禮三井日本料理

营业中

休息中

第一次寫食評。因不太想太行貨，又無物令我有霎時衝動。唯獨是今次，好想好似某網台，分享吓令我感動嘅店舖。其實已多次幫襯這店。雖然並非物野名氣大店，但原来店長(年青時)也曾學師於日本多年。食物好味而價錢合適。南瓜餅、燒魚、日本蠔同最基本嘅壽司。無特别驚喜但勝在穩陣。店面更開始散發老店嘅氣色--人情味 (好在無老店嘅氣味)。原來店内多名員工係店長參加某支持年青人就業計劃而請的。店長話希望能幫下啲年青人、幫下社區。真係令人感動。最后一提，同店長長談中，佢介绍咗(實際係請)佢啲梅酒。自家做，跟足正宗日本配方，超好味。想嘗試梅嘅香味，可以試新酒。要感受梅酒嘅 純厚，就要指定要舊梅酒。我兩樣都試過，先知道原來分别可以咁遠。 厲害。店長更話，每年有代客做酒。太正啦！所以，我真心感謝您 禮三井日式餐廳。多謝。

今日下午茶嘅時間，又一次同爸爸媽媽係油麻地食tea，佢哋真係好鍾意呢間日式餐廳，貪佢夠底，老人家鍾意，所以我就同佢地再食喇。見到門口下午茶牌，好似好吸引，四款食物嘅組合＄50左右，真係好經濟實惠，諗住姑且一試嘅心態入去試吓啦。食物嘅份量都幾多，絕對冇將貨就價，而且啲炸物，天婦羅、壽司都係即叫即炸。。三文魚沙律嘅份量，足足比平時嘅日式料理多一倍，所以性價比非常高，食物質素都OK ,當然唔可以同一般貴價食材的日式料理作比較，但以呢一個價錢配上咁多選擇，非常抵！。呢度最特別係有自家製嘅梅酒，價錢都合理，下次可以再試呢。

一個星期總有一日會嚟到佐敦，爸爸媽咪好鍾意去呢度食下午茶，一個字---------<抵>。下午茶時段， 50幾蚊，食得豐富，又坐得舒服，所以爸爸媽咪都好鍾意黎度食。兩個人大約＄100 ,已經有兩碗日式拉面，四件壽司，仲要刺身，蟹籽沙律，同炸物。炸天婦羅係即叫即製，揸得香脆。壽司質素不過不失，刺身方面都算新鮮，可以一試。雖然叫做下午茶，但完全係一個正餐嘅份量，當然質素就唔算好頂級，但係性價比非常高，所以成為爸爸媽媽嘅近期最愛。

平時都係9點半後嚟dinner,通常都係靜英英得我哋一枱客，今次早咗7點半就嚟開餐，就見有好多枱客~~哈哈!呢間日式餐廳喺油麻地開業多年，入面裝修已經好舊。但總有佢嘅生存之道，晚市部份menu有半價，有拉麵套餐價錢只係比茶餐廳貴少少。味道唔算差但唔可以媲美其他日式餐廳，所以我稱佢為日式茶餐廳!蟹籽沙律每次必叫嘅前菜，但今次少咗好多蟹籽。芥末八爪魚軍艦/蟹棒壽司山薯海鮮鍋原來山薯則係鮮淮山，海鮮有帆立貝，蝦，蠔，蟹柳&名門卷各兩件。其實全部都係冰鮮貨，不過都幾好味，湯底有d似出前一丁豬骨湯。金龍卷炸蝦新鮮炸，飯唔會散開，上面仲有好多蟹籽~不過不失啦!牡丹蝦刺身其實我覺得度d刺身麻麻地，不過朋友想食所以叫咗，還可以啦!天婦羅稻庭冷烏冬天婦羅有蝦兩件，青椒同茄子各一件，脆醬有少少厚但可以接受。稻庭烏冬唔算凍，配埋烏冬汁食，味道唔錯。後尾先發現我哋6樣嘢有4樣都有蝦~哈哈哈!

Very appealing and attractive set of sushi , serving the upmost freshest sushi. The portion is very generous which definitely can serve you enough for the meal.

