神廚館 (已搬遷) 新店位置

真心好味既墨魚餅飯, 雖然要三十幾都食唔飽但實在太好味了. 墨魚餅香口, “e-un”, 食到粒粒既墨魚. 搬左去ICC之後自己都去過食lunch, 不過地方細同埋食唔飽所以都無叫過同事去. 個魚骨湯都喜歡, 不過如果再濃D會仲好!

這裡沒有靚裝，而且其實離我公司很遠，不過很多時想離開銀行區，來這裡好過去灣仔。其實這裡的老闆是我舊同事的同學，開後不久就來試過。由那一次起我就沒有吃過另外的set，只吃過他們的墨魚餅飯。其實他們的美極牛肉飯是否也好好味？我很喜歡他們真的很快手，所以通常往返中環等一等位再輕鬆吃埋個飯只是一個鐘就得。因此近日我又過來吃飯了這裡對面銀行職員放飯都會過來這裡，所以都幾迫爆，所以帶我去他們的另一個私竇又因來過不下百次，次次都是墨魚餅飯要湯另加一個可樂，所以連話都不用說真的很久沒來了。印象中他們的飯是起粒的，硬飯來的，硬度啱啱適合我，好吃得不得了。真是想起都流口水先來的是湯。最早的時候，湯不是現在這樣的，真的很有魚味，現在胡椒味甚重，也是這樣我才開始要可樂的 可以改善一下嘛？如不是為了粒豆卜..我才不再要這個湯啦飯也上了，前後不過5分鐘的事官方教法是先吉穿蛋黃漏入飯內，再加入海苔一起撈。這次也一樣這麼做，飯的硬度依然，撈起來是不一般的好吃；墨魚餅也依然足料，煙煙韌韌的，真好吃 就是這樣，我次次都試不到美極牛扒！十個滿足的一個午餐不知道還是否收七點呢？我忘記了問，但好想夜晚和家人來呀～～～～

我以前响附近住了8年，但一直都只能食過20次到，係因為佢的時間同我好撞，我只能在準時收工的星期六，才可到這用餐。試過美極牛，同煎蛋海苔窩燒墨魚餅飯，結果次次都係食墨魚餅飯。覺得30幾蚊真係好抵食，如果佢收我45蚊一份餐我都會來。之後搬左兩年，近日有機會行過附近，又去佢到食。如食評所說，佢薄左，用多左粉，少左墨魚粒，其實有少少失望。不過，近年物價飛升，其實人人都理解到發生緊咩事。如果你係食開的，同以前比較的話，難免會有Ｄ失望；但如果你冇食開的話，冇同以前的佢比較的話，佢又唔係真係差。不過以30 幾蚊來說，佢依然係呢頭的首選

大角咀的神廚館如不是到同事的新居, 我相信我不會踏足此店, 並有幸一嚐其美食!是咁的, 此店很細小 (座位應該不會超過15個吧),一坐下, 同事們已幫我order了! 她還說:「來到這裡, 由其是第一次, 一定是食這個啦~」原來這裡令人瘋魔的是... 「墨魚餅飯」(34元一個套餐)數分鐘後, 便上菜了~墨魚餅炸得很香! 一向怕熱氣食物的我, 也不禁要把它整塊吞下! 簡簡單單的煎蛋, 白飯, 海苔, 再配以傳統的鼓油. 攪拌一下便可進食!店子不一定要豪裝, 款式多.只要有一味主打, 已經足以立足!超過一百個好評是有原因的 ....

