禮記 (已結業)

知道好多同事住呢區，搵咗間粵川菜館食點心。素聞係香港籃球運動員劉子禮開設的精品粵菜館，有米芝蓮星級餐廳的爵哥擔任總廚。呢道銀芽肉絲飛天菜麵街知巷聞，訂位嗰時已經叫埋，仲註明要跟劉老闆合照。當然理想歸理想，見唔到劉老闆跌晒穫就梗，不過嚟品嚐到精美點心都好。飛天麵是新加坡首創的街頭特色美食，老闆引入飛天麵的手藝，凌空的筷子及麵底必然係打卡位。環境舒適獨立房入面掛住一個特大嘅「禮」字，應該仲有好多嘢可以試嘅，第一次寫住咁多先

有一次同朋友慶祝生日，但又不想經常吃西餐，因此我們選了在將軍澳一間高級中菜餐廳-禮記，果然質素有保證！大家聽到這裏有好吃的叉燒，都滿心期待。到了餐廳試了，是真的不錯！肉質很鮮嫩，而且有叉燒汁，相當美味！我們還點了不同的小菜，例如酸菜魚、咕嚕肉、炒飯等，質素都不錯👍🏻👍🏻👍🏻餐廳也有不同的套餐選擇，若果與家人想吃中菜，都可以點一些適合家人口味的套餐！環境方面，禮記都是較新穎的餐廳，而且環境乾淨，坐得非常舒適，而且服務質素好👍🏻👍🏻👍🏻

聽朋友講呢間點心質素唔錯仲有任食添，約咗朋友嚟試食。散叫每個點心價錢比較高，如果食量唔細任食係抵嘅，可惜當日嚟到已經好晏，唔夠時間揀任食。食物質素係唔錯嘅，下次一定要再嚟過。散叫選擇多啲。放題點心。禮記黑金蝦餃皇，流沙包做成黑金色就見得多，蝦餃都係第一次見，皮薄餡新鮮，好味。黑魚子帶子燒賣皇。黑金流沙包，流沙效果唔錯，味亦ok。鮮蝦米網腸粉，精緻。富士蘋果酥，個餡唔太甜，食落唔漏，幾好。頭抽乾抄牛河，炒得幾好，唔太鹹，食完都無成碟油喺碟底。

屋企人鐘意放假食吓點心，搵到一間味道有質素同埋適合傾吓偈嘅地方，佢哋就最滿意！一坐低店員就推介招牌鴻運脆皮雞，仲叫多幾款特色點心試吓😸🤟🏻招牌鴻運脆皮雞（半隻）$250果然名不虛傳，雞皮皮薄，炸出嚟極度脆口，肉質鮮嫩，食落口仲保有肉汁，雞胸位置都唔會靭。🤟🏻蛋煎糯米雞（頂）$49賣相模仿日式蛋包飯，幾得意，少左荷葉香氣，但就有蛋香，創意十足。🤟🏻黑魚子帶子燒賣王 （超）$59用上黑魚子更為高檔，點心偏向大粒，不吝嗇材料，務求令食物賣相及味道都有番咁上下質素。🤟🏻禮記黑金蝦餃王蝦餃（超）$593粒大蝦餃配一粒迷你號，蝦餃入面起碼食到2-3粒蝦，蝦身食落好爽，用料新鮮。🤟🏻XO醬炒腸粉（特）$44 呢個就相對比較普通喇，不過勝在佢哋嘅食品唔會太咸，適合講求健康嘅年輕人同埋上左年紀嘅人食。p.s. 佢哋提供嘅茶水都好特別，揀咗「瑰荔堂煌」，有玫瑰🌹花同荔枝香味，好refresh😌 🐷🛎️ 必試指數 : 9/10🌟#將南美食 #粵品菜 #wingwingpiglife #wingwingpig_tko🅆🄸🄽🄶 🅆🄸🄽🄶 🄿🄸🄶 🄻🄸🄵🄴

今日放假去到將軍澳,見到呢一間餐廳好大環境唔錯, 裏面係主要食點心,因為我都幾鍾意食點心, 所以入去試下,餐廳D嘢食都幾特別 除咗點心仲會有小菜供應好耐冇食過咁好味嘅鳳爪一次過叫咗幾十年點心

