福翁海鮮薈 (已結業)

本身想去另一間餐廳，點知今日冇開門，隨便喺附近見到有個招牌寫住無限時任食火鍋$268，like 佢FB 再減$100，好似幾好所以上去試試，點知。。。上到去見到都無乜人，心諗可能唔就腳，所以無乜人，但原來係同質素有關。。。送嘅刺身可以添一次，三文魚，八爪魚，生蝦，北寄貝四款，但爭鮮都好食過佢。。火鍋料方面，海鮮得幾款唔見得有幾新鮮，炸魚皮有啲油益嘅怪味，其他食材都係啲平價食品，最好都係啲粟米同啲菜･_･;講吓優點，環境尚算乾淨嘅，又有泊車優惠，啤酒任飲又冇限時，如果唔係都應該直情冇人去。但去到埋單先知，減$100嘅優惠係冇呢回事，仲要收銀係態度勁差咁講話嗰個停咗啦，咁又奇怪喇，點解出面仲要周圍宣傳有呢樣嘢呢？社交平台係咁寫，點餐紙係咁寫，出邊嘅宣傳海報都係咁寫，佢雖然轉左係八五折價錢唔係爭好遠，但係就略嫌有誤導成份囉😒個人嚟講唔會再有下次

今晚中秋節追月夜，即興想打邊爐就去左呢間，位置夠偏僻，揸車會夠方便。刺身新鮮，仲可添加一次，海鮮併盤很新鮮，當中龍躉片和鮑魚最為一讚👍🏻不過份量偏少。整品牛頸脊都唔錯，至尊水餸皇係大粒，每人一粒。至於雞蓉燴燕窩就有少少鹹，但都可以接受。湯底我哋揀左鴛鴦湯底，皮蛋芫荽湯+沙嗲湯底，正常味道，可惜美中不足就係加湯時係加清水。任食方面會推薦鵝腸，魷魚，肥牛，魚頭。其他食物不過不失，食物份量偏多，兩個人食叫一輪都食唔哂。侍應服務殷勤，入座後會講解餐牌，環境方面很乾淨，安排左卡位座得舒服。

突然想食海鮮餐，搵下觀塘有咩好食。見到呢間近碼頭，方便泊車。我地六點幾到，一入去，發現無乜人，心唸會唔會唔好食呢？結果係超好食，燒鵝皮脆肉滑，龍蝦彈牙新鮮，鮑魚鮮味十足，椒鹽鮮魷亦夠脆，食落覺得味道似曾相識，估計係釣魚翁集團！轉咗名之後，服務好咗，無咁串串貢！可惜嘅係, 睇openrice本來見有$468嘅2人餐，但去到發現係無嘅，所以散叫。埋單2個人約500蚊，算抵食！有2人餐嘅話會更好！埋單仲送糖水，原來仲有免費泊車兩小時，我地會再嚟嘅！

星期一，同3個同事飲茶，同行4人訂左枱，有vip卡免茶位，叫左個$288餐，有4個點心，2個小食（豬腳片配海蜇同燒腩仔），1個炒麵，仲另外叫左4個灌湯餃同1個小食，飽到個肚就黎裂開😂。我自己好鍾意食鮑汁鳳爪，呢度都OK嘅，個人認為添好運好食啲。燒腩仔一如既往好食，呢個廚房有烤爐，啲燒味都係即場整，唔同一般酒樓工場整完運番黎。所以有時外賣燒味飯返公司食。過時過節都會有好多人去呢一間食，嗰時就要俾啲耐性，出野食會慢啲，但平日都ok。

食材新鮮 環境舒服 服務態度好好值得推介價錢唔貴 真係好值得去佢 d 海鮮，同所有既菜都好新鮮唯一一樣野係位置唔係話十分方便，但都未至於係好難搵到，其實都ok,但其實都已經好值

今日2:00pm午餐,去咗觀塘振萬廣場福翁海鮮薈飲下午茶，價錢超平，叫做义燒瀨粉、鮮蝦腸粉、蓮蓉煎堆仔、潮州粉果。义燒瀨好好味，瀨粉幼滑，义燒又瘦又入味，正😊。潮州粉果皮薄，仲好多餡，煎堆仔即炸，好好味！埋單只係$89，超平😊😋

之前來是打邊爐，印象不錯，所以再去，今次是食晚飯小菜，還有套餐選擇，有我最愛既波士頓龍蝦伊面龍蝦大大隻好好食，不過太小伊麵了，每人一啖就冇了。鮑魚也過份細隻整體不太化算。下次會選擇返打邊爐

