祥香茶餐廳 (已結業)

祥香茶餐廳 只是懷舊的味道以前在西環住過一段日子，放假的時候總會到「祥香茶餐廳」吃個包飲杯奶茶。今日經過都要吃小小他們的出品，買了一個蛋撻 $4.50，懷舊一下。蛋撻是牛油皮的，算是香脆，裏面的蛋就比較甜，但蛋漿好似冇經過濾，好多泡泡，賣相不好，莫非這是懷舊的方式。

呢一間祥香茶餐廳，我由細細個已經開始幫襯，仲記得以前阿爸成日帶我嚟呢度 「食蛋撻」。嚟到今日，我爸爸都「走咗」十幾年，今時今日嘅西環亦都唔係以前嘅西環。今日就因為有啲事 入嚟西環探長輩，當然入嚟呢間祥香茶餐廳懷舊一番，順便買盒蛋撻請長輩食。其實由我見到蛋撻嗰刻開始，已經覺得好似唔夠以前吸引咁樣，咬落口第一啖就會覺得，點解唔同咗味呀！？ 幾十年前唔係咁嘅味喎！ 就算唔好講話懷舊味道，而且呢個蛋撻直頭就係唔好味。個牛油皮，點解唔重牛油味嘅？ 蛋撻嘅蛋漿唔夠蛋味又唔夠甜味，而且拎上手仲好似輕飄飄咁樣，點解小店會嘅蛋撻會有連鎖店嘅味道呢，我覺得呢個係個疑團。What happened to the egg tart that I used to love.

今日做完野食個早餐見到細個打球成日食嘅祥香園唔算爆就入去食一個早餐火腿通煎雙蛋加包你可以轉多士或者菠蘿包都得我仲加左個蛋撻好正好飽奶茶好味成個早餐35蚊坐位就迫d但有份懷舊味道

去茶記食頹飯離唔開個幾味今次揀依間食 係見佢格局好有舊時茶餐廳味仲有有樓上雅坐起初叫左個蛋撻 加個叉燒煎蛋飯後來見到隔離枱食緊個椰絲奶油包 勾起條癮又叫一個叉燒幾林 配上豉油蛋汁撈飯跟本冇得彈蛋撻皮有啲鬆易爛 個人中意脆皮多啲奶油包好多奶油夠曬邪惡偶然咁樣一餐快靚正真係唔錯咖

行過走咗入去食呢間茶記老牌茶餐廳真係愈來愈少啦佢啲蛋撻好似幾出名....奶茶好香好滑溜，真係以前奶茶嘅味道雖然味道係唔係好食唔食難食嗰種…Keep住正常水平37蚊一個餐喺呢個年代算好抵食啦！

記得上次幫襯呢度大約一年前，嗰次食過蛋撻加奶茶今次目的在於遊行，因為喺附近集會，所以再次幫襯！可惜我嚟得太遲、所有麵包、蛋撻都賣哂唯有又食特餐：豬扒麵麵太淋豬扒一般最好食都係個餐包仔奶茶都過得去可以一試

連假的最後一天， 明天就要上班了，於是就從南昌坐車慢慢晃到堅尼地城，吃吃東西再到海邊走走。到了之後走到這家茶餐廳，撲鼻而來的麵包味道就先吸引了我。不小心就走進去了。因為想要多吃一點東西，所以點了看起來很好吃的蛋塔，跟走奶的奶茶，應該是這樣說吧。餐點很快就上了，蛋塔香氣相當的香，一拿起來外面的餅皮就酥脆的掉了下來，咬下去不會太軟也不會太硬。軟硬適中就對了。然後整體來說因為才五塊錢不到，算是性價相當的高的一個甜點，奶茶的話香氣非常的濃郁，也不需要加太多的糖進去，就感覺到茶香，搭配蛋塔的甜真是剛剛好，是個可以進去吃吃甜點休憩的一個好選擇的。

Early morning in this district, and have a breakfast in this old-fashioned tea restaurant. Satay beef noodles is almost a typical breakfast for me to order in any tea restaurant. Beef is okay, not too dry but of course not juicy and tender, but the seasoning is a bit awkward, with a hint of bitterness?Anyway, that is worth a try to immerse yourself into this nostalgic atmosphere, and good to noted they have their own bakery but not mass purchased by out-sourcing.

就喺隔離君豪魚蛋王，食咗一碗絕對不合口味嘅魚蛋墨丸分之後，就行入去隔離呢一間寫住 "馳名蛋撻麵包" 嘅 祥香茶餐廳，外賣兩件蛋撻，睇下係唔係真係咁好味，又睇下點樣馳名法。首先呢個蛋撻大概有一個女中學生手掌咁大，厚度大概有半隻手指，我買嘅時候呢個蛋撻唔係新鮮出爐嘅，所以冇乜熱度，呢個皮係牛油皮唔係酥皮，咬落口都好鬆脆，好有牛油香味; 雞蛋餡甜甜香香，唔算係好滑嗰種，但係總之就好有蛋味，呢個蛋撻，I like.

