神廚館 (已搬遷) 新店位置

經BB帶路，由旺角火車站行去，差不多二十幾分鐘至到，問咗幾個途人，好彩都去到！ 叫咗個墨魚餅飯，好好好....味呀，真係超班之作，食到有一粒粒墨魚架...仲係即炸，外脆內軟，正！ 另外叫咗個美極牛扒飯，個汁好特別，甜甜吔，好開胃，份量又啱啱好，唔會浪費，值得一讚！

我同男友點了墨魚餅飯和美極牛飯, 還有濃魚湯.墨魚餅多汁多料, 只係嫌太少.美極牛好惹味, 牛肉夠嫩.魚湯夠魚味同濃一定會再來試其他款式!

上次黎既時候見到有酸梅湯, 諗住下次黎試~點知落左order先記得~=.="墨魚餅飯+美極薄牛扒飯墨魚餅好香口又唔會油(究竟點整既呢?), 加埋d蛋一齊食真係好正~美極薄牛扒未上到枱已經嗅到好香~ 不過都係咸左d~

久仰神廚館是敦煌大廚主理之店子，是日終於有機會一試其鎮店之寶炸墨魚餅飯$33。炸墨魚餅外表討好，入口鬆軟香脆，墨魚肉的味道成功鎖住在裡面，送飯一流，所以不經不覺已經吃完了旁邊平平無奇的白飯了。店子雖然很細，但已經比想像中大，而且很快便有位坐。可以坐室外但空氣不太好。服務姐都係一般茶餐廳的水平，但人手很充足。整體上都係滿意和沒有失望的。

和女朋友專登來吃墨魚餅，由旺角地鐵站一路走來，路程果然不短矣。適逢後午市時間，總算一去到就有位，立即叫個招牌煎蛋海苔窩燒墨魚餅飯加紫菜濃湯魚上骨湯，承惠$33(3月1日後開始加價)。濃魚湯先到，嘗了口，味較濃兼有胡椒粉味，不太對味。墨魚餅飯後到，先攪爛隻蛋，萬事俱備下嘗了口墨魚餅...非常之好吃！首先要感受到墨魚那獨特的味道，加上口感有爽勁，實是新鮮熱辣之作，絕不欺場。墨魚餅料很足，每一啖都有墨魚肉，而且煎得剛好，保留了一點點肉汁。餅裡的甘荀也增加了不少口感。座位都幾逼，餐具也不算很乾淨，但美食當前，那有不Encore之理呢？P.S.服務也值得一讚，有禮貌之餘也細心，隔離吃魚的食客擺了魚骨在飯碟上，但其中一位阿姐見到都主動遞上吉碟給他放骨！

果度係一間小鋪泥架，入到去都唔覺佢會有咩驚喜俾到人。不過坐多陣，每張枱最少都有碟墨魚飯要左碟墨魚飯。雖然唔講得超級無敵彈牙‧但係食落去吃感好好，一口就食得出係自己親手做，好有誠意的飯唔係D批發檔買泥冒充既貨式。

今天終於去了試試, 之前朋友常說那兒的XXX飯很味美,但每次想去食的時候﹐他都關了門的~~=.=我們二人點了:「美極薄煎牛扒飯」: 汁略鹹﹐但牛扒肉稔﹐十分juicy...個飯亦唔多...BB話夠食咯~~「紫菜肉粒魚湯泡飯」: 配料有墨魚肉粒,肉碎,紫菜,豆卜....湯底味濃...無論配料或飯底份量都比牛扒飯多....正!!!BB還點了「魚頭骨濃湯」...白雪雪的湯...濃濃的魚味....沒有一點兒魚腥味.....正正!!!下次會再試招牌菜:「墨魚餅海苔飯」!!!

當然係食墨魚餅飯墨魚餅味道質感都好加埋紫菜好match但係個飯太細，無可能食得飽...飯太硬係the other problem我鐘意食硬嘅飯都覺得佢唔夠水我出個時無乜人，服務ok主動問我要唔要熱水洗食具不過可能佢自己都覺得d食具唔clean...haha

已經有好多openrice 朋友講過呢度d 野好味又抵食，三顧草廬(就係因為唔知星期六，日早關門)，終於一嘗所願，吃了傳聞中好味的墨魚餅飯。 大家無介紹錯，果然係好味!! 而且只賣$30，超值! 還可以試試他們的菜，記住叫佢地加腩汁，d 菜會好甜，而且仲可以用腩汁撈飯，正!