如果唔介意地點偏僻少少（唔近地鐵站🚇）其實三百蚊樓下嘅高質火鍋🥘有好多選擇，呢間喺觀塘全星期無限時任食任飲$268都幾抵食🤤未叫野食先上大大盤刺身拼盤，雖然刺身拼盤好多火鍋店都有卑，但呢間絕對唔係hea你，啲料好靚好新鮮（可能係主打海鮮嘅關係？），三文魚🐟、北寄貝、日本魷魚🦑、泰式生蝦🦐樣樣齊，夠曬凍同爽口😍 另外，佢仲可以免費添加一次，不過我哋太飽就冇要lu🤰上黎嘅時候好有氣勢，啲聖子排到好似大嶼山心經簡林⛩咁，海鮮係時令嘅，每日唔同，本來以為有貴妃蚌，但係無😭不過有鮑魚補翻數都幾滿足🥰🥰牛頸脊肥瘦均勻，有牛味，但唔係任食，而佢任食嘅美國肥牛都唔會整係卑肥膏你，好過啲連鎖火鍋店好多💁‍♀️一心唸住黎食火鍋，點知啲燒味亦另人印象深刻，油雞🐓、叉燒🐖、全部都整得好好，肉質💯唔會鞋，尤其係燒乳鴿，唔需要點鹽或醬料🍯已經好入味，有機會一定要食！其實食完啲限量嘢已經好飽，無咩點食其他配料，不過餐廳都幾大方，任食配料都有墨魚滑、蝦滑，令人感動😭😭

今日做嘢做到好晏，冇食午飯，肚餓得滯，於是就去咗搵下午茶黎食，搵到呢間，超抵食。福翁叉燒瀨粉，啲叉燒好瘦好好食，啱晒我！平時成日嗌開瘦叉燒，但瘦極都有個譜，呢個唔使叫都咁瘦!而且啲瀨粉仲非常滑添！會再幫襯。

山友要星期六去觀塘取跑步包，成team人都跑步跑上引，我就免啦！體育課要補考的！人生跑一次5公里，40幾分鐘完成，已經好叻，既然有人發起無聊的星期六下午茶，咁我找那吃好，觀塘食市臨立，商業、住宅，乜都有，但都好集中在地鐵站附近，本想入觀塘碼頭廣場試下拿督炒麵，但成6、7個人，又有老人家，硬系喜歡飲茶，某天巴士經過觀塘繞道，見到『福翁海鮮薈』咁入碼頭，又係星期六下午，一定吾怕人多，果然，5圍檯包場，吾洗迫又唔會趕，服務，点了數款點心，有腸粉，粉菓，椒鹽豆腐，菜，炒了一碟牛河，屬好吃，仲有两款甜品，桂花糕，椰汁糕，價錢吾貴，仲有人萬歲又一個愉快的周末。如果要開會飲茶，是絕對好地方，看牌排火煱，小菜都好多選擇。

是晚由媽媽介紹來到這間位於觀塘工廈內的酒樓打邊爐。這個的打邊爐係一個價錢248任吃火鍋配料那種，再外加多款餐前小吃、乳鴿、刺身拼盤、啤酒汽水、甜品，以及海鮮拼盤作打邊爐。火鍋配料及海鮮拼盤每樣都很新鮮外，最令我回味無窮竟然是乳鴿，真的是想一吃再吃！其實這裡除了火鍋外，還有小菜可以吃，下次一定再來吃吃看！

初三……百無禁忌，照拜年。老友聚頭，氣氛依然喜氣洋洋，傾得開心，食得更開心。環境舒適，座位寬敞，服務好，因為，位置屬寫字樓區，仲係晚飯，所以，唔多人，好舒服。我哋點咗八樣餸，隨咗個例湯……淡D，其他都……好好。值得推介

