禮 (天光道) (已結業)

喺openrice見到好多好評而且食物賣相精緻特意來食lunch。鋪頭12點開門，因為walk-in，怕冇位特登早d到，間鋪好細，安排了一張二人枱，放咗两個餐盤已冇空位，唔係太好坐，如果夜晚諗住食下串燒飲返两杯應該更不便。六貫壽司set，壽司新鮮，三文魚肥美，帶子很厚但冇味。另外跟餐有水果很甜，紫薯泥好食😋冷烏冬彈牙，茶碗蒸都好滑。鰻魚set跟餐都有三文魚刺身很肥美，鰻魚燒汁不會太甜，很怕好甜嘅鰻魚汁🥶，美中不足係有少少魚骨。串燒較晚市平，而且唔使加一，抵食。厚燒牛舌鹽落得重手咗，有d鹹，但都好味😋厚切口感好，舌脂味濃。燒雞皮好香口，燒得好脆，可惜有雪味。唔推薦。店員推薦燒全翼，皮薄多汁。見食評好多人點蟹膏卷蛋，但因為唔食蝦蟹，改點明太子卷蛋。入面好多明太子，個卷蛋唔會好似玉子燒咁甜，可惜上枱嗰陣時已經好飽，所以唔覺得特別好食總結食物味道不錯，分量十足食材都新鮮。原來舖頭都有幾間分店，menu大同小異，就腳可以試下，土瓜灣分店距離地鐵站都有10分鐘路程，隔離有間囍囍小食，聽說炸脾好好食，記得留肚試下

行街經過見到呢間野~ walkin 等咗15分鐘就入得去坐我地叫咗 定食安格斯牛扒 同 定食天婦羅每個定食配套有兩片三文魚、麵豉湯、沙律、海蜇、生果。定食安格斯牛扒牛的份量好多，牛既肉質好嫩好淋! 咬落去仲好juicy! 上面加埋d醬汁，好惹味。配埋個飯~ 一流呀~ 同一定夠晒飽呀呢個定食!定食天婦羅天婦羅熱辣辣，炸到金黃同好脆口。 配埋個烏冬，好爽口，煮得岩岩好。一D 都唔淋~本人推介呢間!我會再壩襯! 正呀，又可以打下卡，又坐得舒服~!!!

因屯馬線開通了，去土瓜環站變得很方便。星期六下午，途經幾間小店都人頭湧湧，這間外觀像高檔西餐的日式餐廳只剩下2 個bar 枱座位，其實設計根本沒有bar 枱，像出菜位，所以只可坐2個人，直接面對廚房，感覺環境很差。午餐選擇款式都不算少，我們2 人點了鰻魚飯定食和鵝肝牛肉定食。食物，無論麵豉湯、前菜、小食、主菜以及生果，感覺到都是用心設計，味道非常可口。牛肉新鮮、肉味香濃，加上雞蛋伴飯，拍案叫絕。三文魚魚生新鮮、布豆腐充滿醬汁，薯仔沙律非常醒胃，鰻魚香脆新鮮，份量多。整體食物質素非常之高，可惜全店環境非常狹窄，2個女侍應一點都不專業，一個完全說話沒有禮貌，另一個黑口黑面，我們還看到隔離枱的男客人面露不悅，其實非常趕客。不過性價比很高，一定會有回頭客！

·禮日本菜🍶居酒居💛·～～～～～～～～～1️⃣蒲燒鰻魚($138)＊熱辣辣燒好既鰻魚無得輸👍🏽👍🏽鰻魚汁夠哂多同香😋😋但味道正常沒太大驚喜，新鮮燒起上佢贏左👍🏽😂(score:5/5)·2️⃣禮主題刺身丼($288)＊刺身丼有和牛蓉、拖羅蓉、海膽、牡丹蝦同三文魚籽！全部刺身都超級新鮮！和牛蓉同拖羅蓉好正！無得輸😋😋😋😋😋😋(score:5/5)·3️⃣燒芝士年糕($48)＊呢個甜點無敵！又係岩岩燒起上既芝士年糕，外脆內軟到一個點！芝士味好香都🧀😋😋😋😋😋(score:5/5)·其他：＊其他菜式無咩大特別，所以唔逐一再介紹＊新鮮熱辣上菜係佢既優勝之處，及時吃所有食物都升左個level👍🏽價錢偏貴，但係chill之選，重質不重量😂-評分👑賣相：✨✨✨✨✨味道：👅👅👅👅👅價錢：💰💰💰💰💰推介：⭐️⭐️⭐️⭐️⭐️(5分滿分)~~~~~~~~~~

