祥榮餐廳

营业中

休息中

紅磡黃埔這間茶祥榮餐廳，小菜確是不錯的。menu頗多選擇。座位都好寬敞舒適。今晚要了三個小菜套餐，三蔥爆滑雞煲、蝦仁炒蛋、西芹鮮魷。套餐配有中湯，蓮藕煲豬骨，飲得出的老火湯味道！三蔥爆滑雞煲，裏面有洋蔥、乾蔥、鮮冬菇、蒜子……，而雞肉也刧得不是很大件，調味好夠味，乾蔥、蒜子爆得好香，令雞肉都好惹味！蝦仁炒蛋，蝦仁炒蛋好嫩滑，蝦仁炒得剛好熟，帶爽口配著嫩滑的雞蛋，還有少少韭黃，好好下飯。西芹鮮魷，鮮魷點上蝦醬鹹鹹香香又鮮味，西芹切得細細件，炒得爽脆，吸收了鮮魷的鮮甜味，這個小炒菜式真的不錯，食落好清爽~~

🍽 祥榮餐廳 Cheung Wing Restaurant ~~~~~~~~~~~~~~~~~~~~~~~~~~~~~~ 🔵 百塔扒餐配沙律（$112）🥩👉 自選兩款，最後揀左童子雞半隻加西冷牛扒👉 餐包軟熟，餐湯揀左忌廉湯，大大碗，忌廉味濃郁👉 西冷牛扒同童子雞大大份，十分抵食👉 味道亦唔差頗香口，熱辣辣鐵板淋汁，炸炸聲，正👍🏻 🔵 海南雞飯（下午茶餐）（$42）🐔👉 有雞脾食！食落雞肉嫩滑👉 有2種醬汁配搭，但無最喜歡既濃黑醬油配飯食，可惜了一點👉 有油飯配搭 🔵 西多士（$25）🍞👉 大大份西多士，炸得香口，裡面既花生醬亦十足，再加上牛油同糖漿，十分邪惡，但好食既 餐廳嘅種類選擇都幾多，連小菜都有，而且食物份量都算大份😁 ~~~~~~~~~~~~~~~~~~~~~~~~~~~~~~ 🍽 餐廳：祥榮餐廳 Cheung Wing Restaurant 📌 地址：紅磡黃埔天地奇妙坊(第1期)地下G7A, 7B 及7D號舖☎️ 電話：23622675📍 位置：紅磡⏰ 營業時間：07:00 ~ 21:30

假期先黎落雨，仲要打風打足兩日，邊度都去唔到，預約左嘅活動都取消成日留係屋企真係好悶啊！星期六四點後先落八號，平日返工日子又唔見天文台咁手鬆⋯⋯係屋企坐左兩日，乜都無做過，老公就提議出街食個飯啦又好啫，落街行下鬆下筋骨，順便做少少grocery shopping老公話想叫小菜食，咁就近近地黎祥榮啦祥榮由我讀大學個陣已經食開，貪佢地方又大又多位、地方都算乾淨、價錢又OK，而且味道都唔錯雖然風球都落左2個幾鐘，但係餐廳入面都無乜人，㨂左個卡位就坐低左望左陣餐牌就扑鎚！叫左菠蘿咕嚕肉、豆腐斑腩煲、一杯凍奶茶同例湯晚巿佢小菜跟一個白飯同例湯，因為我唔鐘意飲湯同埋好想飲凍奶茶！！！所以走左湯轉凍飲第一個上嘅就係例湯，呢個湯就不嬲都好飲，因為我鐘意酸味，佢夠酸、大碗又有料（雖然都係啲菜頭菜尾），例湯黎講收貨啦凍奶茶就無熱奶茶咁香滑同茶味濃，不過今日想飲凍，無計啦。佢嘅凍飲都夠大杯嘅，都算滿意然後上檯嘅就係菠蘿咕嚕肉啦，影呢張相嘅時候都已經食左一兩舊今日人少少都好快上菜，我諗都係十五分鐘唔夠你話佢係咪好好食嘅咕嚕肉呢其實就唔算嘅，但係份量夠、個汁好食、肉唔靱，唔錯啦收貨不過略嫌佢啲配料有少少生，洋蔥

