磨菇麵包店

营业中

休息中

睇GooglMap見到西貢有間幾具特色嘅麵包小店，麵包種類非常多，而且款式好少見，睇到身為麵包控嘅我眼花撩亂😆 最後買左三款做晚餐🙈南瓜司康 $11職員表示佢地嘅Scone好受歡迎，難得呢個時間仲有幾個，推介比我地😯當中有少見嘅南瓜味，即刻吸引我買個番屋企試下。Scone好實好飽肚🙈麵粉味好重，有牛油味，不過淡D；南瓜就零存在感😂英格蘭炸蛋 $10職員表示呢款產品唔多地方有賣，而家係西貢就買到，唔駛去蘇格蘭都食到😂 佢講到咁，勾起我對佢嘅興趣😆我上網搵蘇格蘭蛋，絕大部分圖片中間包嘅係半熟雞蛋。我為免蛋黃加熱時熟左，所以決定凍食，點知一切開係全熟蛋😑Oh...失望。食落似好鹹嘅豬柳蛋漢堡走芝士😂😂 好鹹呀🙈 我唔識欣賞。😅原條雜果仁麵包唔記得$4X，呢個價錢嚟講，算抵！買原切可以按自己要求，切成厚片😏。麵包好有彈性、聞落好香 ，食落帶少少果仁香。

難得入到嚟西貢！梗係周圍發掘一啲小店！呢間蘑菇麵包店已經開咗好耐，記得十幾年前入和黎西貢食飯，喱間麵包店已經存在！喱間麵包店之所以咁有特色嘅係，入邊買嘅包嘅種類同款式同出邊都好唔同！佢有即食嘅麵包，蛋糕，曲奇！又有可以返屋企加工嘅麵包，批！佢賣嘅款式並唔係香港傳統麵包舖有既！佢係走外國路線，例如有貝殼蛋糕，曲奇，肉桂卷，蘑菇雞肉批，牛肉餡餅登登！所以除咗本地人，有好多外國人都會幫襯！而我今次去到，一如既往幫襯咗朱古力麻糬條！仲記得以前係$5有三條，而家$10得5條！不過都知道而家生意難做！加少少價都冇所謂啦！最怕以後冇機會食嘅啫！題外話，今次喺舖頭入邊見到佢有新鮮嘅火腿賣！每100克計算，單單停留喺舖頭幾分鐘，已經見到有兩個人特登嚟買，唔知係咪真係咁好食！下次有機會一定會試！

早前入西貢做嘢，時間太趕，食唔到午餐，極度遺憾😭，於是走去蘑菇屋買個麵包醫肚。小店名物雞批未出爐，唯有買個雞肉 empanada 補數，另外再加個蒜蓉包。返到 office，Empanada 已經凍咗，外皮變硬咗少少，入面雞肉係咖哩味，好香，餡料都算豐滿，可以想像，如果焗返熱佢，應該會好好食。蒜蓉包好大個，切開咗都有五六件，抵食。入面嘅蒜蓉雖然睇落唔算好多，但係蒜蓉味估唔到都幾濃，都幾好食喎。最重要係，個包幾有質感，唔會一陣風咁，食完絕對飽肚，所以雖然唔算平，但係就物有所值。

去西貢行山前，買少少乾糧先岀發；10:30左右去到，有超多嘢揀；行完山，大概1545再去，想買個donut都已經無晒（原來係1600閂門）。🧀🍫『QQ cheese and chocolate stock』 $5 for 3粗幼度好似手指咁，都真係幾QQ，但實在太細條，買夠6條都好快食完；兩個味道都唔錯⋯⋯🥧『Sponge cake』 $10蛋糕少甜，有彈性，非重蛋味，入面仲有足夠水份，食落唔乾食👍🏽👍🏽。📍 磨菇麵包店 (西貢)西貢普通道56號地舖。【小編的話】➡️小編今次係自備餐會去「裸買」，早去可以咁做，啲包未入晒袋，可能遲啲就唔得。

