神廚館 (已搬遷) 新店位置

來到大角咀，自然諗起神廚館，因為自從上次食過後對佢既美極牛扒念念不忘。掙扎左好耐係咪應該試一試新野（例如幾條街遠的金船長），但最後都係都係不自覺地回到神廚的身邊...午餐時段，白領們都一批批出來搵食。神廚館就係匯豐大樓正對面，起初仲以為一定爆晒，但竟然仲有位。可能係因為比較細，只有三四張枱既關係，匯豐的員工們來食野都只會係外賣。雖然係因為掛住個牛扒而來，但都諗過好唔好試新野。媽媽話試過個咖哩牛腩麻麻地，到最後都係叫返美極香煎薄牛扒。好似我依D唔介意口臭的人，最鐘意就係牛扒上面的蒜頭同蔥! 好少餐廳煮餸會用美極，仲要係個菜名度寫埋係用佢，但D配料同牛扒就巧妙地同美極非常之夾。比起上一次，個汁好似感覺上冇咁香，而且好少，但已經心滿意足了。食左少少媽媽的招牌煎蛋海苔窩燒墨魚餅飯。墨魚餅香脆可口又夠甜，果然係招牌! 將荷包蛋整穿加甜豉油撈飯，簡直一流。媽媽八卦咁想知佢究竟點整依個墨魚餅，只見到有女侍應將一大桶好似沙律既物體捧左入廚房。原來個大桶野就係墨魚餅的原料（即係墨魚同紅蘿蔔粒），跟住侍應就係度慢慢將D粒粒搓成球狀...有朋友試過神廚館既其他食物，都係覺得麻麻地。同樣地，跟餐的凍奶茶一D茶

一直都好想黎神廚館試下個墨魚餅飯同濃魚湯,今天終於試到嘞...好感動雖然墨魚餅並唔係好食到流眼淚個種,不過我都巳經好感動,因為真係可以食到大大粒的墨魚肉架..裏面仲有紅蘿蔔粒...我見好多人都食晒整碟飯。而個魚湯我都幾喜歡,因為我最怕魚腥味,但尼個湯全完無魚腥味囉....不過可惜位置比較偏遠,唔可以成日都黎到。

上星期放假特地去了愉景灣hea.....真係好悶, 於是出了東涌行outlet.晚上乘港鐵出奧運站轉車, 想回家前吃點東西, 上回去了同區的金船長, 今回餵食min就想起神廚館. 事前完全不知她身在何方, 對大角咀完全不識路, 於是求其行一個港鐵出口, 一出x豐中心就見到, 真開心!男友叫了招牌煎蛋海苔窩燒墨魚餅飯, 我叫了"紫菜方魚肉粹湯飯"(因看報紙報導話其實老闆娘一家覺得呢個最好吃). 燒墨魚餅很好吃, 如果可以淨食墨魚餅做小食就好了! 太陽蛋和圓形飯放得很可愛, 很有西餐廳式的心思."紫菜方魚肉粹湯飯"真的很好吃, 紫菜濃湯魚湯很鮮甜, 又清新簡單, 個人認為比墨魚餅飯好吃.下次再去~~~

美極牛扒飯，熱奶茶走甜做午餐，唔知是否外賣關係，十分鐘拿回家時間，牛扒飯汁水變希沒有鮮味，奶茶唔熱茶味不濃，下次都是堂食好Ｄ，因老闆娘好人，同佢講可以有保証嘛

大約6個月前, 第一次黎食咗墨魚餅飯, 今日二人都特意由沙田出黎食lunch二人都叫咗煎蛋海苔窩燒墨魚餅飯 墨魚餅依然保持水準, 口感十分好, 食到粒粒墨魚, 雖然只係細細的一塊, 但食完覺得真係岩岩好, 可能係煎炸既關係, 若然大一點, 可能已給人既感覺好膩了, 這家老板做生意真的很有頭腦, 俗話說"小食多滋味", 真係無錯呀, 今日都一試魚湯, 但比我既感覺係一般

