福來居(牛記)海鮮飯店

营业中

休息中

Shopping 不是我的強項，下午由港島的銅鑼灣逛到九龍的旺角，幾小時的虛耗比行山還要疲累，幸好需買的東西都已齊全，可以安心享用晚餐，原先想吃的雞煲又爆場了，想不出要吃的菜式，老公就推介到附近的牛記去。首次到牛記，室內陳設簡陋，似是沒有刻意的裝修及陳設，座椅只是隨意的擺放在舖內，比地道街坊飯店還要街坊。牛記所佔的舖位給我一種臨時拉呼的感覺，我們座位旁邊似是一個棄置的水吧，現只擺放食具、雜物之用。剛繞到桌子準備坐下之際，啪的一聲侍應叔叔將一湯碗湯放下，心在疑惑還未點菜何來湯水，以靜制動，細看每桌均放有這碗湯水，原來牛記會為各食客送上例湯。湯底色澤深厚，用湯勺子打撈一下，尋到雞腳與豬肉兩款寶藏，看相不甚吸引。不管如何湯水也能給枯乾的喉嚨施予滋潤，馬上來一口，例湯非常醇厚、清甜自然、滲著老火洗禮後溶掉的冬瓜蓉，好比家裡足料兼火喉足的住家湯，老公將雞腳及兩塊豬肉沾上青辣椒豉油吃光，若能將吉碗多換一碗靚湯就好了。老公說牛記有靚雞，我不是雞的擁躉，但凡是美味的都愛試，經與侍應叔叔商議後將原先的例牌換來了半隻的份量。霸王雞雞味不濃，從雞肉豐富的彈性與及嫩滑的質感都散發新鮮雞的本色，可是雞隻入味不足

想到海鮮，想當然地首先便會想到一些近海的地方，好像西貢、流浮山、三門仔、布袋澳、鯉魚門、三聖邨等地，在鬧市中，一般都不會特別想到吃海鮮。但其實自己早知道在太子基隆街有這麼一間售賣海鮮的中菜小館，吃過這兒海鮮的食客，通常都是讚的多，彈的少的，所以自己其實都頗想一試。只是一直都沒有付諸行動而已。這一個晚上，想不到往哪裡吃晚飯，忽然想起這裡，便決定到來吃一頓海鮮晚餐。環境絕對不是這間小館子的賣點，陳設簡單是其一，店內多的是豪邁的「麻甩」是其二，在這店子吃飯，坐在附近的絕對是男子漢多，女兒家少，說這裡是屬於男人的地方絕不為過。價錢也不是這裡的賣點，這裡的海鮮菜式價錢雖然可能比鯉魚門、西貢等地方便宜一點點，但這裡是沒有套餐的，所有菜式都只能散叫 ，所以價錢不會像套餐般划算，就以這晚我倆夫妻的晚飯為例，雖然我們這一餐自己美其名為海鮮餐，但實際上我們只叫了兩道海鮮菜式「油泡斑片」和「豉椒炒蟶子」，和一碟「豉油皇炒麵」而已，埋單一計，已要四百多元找數，兩夫妻平均每人吃了二百多元，這價錢可能不算太昂貴，但也不算便宜呢！幸好這兒的賣點從來都只得一個，就是食物的味道，以這夜所吃的東西為例，整體都有過得去的水

小妹之前都只係會到西貢, 流浮山食海鮮, 因為要食又靚又新鮮的海鮮一定要去呢d專食海鮮的地方。 近來, 經過朋友一番極力推介下, 得知太子有間食海鮮既鋪頭, 聽說來貨都係黎自流浮山的, 於是係半信半疑下去試一試!!!! 鋪頭是有兩間的, 只是一條馬路之隔, 一間"牛記", 一間"福來居海鮮飯店 ", 都是同一間! 我們坐的那邊環境有點似大排檔, 門口是大開的很開揚, 應該說是沒有門的。我們去時是1930 未有坐滿, 相信晚一點一定迫爆, 因為這間的營業時間是到零晨時份的。一坐下店員已醒目地送上例湯, 坐上客都是人人有份永不落空。 本來沒有太大期望, 可是小妹錯了! 別以為免費例湯就馬馬虎虎, 實情係好飲到想encore, 當晚例湯係冬瓜雞腳豬腩肉湯, 意料地清甜而沒味精, 最值得一讚的是連湯渣都絕不求其, 雞腳不是容容爛爛, 而係原隻上, 豬腩肉不是"行"口的, 而係"諗諗"的。當晚我們一行三人點了, 豉油王煎蝦, 西蘭花班球, 豉椒抄聖子, 腐乳唐生菜, 抄麪!豉油王煎蝦 --> 新鮮不腥, 蝦爽口, 調味一流。連蝦殼既汁都要啜埋!西蘭花班球 --> 班球爽口