前幾日表妹約我哋去觀塘打邊爐，為咗就我哋就喺觀塘碼頭巴士站旁邊有一間幾正嘅火鍋 福翁海鮮薈，顧名思義海鮮應該係主打賣點。價錢大約$300一位，即刻唔使諗飛身出去。去到門口已經見到 $288 無限時任食火鍋，表妹已訂位佢話有着數，安排入座後侍應禮貌地簡單介紹，餐廳裝修都好新，地方大對住魚缸零舍醒神。決定咗食放題之後侍應就自動波送上雞蓉燴燕窩、每人半隻紅燒乳鴿、 全部菜色都新鮮熱辣辣。然後出邊竟然有叉燒可以當小食咁自取，佢啲叉燒真係好好味，肥瘦均勻食到停唔到口。仲未食完第二樣嘢有送上嚟啦！原來預先訂位有優惠，就係每人送我哋半隻芝士焗龍蝦，龍蝦鮮嫩多汁又夠彈牙，爽呀！跟住又有跟住，就係刺身拼盤一大碟，三文魚、泰式蝦、北寄貝、八爪魚⋯⋯ 我影完張相轉頭啲刺身已經俾人食晒！好啦終於食到今晚火鍋主角，鴛鴦鍋底是芫茜皮蛋拼沙爹湯底，有辣有唔辣任君選擇。首先食咗海鮮拼盤，因為新鮮所以快啲食，聖子、貴妃蚌、鮑魚、龍躉片⋯⋯仲有生蝦咁跳，陣容頂級，全部都好鮮甜生猛，真係驚喜都值得加分。我哋四個人有送到一碟極品手切牛頸脊，牛魔王即刻流晒口水，雪花靚、脂肪均勻分布、入口即溶、肉味濃郁。 送的至尊水餃皇，成隻

因為一張COUPON 和老細的介紹, 我們倆口子去酒樓吃晚飯。很少走到官塘碼頭那邊搵食, 雖然也知道有不少開飯好地方。這間在商廈的酒樓, 沒有同區酒家的嘈吵, 而且空間感十足, 可以舒舒服服地吃餐靚飯。除了有火鍋外, 餐廳還有小菜晚飯。雖然這兒出名的是海鮮菜式, 不過我俩今日想吃小菜"清淡簡單"一點, 累得不太胃口。既然有晚餐特價菜式, 當然要試試。於是便點了一份例牌燒鵝皇例牌的份量不算少, 看起來不錯。而且更以熱爐盛着, 更為滋味。燒鵝味道調得不錯, 不會過咸。而且肥瘦適中, 油脂比例剛好, 不會咬下去一口油的太肥。而且因為是熱着, 即使放久了也不會變得難吃。金銀蛋浸時蔬是十分好"餸"飯的一味, 沒有菠菜我們揀了白菜仔, 但味道也是夾的。白菜的份量不少, 吸收了不少湯汁, 可以滿足我這天想多吃一點菜的需要。咸蛋和皮蛋這配搭不但顏色漂亮, 味道也是出奇的夾。如果總要挑剔就是皮蛋不多, 未能吃過夠喉。自家製金湯豆腐是今晚的驚喜, 材料簡單, 但出奇的好吃。先將嫩豆腐炸至表面金黃, 再加上紫菜碎, 最後放入南瓜金汁炆煮, 十分"有營"健康。豆腐內裏真的十分滑, 還留着不少豆味。而加入了紫菜

天氣冬冬地最啱去烚吓烚吓，平時都有來呢區開飯都係食西餐為主，今次就去左呢度食火鍋唔知有冇驚喜，應該有佢吸引之處係度，唔係好友點會帶我來，而且仲係冇限時間方便慢慢食慢慢傾先講番呢度火鍋套餐一次過可以食到多款美食，有紅燒乳鴿、雞蓉燴燕窩、刺身拼盤、福翁鮑魚海鮮拼盤、極品牛頸脊、至尊水餃皇同埋其他火鍋配料任飲任食，又可以係自助區攞D美味小食食住先夠晒豐富點埋湯底就可以開始是日火鍋，先來有熱辣辣嘅乳鴿，入口皮香肉嫩啖啖肉汁，其後有雞蓉燴燕窩飲落滋潤，加上燕窩更香滑其後有刺身三文魚厚切又肥美、北寄貝夠鮮甜、魷魚同泰式生蝦，另一驚喜有芝士焗龍蝦半隻，記得要早一日預約先有呢個美食，唔覺唔覺品嚐左幾款美食係時候食火鍋梗係先食鮑魚海鮮拼盤，有蟶子爽彈又鮮甜、鮑魚、青口、鱔片、龍躉片滿口骨膠原同海生蝦夠晒豐富，時令海鮮食落特別鮮味，尤其鮑魚肉質飽滿又彈牙輪到有人氣美食牛頸脊，入口肉質細嫩又帶點脂肪食得特別滋味肉味濃，再來有足料水餃皇，食到滿口肉汁同蝦肉爽彈正繼續品嚐其他配料有四寶丸，美國雪花肥牛同炸魚片等，真係食得飽滿又滿足食慾最後食埋雪糕同糖水又享受一餐美味火鍋。