喺廟街附近搵野食, 諗住日本菜實冇死啦。嗌左鰻魚飯同薑蔥炒豚肉定食。鰻魚飯: 得兩“片”鰻魚, 每一片只係手指公咁大,但碗飯大過手掌薑蔥炒豚肉: 簡直係個普通中菜, 茶餐廳仲好食過佢 兩個餐都好難食,價錢又唔係特別平最差的日本菜經驗

星期日既晚上與家人去了醫院探病已經晚上七點幾,又唔想返屋企再煮啦 ! 唯有大家諗下食乜, 我就馬上諗起 禮三井至少都十年以上啦 ! 每次去都一定食佢的一磅三文魚呀 !!因為好平又厚切又新鮮 ! 由佢以前一磅$6X 開始食啦 !大家由佐敦行去油麻地, 我都怕無位, 所以都馬上打去訂位,好彩去到時真係留左枱比我。我地四個人見到晚餐唔貴又多野食, 所以每人一個餐再加一磅三文魚。一齊睇睇餐牌先~一磅三文魚$84, 比起出面真係平左一半有多啦 !先上一磅三文魚, 果然都係新鮮及厚切, 咬落上無雪味, 有魚油味4個晚餐都有壽司, 包括 :三文魚, 吞拿魚, 辣味三文魚, 八爪魚壽司, 整體正常啦 !還有4個小食:秋刀魚, 吞拿魚刺身, 燒三文魚鯺 X 2秋刀魚個肚有少少苦, 吞拿魚刺身都唔錯,  燒三文魚鯺要了2份, 最好味係 燒三文魚鯺, 雖然油脂多, 但燒得好香, 最正係去晒骨, 啖啖肉最後上主菜啦 !火焰鰻魚飯 :只得細細件3 片及細碗飯, 味道雖然唔差, 但份量太少, 唔夠飽安格斯牛肉泡飯安格斯牛肉粒有煎過, 所以好香口, 好入味 !三文魚泡飯三文魚碎上, 所以可以食到啖啖三文魚太子貝拉麵

這間在佐敦與尖沙咀交界多年以來屹立不倒的中式日本菜，早在十年前已經食過。當時年紀輕輕的我實在對食毫無要求，所以印象不大。早幾天約朋友吃飯，見周圍都要排隊就走了進來這間空虛的餐廳。通常吃這類餐廳，我會比較保守，吃一些一定無死的菜式。我點了一個照燒雞扒烏冬，而友人點了一個加州卷和日式咖哩豬排飯。菜上來的時候，心感不妙。除了貨不對板之外，份量亦有呃秤之嫌。雞扒很小一塊，皮有一陣油益味，皮與肉之間連著一層又厚又肥的脂肪，吃到想吐。照燒汁的獻也似未有混好，吃到一塊凝固的物體。湯，就是味精了。而友人的加州卷和咖哩飯也屬水準低下之作。加州卷的飯是暖的，也沒有壽司醋味。豬扒炸得很干很硬，飯也是爛的。整頓飯除了食物，服務也是零分。店員需三吹四請才服務。然後有一個粗口爛舌的男人坐在收銀那邊，嚇死人。這些味道還是留返比d入世未深的新人類吧！

應該叫三文魚刺身碟頭飯, 備註飯還是熱的落埋醬油超怪, 三文魚又唔多新鮮...進餐已有一段時間, 服務員都未有奉上水, 一叫就上嚟杯超滾水, 冷面對待但有收加一服務費喎!!呢個就最好食, 佢加上鵝肝油再燒, 香口、惹味!!薄到透的刺身蓋面, 芥末超綠...無咩特別唔係我部相機問題, 相信各位為食既食家, 睇到應該大家心中有數.....

呢間三井餐廳，記得好多年都食過，今次再黎，依然保持番相當好嘅質素。三文魚壽司比個啲連鎖日式餐廳好食得多，厚身魚身，鮮味十足，是必定之選。而鰻魚係我嘅最愛，當然都要order啦。呢度啲鰻魚唔單止有啲汁淋上魚身咁簡單，而且仲俾火搶輕輕燒過，香味口感更上一層; 呢度嘅日式煮餃子亦同樣可口，真正做到皮薄餡靚，埋單都係$100, 我就覺得非常抵食！！

叫左個lunch set, 埋單90幾蚊, 三文魚壽司塊魚薄到透明, 魚無味, 感覺仲差過食機造雪藏壽司。朱古力雪香大大舊冰, 無一片片雪香, 而且仲要人造士多埤梨味, 未飲過朱古力雪香係士多埤梨味囉。侍應同老闆都話佢地雪香全部係士多埤梨味, 咁你就唔好叫做朱古力雪香啦, 擺明誤導!三文魚炒飯好一般, 只係夠熱值得分數。吉列豬扒就算正常, 唔難食咁囉。

行過就入左黎, 無預約但都有位.望下餐牌,都幾多野食, 壽司, 刺身, 拉麵, 串燒, 飯等等.串燒牛舌, 牛味唔夠, 而且被黑椒味蓋過晒....三文魚刺身, 顏色都幾靚, 以呢個價錢黎講算新鮮.鯛魚壽司, 鮮甜, 無乜腥味, 幾好.太子貝拉麵, 元貝好細粒, 無味, 硬硬地. 麵身太淋, 配菜明顯係擺左好耐既貨, 湯底唔好味.蟹膏蟹柳軍艦, 蟹柳絲, 蟹籽, 蟹膏, 個味都算唔錯, 唔會太腥或無味.火焰半熟蝦芝士卷, 份量夠! 超多料! 甜蛋, 蟹柳, 青瓜, 芝士片, 牛油果, 軟芝士, 熟蝦, 沙律醬, 蟹籽, 全部都幾好味, 無話特別唔新鮮, 所以一口食落去都幾好味. 