今日同男朋友經過太子,所以就帶左我黎呢度食,佢話之前成日見到呢度都好多人,所以想黎試下. 因為只係六點幾,所以人唔多.呢度冇餐牌,不過我地諗應該都唔會太貴卦,所以冇問價錢便點了菜.未上菜先黎一大煲紅籮白豬骨湯,好鮮甜美味呢.分別點了西蘭花鮮魷、鼓椒炒聖子、粉絲扇貝及煎蠔餅,上菜速度都算快,整體來說味道不錯.最後送多個生果盤,西瓜都幾甜.到7點幾離開,客人已經坐到外面了,以這裡位置不算十分方便來說,還算利害呢!我想下次一大班人來會好一點,因為可以試多d野.

不喜歡在酒樓等 - 等位等入座，等擺位等上菜，，等埋單等找錢；食的時間其實只佔很少！是晚約了友好來試試這裡的海鮮，為的只是地點優越，我們都是首次光顧！ 甫入門口，因又已是訂了位故已不用等。又因沒有菜牌所以喜歡吃甚麼就叫！感覺是來到了大排檔，不同的是有冷氣及較好的衛生。不消五分鐘，菜已叫好。來料 ~~~ 學名已記不起，應是薑蔥雞之類。圖中份量為半隻，其實都算幾足，肉瘦且鮮而汁醬也很惹味，而食友們都把整碟清完！ 正！椒鹽鮮魷。炸粉的份量其實也不少，但好在炸得好合時，不會過老也不會太生，炸粉和魷魚好夾，GOOD! 是晚薑蔥菜式較多 - 薑蔥斑尾。本身是叫班球但於7時已賣完(?_?) ，故此聽聽老闆意見試下斑尾。真係仙人指路，肉都好多而尾尾的肉也好新鮮，接近尾部的肉更見滑嘟嘟。薑蔥也幫忙去了魚腥味。這回令我對魚尾這部位有新的觀感，不一定是只有骨沒有肉吃的。 薑蔥羔蟹。蟹黃超多的藏在蓋內也有很多羔球散在碟上，這隻蟹應有約一斤重。 豉油重煎海蝦 - 全晚精華。雖是偏咸，作為咸蟲的我卻可以接受。此蝦使用的豉油我吃不出是哪個牌子，但令我回味的是蝦本身。肉質是新鮮及有甜味，也有大量的蝦膏！用來送飯也不錯

是夜朋友嚥客,為的是旅美回來小朋友同波友聚聚舊,一行6人來這裡亦是朋友的推介,很久之前亦有同朋友來過,感覺麻麻地, 所以自己無再來的念頭, 菜式方面當然是海鮮為主, 是次沒帶相機沒有相片提供參考了,當晚大致如下:薑葱霸王雞半隻- OK滑嘅肉質, 皮都算爽啩 蒸頭腩- 醃頭腩的底味較清淡,但幾滑下, 喜歡吃魚皮的又可以吃到魚皮,油泡斑片- 每片斬幾厚身下,雖說是油泡但不覺得食到滿口油, 而且重好JUICY添, 不過一齊炒的料頭較少, 除了魚肉差不多是沒有其他的了西芹炒田雞腿- 西芹起晒筋,完全無渣,極品呀,不過田雞腿就比平時的細, 全部是”S” size或者廚師認為太大隻肉質粗嚡啩,鼓油皇蝦碌- 一出場好香私鼓油味, 食落也如是, 尤其蝦頭嘅殼基本上已拿走,又走過油, 加上蝦膏嘅香味, 蝦頭比肉身更有吸引力呀, 一個好傳統但又好出色嘅廣東小炒, 如果蝦可以大一個碼就更加”Good”啦蝦醬炒通菜- 非常之香口, 菜夠幼嫩, 油塩水煮蜆- 蜆的size屬於”M”那種, 浸住蜆的煮蜆水不是清而是”濁”的, 味道正常, 只是賣相輸蝕咗D, 粉絲蒸帶子- 一人有兩隻, 印象較深刻的是帶子肉有咬口,

因親人介紹這裏好吃，所以特意今晚和友人一起來試。是晚八時多才來到這裏，已經看見鋪頭前前後後都擺滿了桌子，人山人海。最後等了約20分鐘，被安排到對面的一個鋪位內，環境不能算舒適，並且非常嘈吵，但香港就是這樣。太子女問我們吃甚麼，我們問她有沒有餐牌，她說：「你們在外面企咗咁耐，都知道食乜架啦。」這的而且確又是事實。所以我們就叫了其他食客們叫的東西，又問她的意見，結果就是這樣。先來是五碟的調味。再來是送的例湯。一大大碗，全部把它飲光。半隻雞。十分嫩滑。炒蟶子，好味。鹽水炒蜆，因為蟶子已經是豉椒，所以這味用鹽水，也不錯。豆豉鯪魚炒油麥菜。椒鹽鮮魷。OK！豉油王炒麵，無得頂，唔怪得之咁多人要。十分滿足，但因為是對面鋪，由廚房到我們的位置總算有一段距離，溫度也會稍為有變化，下次有機會坐近些，或許有不同的感覺。