本人是看了食評才去的,我跟太座兩個人去了另一個地鋪內食餐,但感覺很怪,似在深圳用膳那樣,因為內部真的很簡約, 雖然有平面電視睇, 講番菜式方面:1.) 炸墨魚餅飯- 除了炸墨魚餅還可以之外, 飯的質量真的很差勁,白飯中夾了類似冷飯口感的微黃米飯,現時在國內的米飯也不致這種質素了2..)咖哩牛是比較上普通的的茶餐廳貨色,3.)例湯有股很難形容的味道,但不能說是一碗好的魚湯,儘管那是奶白色的總括一句: 太令人失望的一餐

今日J.A.M.又出動試新野，專程黎食墨魚餅，地方細細，攪到油煙好勁。一個餐有湯，飯＆飲品，有太陽蛋或煎蛋供選擇。J.A.M.都要各一客。魚湯：胡椒味辣辣地，飲唔到係魚既味道。墨魚餅：搓得唔夠實，油淋淋左少少，墨魚都幾彈牙既。Tigger要左個上湯鹽焗雞飯，雞都幾滑。

11點幾2個人去左大角咀鋪頭係正hsbc大樓門口對面係一間轉角bar 隔離不過有個棚架擋左個鋪面,所以要搵都唔易成間鋪一眼望哂,total得十幾個位見到好多同明星既合照...有2個伙計(都估係老闆)做樓面叫左紫菜煎蛋墨魚餅飯( $33 包drink)好食! 好新鮮既墨魚餅! 配紫菜真係又靚又好食,一流! 不過其他配角(飯,蛋)就真係普通啦= =冇叫到湯...失策!

個墨魚餅果然係好好味....但係厭個飯無乜汁....乾得制.....個美極牛扒個汁就好好味....D 牛肉好冧..我仲見隔離人哋食0個個排骨飯都好香嫁!!!

浓鱼汤：隨餐的配湯做成這樣的水準實屬不易顶级崩沙切腩饭：爲防止過曝同夥開始澆豉油……顶级崩沙切腩居然如此干柴黐牙，蘿蔔質素也跟不上，湯湯水水和時菜吃過就算招牌墨鱼饼饭（转太阳蛋）：墨鱼饼炸得外脆里韧，吃得出满满的墨鱼粒和甜软的胡萝卜丁。口味對得起招牌，可這尺寸。。小姐姐态度拿捏得当，不矫情不冷面，颇有默契地点头颔首大家其乐融融只是尤其使我痛心的是，今次的米飯全部未熟。以至於我內德維德般的胃也差點傷停兩輪

自從搬左去大角咀後, 幾乎每個星期都去幫襯, 每次去都想試D新野, 但係每次去到都忍唔住叫左佢既招牌菜, 墨魚餅飯!吃一口, 墨魚餅既香味立即遍布口腔內, 外脆內軟, 啖啖的墨魚肉真的停不了口, 配以太陽蛋, 紫菜, 加上特製豉油, 想起小時候環境不太好時常常荷包蛋撈飯!加上紫菜魚湯, 奶白色的魚湯, 甚重胡椒味, 我十分喜愛!只是晚上太早關門, 平日放工想買個回家吃都不大可能了~

究竟是哪一個是上述的你呢？就是那一塊墨魚餅。對於我這些除了工作之外，鮮有踏足九龍區的我，大角咀大概是個挺偏僻的地方，但好在有Openrice，才知道大角咀真的有很多好東西吃，今天預算是要在大角咀吃兩餐的，第一間來了這神廚館，試試神廚的神乎奇技。和女友兩人點了兩客飯餐，先試試美極香煎薄牛扒及招牌煎蛋海苔窩燒墨魚餅飯，而其中一個餐也加費轉了紫菜濃湯魚上骨湯，另外的飲熱檸檬蜜。美極香煎薄牛扒飯到了，美極汁覆蓋了整塊牛扒，而且其氣味是很香很搶味的，整個嗅覺都被它佔據了，在美極汁中也加了大量的蒜蓉及蔥蓉，使味道更香更辛，很好吃，而牛扒是很明顯的有濃濃的化學成份，肉身軟腍得有點稀奇，是好像以住中學時代吃扒飯般可用匙羹据扒的，但總括來說，也是不錯，勝在有這個很好吃的美極汁。紫菜濃湯魚上骨湯是一個大驚喜，也果然是值得推介的，魚湯的魚味濃郁，很明顯是真材實料的以魚骨熬的，加上紫菜在魚湯中散發着如海苔的獨特氣味，仿佛是那紫菜有回家的感覺，很好喝，而在中央的一片豆腐卜也吸飽了魚濃湯，也絕對是美味，不錯的。招牌煎蛋海苔窩燒墨魚餅飯，是在燒墨魚餅上放了海苔絲，在飯底上放了煎蛋，很美輪美奐的，而主角當然是墨魚餅了

