福來居(牛記)海鮮飯店

营业中

休息中

這間有蓋既大排檔式既老字號出名底食。一試之後﹐原來確實如此。小弟最喜歡既就係大大隻花竹蝦兩味﹐分為椒鹽蝦頭和上湯蝦身跟抄麵底。蝦膏香濃﹐機乎可以跟大閘蟹膏比美。蝦身夠西啖啖肉﹐又夠爽口。正﹗霸王雞需然皮厚﹐但非常嫩滑﹐就連雞胸肉也是。抄菜最重要係鑊氣夠﹐這當然無問題啦。聽講這裡既椒鹽白飯魚也做得不錯。下次一定要試o下。如有新鮮海魚﹐這裡應該會煮得好。

經過太子黎到福來居買左份椒鹽鮮魷返屋企加餸. 鮮魷好厚身, 粉漿唔厚, 夠香口, 份量唔少, 一個字, 正! 食得過! 下次叫埋全家人黎食晚飯.

2006年1 月2日招呼星加坡來的朋友到此。豉汁蒸扇貝- 大隻鮮甜，豉味剛好不會搶了扇貝的原味。蔥油雞半隻- 嫩滑。蒜蓉粉絲蒸象拔蚌仔- 象拔蚌仔也好鮮，但略嫌蒜蓉味太香濃，有點兒喧賓奪主。西芹炒斑片- 斑片新鮮炒得僅熟，好。大蝦- 好大隻，豉油皇煎的香口惹味；白汁的味較清淡。但火喉又控制得好，炒得僅熟不會過老。白灼蝦- 蝦新鮮就好味，沒任何花巧，不過如果辣椒豉油辣些更好。炸大腸- 一流頂呱呱，外皮好脆，內面好juicy，沒有橙橙紅紅的人造色，很乾淨又沒有壓味。自紅酒不另收費。埋單$720

早幾日和辣椒女兩個再來這裏食，我們叫了蒜蓉炒豆苗、豉汁蒸蟶子、生炒骨和椒鹽白飯魚。蒜蓉炒豆苗- 豆苗好新鮮嫩滑，炒得又唔會好多油，幾好。豉汁蒸蟶子- 蟶子新鮮又彈牙，味道清甜，但豉汁味比較濃，把鮮味搶去了不少；我自已還是比較喜歡蒜蓉粉絲蒸會好味。生炒骨- 肉質唔錯，但就比較酸和唔夠脆。椒鹽鮮魷- 炸得好好味，粉醬唔會太厚，送酒的最好選擇，但兩個人食又真係多了點。比較唔方便的是，這裏沒有菜牌，有什麼菜式和價錢，全部唔知，只有問侍應才知有沒有，都幾麻煩。

昨晚兩個人在家飲酒，想起這裏的小炒未試過，就叫來試試。我們叫了豉油皇中蝦、香煎牙帶魚、西芹鮮魷和蒜蓉粉絲蒸蟶子。豉油皇中蝦- 蝦肉新鮮，可惜拿到回家已經有點涼了，還是在那裏食會好。香煎牙帶魚- 魚肉幾鮮味，但就好多骨，對一向怕多骨的我，就真係麻麻了。西芹鮮魷- 這個比較一般，味道也很普通。蒜蓉粉絲蒸蟶子- 叫了兩隻，原來都幾大隻，味道鮮甜，加上香濃的蒜蓉粉絲，送白飯真係一流。這裏的小炒都唔錯，有機會遲可以約朋友一起來這裏試試。可惜這裏環境麻麻，地方又比較細。

昨晚放學後，回到家附近，感到還有點餓，所以來這裏試試。因唔算太餓，所以只叫了一碗蠔仔粥和蒜茸白菜仔。蠔仔粥- 粥煲得幾綿，蠔仔都幾大隻，但就沒有什麼蠔仔味，但二十幾元一碗，又可以要求點什麼呢！蒜茸白菜仔- 蒜茸味比較少，可能係落得少蒜茸吧；白菜仔都幾新鮮，咬口都幾好，但叫白菜<仔>就好像大了點，而辣椒女就話幾鍾意這麼太條的白菜。因人少食唔到什麼，下次再來要試清楚一點。

