磨坊咖啡室 (已結業)

不知為何，突然好想大食，發現食評後決定一試呢一間。首先，門口服務不是太好，可能是太多人的關係。個個人都拿著折扣劵或如我的用信用咭折扣。魚貫入場後，食物看真點也曷不錯的。一百二十多元（連加一）有新鮮青口，不少沙律菜，壽司，一眾雜苺甜品(Excellent!)，朱古力噴泉，四款Dreyers雪糕，自製窝夫等。。。全部質素合格，仲有得玩自製。連晚飯也沒有吃了。

一直都唔得閒打食評..而家補返先呢間野都要搵搵下先知..原來佢係下邊..因為我地係海港城一直咁穿過去...生日可以免費...叫左屋企人黎食...首先食左d凍食先...壽司d飯好硬...唔好食...冷面就好淡口..食左幾啖就唔好食...八爪魚反而ok喎..沙律好好味a仲有一客和牛扒食...好正a!!之後到食送..平時打死我都唔會食魚...點知係咁夾葡汁海鮮黎食...d魚好好味a!!食左兩件仔既牛仔骨,,,雞寶...果d等等...想試下成塊芝士就咁食..原來係唔好食的..仲好浪係個肚..同細佬話格仔餅...佢整得一個=- =之後食雪糕...甜品...朱古力慕思好滑a!!..最後就飲左杯熱0水同埋食左d西瓜...點解d西瓜可以甜到漏既...因為生日既關係...有蛋糕送...好食就好食..但係只可以切開四份一先夠分

食物種類唔係咁多最好味既食物就食頭盆同埋甜品啦對於愛食生豪既人一定值回票價加上環境清靜唔係好多人不得不提既係TOilet 服務真係100分同6星級hotel有得比

fd話食tea見佢有七折coupon咪上sat去試囉, 見網友話有生蠔, 其他d野又ok咁, 但我地係好失望囉!生蠔 : 去到至話當日起無得供應lu 壽司 : 塊魚生好似好假咁(味同樣都係), 好似display櫃個d咁熱葷 : 好似無咩野揀, 只係食左隻雞翼同1粒好硬既八爪魚丸甜品 : 話芒果主題, 甜品係大部份都芒果味, 留意係芒果味, 唔係芒果, 事關味道極之人造香精, 有d重怪怪地tim雪糕 : dreyer's, 唯一讚既 總之結論係四個字-"唔掂, 難食"! 一分錢一分貨, 唔會再幫襯

本人都係去過Coffee Mill 4次, 食過2次lunch, 2次dinner. Lunch d野食就真係多到誇張, 我都係o係harbour city返工o既,出去茶記都要成$40一碟飯,又食得唔舒服,去麥記又多人,又唔係平,又冇益, 咁咪同班同事食下lunch buffet 囉,都係$110左右, 平到唔信...有次聽到d師奶o係到講tea buffet 有7折,折埋都係$100, 咁咪去訂位囉. 星期六放工后咪一行2個人去食tea buffet, 去到都係3點鐘諗住坐o係出邊個d sofa等啦...點知蒲一入門口, d人己經排到出玻璃門出邊...我同個friend互望一下,做出同一個樣( = _,=")汗...等左一陣間都可以3:20分倒入座. 好彩早個幾星期前訂,有卡位坐,如果唔係坐o係另一間餐廳到,行返過黎都幾麻煩...一開始己見到有生蠔, 暗討"有冇搞錯, d蠔唔駛本架?...仲不停咁出", d人好似未食過生蠔咁,不停搶...最搞笑係有個女人,自己隻碟有5隻蠔,仲要拎多6隻...暗討"姐姐仔,你食唔食到呀?"唔怪得咁多人食buffet會食到睇醫生啦( ~ _,~"

