福岡.烏龍魚男 (已結業)

今天再來這裡吃飯，感覺明顯和上次三月頭時來對比，少了service。店內只有三枱客，侍應也有三位，但對比上次，今天少了份親切感，店員沒有在我們看餐牌時為我們介紹食物，上菜時也沒有提醒我們應該是按照料理的味道濃淡，從哪一道開始吃。也沒有我們推介飲品。壽司和刺身材料還是很新鮮，味道很好，但少了service令整體用餐好感度下降。另外，豚肉蛋卷，蛋煮太久，口感很粗糙，太多醬汁掩蓋了蛋香和豚肉的味道。今天我們2個人，八折後人均消費390元正，店內不忙，店員也充足，但沒有感受到像上個月來的時候熱情的服務，所以我們也沒給tips了。

原本一早巳預定好了為朋友慶生的去到卻要等了15分鍾先有位呢!可能是訂座出坐吧!!入座後, 有個WELCOME DRINKS 以一塊圓木承托著擺著四杯精緻的玻離小杯柚子特飲!  我們其實一早都選好了食物了就是一個魚男九段盛刺身和魚男九段壽司盛FOR 厄LIKE😋等左一陣就有得食當然又係相機食先，賣相幾有氣勢又靚 !! 影好相後，店員簡單介紹了係下至上咁食，味道係由淡至濃的！原來用水煲裝住的湯烏冬，好特別呢！外表滿分💯。壽司同刺身都算幾新鮮👌🏻有海膽、吞拿魚腩、牡丹蝦、拖羅等呢幾款份量都ok幾肥美、 拖羅軟棉棉嘅口感味道唔錯！不過個人認為壽司色澤麻麻地同比較乾身，要點下wasabi n 豉油較遜色，份量就三個女孩剛剛好而巳。

最近大熱的omakase相信好多人都吃過 這次趁着朋友生日也去試試 雖然不算最好吃的omakase 但性價比和吸引眼睛的程度高 大推薦 魚男九段盛刺身特盛和魚男九段盛壽司特盛

福岡．烏龍魚男以親民價的Omakase作招徠。夠平價之外，也一反傳統不會逐件奉上，而是改以一個九段梯級式的木層架呈上，相當浮誇又eye-catching！裝潢簡潔明亮，整齊企理。壽司吧枱上擺放了不少巨型九段梯級式的木層架。入座後會送Welcome drink；細細杯的柚子茶口感似柚子梳打，甜甜的很開胃。特盛魚男九段盛刺身 配刺身丼或鮮魚湯烏龍麵 ($328)刺身款式是按時令每日不同；賣相確實很震撼，真的很Instagramable，難怪開業不久便吸引了不少人去朝聖拍照打卡！店員建議由最高層開始吃，由淡味食到濃味。拖羅質感鬆軟，入口即溶，魚油豐厚腴美；但欠缺鮮味。刺身丼賣相精美，味道不錯。西京銀雪魚燒 ($128)有點過了火猴，某部份燒燶了，不過肉質仍然保持嫩滑。鹽燒牛脷串 ($38)牛脷很厚肉，肉質很韌，很難咬開。香草燒羊架 ($58)質地軟腍，但沒有羊味。整體來說，賣相精美，但味道及質素一般。

同男友又一年諗住搵間靚d既餐廳食慶祝，前陣見呢間火紅地宣傳，好似幾吸引，續層樓梯咁擺幾特別咁，半廚師發板既方式。其實都係大多男友決定食咩，主力都係試佢皇牌9段盛啦～小食*芥末八爪魚*有少少海帶，wasabi 不太重，我仲接受到。*魚兵衛燒*玉子普普通通，餐牌有寫內有豚肉及芝士，但食落唔多覺，可能上面既燒汁同茄汁太重手，汁既味道都偏酸，搶晒味。*魚男9段刺身盛*店員有介紹過係咩黎同埋由上食到下，但好快又唔記得左😂第一層（上）爽口都鮮味既。第四層既煙燻魚比較出色，豉油都唔洗點，而且幾鮮。海膽都大隻，質素都ok，但牡丹蝦有點唔太得，唔知點解無蝦味同唔甜，可以用無味黎形容。拖羅就算抵讚，幾肥美。中間既刺身丼經過餣製，黑椒味爽滑既，飯都ok的。*魚男9段刺身壽司盛*大致同刺身個個差不多。呢幾款其實我都唔太知係咩，蝦都係無味。其他都可以既，而赤身吞拿個人覺得比較有質素的，幾新鮮順口。*芝士流心脆米波波*外脆內軟，口感好好，不錯。*芝士年糕*都幾好，佢個汁甜甜地配埋幾夾。*海膽生蠔杯*個汁好酸下，唔太夾，海膽還好，但生蠔就唔多得，似超市買返黎溶雪就食得個d,比較腥，呢個都幾失望。