🍄蒜茸多士脆卜卜🍄推介指數❤️❤️❤️❣️🤍西貢自家製麵包店開業十多年，由宜春街搬到新舖普通道年幾… 不過仲未改到習慣仍然行去舊置😂😂 麵包控入到去會好忙，店內放滿聯合國般嘅西式麵包、蛋糕、肉類等等。🧄 Garlic Toast HKD18/pack✨每次必買蒜茸多士，打開聞落蒜茸味濃，食落脆卜卜～ 1包有約8-10片，好食又抵食呀❣️🥐Plain Croissant HKD7🍬Cinnamon Twist HKD10✨份量正常size價錢親民，兩款質地實在較坊間嘅硬身，感覺似麵包又似scone，建議配上餡料或果醬更佳。.··🏠蘑菇麵包店 (西貢)📍西貢普通道56號地舖

雖然近期西貢墟裡面有本地麵包店「金馬車餅屋」宣佈光榮結業，但是「金馬車餅屋」的消失，反而象徵着其他西貢本地麵包店遇到的競爭，會從此減少了一點點，畢竟西貢墟內的集團連鎖麵包店店舖實際不多。反而有些本地經營的麵包店，即使面對租約問題而被迫搬遷，仍然能在西貢墟裡面積聚一眾熟客和支持者，在沒有遊行示威的小社區繼續生存下去，最有力的本土麵包店例子就是「蘑菇麵包店」。現在的「蘑菇麵包店」，其實還是剛剛從上手舊店搬遷過來，舊店地址原本是在店舖另一邊方向的「宜春街」，舊店旁邊開了很多本土西化肉類麵包食材店和西式食肆。由於「蘑菇麵包店」裡面大部分麵包的價錢牌，都會以英文名標示，所以「蘑菇麵包店」在所難免地，需要一些熟悉中文，聽得懂又說得到廣東話的人當店員，應付講不同語言的食客。至於「蘑菇麵包店」裡面售賣的麵包，大多數都是以西式烘焙設備焗成的麵包，個人感覺「蘑菇麵包店」的麵包造型跟味道，都跟傳統港式麵包店製造出來的麵包有很大的差別，「蘑菇麵包店」麵包外型相對比較大。而且我在正式上門光顧「蘑菇麵包店」的時候，才忽然發現原來「蘑菇麵包店」，還有他們自己的隱藏「Secret Menu」，沒有標示價錢牌和名稱的麵

Mushroom Bakery is one of the bakeries in SK that does the scotch egg.They used to be on YI Chun Street but have moved to the main road or round the corner.Went there and got the scotch egg, rye bun and the donut.Didn't like the donut as the oil was a bit rancid and the sugar they used wasn't that pleasant.The rye bread was ok but the packaging was misleading as on the shelf it just says HKD6 and some are packed in 2s and 3s and it turns out that they cost HKD6 each so when you pay for it they w

嬲到要特登開ac寫。滿心歡喜買左Scone 同玉桂卷，返到屋企切開竟然啲scone完全唔熟，有相為證。作為一間麵包鋪，咁基本既scone都可以做到咁，令人大失所望。當心理上先啱啱接受到乜scone都無得食之後都算啦，諗住都仲有個肉桂卷可以彌補到，點知又係一個伏，肉桂卷食落去麵包既質感好乾又實，同鬆軟兩個字一啲都講唔上，肉桂既味道仲有啲糠糠地，食左一啖之後接受唔到吐返出來，唔搵水沖沖個口都唔得。真係唔知一間咁既質素既麵包店仲要昆幾多人，提提大家唔好中伏。