又要試吓將軍澳南嘅餐廳，呢間餐廳夜晚係做烤魚，朝早係做飲茶，入邊設計比較新潮，裝修風格比較特別。我同阿媽兩個人，一盅兩件，享受風味。椒鹽脆豆腐 4/5經典嘅菜式我諗周圍都有，但係好食嘅都要好考功夫，每粒嘅size都啱啱好，外邊層皮唔會太厚，入邊都保持幼滑，外邊嘅椒鹽粉提升整個層次。安格斯牛腸粉 4/5每一粒都係整體嘅牛肉粒，比起一般嘅牛肉腸粉係好食，始終唔係牛肉泥，腸粉嘅皮都夠薄，依個價錢呢個份量我覺得唔差。蛋白鮮蝦炒飯 2.5/5呢個價錢 $158 食一個咁簡單嘅炒飯，我嘅期望一定係高要求，佢面頭上嗰一執瑤柱，份量少，鮮蝦得六隻，普通嘅炒飯仲要冇乜味，我係覺得唔抵。黑魚子帶子燒費皇 3/5聽個名就覺得好矜貴，又有墨魚子又有帶子又有鮮蝦，但係好唔好食真係好講功夫，每樣嘢都彈牙，唔會一夾就散，實實在在，味道唔差，我諗貴在就係嗰個材料而唔係背後嘅功夫。地點:將軍澳Donki嗰個商場側邊，經過嘅時候就會見到有好多間餐廳，唔係只係食佢嘅。環境:新潮嘅裝修，我又有少少古典嘅味道，刻意採用中式嘅器具，可見多元文化嘅混合。價錢:四樣嘢埋單，每人$200，算貴㗎啦。服務:二人枱櫈底有籃仔俾我哋擺袋。

樓面D阿姐服務超差，呢間不是禮記，是「無禮」記。因為是食放題，D阿姐慌死你食得多，話檯面唔夠位，唔上檯住。又成日提住食唔晒要收100蚊。上菜又慢，頭一輪都要等25分鐘咁耐。最後埋單時check單，待應居然一手搶走張單。超無禮貌。以後一定唔會再幫襯。

入黎食放題，價錢都唔係特別平，$288 一位食90分鐘食物質素味道都ok, 都幾大件而且夠熱，但服務態度都真係幾差，好似落完一次單之後，每次叫d侍應比餐牌再落單都好似唔願意理你咁，咁如果係咁唔想做就一係放個餐牌或者點心紙係枱面囉，咪唔駛每次都要叫你囉，仲有d點心未食晒就收起左，問都唔問你，真係叫都叫唔切佢唔好收我，以咁既價位，可以好多選擇，唔駛一定要食呢間！！

同🤴🏻一齊放假就去遠啲嘅地方，適逢喺網上見到做緊點心放題優惠，就同🤴🏻去試吓啦🤩🤩我係某平台買每位$199/100分鐘，比起店舖介紹嘅$288/90分鐘真係平咗好多🥳🥳環境清幽，周圍有綠化嘅設計，同時又唔多人，令人好舒服🙂🙂我哋叫咗比較少有嘅玫瑰荔枝茶，茶香味濃☺️☺️但飲茶嘅杯好細個，建議改返做普通飲茶杯🤣🤣值得我同🤴🏻推介嘅有：～～～禮記黑金蝦餃皇～～～大大隻黑色嘅蝦餃皇，我哋數過內裏有五隻蝦，名副其實勁呀👍🏻👍🏻～～～黑魚子燒賣皇～～～同蝦餃王一樣大大粒肉質實的的😄😄，可惜黑魚子味道就差咗DD😅😅～～～北菇棉花雞～～～北菇味勁重，好食過隻雞😂😂～～～香芫叉燒腸粉～～～腸粉又薄又滑，不失腸粉本身嘅味道，我同🤴🏻都覺得比起配料更勝一籌😉😉～～～懷舊鳳梨🍍咕嚕肉～～～酸甜適中，炸得好薄脆，啖啖甜酸肉🥩🥩～～～乾炒公仔麵～～～唯一一樣失手嘅係食品，公仔麵未焯熟就落鑊炒令到公仔麵好硬，未夠軟身😗😗其他點心亦有中級水準，包點就一般，最後計埋茶位、10%每人比多約$40，價錢都OK，有機會我同🤴🏻都會再黎食🥳🥳