尋日同屋企人去左coffee mill食tea，已經是第2次去，但是真係無人地講得咁差，可能係我無咩要求卦!今次佢系用芒果做主題，雖然佢無好似其他酒店連菜色都用番主題既才料來整，但是都算不過不失。熱食:雜菌火腿薯茸:呢一個係我推薦比大家既，d薯茸好滑，好creamy，又唔會太油膩，鹹味岩岩好。好快都比人食晒。牛肉丸:都幾好既，佢唔似街邊d肉丸，好有鮮味，加上佢用左黑椒整，所以都幾惹味人參炆雞k la ，食唔到人參味，但是佢配草菇都好match章魚丸:自己無食到，但是就無好似人地講既散晒，可以見到呢間餐廳努力中鹵水雞翼:自己好中意食，都ok，但未夠入味，可以嘗試下白汁磨菇通粉:波羅蝦:d蝦無味，整得唔夠耐，同抄飯d蝦無分別沙嗲雞串:味道唔錯，沙嗲整得幾好，但是有d乾凍食:生蠔:自己無食到，但是好驚喜tea buffet會有生蠔，媽咪食左5隻都無事，而且仲話好又鮮味，唔洗點落調味料。沙律:唯一推介係碎蛋薯仔沙律，落d巴馬臣芝士都ok，其他麻麻壽司:同supermarket無咩分別，唔好有太多期望，都有3文魚sushi，自己覺得鮑魚仔sushi好食d甜品:可以話係成個tea既焦點!芒果慕絲p

用了newspaper coupon, 2 人共 $204, 價錢平, 但食物差勁.shushi 飯硬, 比超市的更差蠔, 吃了2隻, 肚子不舒適了2天, oh...salad: 大多人, 攪拌攪得好亂, 不想吃橙汁, 好酸, 不是新鮮檸茶: 茶包味怪怪, 只好飲檸水甜品: 芒果糯米, 芒果蛋卷ok自製窩夫: 幾好玩, 新鮮製, 係比較似樣的一樣conclusion: 不會再來

嘩...... 嘩...... 嘩......估唔到星期日都會有一個每位只需$100多d的超平自助下午茶, 重要係酒店的自助餐.今次我地一行三人去食Tea Buffet, 用左張7折優惠券,折左之後只係$103, 真係超平呀 !!!!!!!自助餐有唔少的food供應, 有三文治, 各式沙律, 又有一些熱食, 甜品方面係以芒果為主的各式蛋糕慕絲, 重要有生蠔, 壽司食, 真係估唔到. 除左這裡,重可以去邊度揾到個咁平的Tea Buffet呀!!!!!! 價錢又平, 又底食, 員工的服務都唔錯, 又有卡位座, 都真係唔太差. 大家都可以去試吓.

正所謂：「唔食唔知身體好；唔補就會好易冇。」只要付出百零蚊就可以任食男仕恩物--生蠔嘅自助餐，饕蠔一族豈能錯過。4月18日星期六同朋友嚟食TEA BUFFET。發現其實呢度嘅嘢食唔錯。最緊要係抵食！食到散場仍然有不斷供應而且新鮮嘅生蠔。推薦大家食嘅有：新鮮沙律有四頴，而且芝士同煙肉任加，要幾多有幾多。熱盤有番茄牛柳意粉、牛脷、炸魚柳、炒銀針粉同埋珍珠雞等等。冷盤可以食到鮑魚、三文魚同黃金魷魚壽司等等，而番茄水牛芝士確實令人回味。甜品有自製Waffle鬆餅，有得玩有得食。熱朱古力布丁係我嘅至愛。另外，芝士蛋糕、玫瑰芝士蛋糕、荳腐花、朱古力噴泉、芝麻味、綠茶、波籮同埋雲呢拿味嘅Dreyers雪糕任君選擇。飲品就有橙汁、萍果汁、香濃即磨咖啡、奶茶、檸茶任飲。原價$125有七五折COUPON，連加一只要$105.6，勁抵食!

