非一般墨魚丸,即問道;我點的是墨魚丸,你們有否攪錯?答案係;冇;... 「我們將它炸過」Helpppp真係本人見識少,車仔麵一般的點材料,竟然大事功夫用交來的食材再炸,更出來效果是更難食.說畢...由上枱至食完連塗口約3分鐘時間,原因我決定走出門外再尋食也~~注:平日好喜歡影食物嘅我,Sorry..今日簡直又鬆又散、想可而知這餐晏另我食得幾咁'無耐'敗畢~~

我經過蘇杭街，見到<碰麵>門面比較吸引！於是幫襯吓！所謂碰麵，其實係 crossover 特別配料+特色湯底再配合不同麵類！仲有特色飲品！今次，我第一次幫襯<碰麵>，未決定食咩之前，有個靚女妹妹走出嚟問我想食咩？落完單我問返佢入面邊度俾錢，佢話直接俾佢就得嘞；之後，佢俾咗個外賣牌我，等我郁都唔使郁！服務真唔錯！買咗外賣：燴吞拿魚飯 + 熱杏仁霜 $24 令我想起上次去果間 "焗藝坊"嘅激氣事件，明明叫吞拿魚焗飯，就俾咗龍脷柳燴飯！呢度買燴吞拿魚飯，味道係唔錯！只不過賣相真係麻麻地！無謂擺張相出嚟！以白汁去燴，飯係珍珠米，軟硬適中，有部份比較腍！只是美中不足之處！吞拿魚唔係用濕腍腍嘅吞拿魚醬，而係一嚿嚿吞拿魚，起碼有啲口感啦！熱杏仁霜好夠熱，奶味又夠濃！不過，杏仁霜比較少，杏仁味略為稀薄！都係俾包糖包自己落。呢個餐都幾抵食！相信食麵會更好！日後嚟試吓！

4/3(四) 2.30pm超時工作,耽誤了原來的尋食路線.改道到同事的愛店午食.此處以新派的車仔麵作招徠:壽司蛋,台灣腸,扎肉,鳴門卷等皆是外頭找不到的車仔餸.挑了一口餃拼台灣腸米通粉$26.選擇了麵豉湯底,呷一口,味道蠻濃郁的.讓幼長帶勁的米通粉浸淫其中.此外,屬輕型的台灣腸皮脆而味帶微甜.而恍如油浸過的一口餃油份教人側目,不吃也罷!全日劃一價的車仔麵,水準並不那麼驚為天人...

29-9-2009之前睇過關於呢度的 fusion 車仔麵食評, 幾有興趣, 趁呢日 lunch 又到上環開餐搵路嚟試試. 對兩款「是日午餐」無興趣, 叫了牛柳粒 + 泰式雞柳 + 腐皮卷, 配蕃茄雜菜湯底的米通粉 (3 餸粉麵 $32), 加杯凍奶茶 (+ $6).先嚟奶茶, 奶味 vs 茶味約 6:4, 甜度我覺得稍高, 但質地出奇地滑溜, 味道亦似台式奶茶多過港式, 又幾好飲喎. 蕃茄雜菜湯: 味道較單調, 只有「茄膏」的酸嗆, 比港式西餐廳的羅宋湯 /「紅湯」稍遜, 可以更好.「米通粉」: 即「通心米線」, 粗如通菜莖 食落無預期的米香, 不過口感 QQ 的, 又有湯底流入內, 味道都 ok.腐皮卷: 腍腍的, 口感有點似碗仔翅魚肉, 帶強烈「五香」味, 食落唔知點解覺得好「福建」feel...牛柳粒: 夠腍, 面頭的大量蒜粉亦夠味, 不過 d 粉索晒 d 湯搞到濕溼溼一團團嘢咁樣, 幾核突.泰式雞柳: 所謂「泰式」其實只係喺雪藏雞扒上灑點辣椒粉 (定七味粉?), 雞扒夠腍但雪味去唔清, 百分百把鬼之作. 環境係茶餐廳格局, 算乾淨企理; 阿姐就夠快夠準, 態度

上星期有日好鬼想食車仔麵!!同事就search到這裡，大家坐底先知原來與平日的車仔麵有點出入。結構基本上係一樣，同樣地要圈圈點菜紙，而價錢與選擇的食物就大不同。我選了三餸 (魷魚鬚、雜菇、唐生菜) + 珍珠奶茶。最開心係選擇夠多，又夠特別。食落味道不過不失, ok la~ 我係第一次見米通粉！見同事選了米通粉好想試................

呢輪公司好靜, 所以無野做就上黎openrice 睇野食食飯前發現左碰面, 離公司唔自好遠, 一於黎試下d 位几好坐, 環境同服務亦唔錯...我叫左炸燒賣, 金菇, 牛脷米通粉 (泡菜湯底)黎到見到炸燒賣只有兩粒, 金菇只有一"執", 牛脷只有一塊米通粉彈牙...几好味...炸燒賣外脆內軟, yum yum~~~牛脷真係麻煩, 一d 味都無...咸都唔咸下...no good!金菇都好難唔好食...同埋佢湯底唔錯, 索左d 湯几好味btw...佢灑0係面0個d 蔥同蒜都好味! 蔥唔係魚蛋粉0個d 普通蔥係d 白蔥黎既, 有蔥0個種辣辣地同埋爽脆不過凍飲要加$3...咁樣就$40 一餐lunch 了...唔係咁值雖然有好多特別配料, 湯底選擇亦多...但價錢實在偏貴如果呢個價錢, 配料多返d 就會比較合理...心血來潮想食米通粉既話我會再返黎...

同事介紹這裡是非一般的車仔麵，餸的款式較為特別，頗多種類選擇，就算是來貨，也經過後期加工。我們選擇的三餸湯麵連餐飲只是$37，價錢算很大眾化。我的牛脷、炸燒賣、紅腸配泡菜湯米通粉，湯底唔錯，如果再辛辣一點，就更加好，不過也被我喝光；米通粉煮得夠彈牙：牛脷厚切亦諗身；很愛炸燒賣的外脆內彈牙的感覺。炸魷魚鬚、雞翼餃子、帶子配麵豉湯韓式拉麵，試了一口麵豉湯，味道好濃，不遜於日式拉麵專門店；韓式拉麵要特別另加$3，原來只是韓式公仔麵而已。

自選 餸+湯底+麵+飲品三餸套餐HK$37牛舌(兩片) – 腍但沒有甚麼味道鴨胸(三片) – 不錯餃子雞翼 – 雞翼已去骨，內有豬肉餡，有甜甜的疑似日式醬汁韓式泡菜湯(配料: 青豆、胡蘿蔔粒) – 色澤淡但吃下也覺頗辣米通粉 – 只是一般通粉但較修長而已