祥香茶餐廳 (已結業)

餐廳環境唔係要睇圖片啊。未睇都知道 燈光一定係極暗 個地板一定係好滑。氣氛黎家嘛 以前係咁ga喇 唔係點叫幾十年老字號。 不過我明 食情懷嘛。幾十年不變咪就係佢既特式囉。 伙計？唔係要講啊。 見過西面未？ 西環餐廳西面就梗ga喇。 態度咪即係好有自己個性。 情懷丫嘛 唔9屎邊會似茶記 。 咩餐具？ 幾十年你自己思考下喇。咁多客 唔係諗住佢會洗得乾淨啊。 份量啊？ 如果下午茶可能都頂到6點既。 不過都唔重要 情懷嘛。 除左食情懷。。。。 一無是處。 歡迎食歷屎既各位參與。

幾乎每一位堅尼地城街坊都認識嘅茶餐廳，身為唯一僅存嘅「西環三寶」，以新鮮出爐嘅蛋撻、菠蘿包、蓮蓉餡雞尾包同「茶走」而係呢區屹立超過半世紀🍞踢對拖鞋🩴 嚟買個菠蘿油，吃個蛋撻，飲杯奶茶，坐低睇下報紙📰 同老闆伙記傾下偈，就係上一代香港人嘅日常🌞/ 菠蘿油/ 🧈/ 祥香王牌之一嘅菠蘿油，雖然就唔岩出爐時間，但暖笠笠嘅菠蘿包，加埋凍冰冰嘅牛油，冷暖交融，香甜不膩🍍一個嚟講真係幾抵食，不過味道就唔算好驚喜，行過買個下午茶都不錯，但如果專程過海嚟食就可能會失望了🙈餐廳為左維持鮮製同熱辣辣嘅飽點嘅口感，即使成本係膠袋嘅十倍，外賣仲係用雞皮紙袋🛍 雖然紙袋會滲油而比較容易沾污雙手或者其他物品，但同時紙袋比較「疏氣」，所以可以防止倒汗水焗係袋入面，而沾濕麵包💧一份堅持係承傳文化，亦係環保♻️

所有食物停留在50年前，如果懶於進步故步自封能上歷史的話，那麼的確這家店能上。平心而論，低於連鎖快餐店水平。餐具、食物，都是定格在半世紀前的樣子。粉面50g不到，一口可以吃完。煎蛋也佈滿黑色的油漬，應是廚房未能洗乾淨廚具。牆面上貼滿20年前蘋果日報的小專欄。此報紙已作古，看來此店若不是因為爺爺買下了物業，大概也是一樣的結局。唯一可圈可點的是waiter禮貌客氣，手腳麻利顧客會用腳投票，復古不是劣質的理由

話說週末黎開哩頭睇戲，沿路行過黎見到哩間老字號茶餐廳，門口寫曬馳名蛋撻奶茶咁，就決定睇完戲之後黎整個下午茶🫖餐廳坐位唔算多，而且樓下冇位就上左上層，環境就係一間有歷史嘅茶餐廳咁，唔會好光猛，啲嘢唔會好新淨，但係感覺都係乾淨企理嘅～我地兩個人叫左兩杯熱奶茶，我地都鍾意嘅曲奇皮蛋撻，同埋一份西多士～我覺得西多士係合理期望，不過可以再脆啲同香啲😛蛋撻都幾好食，唔會太甜，可能我地食左西多士先，到食蛋撻果時已經唔再熱辣辣，同埋如果個曲奇皮再香啲會仲正！我覺得重點係杯熱奶茶！！完全出乎我意料嘅好飲！！茶味香濃得黎一啲都唔苦澀！仲要幾滑添🤤🤤 可能有人會覺得太濃冇咩奶味（不過用黑白淡奶都.. 應該冇咩奶味㗎下嘛？😆），但係我就係覺得佢啲茶味真係夠香，超鐘意！！果日我午餐飲左杯咖啡，下午茶飲左哩杯特濃奶茶，夜晚都冇訓唔著😆✌🏼價錢我唔係好記得，因為係假期，所以冇任何下午茶餐優惠。總括黎講哩間茶記都幾好啊，下次有機會再黎就試下佢啲咖啡☕️