🇯🇵超高質精緻日式料理✨竟然隱藏喺土瓜灣😯印象中土瓜灣都係得茶記同連鎖餐廳，難得放假想食好啲😂即刻問吓住喺土瓜灣附近嘅朋友有咩好推介🤷🏼‍♀️果然冇令我失望🤩呢間位於天光道斜路上嘅日式居酒屋位置唔算好就腳，但嘢食係難得的高質🤩Lunch set性價比都好高👍🏻-🍣六貫握壽司套餐（$168）壽司配搭絕對唔Hea ，有海膽、拖羅、帶子，仲有三件由廚師發板既魚🐟全部都勁新鮮🤩🥚🍜餐仲跟咗茶碗蒸、湯烏冬同前菜⋯⋯🤰🏼食完好飽好滿足呀！-📍禮 (天光道) (土瓜灣)土瓜灣天光道42-44號天光大廈地舖-🌿餐廳屬小店系列，睇得出店主用心設計有格調嘅日式居酒屋，無論係牆上日本酒嘅擺設至音樂都俾人有一種好舒服好清幽嘅感覺🍃絕對值得encore!!!

因為同是土友的關係，近一兩年與友人約食生日飯都會就近於土瓜灣發掘未食過的餐廳，搜尋之下發現還真的蠻多的。今年想食日本菜，朋友找了兩家給我選，一家是「遙」，因為食過了，所以今次決定到「禮」試試看。小小的店大約6－7張檯，眼見大部份都是二人檯，而且檯面很小，多放幾盤食物或飲品就會面臨綁手綁腳的場面（還未計本來就會有的餐具及茶杯）。其餘店內燈光及氣氛是好的。先總結食物再放照片：今晚order 了蟹子沙律，感覺醬汁加了wasabi, 味道很好。刺身方面選了三文魚腩及帶子，很新鮮，味道也鮮甜。半打生蠔吃上去是鮮甜的，不過有一隻吃的時候我以為有大塊的蠔殼，後來一咬才發現是冰塊，似乎是融雪未有做好。銀雪魚西京燒，這是我每次食日本菜必點的，這家做的不錯，魚油的香味很足。串燒方面有厚燒牛舌，上檯時看到燒好的樣子我和朋友還滿心期特，一咬下去整個硬到不行，是不能一口咬斷的，要吞下就必需整件放入口才行，失望。另外一串燒牛柳粒也差不多，牛味不足，也是頗為費工才咬得爛。最後是兩件燒羊架，餐廳上菜時已切件方便進食，味道還可以，肉不算嫩，但比起那兩件牛是好太多了。今次沒有試他們的天婦羅及一品料理，兩個人吃不了那麼多，

座位不算太多，約二十多個，午市暫且不見滿。據說這裡套餐份量不少，會很飽肚，只是價錢略高，午市套餐約一百四十多。叫了定食安格斯牛扒、牛舌飯、鵝肝和牛餐。每個定食配套有兩片三文魚、菠蘿、豆腐、麵豉湯、蒸蛋、生果加主菜。端出的牛扒，滿佈醬汁，賣相很吸引，咬落軟稔肉滑，但稍欠牛味。七彩的紅黃椒絲鋪蓋在牛舌飯，徒添繽紛，增加食慾，牛舌有嚼勁，飯量也不少，整個套餐飽肚非常。枱友的鵝肝和牛也不弱，見吃得津津有味，尾後再來一客小雪糕球，捧著肚皮走不動。