為要趕及玩小時候的小玩兒，大家同意簡單的食個quick dinner，這可以有機會一試聞名已久的黑魚餅了。雖然一行5人，初時大家怕肥關係，神廚五寶中的只叫四款。招牌的煎蛋海苔墨魚餅飯真是名副其實，墨魚餅特別爽口彈牙，不油不膩外，與紫菜絲一同吃，俱全兩種鮮味。而那靚靚的太陽蛋早已吸引了我視線，如果一人一碟的話，我一定會整穿它來撈飯，蛋白又煎得很脆。大家也認為不夠喉，再追加一碟。上湯雞飯-與普通的切雞飯沒有分別，雞身色澤係暗淡，沒泛油光，毫不吸引，果然入口很乾、嚡。崩沙牛腩飯-牛腩不是腍身，要用點牙力來咬開，而且不夠原汁原味，連蘿蔔也沒有浸透香濃的鹵水味道。椒鹽排骨飯-半炸的豬扒、甘香，保持鬆化不乾身，還曬上紅椒粒，增加了不少滋味。墨魚餅當然是這店的一寶，而另一寶我認為是白飯，很有飯香，粒粒入口軟身又可咀嚼，淨白飯我也食了不少。

之前發現這家在奧運站附近(匯豐中心對面)的小店，竟能高據全大角咀openrice食評的第二位，特意去看看環境，卻過門而不入，心想‥‥這間毫不起眼的小店子為何可以吸引這麼多人光顧‥‥‥前幾天終於都忍不住前去試吃，因為以前也到過很多不同地方吃炸墨魚餅，水準和味道也是差不多，所以今次也沒有抱太大的期望‥‥‥‥店員可能留意到我們是第一次光顧，很貼心的告訴我們，加點甜醬油吃會更美味，甜醬油(鼓油)伴著蛋籵飯，味道已很不錯 <~~ 要求真低 而墨魚餅又炸得很香，內有墨魚粒粒和點點的紅蘿白粒，嚼勁十足，味道非常好，與其他地方吃的「行貨」墨魚真的完全不同，果然名不虛傳~~~ 招牌煎蛋海苔窩燒墨魚餅飯 連紫菜魚湯 要$33 在區內不算便宜但也算合理，值得一試~~ 但是如男士們去試吃的話，記得要求多飯，因為這個餐份量偏少，吃完後可能會不夠飽肚 (相片中的己是多飯的了‥‥)另外試吃的崩沙腩根飯也只是水準一般，個人覺得味道淡了些，回到家看openrice的留言，發現很多人也說這裡的美極薄牛扒飯也很美味，下次如有機會再次光顧也要試吃一下~

上完堂成8點幾，女友落左o黎奧海接我，初頭諗住不如食火煱，行到神廚館發現仲開門，諗都唔諗一個箭步衝左去先，推介女友吃美極香煎薄牛扒飯同煎蛋海苔窩燒墨魚餅雖然係夜左d，無哂客人，但老闆娘依然細心地為你送上沸水給你清洗食具，神廚在我倆點完餐才入廚房煮食物，一路等一路聞到香濃o既美極汁從廚房飄出，再不斷聽到煎炸的聲音，令我肚子又打起鼓了.....美極香煎薄牛扒飯：薄牛扒香軟嫰滑，美極汁加上大量蒜頭及香葸，拌飯一流，喜歡重口味的一定覺得正，否則食落認該會覺得幾咸煎蛋海苔窩燒墨魚餅：坦白講跟飯吃總是覺得唔多夾，今次散叫無左呢個感覺，香脆的墨魚餅夾雜甘荀絲及墨魚粒，口感極佳，餅面的紫菜(及蛋槳)為墨魚餅增添了不少色彩，連椰菜食可減少一定熱氣，總括呢到o既墨魚餅係集合哂色、香、味難得唔洗同人迫，食得真係開心d