神廚館 (已搬遷) 新店位置

今天下雨下個不停,想食野又怕濕身,卒之記起這裡就近奧運站,由美孚去算很方便.於是立即起程.在荔景站轉車,全程只需二十分鐘,在奧運站車尾出閘,穿過HSBC總部,這店就在對面,就是這麼近.不需開傘也不會濕身.正如之前的食友形容,這店迷你得很.只有幾張枱,冷氣又不足.可幸枱椅都很清潔,哥哥仔又連隨奉上一兜熱水用來清洗食具.(其實不洗也可以).下午三點半,人客郤有八至十人,差不多滿座.由於一早已想試這裡的咖哩崩沙腩,於是不加思索便要了這項目加涷咖啡.要等十分鐘左右才有,但涷咖啡郤變了熱的,要退貨.咖哩崩沙腩只是普通牛筋腩,沒有崩沙腩特有的筋膜,汁液很濃,不算香,味道只是坊間的廉價貨色,有筋,腩(很瘦,腍,入味,不痴牙),馬鈴薯,整體份量足夠.沒有味精的踪影.但是郤欠缺香味,不像惠記,阿龍等的濃香,所以沒有個性.只有小小的辣味.連飲品只需三十七元的價錢,是ok的.但是專程來郤不必了.因為食物普通,附近沒有購物點,最近的要算奧海城,但是大風大雨,咪搞.立即打道回府.

今天約了女友一起去大角咀再次"拜會"神廚，不過在去之前無聊想起有新電影上畫，查看之後原來還有不少位置，那就決定買下一場的戲飛，在開場前當然延續之前決定的"行程"。出奇的是，店內空無一人(不包括店員)，坐下後當然點了鎮店之寶煎蛋海苔窩燒墨魚餅飯，再來則由女店員來推介，她說不如來個馬來亞咖喱崩沙牛腩飯，那就來一個吧~ 雖然說是馬來亞咖喱，反而沒太強的椰香味。味道方面，崩沙腩肉質十分腍，而跟牛根一樣都炆得非常入味，不一會便被我們"消滅"了。墨魚飯的套餐是附送湯或飲品的，我們則選了濃魚湯，據老闆表示這湯最美味的時份是剛開舖之時，湯的味道是不錯，也十分濃，不過略嫌古月粉多放了一點。墨魚餅的"色水"很美，沒有炸至過火變沉色。在餅之內可以清楚看到不少的墨魚粒和紅蘿蔔絲，(之後跟同事傾談，他說此舉不分明智，因為蘿蔔絲的甜味令到墨魚餅的味道不至太單調)剛炸起的墨魚餅加上彈牙的墨魚粒，那有不美味的道理。在吃完這些之後，感到有點不夠喉(因為飯的份量對我來說不算足夠)，所以再向女侍應要求推薦另一個出品，她想了一會便說不如試試美極牛扒，到下單前我改變了主意，向她說想淨食多於連飯，她則說不如多給我一點牛扒來作交換

相約好友食家姚東師傅到大角咀試菜, 發現原來師傅乃此區地胆, 在未開餐前師傅带小弟上路, 悉心介紹熱門食點, 大開眼界!最後選擇去這間受到一致好評的神廚館嚟一個神廚名菜初體驗.店子是比較細, 但店員仍給我哋面對面坐喺4人枱, 並冇夾硬要我哋搭枱或坐埋一面. 對於十分極度厭惡搭枱的我是萬分感動加欣賞的.食物方面墨魚餅係一定走唔甩架啦, 再加個仍受高度評價的崩砂腩.先來個崩砂腩, 飯餸是分開裝的, 我諗是有考慮到汁的部份, 落多少家家有求及浸得耐飯會琳的原固吧. 細心! 味道方面牛腩, 牛筋及蘿蔔皆炆到好淋, 好味!另外傳說中的墨魚餅, 果然實力非凡, 彈牙, 有咬口, 用料足, 食既時候伴埋d耶菜及紫菜, 一絕, 非常夾!!! 絕對稱心滿意! 飲品方面, 師傅及小弟對於其罐上檸7又係一個欣賞!!最後我哋將近食完時, 有人等位, 好人的店員仍沒有催或叫我哋坐埋一面, 一點壓力都冇! 師傅同小弟當然識做, 自己坐埋一面啦, 雖知食完仲賴死唔走既人係非常乞人憎的, 我哋當然唔會自毀其城啦!此店又平, 2支公加埋才70蚊, 又好食, 服務又好, 夫復何求! 近來發現食得越平, 起唔靚既地方, 我