#食在土瓜灣碌IG見到有介紹呢間「禮」居酒屋，賣相唔錯！之後發覺居然喺土瓜灣有分店！住喺土記嘅我竟然一直都冇發現，真係慚愧！餐廳位於天光道斜路，其實成日都會經過，但冇諗過原來係食日本料理，皆因外面嘅裝修風格會令人以為係酒吧！而內在裝修其實都唔似傳統嘅居酒屋：型格工業風再加入本元素，牆上木架放滿咗唔同嘅日本酒酒樽，而餐廳又設有吧枱，感覺上有啲fusion特色！（用膳時都有幾台客人所以唔方便影餐廳環境相）我同朋友喺冇book枱嘅情況下Walk in，可能時間尚早（大約黃昏6:30）我哋唔需要等位直接可以入座😝 以下就介紹吓我哋嗌咗嘅食物喇😋沖繩炸雞 $78 雖然雞肉係嫩滑，但因為冇去到骨，而且又炸得有啲硬（建議改用其他炸粉），所以影響到個口感 蟹膏玉子燒 $88玉子燒食得多但係包蟹膏嘅真係第一次好好味😋 主題刺身丼 $288 （帆立貝、海膽、三文魚籽、牡丹蝦、玉子、拖羅蓉）呢個刺身丼好出色呀，刺身嘅份量好足夠亦都好新鮮！帆立貝同海膽好鮮甜😍 個拖羅蓉撈飯真係好滿足😱 富士蘋果煙肉卷 $48 & 雞軟骨$38個煙肉卷食落都幾清新幾特別雞軟骨不過不失，但有啲貴囉$38得一串🤦🏻‍♂️海老鰻魚

因疫情無得去日本旅行，最近好懷念日本D嘢食，所以經常系網上搜尋日本料理，甘岩今日去土瓜灣朋友屋企，一齊系度傾懷念去日本食壽司🍣，於是即興去佢附近（禮）食日本菜，我哋叫佐兩個都鐘意食哋刺身外相好吸引，好靚，色澤鮮艷，刺身厚切，特別帶子刺身，師傅🔪到好簿並搭配成一朵玫瑰🌹，好靚，味道感覺好清淡，鮮甜，口感好嫩，三文魚🍣腩油脂分佈好均勻，食落去滿口都是魚油；另外炸🐔雞原來系有骨🦴，食落去唔會好油膩，肉質好嫩，外層香脆

超級鍾意食日本野既朋友，一定唔可以錯過土瓜灣呢間sake bar present（禮），之前試過一次呢度既lunch 真係試過翻尋味。鍾意呢度既原因有幾個，第一呢度似居酒屋，第二係呢度裝潢特別，特別係有一個大月光燈飾作吊飾，影相打卡都是十分搶眼，一下就認得係禮啦🥰我又來呢度食日本野啦，真係唸起都興奮，因為一直好懷念呢度高質的刺身，我選了刺身四品配腐皮烏冬，同埋月見鵝肝和牛。呢兩個餐都做得非常出色，首先刺身有四款，每款2塊已經好夠份量，有海膽，劍魚腩，吞拿魚等，每件都大大塊，好厚切。一個餐會有埋湯同日本蒸蛋，仲有少量水果，完全做足日本特色。另一份鵝肝和牛更野味，厚厚的鵝肝煎得香，真係好rich 同juicy, 加上和牛份量多，兩個一起送飯，簡直係大滿足。最後埋單都唔洗$400，呢個價錢，呢個品質，簡直超值。

呢間開左一段日子既日本餐廳每次見到佢既餐牌就有點卻步真係有啲貴平時唔捨得食個飯都$6-700😩就襯聖誕節同小黃子食餐好既入到去店員服務好好同埋食物真係很不錯 非常新鮮絕對值回票價☺️