🐳原本以為簡單去茶餐廳吃個便飯，而且這間茶餐廳是第一次來，沒想到食物原來如此好吃，價錢也非常之街坊價，有機會來黃埔，不想花太多錢，也想吃到美食，就要來「祥榮餐廳」了。😁不是賣廣告，是真心好吃！😋🐳鑊仔牛柳扒餐💰85包餐湯(忌廉湯)•牛油餐包•凍飲🥤+💰8 •沙律+💰10🐳美國肉眼扒💰85包餐湯(羅宋湯)•牛油餐包•凍飲🥤+💰8 •意粉+💰10🐳這裡的鐵板餐是絕對有驚喜的，熱辣辣鐵板上，加上濃郁燒汁，炸炸聲，記得要用大餐紙擋住衣服呀！兩款扒餐味道都十分之好，肉質細嫩冇筋，份量更是大大件，真是好抵食👍👍。主要是廚師已經在這裡工作了二十多年，很有經驗怎樣嚴選食材和怎樣烹調出優質食品。另外這裡出名羅宋湯(必試)，味道濃郁，一試難忘！

太耐冇食小菜，一出地鐵站就見到呢間，見餐牌又幾吸引，一於就試下啦。小菜係套餐黎，有埋湯、香飯同埋野飲湯比我想飲中大碗，而且小菜份量都好抵食，2個細食嘅人叫上菜員工俾少一碗飯，最後都係飽住咁走。鐵板乾蔥豆豉雞蔥同蒜頭都爆香左，上枱熱辣辣，雞肉肉厚 嫩滑，雞皮燒到少焦，配埋豆豉汁，係超級送飯。XO醬豬頸肉炒翠玉瓜豬頸肉炒得香口，撈埋XO醬唔會覺得太乾身，翠玉瓜多汁Juice，呢個配搭唔錯😋野飲就梗係揀紅豆冰啦，大大杯嘅紅豆冰，而且有超多紅豆料，又唔會好甜。🔹🔹🔹🔹🔹🔹🔹🔹🔹🔹祥榮餐廳 (紅磡)紅磡黃埔天地奇妙坊(第1期)地下G7A, 7B 及7D號舖🔸🔸🔸🔸🔸🔸🔸🔸🔸🔸#黃埔好食 #黃埔食好西

放工跟咗同事返屋企整電腦，一出黃埔地鐵站就落大雨，見到祥榮餐廳，一於食咗飯先算，呢間餐廳我哋由細食到大，幫襯咗好耐，中西餐都有，大件夾抵食，一經過就好自然會入去食嘢！扒餐奉送餐包、餐湯凍咖啡加8蚊鐵板帶子雞扒，多種醬汁選擇中揀咗黑椒汁，兩塊雞扒煎至金黃色，香脆可口，帶子沾上漿粉炸至外層脆口，放在熱辣辣嘅鐵板上，再加上黑椒汁，十分惹味，薯條亦香脆。海南雞半隻，見到門口大大幅圖片介紹，望落去都好想食，一於叫嚟試吓，海南雞沒有去骨，所以食落有點像食白切雞，肉質唔會鞋口，雞皮薄而且爽口，配合惹味三色醬料，味道都唔錯！加10蚊就有咁大碗湯，真係好抵！

睇個標題，一定係覺得我係西客，如果唔係個廚師就唔會無啦啦咁話你啦？聽埋個故仔先⋯-行完山大約兩點九，同媽咪第一次嚟到呢間餐廳食下午茶。因為我唔太餓，所以只有媽咪嗌咗個香脆下午茶餐。（餐廳無低消）炸魚柳加西多士，熱奶茶。-由於媽咪唔可以食甜，所以落單時已經講明魚柳唔要沙律醬，西多士咩醬咩牛油咩蜜糖都唔要，落單嗰位職員就hea hea地話呢到咩都係自己落架喎～～～咁好啦，你講我就信你架啦🙋🏻‍♀️落完單睇到張單，見到得「西多士走醬」已經深感不妙⋯- 等咗7-8分鐘，就見到一碟無走牛油既西多士同一塊份量好大但有沙律醬既魚柳；（抱歉因為本身無打算投稿所以無影相）見到咩都無走，好自然就同另一個職員講返（有禮貌的），個職員收走就同廚房講，因為我地坐近廚房，就聽到廚房係到嘈，話張單只係打咗西多走醬、應該打全走咋喎⋯無耐，一碟新既西多同魚柳就上菜了⋯只見魚柳切開一半，反過背面就見到撥開咗沙律醬既痕跡，碟上面仲有殘留既沙律醬😂有說，臨時演員都係演員，喂但呢碟嘢完全唔專業囉，真係當個客傻既？好聲好氣同職員講，職員收走放返入廚房，叫廚師做過，高潮就來了😂😂- 只聽到廚師兩個收返嚟就係到鬧鬧鬧，其中一個女人仲要