師傅早幾日相約左食家好友"乜都放入窿"同埋"今餐食乜好"於昨晚共進晚膳聚舊, 點知食家好友"今餐食乜好"臨時要辦大事, 甩底收場, 令到原定飯局由三人變成二人; 人數有變, 計劃自然有變, 最後同食家好友"乜都放入窿"商量後, 一致決定黎呢間二人從未黎過嘅人氣食店!入到去發覺樓面都幾細, 得三至四張枱, 環境真係一般, 加上冷氣唔多夠涼, 師傅都坐左好耐先可以降溫! 師傅睇都未睇食家"乜都放入窿"已經即刻柯打左兩個招牌菜, 就係原汁崩沙牛腩飯同埋招牌煎蛋海苔窩燒墨魚餅飯, 兩個飯仲有兩杯餐飲!吹左一陣水, 率先登場嘅係原汁崩沙牛腩飯, 先試下個汁, 好似普通嘅柱侯汁咁, 幾好味, 再試下牛腩, 牛腩係好入味, 入口有即溶嘅感覺, 非常之腍, 冇渣加上唔鞋, 送飯一流, 而且蘿蔔又甜又腍, 又係冇渣, 真係冇得頂, 食得過; 轉頭就再試埋招牌煎蛋海苔窩燒墨魚餅, 招牌菜即係招牌菜, 墨魚餅果然名不虛傳, 好香脆又夠彈牙, 加上墨魚餅裡面勁多墨魚, 口感一流, 配埋紫菜同椰菜, 好香好爽好夾, 而甜豉油配太陽蛋飯, 又係好好味, 冇得頂!總括黎講食物質素係勁得, 如果齋睇店舖同環境, 絕對

今日上午去咗，果個時段11點幾剛好冇人，正~~~當然點咗個招牌煎蛋海苔窩燒墨魚餅飯，再加杯咖啡，正豬炳，飲咗一啖先知原來可以轉湯，唉....尤有下次，實有機會講番個飯，個塊燒墨魚餅真係好鬼正，熱喇喇，係就係好熱氣，但係已經豁咗出去，加上放係個飯上面個太陽蛋D 黃好似就嚟漏咁，令人睇到垂涎三尺，正.....

午膳時間行經大角咀，試了這間評價不錯的店子。我吃的是煎蛋海苔窩燒墨魚餅飯，那墨魚餅炸得非常好，又有咬口又香口。豉油撈煎蛋飯也好吃，但我覺豉油不夠香鹹、飯也不夠溫熱，只算得上和暖。但係其他食物質素便參差了，首先飯底塾有烚椰菜，烚菜不是問題，但烚椰菜永遠只會是難為食客的肚皮，而且反映食店粗製濫做。接着那魚湯有太多人工味道，涸喉。破壞了墨魚餅及煎蛋撈飯的好。

稔稔下..都住左o大角咀有18年啦..有幾間茶餐廳係經常光顧..都好唔錯!!呢排番工都會行經匯豐銀行個邊..一直都知道有呢間鋪頭..但就冇咩特別留意..有一日同男朋友出街..因為佢未食lunch..我右見openrice對神廚館既評價都唔錯..就建議去試一試啦..男友叫左個煎蛋海苔窩燒墨魚餅飯..呢個應該係賣點..我地都覺得價錢方面貴左少少..而份量都一般..算係正常size..我只係試左少少..味道都算唔錯!! 墨魚餅幾香幾脆..離試食的話都可以叫呢個飯試下..不過就唔建議專登搭車離試啦..行經呢個試下都ok..