敗絮其外金玉其中既老鋪硬係覺得呢類門面既鋪頭梗有佢既過人之處, 先可以迄立不倒幾十年聽講呢間鋪係超級常滿的, 好在每次都有熟人留到位, 仲有兩次都係角樓包場今次係"PRE慶功"足球隊奪得聯賽冠軍, 又再次三十幾人角樓包場狂歡暢飲豪食一番白灼花螺只要花螺本身新鮮, 白灼基本上都好難唔好味, 呢味合格一般人都係會點甜醬食, 但我唔食甜野所以次次都要另外要求辣椒豉油豉椒炒聖子聖子十分大隻厚肉, 開邊碎上, 完全無沙, 豉椒汁既味恰到好處無蓋過聖子既鮮味霸王雞本身唔係太鐘意食雞, OK啦粟米鮮斑塊呢味真係要試, 好少地方會用鮮斑塊黎整. 明明想留肚食第D野既人到呢味黎到既時候都要食少少白飯撈個粟米汁黎食蒜蓉粉絲蒸扇貝合格之作, 但欠驚喜椒鹽瀨尿蝦另一水準之作, 炸得好香口而唔太濃味, D瀨尿蝦好大隻, 仲隻隻都有羔涼瓜炒蟹真係要用醫神作引言:真想不到當初我們也討厭吃苦瓜~當睇清世間所有定理又何用再怕~係牛記係我第一次食苦瓜, 更加係第一次食苦瓜炒蟹, 真係好味到無朋友苦瓜既甘苦味完全帶出哂蟹既鮮味同埋蟹羔既甘香一流頂之作~記住蟹羔炒完之後會買散係碟度, 要慢慢夾哂佢地出黎食唔好浪費~野食黎講普

成日都爆場既食店, 去之前最好BOOK 定位啦!!鹽水雞腳 ~ 唔夠淋, 唔夠香...一般!!豉油王炒麵 ~ 炒都幾油下, 無乜特別!!腐乳炒通菜 ~ 炒得好香好好味添油鹽水花甲 ~ 花甲都幾大隻, 無過火..好味!!椒鹽鮮魷 ~ 呢個做得好出色, 鮮魷新鮮, 食落一d都唔油, 次次都會order!!豉椒炒大蟶子 ~ 蟶子好大隻, 口感一流, 係我既至愛!!油浸荀殼魚 ~ 外面炸得脆口, 魚肉好滑!!霸皇雞 ~ 魚有魚味, 雞有雞味...隻雞真係好好味!!咕嚕肉 ~ 肥肉多得濟, 要扣分!!想食海鮮, 又唔想去到西貢咁遠, 近近地呢度都可以...當然無西貢咁多選擇LA!

有成大半年無幫襯牛記了, 呢日同老婆2個人黎食.因為6:00就到, 大把位唔使等.叫左以下食物:1. 椒鹽鮮魷 - 唔多得, 勁油...2. 西芹炒斑球 - OK3. 清炒菜芯 - OK, 條條菜芯都勁大條4. 唔知咩蝦煎米 - 我唔記得佢地點叫呢味菜, 就係煎米加大大隻蝦... 呢個勁得, 真係要食. 不過佢最少8両蝦, 呢碟菜差不多兩舊水.5. 籃妹1支落order 後有湯飲, 埋單前有水果食...水果夠冰凍~讚！環境一樣的嘈, 不過無乜所謂.是日埋單HKD485, 俾多HKD15 TIPS... 齊頭五舊.查實幾貴, 不過淨計o個半斤蝦都HKD160(廿蚊両).OK 的... 有機會再吃.大班人一齊食更好！