平時少黎紅磡呢頭，今日路過，黎左呢間叫祥榮餐廳既茶餐廳食返餐。餐牌似一般茶餐廳，有扒套餐，小菜套餐，煲仔，鮮魚，炒飯炒麵，咖哩，焗飯，湯羹，三文治，沙律，通粉，快餐，常餐，特餐等等，實在係太多選擇。今日第一次黎，叫左兩個餐同一個小菜。海南雞飯套餐 $56海南雞飯套餐包香油飯，餐湯同熱飲，凍飲加$3。海南雞兩隻都係雞髀，正呀，質素都算嫩滑，連雞髀骨上。上面加少少香莤，伴有香脆花生，同埋經典3色醬料。香油飯係偏硬個種。餐湯可揀羅宋湯，忌廉湯或者青紅蘿蔔湯，我地揀左羅宋湯。碗湯超大碗，入面勁多料，有椰菜，紅蘿蔔，西芹等，味道調得好好，好開胃，而呢度唔係辣個種羅宋湯。蒜蓉牛仔骨 $89蒜蓉牛仔骨份量都幾多，有好多牛仔骨食，質感非常嫩，味道調得好，蒜蓉味夠，又唔會過鹹或者過油。配料有唔少洋蔥絲，青椒絲，蒜頭同蒜蓉，好惹味。跟有白飯一碗。炸魚腐鰻魚烏冬 $52呢個係大碗拉麵烏冬系列，我地揀左烏冬。隻碗真係好大。炸魚腐有3塊，入面非常滑溜而炸魚蛋味濃。鰻魚足有大條size既半條，雖然浸左湯，味道質感都仲好好，好夠味。配有一條生菜。烏冬唔會太腍，感覺有少少粉，個湯唔油。利賓納 跟餐加$3利賓納 大大杯

想去食車仔麵，但佢未開🤯 已經行咗成日唔想再行，所以揀咗間唔洗等位嘅餐廳😌 加埋突然想食扒😙 🤍西冷牛扒餐 ($85)呢個扒餐價包埋餐包同餐湯，仲有幾件翠玉瓜同埋粗薯條🍟 如果想加飯、意粉或者沙律嘅話就要加多$10餐湯嗌咗忌廉湯，湯嘅份量頗多🥣 個湯偏竭。講翻個扒，切開塊扒，差唔多舊舊都有筋😓 之前食過其他店成舊香口膠咁嘅，今次呢件好少少，但我覺得同樣嘅價錢如果喺翻呢間嘅話可以嗌肉眼扒🥩🤍美國肉眼扒餐 ($85)我一路食自己個西冷，一路偷食🐡嘅肉眼，如果真係想去試下，我建議嗌呢個好啲🥩 佢淋啲，牛味出啲，比例上筋都少啲😌👍🏻💭好sad打算喺佢冇汁嘅時候影張相先，點知佢一上碟就幫我淋埋汁😂

📍 祥榮餐廳 Cheung Wing Restaurant🌍 紅磡黃埔天地奇妙坊(第1期)地下G7A, 7B 及7D號舖Shop G7A, 7B & 7D, G/F, Amazing World (Site 1), The Whampoa, Hung Hom📝 整體評分：7／10🥢1165 XO醬茄子牛仔骨煲🥢 $92呢個煲幾帶出XO醬蝦米香，牛仔骨唔會好韌，甜中帶辣相當惹味。🥢1127 椒鹽豬扒🥢 $70豬扒肉質鬆軟，蒜椒蔥都好足料，散發出椒鹽的陣陣鹹香。🥢1119 魚香茄子🥢 $62唔記得左個牛骨煲已經有茄子，仲叫左個魚香茄子，不過熱油炸過既茄子勁香口，個汁鹹香下飯。