話說老公突然想食點心放題，上網見到禮記有唔錯嘅評價，所以又去試下。因為是平日下午，所以不算太多人，可以靜靜地嘆下。飲茶嘛，一定要食蝦餃燒賣的😊蝦餃賣相幾特別，幾精緻，味道唔錯。炸物類特別出色，炸雲吞同明蝦桶必食推介！差不多點心紙上的食物都有嚐過，因為是即叫即蒸，所以上枱時，點心都是熱辣辣的，好開心！因為即叫即蒸，每次都要等10-20分鐘，不過食住等都唔覺要等太耐。最驚喜係有咕嚕肉、拍青瓜同口水雞，味道都幾好！整體味道唔錯，下次可以再encore！！

中秋節想著和家人出去吃一餐，本來是打算去隔壁吃火鍋，可是沒訂位今日無位了，然後選擇了禮家，因為之前有點過外賣味道還可以，結果5:40左右落座，點了三個菜，一個蟹，一個蔬菜煲，一個炒牛河。一直到6:40沒有一個菜上。後來的客人都上菜了，我們的菜連個影都看不到。期間催了服務生3次，第一次說幫忙看看，第二次說今天客人多，上菜比較慢，第三次直接無視。到最後問服務員都沒個解釋。服務差到如此不知如何開門做生意。好心情全部沒有了 再也不會去。差評～～～

呢度最招牌一定係銀芽肉絲脆麵😎勁多人都嗌嚟打卡✨面炸到勁香脆 但唔油膩😚銀芽肉絲炒得好香口 分量十足🐷仲有店員幫手淋汁 再剪碎返啲面🫶🏻唔係得個樣㗎 真係好食過平時嘅銀芽肉絲麵好多😋

而家中式小菜都會中菜西吃好多時都會用上西式餐具切下鮑魚，切下花菇扒咁我都試過但用黎食叉燒都係第一次今晚喺禮記晚飯我就試得到喇😂佢呢度嘅蜜汁叉燒用鐵板上遠遠已聞到蜜汁香一上枱時渣渣聲嗅覺聽覺同時驚醒！呀！美食到了！🤤🤤原條叉燒自己切想食厚切有口感？得想食薄切嘗蜜味？得各適其式叉燒肥瘦均勻蜜香足用鐵板仲可以keep住熱度熱辣辣叉燒勁好送飯👍👍今日無叫菜叫左個蔥油海蜇頭險左海蜇仲有青瓜海蜇同青瓜同樣爽脆有咬口蔥油添香添味係一道嘅唔錯嘅前菜鰻魚櫻花蝦炒飯同樣用上石窩上可以保持溫熱炒飯炒得香軟仲有櫻花蝦好香勁大窩兩個人食都有剩不得不提禮記嘅茶好香好出味個玫瑰花茶水滾茶靚就算食晚飯飲好多茶都唔怕會訓唔著😝

經過幾次，望到餐廳走高級路線，今日入去試一試， 近海邊，新樓盤，有間高質點心餐廳，走入去試試。茶款特別，叫咗玫瑰茘枝茶，味道清香，好特別的茶種，入口散發茘枝香。試下傳統燒賣，用料新鮮，加上有黑魚子和帶子點綴更生色。腸粉皮滑內脆，口感特別，層次豐富。其他點心就冇咩特別驚喜，但即叫即蒸，熱辣辣上枱，真係唔係間間可以做到。節日也提供多款套餐，三五知己嚟聚聚，也是一個不錯的選擇。餐廳位置遠離地鐵站，交通不方便，又走高檔線路，平日人流不多，希望能做得住。

Lunchtime 同事帶我黎食，淨係環境已經好舒服，夠寬敞，裝潢用心。平時飲茶都係飲鐵觀音或者普洱，但呢度竟然有玫瑰荔枝茶，當然要試一試。茶杯又係好精緻，杯茶好香荔枝味，好有驚喜。當然佢啲點心更加係唔令人失望。呢個係禮點（$88），條魚係蝦餃，真正嘅色香味俱全！照燒鯪魚茄子，上面加咗啲木魚，令到口感好豐富，炸得又唔會太油，魚肉好香。鮮蝦米網腸粉，腸粉皮夠滑，蝦夠新鮮彈牙，包住嗰啲脆脆勁好食。黑魚子大子燒賣，冇乜地方食得到，呢個比起傳統燒賣冇咁油膩。最後係懷舊雞窩，其實係未見過貪得意試吓，都幾特別。