同為食媽媽慶生日， 我地點左三個刺身盛，加埋合成一個圓形樓梯款木架，再加一個半圓木架，滿枱都係野食，媽媽見到個整個造型已經好開心，花多眼亂，唔知食邊樣先好。當然食之前不忘影張靚相先。今次三個套餐，我地有兩個配他他飯，一個配烏冬。烏冬是用個金屬小水煲載住，造型都好得意，味道跟平日吃的贊歧烏龍差不多。我自己本身唔喜歡他他飯，但佢地啲材料都好足。媽媽話樣樣都唔錯，如果佢地戴埋口罩做野於仲好。同媽媽黎食之後，我地都有再幫親。我另外都有朋友再黎食，可能經過一般時間，啲木架開舊，食物都好似沒那麼優質。希望加油喇！

We ordered (1) omakase sashimi in fishman style, (2) omakase sushi in fishman style, (3) grilled minced chicken skewers, (4) grilled beef skewers, and (5) sweet potato skewers. The sushi set arrived first, and we had wait another 15-20 minutes before the sashimi set arrived. It was disappointing how big the time difference was between both sets being served. By the time we were able to start eating, the seaweed for the uni was soggy. The uni was also unusually salty and it was very off-putting.

早晨到灣仔應考，井底蛙難得出城，當然要趁機會品嚐一下地道特色。從網路搜尋，首選仍是和風。一家名為「烏龍魚男」的日式菜主打價目較低的Omakase。這一陣子小的與一眾香港老饕一起愛上了和風的廚師發辦，然而這一類食法通常索價不非，如今居然被小的發現這平民版的食店當然是不能錯過。 「烏龍魚男」位於灣仔道接近銅鑼灣一帶，在VTC考完試後步行前往毋須十多分鐘。由於小的提早交卷，即使慢條廝理地拖延時間，到達舖頭仍差少許才夠十二時。經食評網訂位最早為十二時三十分，小的則相約朋友早十五分鐘到達。來到店子，見餐廳呈現半開門的狀態，門口則有幾位員工坐於席上或玩手機或交談，於是小的唐突闖入，希望可以先入座以爭取時間溫習下一科。 甫進餐廳，職員錯愕地查問，小的交代訂位，誰不知那年輕的男侍應竟告訴小的餐廳尚未開門，要小的在外邊自己走走。如果灣仔道一帶有適合溜漣的地方，小的也不會嘗試提早闖入了。吃下閉門羹，唯有無奈地站在吃風的街口，掏出練習題忘我地修行。 有趣的是朋友於十數分鐘後抵達竟順利入座，要知如此小的便范不著在外頭日灑雨淋這麼久了。 餐廳之裝修簡約，其心絲卻全放在食物之「色」裡。安座以後侍應為咱倆

日本野真係食極都唔厭！已經唔係第一次嚟呢度食飯今次叫左佢既 魚男九段壽司盛一上枱大家都哇咗出嚟賣相會唔會太靚！佢地建議我地要由左邊食到右邊（應該係因為右邊啲壽司味道會濃啲重啲）啲壽司都幾新鮮最好食就係佢個甜蝦同埋燒左口魚邊係入口即溶呀價錢方面 本身就唔平不過我哋我地用左訂座APP 50%off優惠所以好抵食

嗰日同啲中學同學去了這間餐廳聚舊，一開始見到好多朋友在這間餐廳打卡，看到那個轉盤覺得好特別，應該也不錯，所以就試試。一進門內發現人好少，只有一兩張桌子有客人。之後我們叫了芝士餅，串燒，壽司拼盤和燒尤魚。可是那些壽司完全沒魚味，即使不是魚也沒有味道。即使員工把拼盤端上時，也沒什麼禮貌，好像被逼把逐件壽司介紹似的，加上食物質素這麼參差，實在有點失望。唯一相對較好就是串燒，可能即燒，所以相對較好吧，但燒尤魚也不怎麼樣。而且價錢跟一般日本餐廳差不多，也不是特別便宜。