2005年11月9日今天是小頭的畢業典禮，把握機會和同學們映相留念，因為不知幾時再有機會見。和x2到牛記晚飯慶祝:大青島一枝例湯- 送的，人人有份，味道幾清，沒有下味精。今晚是木瓜煲豬骨，豬骨肉點辣椒豉油好食。薑蔥炆斑頭腩- 今晚炒得較濕，乾身點會更好食。小頭喜歡斑片因肉多易吃，x2卻喜歡頭腩好咬口。蒜蓉粉絲蒸扇貝- 四大隻，好鮮味。豉油皇煎花蝦- 兩大隻，肉很結實，豉味剛好，不會搶了蝦的鮮味。果盤- 又是送的，通常是西瓜、蜜瓜和木瓜，好笨甜。$344這店的炸大腸(不是一般紅卜卜乾爭爭那樣，沒有染色，皮脆但內裹仍很juicy)、霸王雞、豉椒炒蜆/蟶子、椒鹽尿蝦等都頗有水準。反而豉油王炒麵我嫌鹹和硬。

中式鑊氣小炒的表表者，晚上其門如市，開到成條街都係不特只，連隔離及對面的舖位都係其勢力範圍，可以而知有幾旺場！一行十多人分兩張檯，吃的小菜全都是一式兩份：霸王雞- 嫩滑有雞味而且不肥，一個很好賣的菜式，眼見侍者不斷端進廚房，門口原本掛著的好幾隻雞不消一會便全被order了！炸大腸- 做法特別，不像吃慣的炸到脫水，這個是"保濕"的，還可感覺到肉嫩，切法也有別於一般，是一碌碌破柴式劈開的。炒蜆- 不錯，夠鑊氣但例牌太細碟了。金銀蛋莧菜- 除了金蛋和銀蛋外，還有蒜子和肉碎，最好食的要數到蒜子！其他小菜還有豉椒鵝腸、生炒骨、京都肉排和豉油王鮮魷，只是生炒骨較令人失望，其他也是不錯的。埋單兩圍連啤酒汽水共$12xx。食物整體不錯，頗有大排檔feel，最o岩三五知己(最好是男的)聚一聚暢飲一番！

黎過呢到幾次, 覺得d野食唔錯, 海鮮都算多選擇, 最緊要係新鮮, 價錢都算是合理. 上次食左炒大聖子, 好味道, 炒班片又好食, 所以值得再去食.

昨晚一行十三個大胃王，到牛記吃生日飯，點知要等位，我們從6:45 等到8:15先有位，認真旺場！好在未入座前已經點定菜，所以一座低就有得食。這兒的水準認真不俗，大家越食越起勁，越點越多。最後竟然13個人吃了19碟，1個湯，4碟生果盤！認真誇張！昨晚菜單例湯；應該是青紅蘿蔔煲豬骨，送的，無味精，淡少少，但都可以。白灼螺；新鮮，好味。油爆荀殼魚；魚好新鮮好滑，一D都唔乾，好。椒鹽瀨尿蝦；新鮮，有好多膏，好味。薑蔥炒膏蟹；新鮮，有好多膏，但D蟹唔多夠入味。椒鹽中蝦；新鮮，蝦肉好實，好好味。椒鹽骨；普通，咸D。生炒骨；好好味，唔多粉，唔太肥亦唔太廋，酸酸甜甜好醒胃。豆豉鯪魚油墨菜；好好味，唔會太多油。腐乳通菜：OK，普通菜式。豉油皇炒麵；食4碟，麵炒得好乾身，又唔會太多油，唔錯，果然是越簡單的菜式越能顯出功力。花生鴨翼；入味，好味。豉椒炒蜆；味道剛剛好，但如果D蜆大隻D仲好。豉油皇鵝腸；好好味，特別是吸收了所有精華的芽菜。煎蠔餅；香口，好味，D蠔仔好肥美。椒鹽白飯魚；香口，好味，好新鮮，唔會炸得太乾身，唔多粉又唔會黏在一起，一條一條咁吃，好有海鮮味，好似食緊薯條咁。霸王雞；好滑，好有雞味，唔會