黎堅尼地城西環海邊市集行逛，路經見到祥香園。一望是超舊式的冰室格局，即刻入去試試。可惜接近收工時間，已經賣晒方包同叉燒。叫左個特餐加蛋撻。蛋撻黎到即食已經忘記影相。雖然放涼左，仍然很鬆脆，牛油皮，蛋很滑。特餐沙嗲牛米有驚喜。深啡色的沙嗲汁不同坊間茶記一式一樣的味道，很有個性亦少油，贊！更喜歡佢個牛肉不是用粉拿到滑晒冇口感，是近似火鍋那種手切肥牛，比滑牛多幾分口感同牛肉味。餐包更是實的的，不似平日食完好似冇食過的一陣風，呢個堅飽肚。有緣希望下次可以一試西多同雞翼。

做完嘢去附近食個下午茶$12 兩個蛋撻 薄嘅牛油撻皮 唔係新鮮出爐就不過不失$10 菠蘿油$10算好抵 個包好實淨但唔算太熱$33 薯餅雞翼餐 唔算好多地方下午茶有薯餅食，全部都熱辣辣OK啦$29 熱狗冇熱狗包轉咗做普通餐包，個包食唔晒已經飽到震，因為啲包唔係空氣包熱奶茶 正常好飲

想飲個懷舊既奶茶 食個菠蘿油同友人食左$6 蛋撻（厚牛油撻皮）不過不失、$10 菠蘿油 （厚實包，唔算好熱, 但$10抵）$29 熱狗🌭️冇熱狗包轉左餐包，想像中味道一樣、厚實，廚師腸蕃茄沙津醬$33雞翼薯餅，唔多地方有薯餅，通常都係薯條，ok、熱奶茶都係食懷舊、地方乾淨味道就正常啦就都抵食既

香港情懷！朋友帶我嚟呢間茶餐廳食特餐，貪佢平日唔使等位。門面完完全全就係八、九十年代茶餐廳嘅裝修，玻璃櫃擺上新鮮出爐嘅麵包、蛋撻。我哋行上一層樓梯，坐得舒服啲。特餐- 我揀咗沙嗲牛肉米粉、煎雙蛋、牛油餐包、熱檸水。同一般茶餐廳上菜速度一樣，快！沙嗲牛肉個醬汁偏杰同鹹，冇乜沙嗲味，牛肉片都好淋、冇咗咬口。個人比較鍾意食牛油餐包夾荷包蛋多啲。喺呢個舊事物慢慢被時代淘汰嘅城市裏面，要好好珍惜呢份香港情懷特餐。

行山前食早餐係黨鐡附近搵到間老牌茶記比佢門口自家出名麵包吸引估佢杯奶茶應該掂套餐唔多選擇簡單我地都係叫二個特餐太飽食唔到佢菠蘿油菠蘿油都係$10好多人叫杯奶茶真係好耐冇飲過咁熱真係超贊👍🏻👍🏻👍🏻麵底係大光麵其他正常冇話特別舊式用𨋢送餐

住附近但好少去，今日無聊去食下午茶奶醬多士+ 奶茶 = 28 多士係我呢世仔食過最難食的，面包濃苦，極極極少花生醬和奶，完全係濃面包簿麵包一塊呢啲咁嘅老子號得個名，不思進取，真係無謂幫趁