住大角咀的朋友帶我黎依度食...好方便...奧運站匯豐中心出口電睇一落就到la..千其唔好lunch hour 去食...因為OL 放飯好多人呢...鋪頭好細好窄...黎到梗係要試下馳名o既煎蛋海苔窩燒墨魚餅飯...蛋你可以揀熟蛋,荷包蛋,太陽蛋或者炒蛋...第一次食就試返最原始先...其實又唔係好大碟ja bor...塊墨魚餅唔係好大塊..但好實淨,咬落去好彈牙墨魚, 真係好真材料...可能為左控制成本所以唔可以好大塊la...但無咩味的...所以如果喜歡食咸o既朋友就要落d豉油會比較好...但其實加埋蛋已經都夠味道...一啖飯一啖煎墨魚餅再加雞蛋...口感好豐富呢!朋友食的係沙崩牛肉飯..沙崩汁偏咸但牛肉好多好夠冧..依個飯就比墨魚餅飯大個...岩晒大食o既朋友...小本經營有heart服務態度友善...直得再去..!!

今日去左接男朋友放工男朋友話想食墨魚餅飯我地就去左食一去到好多人等位 得左一陣有位喇but 好多人好迫2個人都係叫左個墨魚餅飯第一次食好好味 又大塊 又有咬口唔錯唔錯唔怪之男朋友老遠都要黎食拉但係男朋友話之前既墨魚餅大塊好多 重好食d2個人食左 34+2 x2= $72lunch 係錦上下拉

由於在餐廳附近返工，所以耐唔耐都會黎食墨魚餅飯，但最近呢兩三次食完之後 已經決定以後唔會再幫襯。其實早幾個月前黎食已經發覺塊墨魚餅薄咗又細塊咗(理解由於物價上漲關係)，但味道同口感依然keep到，所以繼續幫襯。但最近呢兩三次塊墨魚餅直頭又薄又乾同冇乜墨魚料，食落去完全冇晒墨魚味同以往食到既味道，最初以為一次半次失準，但連續食三次都係咁就證明整體質素真係差咗。希望店主可多加留意同改善(始終以前既墨魚餅飯真係好得，係鎮店之寶)，再唔改善的話，只會溜失一班長期客仔(因其他食物只係好一般)。

隔了差不多應有年多兩年，再次來訪"神厨"，就像重遇舊別重逢的朋友一般....今天晚了一點來，店內已坐滿了人，唯有選了坐在路邊的小枱。外頭天氣大熱，十分的悶翳，但反正都只是快吃，環境倒也沒太大所謂.....一早知道招牌墨魚餅水準已不復再，故此就轉而叫了從前較少點的原汁崩沙腩飯。習慣上要有些菜蔬下肚，所以也就"不惜工本"加錢來一碟腩汁生菜。說是不惜工本也不是不對的，皆因一小碟普通的灼生菜就竟要十五大洋，委實真有點偏貴，而且吃到的部份又大都只是些菜頭菜尾，幸好有一個香味甚濃厚的腩汁襯托着，否則就要大喊回水了....相反地崩沙腩飯一大碟卻只是賣三十大洋，這就甚抵吃了可惜是日吃到的大部份都是質地相對地偏韌的切腩連少許牛筋部份說成是崩沙，倒覺有點欺眾腩汁雖甚稀但勝在夠香濃而色水濃厚，陳皮及八角等香料的氣味是嗅得出來的，將之用來撈飯甚至河粉等皆屬一流；同行的蘿蔔偏硬身，絕對炆不夠淰，這樣腩汁的味道是很難走進去的。這樣的蘿蔔，好吃極都有限....許多人說這裡的魚湯好喝，但打從那次看到老細對此湯的特別處理過後，心裡就打了一個莫大的折扣。是日喝到的依舊是那份味道，胡椒味依然很重，但在那陰影底下，也就只是應

煎蛋海苔窩燒墨魚餅飯$34 - 這箇毋庸多言,喜者自喜,墨魚餅爽,香,彈牙便O.K.要說的是:冬瓜日式泡飯$31 - 一樣是用魚湯做底,但少了那紫菜和胡椒味,又是另一種香法,泡飯料除冬瓜外,還有魚肉粒,蜆仔,蝦米,蝦仁等等,食材豐富,魚肉粒不知是用什麼魚柳切粒,配上滾熱辣的湯,幾好食!但真的,個人除了食一個墨魚餅飯外,還可食半個冬瓜泡飯,這對比,是否飯的份量真的是細了些呢?