Happy hour後, 其實唔肚餓, 不過點都要搵d野落肚, 於是就行左過黎開餐. 成十點都有九成滿, 應該唔錯掛?無乜頭緒, 問阿姐有乜推介, 果然又係各類海鮮. 但當時我同朋友兩個都已有些微醉意, 可能因為咁, 所以非常易話為, 就要左四隻蟶子, 蒜蓉粉絲蒸. 蟶子好大隻, 幾鮮美; 蒜蓉粉絲係好細心咁逐撮鋪上蟶子面, 吸盡蟶子汁, 好甜.朋友叫既椒鹽鮮魷, 食得出係新鮮貨色, 唔錯, 好岩送啤酒; 金銀蛋莧菜夠清, 唔會油膩. 3個菜加埋2枝啤酒, 埋單$24x, 比預期中貴, 但都算好食既.

特點係小抄鑊氣夠, 燒味好入味, 河鮮都十分鮮味! 係一味中式牛柳麻麻地之外, 其他都好得! 唔好睇佢無裝修大牌檔feel, 好爆o架!

今日一家又去牛記開餐。先嚟無味精免費靚例湯；叫咗生炒骨、涼瓜炒肉蟹、八珍蝦醬炒通菜、豉油王炒面！生炒骨--酸酸甜甜，好惹味，一D都唔肥！涼瓜炒肉蟹-- 第一次咁樣食。涼瓜炒得好好味，又有蟹ge 味，蟹十分新鮮，肉質甜美！八珍蝦醬炒通菜--八珍指豬肝、蝦、鮮魷、肉片等，蝦醬偏咸，但挺有鑊氣！豉油王炒面--有芽菜，炒得好入味，本人覺得略咸& 面身偏硬！這間餐廳很值得推介俾大家，但可能唔係在旺位，所以唔太特出；但佢哋D食物大件夾抵食，又有鑊氣！正!正！正！

我哋成家都係牛記ge 熟客仔!佢哋ge例湯好正, 又冇味精!海鮮好新鮮, 貝殼類ge海鮮仲係由老闆親自洗ga tim!好乾淨ga!推薦: 1)姜蔥炒老虎班2)豉椒炒聖子3)八珍豆腐煲4)生炒骨5)豉椒炒蜆

上星期五九點幾先收工, 於是又拉一班同事一齊去福來居牛記食飯, 呢間飯店雖然位於旺角太子後街當中, 但每晚依然非常旺場, 坐街既都擺住六七張檯。其實之前已經黎過兩三次, 但一直以為都係食街坊小菜出名, 最近經雜誌介紹之後先知原來海鮮都係耍家, 因為老闆每日都會親自去魚販到揀貨, 保證好野先入, 唔靚寧願唔賣。一坐底先奉上免費例湯,青紅蘿蔔煲豬骨, 讚! 今次黎到即刻就去門口一排發泡膠箱到睇下有乜海鮮食, 眼見有蜆, 扇貝, 聖子, 蝦, 蟹, 同各式魚類等大路海產。最後只係叫左蜆同聖子, 因有同事唔係太好海產; 豉椒炒蜆, 炒得好香夠鑊氣,蜆鮮甜無沙, 個豉椒汁尤其好味, 味道同以前細路時食過既大牌檔一樣, 甜中帶辣, 呢味一定要試。粉絲蒜蓉蒸聖子, 聖子係大隻果種,鮮甜爽口。期間見到有不少食客都有叫蒸魚, 相信魚應該都抵食。其實食海鮮除左要新鮮之外, 價錢實惠亦非常緊要, 呢到做太子大角嘴街坊生意, 賣既都係街坊價錢。另外我地亦叫多幾味小菜, 雞亦都係呢到既招牌野, 有白切雞同霸王雞, 我就較喜愛霸王雞, 可惜今次覺得隻雞有D過熟, 上兩次食就好D。咕嚕肉都可以一試, 用半肥瘦豬肉同