黃埔這間餐廳，有中式亦有西式，所以今晚晚飯揀了祥榮餐廳。菜式都頗多選擇，有扒餐及中式小菜，中式菜有小炒及煲仔小菜……等。餐廳有一些小菜套餐，套餐有例湯，可揀中湯一或西湯，我們都要了個中湯，湯都夠為多料，也比較清甜。西蘭花斑片，斑片切得都較厚身，無骨真係啖啖肉，調味得較為淡味，但反而食到魚的鮮味。西蘭花腍中帶脆口，吸收魚汁的鮮味，有肉有菜，一個人點菜食的健康選擇。菠蘿咕嚕肉是我食中式菜中愛點的一款菜式，味道酸酸甜甜，雖然經炸過，但另外有個酸甜醬汁，所以感覺沒有那熱氣。蝦仁炒蛋裡面有蝦仁外，還有很嫰黃的韭黃，炒蛋炒得很嫩及滑，和著韭黃，口感嫩滑又香韭菜味，蝦仁雖然不是很大粒，但頗爽口，平時比較少叫這一類菜式，但原來頗為好味的。至於飲品，要了凍檸水及紅豆冰，三餸一湯食得頗好味，仲有埋飲品，價錢二百多元，是頗抵食又美味的小炒菜！！

祥榮餐廳，成日行過都未食過！今日中午快閃食個lunch！海南雞飯套餐 $56份量超級大，兩個女仔食一個都得！首先湯碗都係二人份量。冬瓜四大件，香甜軟林林，冬瓜皮都食得到！花生香口脆脆，幾好味道！海南雞有3大靈魂汁，甜醬汁一定係至愛！雞肉比較厚實，厚肉飽肚。馬拉盞通菜 $46中式炒菜，唔係泰式個種。通菜大大份，少許辣但幾野味。茶餐廳炒係唔同啲，有鑊氣啲！鐵板紐西蘭牛扒 $132配汁有黑椒、蒜蓉、洋蔥、燒汁。佢有送餐湯同埋餐包。餐湯可以揀羅宋湯或者忌廉湯。牛扒肉勁大件勁厚肉，依個抵讚！另外除咗少少薯菜之外，仲可以揀白飯、意粉或者沙律。意粉估佢唔到唔係無味個姐。竟然係蕃茄醬意粉！

第一次食亦不會再食一向都知呢間野麻麻地，但見落雨就諗住就近買個外賣。落單都出貨20分鐘，都算快。叫左一海南雞飯同干燒伊麵，基本野諗住冇咁易中伏la……海南雞飯d雞係白切雞，又鞋又乾又冇雞味，d飯就乾爭爭，以為食緊生米，一d油飯既感覺都冇，個醬係薑蓉同泰式辣醬，原來真係一盒切雞飯……干燒伊麵竟然唔係伊麵，似炒拉麵，難食到一個點，真係唔明白點解干燒伊麵都可咁難食最衰叫左外賣，唔係一定換！祝佢早日執左佢算！

今日lunch time有啲趕時間 所以求其搵間餐廳坐低咗 嚟咗呢間一出地鐵站一分鐘就到嘅祥榮餐廳😮呢間餐廳嘅午餐有好多選擇 大部分都係碟頭飯 想食快餐就適合啦😂餐湯 中湯中湯都係預料之內嘅鹹 不過就勝在佢有唔少湯料 有紅蘿蔔同豬骨 唔飲個咁鹹嘅湯都有啲野食吓😗焗咖喱帆立貝龍利柳飯咖喱味道好一般 食得出有少少嘅椰香味 但係又唔辣😹 叫做有少少汁咁 龍利柳都係冇咩特別 帆立貝有兩粒 比較韌 整體就普普通通 冇咩特別滑蛋蝦仁飯呢個飯比較多芡汁 做法類似番茄炒蛋 即係唔係有一塊好完整嘅滑蛋 似蛋花多啲 蝦嘅質素就係普通茶餐廳嘅質素🙊喺呢間餐廳試嘅兩款飯都係好普通 冇一樣好令人眼前一亮🤭

一入到餐廳搵左個位坐低 諗住叫野食 個侍應叫我坐另外一張枱 話一個人唔可以坐張有隔左板既4人位 但係我一入間餐廳都無人帶過我位 😡😡 態度語氣仲要好差 帶左去我去張好迫既2人位 仲要唔幫我落單 就走左去 咁我都企係身走左 一定唔會幫襯 好無禮貌食飯唔應該受你氣