行完山到西貢市，女人腳斷都要行街，呢間麵包店朋友極力推薦，話次次都會買咁話，咁我跟佢買喇，門面其實唔起眼，店入面又暗，講真行過都唔覺眼，推門入內好似另一個世界，入面好迫，麵包架好多，又有雪櫃入面放批，最得意嘅有個櫃裝住塊大火腿，有客買時店員就切片！其實似麵包+雜貨店，麵包款式以西式為主，有啲款都未見過，揀嘅時候店員好親切咁介紹，又會比啲意見！大家似街坊人情味濃厚！客人聯合國大量唔同人共冶一爐！Spanish Bun($5)一袋透明膠袋兩個，呢款包有鹹有甜兩款，我買甜嘅！好喜歡面頭嘅粟米粉，第二日做早餐，隔一晚麵包仲好鬆軟，淨食味道微甜！有麵包香！粟米粉幾香！我一個夾芝士，一個夾肉鬆，好易撕開！好味呀～～店員當客人朋友，我哋兩個選擇困難嘅，又裝又睇，店面又窄，佢哋都好包容，又介紹又比意見！好nice!讚！去開西貢真心可以一試！

人多一齊同行也有好處....就係再飽再攰都一定會陪食陪行陪玩....呢間麵包店好多外國人會嚟幫襯...當然亦有local人啦...門口有一級...而店內亦唔大...輪椅入唔到呢...一於聲控朋友入內幫手買包齊齊開心share食...先試好多人推介嘅「蘑菇雞批」...批皮...好重牛油味茨汁....太濃..一般般啦...雖則個批味道唔係十分like...但店內嘅麵包望落去簡簡單單...而且好多麵包名用英文...感覺良好...於是買咗一堆麵包...各自拎返屋企做早餐...

So disappointed on the product. My wife bought a cheese cake, only to find out there was mold on it when she returned home. How can one sell this kind of stuff? Shame on you!

今日又去西貢行山，上次試過出名既西貢咖啡店菠蘿包，因為卡路里太高，於是諗住換一間試下。openrice就search到蘑菇麵包店，睇個名仲以為佢地將麵包整得好似蘑菇，但好似唔係😂😆入左間舖，有d逼，但麵包同埋餡餅種類超級多，因為諗住帶上山食，餡餅唔方便，同埋又超鍾意食麵包，於是就簡左一個細細件既麵包，店舖入邊所有麵包，批既名稱全部都係用英文，店主好似都唔係香港人，原諒我英語vocabulary有限，基本上全部唔識，是但睇樣簡左一個好似麥包但加左d海苔既包。事實證明佢唔係海苔，係d香料，都唔錯既，包小甜，香料鹹鹹地，但係好似尼個唔係麥包掛，唔知，我話左啦，食完都唔知咩包，用咩材料整既，加左d咩香料⋯⋯建議店家加番一個中文名好d😂

If there is anything that Sai Kung lacks, it is a decent Western bakery serving fare that includes both the sour/salty hearty chewiness of European breads, delicious cakes and pies, crispy and buttery laminated dough pasteries, and sufficiently chewy and sweet Hong Kong baked treats to satisfy all in the local population. Mushroom Bakery is not that bakery.There are some good bread items: The bap. The hamburger bun. The ensaïmada. The cinnamon roll. In these breads, Mushroom Bakery's characteris

今日係我同男朋友既紀念日，難得佢放假，帶左佢入西貢試我好鍾意去既一間餅店，好多時來西貢都會到這老店逛逛，因為佢做的都是一些比較old fashion的麵包。上次食過肉餡批，今次就來幫襯招牌蘑菇批，好香好吸引，批皮金黃，牛油香味真係好吸引，蘑菇同雞肉令到個批更有口感，餡汁調味一流！雖然有少少肥膩，不過一次半次就唔緊要啦！男朋友仲都話好食過Pacxxfix Coffxx幾條街！見到愛人食到咁開心，真係 好幸福啊！

上次去西貢唔打唔撞入左去望下，好鐘意食麵包既我見見到件件都好吸引，全部都係一d比較英式同法式既包!!好得意架，呢到有個姐姐係到切火腿，好大隻果d呢~$8-100g，而且佢都係咁話佢呢到好出名架咁。咁就買左個有nuts麵包加多片火腿，索架2x(不過我見佢切火腿果陣都無量過幾多g就直接索價，感覺不實在)，而佢呢到買包記住佢地可以幫你加熱同夾個火腿入去!加熱左既包架火腿好好味，個包軟而煙x，係幾好味!!不錯。