福來居(牛記)海鮮飯店

营业中

休息中

5月9日 老媽生日 見食評不俗 訂了5位9點15分去完迪士尼 睇完煙花 早左少少到 9點05分爆場@o@ 勁!!問有無位話訂了枱....無...ok~~唯有等 唔夠2分鐘一位阿姐帶左我地過牛記~~以為有位啦..點知..無位 無人理 俾人丟低..問伙記 無人知 有位時俾左其他客 問老細~老細勁忙叫我等一等 ok 我等 等左陣 無人理 再過福來居找老細問 老細忙都唔見人 @o@真辛苦~ 返回牛記 我妹受不了炮轟牛記收銀 剛好有人走 有位 便俾了張接近廿人大枱我@@ 跟住老細拎住張單由福來居過來 剛好又有人走換了張十人枱俾我 ~因為留了一斤海蝦 老細見我得5人 建議我要12両 開邊蒸夠5人食~因為這兒的食評讚老細老實 好人 當然信住佢啦~的確 5人食12両 很不錯~呵呵 老細你好野~是晚吃了~豉椒炒聖子王 5隻 好味道 爽口彈牙 又鮮甜 合口味!!豉椒炒蜆 好吃 無沙 夠野味 無怪味 好!!椒鹽鮮魷 香口 彈牙 我喜歡^^蒸扇貝 5隻 很不錯~椒鹽豆腐 這個好吃又大碟 雖然不及越華會的 但價錢相差不一樣 這個價錢來說已經很好的

若不是openrice及家人大力推介，恐怕打死也不會來此吃飯，皆因地店雖就近地鐵站，平時根本不會經過基隆街；加上店外一地都是積水，舖子又小，坐的都是圓凳，好不容易找到幾張有背的凳子給小孩子坐，算是能安頓下來。可惜坐靠出位置跟鄰桌太接近，不免要捱端菜侍應的碰撞。先來炒蟶子和霸王雞。吃海鮮大的我也覺肥美無沙的炒蟶子無得頂：新鮮、好肉，有質感(聽聞比蟶子王更好吃)。至於霸王雞，聽聞是走地雞緣故(未經證實)，有丁點韌。再來蒜蓉蒸扇貝、椒鹽巨型賴尿蝦和薑蔥炒蟹，扇貝不錯，但沒舍特別﹗可能是其他菜式太搶吧﹗要數印象最深刻的，可說是椒鹽鮮魷，很香口，很厚肉，我敢說這是我吃過最好的椒鹽鮮魷。另外還吃了炒蜆、炒通菜和生炒骨。晚飯吃畢，禁不住要說：捱撞都抵﹗若不想失望而回，緊記預訂海鮮，否則售罄便白行一趟﹗還有，若吃的海鮮都是大件頭的話，價錢也不便宜。這餐一10人便吃了二千多元。

一家人8大3小,我做東.預早一日訂位;老世叫我最好留定D海鮮.好在有聽老世講姐...-__-"20:00去到,嚇了一跳...對面街鋪牛記及大鋪爆哂棚不特止,兩邊行人路都坐滿人...食客的坐架已拍成雙行...數人指指下mark實哂D游水海鮮...有好幾人想mark實發泡膠箱中那條石頭魚...老世沒好氣的說:冇石頭魚呀,一早冇哂啦...雖已訂位, 都要等上手埋單走人我們先可以埋位; 幸好都不是等太耐.海鮮大部份已預先order,開句聲就可以上菜...叫了好幾個小菜...雖然唔係老世幫我地落單,佢見到我地張單,:喂,你地有幾個細路黎...食唔食到12個送呀...不如寫少1,2個啦...家姐:食得哂食得哂...老世笑了笑...拿, 提左你地啦...椒鹽賴尿蝦:- 4只裡面有一只唔夠新鮮.但另外3只令我家人滿意非常, ranking 係是晚菜式中的Number One. 好鮮甜, 好彈牙.清蒸深海大泥:- 唔食得蝦蟹類的我, 會ranking佢係是晚Number One.真係好有魚味, 肉質超實, 擺凍左(因為太多野,食唔切呀!)仍然一D腥味都冇. 正!薑蔥炒泥蟹:-佢地話都ok不錯,不過給賴

旅行回來後也沒有好好在家飲酒食飯，見當晚比較有空，便買了二支酒回家，再來這裡買幾個小菜回家。蒜蓉粉絲蒸聖子- 蒜蓉粉絲很香很爽口，味道出色，如果送飯更一流；聖子蒸得剛好，大大隻又鮮甜。蒸鮑魚- 外貌幾好，但肉質好韌，而且沒有什麼香味(唔入味)，價錢還要60元一隻，下次都唔會再叫，唔抵食又難食。葱油雞- 雞雖然不是新鮮雞，但雞肉還算嫩滑，味道都很好，份量都幾夠，唔錯。椒鹽鮮魷- 雖然拿回家焗了一段路，比較上焗淋了一點，但味道還是這樣好，但可惜得二個人食，食這樣多煎炸食物，實在太飽肚了。價錢唔算平，食物一般水準都幾好，但環境就唔多乾淨，外賣感覺會好一點。