琴晚同老公去左"神廚館"食, 佢係一間毫不起眼O既細舖頭, 只得10個8個位... 當時8點, 得一個人客... 唔知好唔好食呢? 一坐底, 見有好多雜誌介紹, 仲要係OPENRICE攞左優秀開飯熱店大賞:得獎餐廳巡禮(二) , 真係估佢唔倒呀...打開MENU, 有招牌煎蛋海苔窩燒墨魚餅飯餐, 可配飲品OR推介紫菜豆卜濃魚湯 ($33), 另外仲有幾個DINNER SET, 蒸飯添... 我地叫左招牌墨魚餅飯同椒盬骨($28配熱飲)等左10min, 黎左墨魚餅飯, 一望就知係有心機之作, 一絲不拘, 墨魚餅下舖滿左椰菜, 上面就舖左紫菜碎, 另一邊飯上舖上太陽蛋, 賣相一流,墨魚餅裡面溝左甘筍粒,好有咬感, 熱辣辣, 再加埋自家製甜豉油撈飯, 正~椒鹽骨餐好香口, 仲有用蒜茸同蔥紅椒回獲, 又一有水準之作~ 間舖頭應該係一家3口咁... 到我地差不多食飽時, 佢地好似開始開飯咁.... 個廚師仲走出黎同我地吹水, 因為佢見我響度影相, 就問水準如何, 無得頂啦... (佢唔會以為我係記者呀...)... 不過我都比左D COMMENT佢.. 就係個魚湯似乎太多糊椒粉味.. 佢就話係

據說主廚是昔日敦煌的廚師，就算在加拿大，我也是最愛敦煌酒家，野食是無敵的！館子不難找，匯豐行出去就見到，館子意外的小，只有3張檯，坐滿全館是12人，1個廚1個waitress撐住成間店，下午3點來到沒有想象中的長龍但也坐了2檯，有空位是正合我意，開放式的廚房，小小的館子功夫卻1點兒都不馬虎，檯邊有叉、筷子，湯匙，坐下便上滾水洗筷，通常如此小店是沒有餐牌靠看著墻上的牌子order，但館子裏亦有準備menu，而且是1點也不馬虎的menu，1點不輸1般食肆，感覺良好。當然不用想，來個招牌海苔墨魚餅煎蛋飯，跟個紫菜魚上骨湯($33)，老婆要個墨魚蝦多士（三點後下午茶，$20），湯雖說是上湯，但味覺上是濃濃的胡椒粉味，裏面的豆腐還不錯，少許失望，墨魚餅飯很不錯的，熱辣辣上檯，賣相很好，大廚的技術1流，雞蛋很完美正中係飯中心，墨魚餅是即叫即炸的，炸至黃金，咬1口是真材實料，食到甘荀粒、好似有D蝦，口感結實很好！老婆的多士也很不錯，但墨魚和蝦少了點，也是炸得香脆，點著醬吃味道很不錯，有水準的！埋單$55，不算非常便宜，但吃到神廚的菜，滿足！

唔係唔好味既不過加曬價之但係食物既份量唔再係一樣而係少左好多咁加價真係好唔合理下次再去唔去真係要諗諗

星期日終於可以去品嚐到個墨魚餅飯 & 佢地個紫菜濃魚湯.講返個飯先, 除左我個人覺得個飯硬左小小(可能因為大部份人會撈豉油, 所以個飯硬都唔出奇), 個紫菜濃魚湯我又覺得古月粉太重味, 可以話霸晒無左魚味之外, 咬口, 味道, 賣相配合得好好, 份量睇落細份, 但其實食完加飲埋個湯之後, 其實係相當之充實 雖然有小小瑕疵, 不過總括都係好味