不經意路過，見食物擺設很吸引，於是入去試試，冇午市套餐，即係午餐同晚餐同一餐牌，唔平，不過也想試試，餐牌裡見到這個，擺設很可愛，於是就點呢個餐，上菜啦，嘩，很誇張，最吸引係個壺，壺內係魚湯烏冬，正。 店員教由低層開始吃，開始係蟹肉蟹子沙律，唔錯，魚生刺身都 ok，炸物一般，最好食就真係個烏冬，魚味夠濃。 另外叫咗個燴魷魚🦑，一般啦。收費真係唔平，係灣仔算貴.

星期五收工，總係想對自己好啲，今日男朋友話不如去dating，地點係佢搵， 原來就係呢間餐廳。 佢又九段刺身同壽司揀，又平版同貴版， 男朋友玩一場黎到梗係要食貴版，唔係食平版下話。嚟到個門口，個裝飾都幾靚，不過仲係聖誕節既裝飾。我哋叫咗個九段刺身，九格其實有海膽，帶子，大蝦，刺魚，拖羅， 等等，全部都好新鮮，味道都好濃郁，覺得性價比極高。個店員其實有同我地講過每一格嘅刺身係乜嘢嚟，但係我哋兩個實在記唔到。店員其實會好溫馨咁提示刺身要有最頂果層食到最後嗰層。 我哋估應該係個未到淡濃咁樣食落去。九段壽司點會食得我哋飽， 我哋仲叫咗個七層嘅壽司。每一場嘅料囉其實同九段貴價版好相似，每一樣野都好夾，好值得試吓。唔知道幾時再有機會黎， 但真心覺得性價比好高。

今晚初嚐這間在不同媒介都見到D食物相片非常吸睛既福岡.烏龍魚男。Welcome drink -西柚梳打店員會為客人逐一介紹每一款食物 (有D店員好清楚,有D佢自己都唔多熟)$218魚男九段刺身盛 (平本) 食材分別有:針魚﹑花螺﹑芥未魷魚﹑三文魚﹑炙燒吞拿魚﹑牡丹蝦﹑劍魚﹑呑拿魚﹑星鰻及刺身飯。賣相和食物味道不成正比, 失望是牡丹蝦無味,不鮮也不甜。刺身飯略腥。連三文魚都無咩三文魚味兒。$298魚男九段刺身壽司盛 食材分別有:針魚﹑花螺﹑C魚﹑劍魚﹑炙燒左口魚﹑芥未魷魚﹑海膽赤蝦 ﹑星鰻及呑拿魚手卷。唯一驚喜:海膽彈牙鮮甜,而呢2隻牡丹蝦正常味道。總括黎講,我覺得店鋪有噱頭,透過樓梯形的木架擺放壽司,而每一道壽司再由不同植物配襯,賣相的確令人著迷。而且係相機食先既文化底下,佢既設計絕對係呃到like之選。但味道我就不值得推薦,只能說一句: 大家可以一試,但回頭率什低。價錢不算貴,但也不覺得值。S298魚男九段刺身壽司盛$218魚男九段刺身盛 (平本)+ 10%服務費**上網見好多人都平價/75折咁食, 我地正價食**福岡.烏龍魚男地址: 灣仔灣仔道221A號地下電話號碼28613001

聖誕節好多餐廳都好full,呢間有得book就去試試，地鐵站都要行大約10分中我地2個人叫咗1個set，細食既人就啱啱好，如果大食就會唔夠，有唔同既壽司，最好食係海膽，好鮮甜，唔會有怪味，烏冬好好食，濃底好濃但唔咸，非常推薦大家食

今日行開灣仔，見到呢間門面好似幾靚咁，就行左入去，入到去我同男朋友每人叫左一個魚男九段盛刺身，黎到覺得好靚呀，梗係要相機食先啦！不過啲刺身我覺得冇想像中咁好食，最好食最令我回味既就係果件吞拿魚齒頰留香呀真係