已是第三次來到太子邊陲的福來居牛記,與上兩次不一樣,今次是擺明居馬吃海鮮.就算是平日的晚上,牛記幾個舖位的所有檯也差不多全爆,店員問我能否坐出街?我怕熱,免了.結果也能找到一張二人檯入座.坐在室內也好不了多少,環境逼峽而嘈吵,坐在外面的食客,一邊晚飯一邊擔口大雪茄,雪茄味吹個正著,他就享受,我倆就難受矣.沒有餐牌是此店的老規矩,是夜主力吃海鮮,上兩次吃過的霸王雞,鵝片,大可不要.走出去店外看看有什麼海鮮,種類甚多,花多眼亂令人難於選擇.一大碗例湯也是此店的老規矩,青紅蘿蔔豬肉湯,女友見到湯內的肥肉,即刻面有難色,我一向吃得肥,當然沒有問題,論湯底味道也夠鮮甜,不過略較為多油一點.沒有花甲之情況下,也來一個油鹽水浸蜆,是日的蜆肉相當肥美,入口鮮甜而感覺飽滿,用油鹽水處理更突出其味道,說到油鹽水,沒有西貢六福的做得好,結尾更有點死咸,同碟的蒜子,浸得鬆軟,非常之入味.金銀蛋莧菜是這夜唯一的綠葉,尚算稱職.一直想試此店的煎米粉,做法如兩面黃,不過由麵變成米粉,將米粉壓成餅狀,煎到兩面金黃,內裏的一層仍保持米粉的爽滑.是次的滑蛋肉片煎米粉,香滑的蛋汁將煎米粉略略浸軟,香口鬆脆帶軟糯,再點上余均

好耐無黎呢度開餐lu~好掛住呢度d海鮮！三個人叫咗四個餸。薑蔥斑腩斑腩先油泡，再用薑蔥一齊炒。斑肉新鮮無比，無骨，啖啖肉。斑肉好彈牙，真係彈到你都唔會以為食緊魚。斑肉好新鮮，味鮮甜，唔腥，一流！豉椒炒大蟶子都係例牌會叫嘅，因為佢呢度真係整得好好食。蟶子超新鮮又大隻，有成隻手掌咁長。將蟶子拆肉，再用豉椒炒。蟶子鮮甜無比，爽口唔韌，無沙無碎殼。又入味，豉椒味滲入蟶子肉中。通菜炒牛肉呢個就普通野。不過阿媽好鍾意叫呢個菜，因為佢話炒得好有鑊氣。豉椒炒蜆又一正野！今次可能我地早去，所以未有好多人叫餸。咁就唔洗等佢炒一大鑊，再分上碟 (會分配不均)。所以今次好多蜆肉，唔會只得個殼。蜆肉肥美，洗得好乾淨，無沙；又入味，用黎送瀨粉一流。

尋晚落開旺角，行行下就黎到呢間舖，問阿叔有冇位佢指我地去左對面馬路另一個舖坐低，於是問個阿姐拿菜牌，佢話無菜牌，然後一輪咀咁介紹一咋海鮮菜式，我於是望下四面牆寫乜，全部海鮮，最後唯有叫左半隻菜膽雞、炒蜆同蒸班頭腩。最先黎既係例湯，送既，幾好味唔錯，然後其他野都黎埋，碟雞幾滑但無乜雞味，碟炒蜆幾惹味、魚新鮮味道亦唔錯，見唔少人食好大隻蟶子，埋單三舊幾，可以接受。不過無菜牌對我呢d新客真係好唔慣，同埋環境好嘈，想靜靜地食飯就咪黎啦。

塵埃雖住西貢, 但卻極少到西貢市中心食海鮮 ~旺角基隆街, 可算是"內陸"也, 但塵埃認為這裡的海鮮, 勝過"沿海"的西貢 ~就以豉椒炒聖子為例: 鮮、爽、 豉椒味香、鑊氣夠勁!椒鹽鮮魷: 爽口彈牙、炸得鬆脆、毫不油膩!還有很多有水準的菜式, 想知幾好味去試試 ~

2009年6月早前端午節預早黎到, 避免人多, 點知~~~~休息一天 !!! 不過對老闆伙計黎講, 應該既 休息下既!!食海鮮, 已不會到傳統"海鮮區"食了 ~~~~ 通常亦只會到~~~~福來居!!是日早收工, 直驅福來居去 !! 先送上例湯, 不錯, 比金山要收錢的還好飲 !! 好耐無黎, 梗係要食豉椒大聖子, 椒鹽白飯魚, 陳皮班頭腩, 豉汁涼瓜~~~二人食夠晒 !! 大聖依舊的鮮甜爽脆, 配埋豉汁同炒, 味調得恰當又夠鑊氣, 食海鮮夠鑊氣好緊要, 唔夠鑊氣炒時出水會影響其味, 亦影響口感, 但這裡, 不需擔心哩個問題!! 椒鹽白飯魚配甜酸汁(分開上), 白飯魚不過乾, 外脆內軟, 做得不好的, 只會炸得全條乾乾的, 失去口感, 但這裡, 亦不會發生哩個問題 , 而且甜酸汁不過酸, 應該係懂節制地落醋調味, 味甜酸但不"攻鼻"搶喉 !! 陳皮頭腩, 皮糯軟,而骨與肉間那層膠膠的, 口感似牛根, 但不太淋, 個人很喜歡, 所以慢慢拆, 慢慢欣賞 !! 最後送上生果作結!!好味的, 何需花巧 !!