12時左右才開店，那天我預訂了12時，11時45分已到店前。見店門開了，原來不過是準備中。當時店員都在忙，只是仍容許我先坐下等。如果說早預訂桌子沒必要，那倒不是。店舖因可能位處油麻地彌敦道鬧市，1時多已有不少本地、內地、台灣及西方遊客前來光顧。這裡個別菜式不算貴，而種類已跟附近和花亭差不多。在裝潢方面，餐廳整體格調都是偏地道日式，沒有連鎖日式快餐店的感覺，但明顯沒有投放資金修飾。在食物價格及質素方面，正好反映箇中原委：如果價格依然，老闆的心思還是放在食物質素上。單是這種樸實的風格，已令人十分欣賞。因為套餐價格相當吸引 ($66)，所以還是選擇兩客套餐，當中包括了:1. 小吃，如兩件夀司 (下圖為芥未八抓魚夀司)     老闆沒有將價就貨 -- 壽司握得紮實，日本米醋味道均衡有序，八抓魚新鮮，混配芥末味道清新又有嚼頭，整體水準不俗2. 魚生，如厚切三文魚兩片    一般套餐甚至自助餐的三文魚如嚼蠟，不過是隨順大眾消費期望的衍生品，薄薄的充斥一下場面，有繚勝於無、被敷衍的感覺。而這兩件偏帶皮的部位切的也厚，味道還可以3. 飯/ 拉麫 (下圖為鰻魚飯及海鮮拉麫)     材料充裕，惟飯及麫都

又一個上課的星期六下午, 下課後, 邊在彌敦道上行, 正想著吃甚麼的時候, 不覺地來到了這店門外. 原來這間日本料理有下午茶供應, 而且價錢合理, 而且又從未光顧過, 決定入內一試. 下午茶的時段, 店內客人出奇的少, 只有三四枱. 安坐後, 侍應便走開了. 看看枱面逢餐牌也沒有, 於是召侍應去拿. 那個侍應放下了餐牌後, 又一聲不響地走開了. 細閱餐牌, 食物選擇也算多, 有飯, 麵, 烏冬等. 下午茶餐可選一客壽司, 一碗飯/麵/烏冬, 再加一杯指定飲品. 等了一會, 侍應先送上飲品. 由於不想飲茶啡汽水, 所以點了熱檸蜜. 端上來時, 被它的份量嚇一跳! 這個檸蜜是用一隻expresso咖啡杯裝著, 有喝咖啡的都知道它的份量究竟有多大, 大概比益力多樽大不了多少! 不過, 小小的杯內居然有四片檸檬, 混和在淡而少的蜜糖水中, 顯得有點酸澀. 從Openrice食評中得知這裡最出名的就是三文魚, 所以跟餐的壽司也就點了三文魚. 三文魚一點也不肥美, 看起來半點油脂也沒有, 很瘦, 可幸是沒有筋, 吃起來還是可以的; 不過飯團卻硬得要命, 而且冰冷, 像是在雪櫃內拿出來的, 比迴轉壽

　　最近我常常想吃鰻魚，今天恰好晚上在這附近有活動，知道這裏有家日式餐廳，便來這裏一試，坦白說，是為了要吃鰻魚的。　　六點幾的時間，人不算多。店內燈光比較柔和，因為餐桌之間的空間比較多，較裏邊的餐桌還有很高的圍板，所以如果需要密談和開會的話，相信這裏是一個不錯的選擇。同時又因為這樣的格局，侍應可能比較難看到客人舉手，所以在開放式廚房後面工作的廚師都會照應，看到有客人舉手，他們都會呼喊，ｘ號枱叫。服務態度不錯！　　晚巿有套餐，可以選一個主餐＋壽司或點心＋沙律或冷盤。配搭和選擇十分多。　　我選了鰻魚飯，吞拿魚飯團以及蟹籽青瓜沙律。　　鰻魚飯的飯量很多，也許因為是放了日本醋的緣故吧，我吃到飯裏有微酸，是壽司醋的酸，所以飯有較強的黏性，飯粒軟糯。和我期望有點距離，我以為鰻魚是蒲燒的，卻是薄切，更是很薄很薄的一種，醬汁其實不錯，但可惜醬汁和鰻魚的分量實在太少，我還沒有過足鰻魚癮。　　另外就是吞拿魚壽司，吞拿魚不是太新鮮，但我覺得還可以吧。至於蟹籽青瓜絲沙律，貨色也只是一般。　　但這樣的一餐就花去了七十多元了，我覺得有點不值。　　如果鰻魚可以多一點就好了！