小弟想食Tea Buffet 時, 當然想到是食甜品, 因為知道要食魚生, 蠔, 燒牛肉是沒有可能的. 估不到, 在馬可孛羅港威酒店的磨坊咖啡室的Tea Buffet 可以食到生蠔!冷盤: 生蠔: 相對海水味重, 有質感, 而且大隻及 refill 得快! 正! 我total 都食左十幾二十隻! 日本菜: 沒有魚生, 相對而言壽司也沒有太多的感覺, 與超市的$4一件差唔多, 不要有期望! 沙律: 有4款已經mix 好的沙律, 蝴蝶粉沙律, 蛋沙律, 薯仔沙律都好好食! 但一定要加上巴馬臣芝士, 乾煙肉同麵包屑!! 水牛芝士蕃茄: 真係好正, 令我回來到在瑞士第一次食的感覺. 水牛芝士夠味之餘不會太騷, 正! 芝士法包, 冬甩, 法式酥餅我都無食到!熱食: 熱盤: 有8個不同的熱盤, 當中羊肉丸最正! 焗芝士長通粉都好好食! 但係吉列魚就乾左d. 燒牛肉咸左少少. 酒樓點心: 有燒賣, 牛肉燒賣, 包點, 沒有多大的驚喜, 有一定的水準! (牛肉燒賣我食左2次) 而炒飯, 炒麵, 珍珠雞我就無食.... 但我見到有人食左2隻珍珠雞!!甜品:菊花芝士餅: 好食. 淡芝士加上蛋白,

之前見到呢到有生日優惠~就立刻訂位班馬剎入去試試啦~明明人地成個星期之前 book~見佢冇前一日問多我一次係唔係來已經覺得有d奇~因為佢話送birthday cake~但係唔肯定我來唔來佢又點會整好~我去到果陣就更加肯定佢係miss左我個booking~因為佢搵唔到我個booking....呢個唔同佢計....算~反正都係仲有得free同送cake~不過就要屈就坐響一入去既位置~當係自成一角啦~一開始本來都興奮出去拎野食~不過佢真係得ok小野食揀~不過refill d既野都幾快手~同埋佢refill既野有時都會唔同~所以可以不時試到唔同野~本來一心諗著lunch buffet都有生蠔~又好似幾好咁不過佢d生蠔真係....有等於冇lo...都唔新鮮既....對於佢既海鮮類都覺得麻麻...可能真係比人感覺貴左掛...3文魚叫做好d lo~其他生的海鮮都比本人試完的一口生蠔令我唔想食了今次主攻都係佢既甜品...雖然本人愛甜品..不過都係因為佢既其他野真係冇咩好食先主攻甜食~只有一樣我覺得值得推介既非甜品就係佢既燒牛肉~問過切野果位人兄話牛肉係法國來嫁wo~好重牛味~正!!!!岩切上來熱食為佳

F&b的雜誌見到有介紹,今個星期本身想到麗景的cafe' express光顧tea buffet,可惜full booking了,見 貴網頁有75折coupon,於是把心一橫轉移到這間食tea buffet。不過眼見負評眾多,都怕會唔好食,當然咁ge價錢唔好期望過高會有滿足ge感覺,但都算可接受之選。去到之後,由個女侍應帶位。雖然我有book定位,但係似乎佢係臨時俾位我坐,因為個waitress 望左兩望周圍ge位之後,問我介唔介意坐較出ge位置,本身覺得有點那個..明明預先訂位,點解係可以隨便坐ge呢?不過見佢安排個位又近食物檯,方便拎野食就無咩所謂啦=] 人數只有3,4成到唔算多,係因為個個去晒拜山定係因為餐廳的負評呢??事不宜遲,我即刻拎相機拍低有咩食,本來得我一個咁做,之後好多人有樣學樣都拎相機出黎影相=]算啦!凡事都總要有個人作出第一步的ma!全場大約可以算分左5 parts(冷盤,小食,熱盤,包點,甜品)先說冷盤:有基本的sushi,(蟹子,中華沙律,饅魚,蟹子沙律,玉子,)不過每款都只得小量,但refill得都幾快,飯唔會太散,味道可接受的。有兩款salad(煙肉芝士