午餐點了餐牌上寫著“精緻麵包”（6元）和一杯咖啡（18元，窮學生既天價）又到了中午吃飯時間，和朋友去了港島區西環的茶餐廳做運動類的義工服務，住在附近的的朋友推薦我們來這家餐廳，基本可以總結為正常熱食叉燒包，食之無味麵 ，充滿上一年帶地道港式裝修的茶餐廳，膠碟子，同一淺藍色，橙色和灰白色小磚牆，折凳，方桌子，真令人懷念。本來勉強過得去，但是，他們是沒有任何菜的。 今天我心中有話，不得不發，許多香港茶餐廳有一個現象，就是多肉多週粉面飯，唯獨 沒  有 或者 有 極 少 的 菜！！燒味店好一點的，像伯賴講，在碗邊或許有條菜客串客串，但基本都是硬要把你灌肥。港大發現港人每人日均攝入664克肉類，即兩塊10安士牛扒，為英國人4倍多，排放的二氧化碳的量冠全球。當我們看一個現象，一個問題時，要從不同的角度，一個餐廳賣什麼，主要是社會的供求需要，不能怪餐廳，也有可能是我們作為消費者，無法抑制對撕咬蛋白質的衝動，對氨基酸的香味，被碳水與蛋白質之間的梅納反應深深吸引，不能自拔。不過，你叫壓力大，容易便秘的OL如何自處？香港幾乎很難找到主營買蔬菜的，廉價的，好吃的店。親愛的各位食家，可以告訴我嗎？

週末去到堅尼地城搵好嘢食，來到祥香茶餐廳，見到好多食客都食緊蛋撻同飲緊奶茶,於是我都跟住佢哋點了蛋撻同埋茶走。原來蛋撻一隻只係四個半咋，忍唔住叫咗兩隻，性價比超高。蛋撻的皮係我自己最喜愛嘅牛油皮，好香牛油味，而裏便嘅蛋漿唔算好甜，味道適中。至於茶走茶味香濃，煉奶嘅配搭簡直就係將個味道提升，口感香滑。今日嘅美食實在令週末生色不少。留意番因為一來坐低食係有最低消費嘅咁所以如果真係淨係想食蛋撻嘅就要外賣啦。

祥香系西環一間好出名嘅懷舊冰室，有唔少街坊同區外人都會慕名而來買各式糕點同埋試佢個常餐而大食妹我呢經過嘅時候見到新鮮出爐嘅蛋撻都忍唔住執咗個試吓呢間冰室出品的蛋撻有無香港味道先<蛋撻$4.5>(好味:4.5/5) (抵食:4.5/5)結果系，蛋撻真係有蛋味撻皮好重牛油味呢唔好以為蛋撻有蛋味同埋牛油味係理所當然，依家好多大型餅譜嘅蛋漿都溝到好稀，完全溝走晒啲蛋味而撻皮都落少咗好多牛油所以冇晒牛油香氣祥香大大話話都叫一間有名氣嘅冰室，仲可以做到蛋撻有蛋香牛油香，真係好難得大食妹最鍾意食蛋撻㗎啦下一次經過祥香記一定要encore個蛋撻

陪朋友到西環果頭攞嘢，攞完嘢順便喺西環食埋晏啦一於。大馬路有間勁古老舊式嘅茶餐廳，應該叫冰室？就係祥香茶餐廳。因為真係好舊式，佢仲有賣埋啲蛋糕仔、蛋撻、老婆餅、椰撻。白色磚牆、舊式飯枱、木櫈一一都體現出呢間鋪嘅年代。我哋叫咗兩個豬扒雞蛋飯加蕃茄汁，一個豬扒雞蛋飯黑椒汁。仲有個食豬扒豬仔包。個飯餐總體係好食嘅，豬扒唔老唔太硬嘅，係我個黑椒汁比得少咗啲。我個frd就話豬扒豬仔包係伏嘅，買嚟食唔抵，佢自己喺屋企都整到，冇需要喺度食。

茶餐廳是香港獨有文化，有樓上雅座的茶餐廳更加有一份懷舊味道。今日下午要出去西環工作，忙到lunch都未有時間食，經過祥香就入去快快食個下午茶啦。值得一提，裡面的侍應們都態度親切慇懃。吞拿魚西多士薯餅吞拿魚西多士真係第一次見，所以就點泥試下啦，點知好奇害死貓，未至於難食，味道就真係一般般，就好似吞拿魚三文治拎去炸咁。薯餅就同m記ge質素差唔多，熱辣辣好脆口。奶茶點了奶茶小甜，每個人對小甜定義不一，而呢杯甜度對我泥講真係剛好，茶底又夠香濃。

祥香位置極近港鐵站，餐廳由外觀，門口嘅玻璃麵包櫃，室內裝潢，以至枱櫈餐具，仲有樓上閣樓，全部都滲透住一陣濃厚嘅地道港式情懷。今次係我第一次到訪西環三寶之一嘅祥香，適逢係農曆年後，見好多熟客同員工有講有笑，派利是嘅開心，收利是嘅高興，感受到只係老店先會有嘅人情味。⭐️特餐 HKD$36叉燒通粉•牛油餐包•火腿煎蛋叉燒大大塊，啖啖肉，味道都唔錯。牛油餐包好味，香濃牛油配鬆軟餐包，上枱時仲熱辣辣。⭐️菠蘿豬扒包餐 HKD$33自家焗嘅麵包，鬆軟得嚟比較實淨，而且感覺較少油。豬扒入味，無骨。⭐️茶走 & 熱檸茶最期待嘅茶走，茶味香醇，口感滑溜👍🏻茶底正👍🏻熱檸茶同樣好味。