“邂逅”這個詞可能不算恰當，畢竟是“刻意為之”，上次吃閉門羹的經歷已經夠倒楣了，希望今次它不要令我失望呀！叫了咖喱豬扒飯和柚子蜜。咖喱並非如我們想像那般是日本咖喱，而是濃重辛辣的東南亞咖喱，不過這樣都好；豬扒也不是料想的裹著粉的炸物，而是過油後燉過，因而頗入咖喱香。豬肉很純，鮮美又咬口，勝過在日本吉列專門店吃的炸豬扒呢。配的薯仔也相當美味，燉得蓉蓉的，又適度緩和了咖喱的辛辣；不過同場的椰菜就弱些，煮得過頭，有點軟塌塌了。本來是吃得很滿足的，可惜10蚊的柚子蜜令人十分失望，淡淡的全程無味，其實是好簡單易做的一款飲品，落料未免太小器了吧，畢竟要價不低，要扣分了。總體講總算未白白冒雨，因為要留肚同媽媽繼續食，只好錯過傳說中的炸蝦餅。唔，我遲再戰！（其實我們好落伍啊～）

終於試到喇！好開心，亦無令我失望！兩人要了一個招牌煎蛋海苔窩燒墨魚餅飯($30) & 一個原汁崩沙牛腩飯($28)。兩個都跟紫菜濃湯魚上骨湯。先黎個湯，好夠熱又好夠味，非常濃味，證明火候十足，讚！個豆卜吸晒D湯嘅濃味，很好吃！原汁崩沙牛腩飯: 牛腩牛筋都炆得好入味，又夠淋，個汁用黎lo飯一流！仲有d白蘿蔔都好甜！招牌煎蛋海苔窩燒墨魚餅飯: 賣相好得。將隻蛋lo勻d飯，再加上微咸嘅豉油真係好正！墨魚餅外脆內軟，味道略咸，配埋D飯一齊食就perfect~真係無令我失望喎！我地去o個陣咁o岩得番一過個阿姐做，雖然人好多，但都好有禮貌，仲好有效率，落單、煮野食、收銀一腳踢，勁！

我們幾個同事都話神廚館之前比現在好味,現在轉左人所以味道不及以前了,而且現時d態度簡直十分差,尤其係打電叫外賣時,語氣和態度好似唔想做生意咁!可能佢地食飯時段比較忙,但d態度都唔應該咁差囉!所以我們成間公司都唔再去食或叫外賣了,主要因為d食物不及以前好味了!!

小弟到大角咀進膳後,據各方兄弟姊妹的好評後,便打算去逛逛目的所在地,好日後再來品嚐他們的招牌墨魚餅.週日晚八時左右,和女友找了一會兒,便發現此店.但更大發現是,他當晚仍然開業..天呀...怎可能呢?因為我知道他們週日很早便收鋪的,其實我真的很想入去試試,但我倆實在太飽了,肚子容不下.而站在門外的仕應見我站在她鋪外猶豫中,但距離頗遠,令她不知如何是好,欲言又止.我見她這樣,於心不忍地離去,唯有下次再來啦..

同男朋友去食,我叫左<招牌煎蛋海苔窩燒墨魚餅飯>,男友叫<美極香煎薄牛扒飯>,開頭女侍應話墨魚餅飯售罄,嚇了我一跳,我們特登過黎食ga　ｍａ！！好彩佢話等２０ｍｉｎｓ後有！！點知，我個墨魚餅飯黎左，但男友ｇｅ美極香煎薄牛扒飯都仲未黎！！之後，再等多５MINS到先到！！墨魚餅飯－真係唔錯，好有墨魚味，脆脆的，不過，覺得個蛋唔夠汁去攪混個飯！美極香煎薄牛扒－略甜，唔覺有美極味！牛扒幾腍！

沒有墨魚餅，沒有美極牛扒飯，沒有……只有閉門羹。從住處去到大角咀講真並不方便，要行不少路。今次得閒，就十分大意的去了，五點到目的地，然後看到了如下情景>.<在此提醒各位慕名而來的食客們：星期六: 07:00-16:00星期日: 11:00-15:00