今日冒著雨, 到奧海城睇戲, 機會難逢, 梗係要走到呢間獲過百好評的食肆試下啦.嘩, 沒想過店子真的這麼迷你, 只有三張枱, 若坐滿十二人, 都應該幾迫. 幸好今天下著雨, 人不多, 正合我意.坐下, 不用想, 便點了招牌墨魚餅飯. 放眼廚房, 其實係枱的右邊, 一個年輕伙子, 十餘歲, 嚷著石油氣爐怎也著不了. 擾攘了一會, 總於弄妥, 正想著大廚兼老闆係時間出場時, 只見那小伙子著手下料到鍋裡去. 心想: “吓?! 點解唔係一個中年老闆咩? 個個都咁講架…好彩都係點墨魚餅飯, 墨魚餅該調好味, 只須炸熟, 加煎旦, 該沒什麼難度吧. 暗自慶幸不是點美極牛扒飯, 否則可糟糕了…” 另一邊, 還有三位食客, 好奇他們知否今天由這小伙子操刀, 點了什麼呢? 不一會, 就有幾碗湯飯送到他們跟前. 賣相似乎不錯, 而接下去, 他們大口大口吃著, 味道似乎相當對辦, 沒啥問題. 我的墨魚餅飯加魚湯終於出場, 魚湯, 有紫菜加豆卜浮下浮下. 但味道有點像出前一丁的調味包, 雖然之後也沒口渴, 但不是我那杯茶. 輸到墨魚餅, 完全無懈可擊, 好彈牙, 充滿了墨魚味. 而墨魚又唔會全部係膠, 保留了

很少機會來大角咀這邊~ 卻每天也在隔鄰的南昌頻撲著今晚到奧海城睇戲~就爭取機會來這邊吃飯~店子不難找~就只是正正對著匯豐中心的入口~一落電梯就已經睇到小小小小的店~就只有十來個座位~好彩時間尚早都仲有位~一心來吃這兒最出名的招牌海苔墨魚餅煎蛋飯~~~~想也不想其他了~大比就吃這裡同樣出名的美極煎薄牛扒飯~~~~先來跟餐的魚湯~是奶白色的這種~每碗還有一粒豆卜浮下浮下~haha味道還真的不錯~只是不吃蔥的小比每啖都吃到蔥~有點辛苦而且胡椒味還下得真的重手了一點吧~雖然我知胡椒魚湯就是這樣~但還是不習慣~~~美極薄牛扒飯先來~鋪滿蒜泥同蔥~加上特製的美極汁料~淨係蒜蓉撈飯~小比也在所不辭~牛肉淋身得用羹也能切開~很不錯但希望不是用chemically方法令到佢咁啦......墨魚餅駕到大廚很厲害~真的每碟飯的煎蛋都可以做到完美的效果~小比最愛篤穿蛋黃撈飯吃~~~加上豉油就已經是童年時最愛吃的飯了墨魚餅是用墨魚粒粒~加上甘荀粒同肥豬肉打成的即叫即炸~~~是頗香口的一味無菜唔得ge小比~用十級煩透的功力係咁問有無菜食~因為見佢下午有油菜車仔麵個d佢話無~~又再問咁白蘿蔔有無~~我只係想食蔬菜類

今次專誠去試 神廚館的墨魚餅飯及美極薄牛扒飯同鮮魚湯。諗住星期日會無咁多人，點之原來一樣要排隊等位。招呼唔錯又很快手，好似好多係熟客，啲客食完即走，所以排隊唔係等咗好耐。另外，見佢哋好多外賣單，真係好好生意。要了炸墨魚餅、美極薄牛扒飯及咖哩牛腩飯和魚湯。炸墨魚餅：好有口感，有墨魚粒、馬蹄粒和雜茶粒，幾好味，但炸漿略為硬咗少少。美極薄牛扒飯：個汁好鮮甜，很多蒜頭及蔥，但雪藏牛扒口感唔係好得，乾和有渣；但個汁真係好食，剩汁已可以食晒成碟飯。咖哩牛腩飯: 咖哩唔香，但牛腩真的很冧，唔算好食。鮮魚湯：有點像胡椒湯，有魚味，幾好飲。三十多元一個餐，有咁嘅質素，抵食！

見d食評講到咁好，難得去開附近緊係要試吓。鋪仔細細只有三張枱，一坐低唔洗諗叫咗墨魚餅煎蛋飯 & 美極薄牛扒飯。墨魚餅煎蛋飯果然賣相吸引，好味不過就唔係食評講到咁誇張；美極薄牛扒飯個汁甜甜地，好好味，最鍾意汁撈飯，牛扒又夠林，果然冇介紹錯。跟餐要咗杯熱檸水，未飲過咁難飲0既檸水，勁'劫'，成口都苦埋，雖然佢都唔知d檸檬會咁，但影響晒哩餐。總括哩一間係一間用心0既小店，大家真係要去試吓。