好友們為我和另一朋友慶祝生辰, 謝謝~~這裡其實幾地痞, 也幾地道有氣氛.食物也美味有鑊氣兼抵食.豉椒炒蜆- 蜆雖細隻但無沙, 整碟不會殼多過蜆肉.蒸帶子–肉厚鮮味, 但略有點過火.上湯豆苗–總要有碟菜吧!半隻葱油雞–很美味啊! 雞肉新鮮肉嫩, 肉質彈牙, 連雞胸也不鞋, 超讚!蒸斑–火喉得宜, 剛剛熟.再加椒鹽骨–炸得香口不油, 豬扒不乾不鞋.

三個佬食飯，又不想洗太多錢，就不如去這店食海鮮。因為不熟地頭，所以找了一陣。這店沒有裝修，可以說有點簡陋，有幾個鋪位。我們坐的那間是日間做茶餐廳的，摺枱、圓櫈是這鋪面最大的投資。這店沒有餐牌，亞姐話想食乜做叫，香港人這次真的有選擇，想點就點。灼蝦半斤：挺鮮味及大隻，是海蝦不是基圍豉椒炒蜆（例）：幾多幾野味蒜泥粉絲蒸大聖子（三只）：很大隻，鮮味，但粉絲不太入味，蒜香不夠霸王雞半只：一般、偏油蒜泥豆苗：多油偏鹹、但苗嫰敬送例湯平平地有海鮮食，又幾夠鮮味，都幾好

食過2次, 海鮮真係得, 新鮮好味得黎老實先最難得...分別試過:蒜蓉蒸扇貝(例4只)豉油王蝦碌咕嚕肉椒鹽鮮魷草菰炒豆苗合共$3xx豉椒蟶子王皇(例4只)紅燒豆付豉汁蒸帶子(例4只)清蒸鮑魚(2只)1個飯合共$362樣樣都新鮮好味, 讚!

辦完年貨，主人與奴隸獸就前往『福來居』晚飯。剛坐下來，還未點菜，就端上一大碗例湯（木瓜煲五花腩），味道一般喇！跟著我們就點了：1. 油浸荀殼魚（HK$96）：一款已經久違的菜式。魚表面炸得鬆脆可口，魚肉則甘香嫩滑。非常好味。2. 蒜蓉粉絲蒸象拔蚌（HK$88）：蒸得恰到好處，味道OK。3. 八珍豆腐煲（HK$50）：八珍有鮮蝦、鮮魷、吊片、豬潤…..等等，份量足，味道亦唔錯。好彩光顧的時間早，埋單時，全店已座無虛席。

母親大人生日，一家三口去牛記食晚，雖然地方簡陋，但勝在海鮮新鮮，又抵食。叫了: 4隻豉椒炒大聖子，很香口惹味，大聖子啖啖肉，肉鮮質爽，口感好正，用黎送飯真係一流。薑汁芥蘭：無咩薑汁味，芥蘭好粗，不過有少許\老上湯龍蝦煎米粉: 之前通常食大蝦煎米粉，今次豪d食龍蝦。隻龍蝦有成兩斤幾重，淨係隻龍蝦都要成六舊水。啖啖肉，新鮮，唔會呃秤。但龍蝦d肉始終唔夠瀨尿蝦爽。米粉煎得好香脆，唔會好油膩，加埋d上湯一齊食，簡真無得彈！好大碟，所以雖然我地只係叫咗三個菜式，都已經飽到上心口。

最近家人生日，父親母親節總會提及到牛記。甫坐下便有例湯，味精不多但味道不錯。由於家人都好海鮮，每次都問老闆有咩海鮮生猛。差不多每次都點鼓椒炒蟶子王，椒鹽瀨尿蝦同扇貝，呢三樣都整得好好，十分惹味。有一次點了斑頭腩，味道不俗但不是每次都有。一家人大概6個，有3碟海鮮，半隻雞加兩個小菜同鼓油王炒面就夠晒。最後仲有果盤送~

恕我見識少,一直少到旺角,太子等地. 今日要朋友帶領,先識到此晚膳. 地方極簡陋,亦沒有餐牌,但見其門如市,亦有槢於街外,心想必然是個好地方.由朋友點- 1. 蓮耦炆枝竹(半份):雖然我喜歡爽蓮耦,但這兒的粉蓮耦同枝竹勁入味,似是帶丁點南乳味,但又說不出的特別.. 總之好味!!2. 豉汁炒蜆:惹味,不過有少少沙.3. 蒸頭腩:好新鮮,好好味.4. 白切雞(例牌):頗肥,但勁香油味,雞味.5. 芥蘭炒蠟肉:芥蘭超大,以為會好老,原來仲好爽嫩.不過都幾多油.仲送青紅蘿蔔湯及西瓜/哈密瓜果盤.總括來說,如果你是健康飲食者或是想坐得舒服,此處絕對不是你那杯茶.但如果你以食為先,便不妨到此.我相信會帶其他為食好友再訪是晚3人吃飯,朋友請客,只知大概$3xx.