個人就特別鍾意吃食式料理、居酒屋🏮等等; 仲要係黃店！而呢間環境雖細却五臟俱全，舖頭位置唔多，但非常舒適。並且在這裏你可以體驗到<慢•生活>嘅感覺，出品唔算快，但卻十分精緻✨其實已經食左幾次啦，因為太好食了，都值得再返黎食！今次叫左lunch set入面新推出嘅銀雪魚西京燒⭐️⭐️⭐️⭐️⭐️Lunch set入面包括有漬物、刺身、蒸蛋、水果、味噌湯及御飯。每次黎食啲前菜都有所唔同幾有新鮮感😋今次前菜就有秋葵凍豆腐(味道新奇好味)、紫薯🥗(入面有青蘋果🍏同粟米🌽加上少少酸嘅沙律汁味道都幾特別)、三文魚刺身(新鮮肥美😋)接住落黎就係主食:御飯(選用嘅係十穀飯➕左啲鰻魚汁同飯素簡直係太好食)另外最令人驚喜嘅係銀雪魚燒得超有水準，皮脆肉身嫩滑，仲可以睇到肉質本身嘅油脂。不得不說，雖然價錢唔算太便宜，但食物質素好高，每份前菜用料一啲都唔含糊，睇得出非常用心去烹飪。仲有飯後生果，好開心，食完成個餐真係好飽，呢個價錢、食物質素非常值得👍🏻刺身四品⭐️⭐️⭐️⭐️⭐️不出意外，佢地嘅刺身都非常之新鮮。職員話啲魚係日本空運鮮魚，每日嘅壽司或者刺身四品都唔同。今次有帆立貝(粒粒飽滿中間夾左塊檸檬食落去有陣清

友人知道我喜歡食日本野，故今次約在土瓜灣開餐，佢說呢間食日本菜新鮮夾好坐，當然要去會下佢啦😛。#芝士玉子燒蛋係我大愛, 故常會食, 呢間玉子燒蛋味香濃, 夾起有流心效果，滿滿的芝士喺玉子燒內, 食落咸甜香滑, 極之美味~ #網燒半熟牛肉他他牛肉入口鮮嫩唔un, 色澤鮮紅，配有黑椒洋蔥調味, 有沙律菜墊底, 開胃菜的選擇之一. # 壽司（日本空運制作）海膽甘甜入口即溶, 白身魚、吞拿魚..的魚生有光澤且肥美，魷魚、帆立貝、甜蝦爽厚鮮甜, 件件壽司都各有特色，新鮮直送確係唔同啊。 #脆皮風鱔燒到皮脆肉嫩彈牙，食落滿口魚油香。 #媽媽鹹蛋豬肉棒鹹蛋豬肉棒夠晒新鮮感，咸香十足😙。 #兵庫縣室津生蠔望落去已見非常之大隻飽滿，肉質爽口夾滑, 肥美鮮甜, 好耐都沒有品嚐咁正生蠔~ 食物豐富高水準, 服務員招呼到位👍，故會再黎食下其他食物~

舊同學移民前相約去母校一遊，然後一起在天光道一間叫禮的居酒居吃晚餐。我們兩個人叫了一份極上刺身四品盛。刺身擺設得很好看，令人食欲大增。四款刺身都很高質，鮮甜可口。我們也叫了一份兵庫縣室津生蠔。此蠔肉質肥厚鮮甜有蠔味，值得推介。網燒半熟牛肉他他也是一個不錯的選擇。牛肉鮮甜有牛肉味，肉質不錯。脆皮風鱔也很出色。雖然調味很淡口，但鱔肉質肥美沒有泥味。媽媽咸蛋豬肉棒好味，送啤酒一流。芝士肉子燒不過不失。日本鹿兒島啤酒順喉好飲。整體而言，此店食材優質新鮮。司傅用心製作食材。服務環境都不錯，是間值得支持的小店。雖然同學的離開令人傷感，但這美味的晚餐給我們留下愉快的回憶。

今日嚟土瓜灣，見到呢間日本餐廳好吸引，同朋友晚餐嚟試下。雖然店舖小小，但更能店員服務更週到，廚師對每道菜式更花心思，很精緻👍🏻揀咗幾道菜式「兵庫縣室津生蠔 」「極上刺身四品盛」極新鮮，拖羅．帶子...四款都好正。「脆皮風鰭」外皮香脆，加上檸檬汁，啖啖肉，完全無骨。「網燒半熟牛肉他他」肉質夠淋，牛味濃...唔靭...正「媽媽鹹蛋豬肉棒」內裡流出香濃鹹蛋味，好食。「芝士玉子燒」原條玉子裡面流心芝士，味道好Match...真心推薦，確係夠新鮮高質數。下次再嚟一定要飲Sake👍🏻