過去週末有事要幹過左去西環，到下午茶時段想搵少少野食，剛巧行呢間設有樓上雅座老茶記。以為食少少，邪惡充昏我既胃口飽到晚餐唔太食得落。食完之後上網睇返，原來呢度既蛋撻同奶茶茶走係出名(´∵`)⚑⚐゛吞拿魚西多士薯餅 $31下午茶套餐邪惡之選，西多士甜食就多，咸食就真未試過。 新鮮熱辣炸完多士外皮脆而鬆軟，內裡既吞拿魚餡料配搭落又幾有趣。 反而薯餅食落有失望，食落比較鬆散而且油膩。Anyway，都係食哂。⚑⚐゛特餐 $39基本配置牛油餐包，火腿煎蛋，沙嗲牛公仔麵。整個餐唔算有特別，唯一特別係佢牛肉放麵底，唔通真係寶物沉歸底，不過牛肉食得出係鮮牛肉，唔會醃到梅哂，同味道都唔over。⚑⚐゛蛋撻 $6係曲奇皮！蛋好滑，只可惜佢唔係新鮮熱辣出爐啦⚑⚐゛奶茶 跟餐叫左一個茶走，一個普通奶茶☕️茶走果然係飲品邪惡之最。甜甜的配搭香濃的茶味咕嚕咕嚕咁就飲哂。⚑⚐゛合桃酥 $10走的時候見到廚窗外的合桃酥，又想試下點知佢既質地係好似咁椰撻咁，一掂就散開了，係傳統係咁定係點？ 運送返屋企完全有困難！呢個我就唔係太推了

今日去祥香買蛋撻, 守櫃面的人, 應該是店主用找續錢嘅手徒手拎蛋撻放進膠袋比我, 佢隻手掂過咁多錢, 徒手攞蛋撻完全無衛生意識, 啲蛋撻仲係凍添, 諗起都唔開胃🤢, 我唔會再幫襯。

這間老店位於堅尼地城卑路乍街的懷舊茶餐廳，原來有40年歷史，歷史悠久，老闆說1979年接手到現在，店舖的枱櫈還保留在80年代，沒有新潮特別的裝修，座位不算舒適，店內還帶有一種人情味😌聽講這裏的蛋撻很出名，所以特意來試試同朋友點了一人一個菠蘿油，和一件蛋撻，熱鴛鴦同凍奶茶📍蛋撻蛋撻餡好滑溜，有甜甜的蛋香😍，牛油餅底脆得來很鬆化，店員說是曲奇餅底📍菠蘿油菠蘿包皮好脆，不過我覺得牛油太少可以多啲厚啲，點了杯熱鴛鴦

今日專程開車去見識呢間網上介紹歷史悠久嘅餐廳果然冇令我哋失望叫咗半打蛋撻，蛋漿入口即溶，餅底脆得來夠鬆化，最重要佢係曲奇餅底。只係泊車方面比較麻煩，因為我哋剛去的時候蛋撻仲未出爐，要等多大概五到10分鐘，所以都係停喺路邊。價錢方面，$5 個蛋撻非常抵食👍🏻

<眾樂樂不如獨樂樂，一個人食飯的享受>第一次試依間野，叫咗茶餐廳最常叫到嘅特餐去試，整體俾到嘅感覺都屬於中下水平。麵包：麵包完全係食淨包一樣，入邊差唔多係冇落過牛油。依個包亦都係凍，應該擺咗一段時間。不過可以接受到依款特餐類嘅包屬於中下水平嘅貨色，始終個包並唔係依餐主角。火腿：火腿明顯係溶雪時間不足，食到嘅都只係得雪味。相信都只係就咁用熱水焯過然後放得一段時間，有人叫就拎上碟煎蛋：煎蛋問題同上邊一樣，都係凍嘅。由蛋白到流出嚟嘅蛋汁都係凍嘅，令我諗夠竟依隻煎蛋放咗幾耐沙牛麵：依個主食比起頭先我幾款已經屬於好食，但依然屬於一般水平。沙嘜湯唔係太 濃烈，以致麵唔可以成功吸到啲沙嗲味。牛肉份量尚算足夠，不過都算切得太薄。奶茶：奶茶屬於較濃味，而且夠多奶。去到尾段亦都唔會因為溶冰而令到杯茶淡味。成餐飯最好嘅一樣野。總括：餐廳明顯忽略咗包，煎蛋同火腿依堆唔需要花太多時間從而令到佢哋變得好食/熱啲嘅食物，而沙牛麵以依個價錢黎講亦尚算可以接受。可能餐廳真係做一啲下午茶類型嘅食物會較出色，但今次食每間茶餐廳都有嘅特餐，感覺佢哋可以有一大段進步空間味道：3/10價錢：$42性價比：5/10