朋友飯聚, 今次居然有5個人咁多, 可以叫多o的野食. 我地去福來居(牛記)海鮮飯店, 大家都未去過, 一入門口, 見到一個貌似老闆娘的人口叼著香煙對我們說: "幾多拉". 幸好我們未有被此人的殺氣所阻, 回說:"5位, 訂左枱 ", 另一位伙記便帶我們到一張足夠8人坐的大枱 坐下, 其中一位提議到此吃飯的朋友居然問有沒有餐牌. 天呀!吃飯前有上網查資料都知道這裡是沒有餐牌的, 當另一位朋友開口提醒他時, 一位與之前老闆娘有幾分相似的女士(疑是兩姐妹), 便問他:"你地第一次黎架". 唉!咁就比人識破左. 這位女士, 向我們介紹一些菜色, 結果我們點了6個菜.點菜後先送上一窩例湯,應該是蘿蔔雞腳豬骨湯,是免費的,味道幾清,沒有下味精.最快上枱 就是薑荵霸王別雞, 雞不會太肥, 雖然肉質不夠嫩, 但雞味可是十分濃的.再來就是白焯花螺, 雖然唔係咁識食花螺, 但覺得十分爽口, 味道也不錯第三碟上枱 的就是豉椒聖子, 我們叫了5隻, 但到上枱 時已經撈埋一碟. 聖子十分鮮甜, 爽, 再加上豉椒炒, 十分惹味. 相信是來牛記必吃的菜式.椒鹽鮮魷, 粉漿不會過厚, 外層炸得金黃香脆,魷魚爽口加彈

選擇係到食係因為我真係想食一d好好味既野不管環境一般但d野食真係幾好味我地叫左蠔餅--蠔大隻,有蠔味,口感好豐富,唔會油淋淋蟶子--雖然係用豉椒炒,但都食到好鮮甜,好正椒盬鮮魷--好新鮮,熱呼呼,好味沙拉骨--啖啖肉,個汁酸酸甜甜金銀蛋燕菜--無渣西蘭花--好味豉油皇大蝦--有膏,好鮮甜當我帶我d朋友黎到呢到佢地真係唔敢相信我會選擇呢到因為門口有d dirty不過我就係鍾意呢種地踎feel

和老友T 兩公婆近期的第二次飯局。這次T 說想吃海鮮，我就提議到福來居，不過當然事先聲明這家是地痞小店，他倆不介意才敢帶他們來。明明早兩天已打電話來訂位，但店家卻說沒有紀錄，幸好時間尚早，店仍未坐滿，否則就掃興了。一坐下自動送上招牌例湯，是日乃青紅蘿蔔煲豬踭，味道不濃，但勝在沒有味精。T 無雞不歡，先點半只霸王雞給他解饞。雞依然非常嫩滑，店家選雞果然有一手，難怪幾乎每檯客人都有一碟雞。這天沒有蟶子王，就點了豉椒炒蟶子。雖不及蒸蟶子王那麼鮮甜彈牙，但豉椒十分惹味，蟶子若是再飽滿一些就更佳。再來是燜頭腩，福來居的鑊氣夠，雖然魚肉不多，但每件都沾滿香氣，T 讚不絕口。水煮東風螺，簡單不落調味，吃的就是鮮味。有了上次的經驗，這次整隻大蝦都以豉油王製，單嗅著外殼的味道已令人垂涎，更不用說充滿橙金色膏的蝦肉，是何等的美妙。吃到這裡有點意猶未盡，見鮑魚肥美得很，就蒸四隻來吃。這鮑魚的肉比殼還大，煮至僅熟，故尚餘少許筋道，吃來特別滋味。飽餐一頓，每人不用三百，在市區要以合理價錢吃好的海鮮，福來居真是不二之選。

星期六晚一行12人在此食飯, 7點已很多人, 可能好多人提早做節?叫了10樣餸, 大多數都是海鮮, 因它出名海鮮好味又經濟, 計有蒸斑, 炸魚, 蒸花蟹, 炒花"羅", 煎蝦, 煎豪餅, 炒菜, 生炒骨, 豉油雞, 豉油王炒麵. 全部都好好味, 尤其是蒸魚, 蒸蟹, 煎蝦同豪餅, 真是回味, 所以要食好味海鮮, 這裡真是平靚正, 已食了好幾次了.加埋數罐啤酒汽水及幾個白飯, 埋單只是$20xx, 好抵食嫁.