我阿媽無瑞瑞話請我食Buffet,叫我星期五放假唔好約人.我、阿媽、阿妺一行三人未夠十二點就到咗,帶位嗰姊姊帶咗我哋去張卡位度,姊姊可能見我哋有番咁上下身形,問我哋怕唔怕出入唔方便,可轉其他位比我哋我阿媽唔使,我同阿妺就同阿媽講乜佢坐得落卡位個場都真係幾OLD FASHION,都知阿媽無咁好死唔好講咁多,攞嘢食先,先攞最愛的生蠔和魚生以Buffet來說味道都幾好,但聽到隔離枱個C奶,一路食一路話唔夠新鮮,但佢兩個人就足足攞左成20隻生蠔仲要不停攞...真好笑到熱食喇,一般Buffet有的燒牛肉,燒羊都有另外都幾多未見過的嘢食,有田雞腿、水煮牛肉本人最愛是這兩味,因不是常常都有得食之後位待應生突然問我哋係唔係有人生日我阿媽叫我比身份証比人登記吓...我月尾先生日,阿媽話四月就ok原來生日唔使錢,唔怪得請我食喇之後到阿妹最愛的甜品喇,我阿妹好似唔怕肥乜都食,佢話BLUEBEERRY CHEESE CAKE好食,真係幾好我都食咗三件埋單吓..$320有找,仲要有個Cake攞走我阿媽就底囉其實除咗個場舊D外,食物同服務都幾好,尖沙咀來說,真係幾平都唔係人講到咁差

初次到港威酒店食buffet,好好彩有卡位,,坐底後就出去拿食物.魚生方面有:三文魚,吞拿魚,同一隻唔知什麼魚,味道幾鮮甜仲有螺,青口,龍蝦仔,生蠔.螺,好鮮甜.至於熱食方面,有椒鹽瀨尿蝦,燒牛肉,焗蠔等等十多款美食.味道幾好,食完仲會不定加添..旁邊仲有白灼基圍蝦不過個羊肉味道麻麻,仲食落有陣怪味至於甜品方面, d蛋糕做得不錯.生果就覺得少在d選擇.得西瓜,菠蘿,提子同哈密瓜.至於雪糕係 DRYER'S,仲有4種味, 綠茶,咖啡(有果仁GA),士多啤梨同紅豆.好好食GA!!

Coffee Mill下午茶自助餐~ 大大話話都試過三四次, 水準有如近排既股市般下跌 今次以花做主題的自助餐就更加差了, 記得上次食是以士多啤梨做主題, 相比之下, 今次完全係平民版自助餐, 話晒係尖沙咀區酒店水準都無理由平民到咁架?不過, 最意外的還是下午茶自助餐竟然有生蠔食 說不上好新鮮, 但係下午茶時段出現, 就真係少見! 那些平民雞翼, 就真係普通咗啲! 日式章魚丸子 不能完整一粒, 爛達達!甜品區實在令我感到最失望, 朱古力麵包布甸 甜到漏, 甜到上心口苿莉花奶凍, 我覺得幾清香, 但有人說味道唔係咁match ~自助夾餅的饀料: 牛油, 焦糖, 花生醬, 普通得像街邊小食, 還期望酒店有高些水準的夾餅配料!一見到Haagen Dazs, 還以為是回本之選, 但質數一點兒不像Haagen Dazs喎, 一點兒幼滑感都無 Anyway, 以這個價錢來說, 不能說好貴, 但有點兒失望, 畢竟它都是有些名氣的酒店"蒲飛"嘛!而環境方面比起半年前已殘舊了很多!