第一篇食評曾經好鍾意神廚館食o左佢三四年因為佢...我先開始上openrice鍾意佢平民又好食唔係貴..但係會落足了鍾意佢服務好唔係五星級,但好親切睇到人地d 食評都唔係好信..係都要食多次..但...只能說一句...風光不再了以前:墨魚餅好厚,一啖咬落去感覺好爽墨魚鮮甜,無乜粉,好多墨魚粒宜加:薄好多,望落好似同以前差唔多大但因為薄o左...好似唔夠送飯咁好多粉,少o左好多墨魚粒,換嚟ga 係肥豬肉粒好痴口,sticky..重叫鮮甜ga..但口感錯曬如果係一間一般ga 餐廳我又未必劣評佢...但只係覺得佢為成本無o左飲食ga 堅持...好差無下次

那日專誠過大角咀一嘗海苔墨魚餅煎蛋飯，還以為自己五點四十五分去到店舖叫外賣晚餐食，算是早，誰不知老闆娘話由四月一日開始六點關門，原來我係最遲o個個添 雖然係外賣返屋企食，但仍然熱的，墨魚餅飯附有海苔和甜鼓油伴飯，不會淨吃白飯，唔錯唔錯！要講講主角墨魚餅，未吃以先，也會聞到墨魚香味，到咬落去時，雖然不是厚切墨魚餅的感覺，但卻吃到香滑墨魚蓉+類似南瓜蓉的質地，食落去不會感覺太乾身或有油益味的，以這個價錢來看，真的很讚呢!!另外加一蚊變套餐，我叫了紫菜魚湯，魚湯胡椒味過重，似胡椒魚湯多於紫菜魚湯，不過多一蚊就有個湯或飲品，去邊到搵呢！

其實知道依間神廚館既存在好耐，今日剛要過大角咀做野一所以就試一試有個招牌飯有幾正，點解會有咁多笑面!餐廳一眼見哂，得幾張台，店外都好似有一張方面食煙d人，一入黎當然叫左個招牌煎蛋海苔窩燒墨魚餅飯. 塊墨魚餅上面鋪左d紫菜，賣相幾靚仔，但一咬落去，根本就完全食唔出係墨魚餅，而且好薄，大家樂早餐塊牛扒都厚過佢...同埋個飯一d汁都無，食食下真係乾到入唔到口...咁大食既我竟然都食唔哂...經過依次後，明白到未必多笑面既就一定好，始終都要試過先知.

由開業起前後幫襯多次，但其實漸漸覺得水準低落了。一直都鐘情於墨魚餅飯，但今天食到的是一塊油份充足，壓得扁扁，也少了以前充滿墨魚粒的飽足口感的炸墨魚餅，以往值得人欣賞的優點已經消失了7,8成，真的好想食番以前果塊墨魚餅呢!老闆娘，諗諗佢啦~!另外，魚湯感覺好像少了以往的胡椒香，咸味重了，雖然不至於令人覺得好口喝，但始終招牌菜的水準保持不了真的十分可惜…

墨魚餅飯$33美極汁牛扒飯$32紫菜魚湯凍檸茶 + $2合共$67.00食完晏先睇戲，終於可以試呢間聞名已久嘅墨魚餅飯咬落唔油腻，彈牙香口，墨魚味濃，好食個扒冇肉味，始終一分錢一分貨，都唔好祈望係好食，個汁就幾惹味，撈飯唔錯魚湯都有啲味精味，所以之後好口渴

今日同mum去食.....大家都係叫墨魚餅飯.....黎到.....第一啖.....好油丫.....我見你地影d相好厚....中間睇到白色的墨魚肉...但我地呢兩塊.....只係油....中間係黃色既粉張....見唔到白色既食落口都唔覺有咩墨魚既.....只係油味....又薄chi chi....我食了半塊就唔食啦....個飯又唔熱.....暖又未到.....好似放好耐咁....ONLY隻 egg 食哂~哈一次夠哂lor~~失望......