私伙

营业中

休息中

🐾 私伙🐾芋圓仙草加2種配料✔️$23-呢間主打芋圓仙草，位置比較偏🙈喺將軍澳寶琳慧安園嘅商場地下🙈今日咁啱要去慧安園就順便試埋佢🤤原來佢哋開張左無幾耐大約一個星期左右🤔今次我揀咗紅豆同埋紫米，食落感覺偏甜🤤可能因為我放咗一陣先食所以佢變到好稠🤔主要想講吓芋圓好正🤤煙煙韌韌🤤就算放咗一陣都唔會話變硬咗🤓我今次叫咗桂花糖🤤桂花味好香同埋佢唔會有一粒粒嘅桂花係入邊(我好唔中意個隻口感🤣)如果大家經過就試吓啦因為個老細都好nice🙈✨如果你有帶環保碗去買可以減$3❤️支持小店有支持環保♻️一舉兩得💪🏻—(非專業,完全跟據個人口味☺)食物:8/10環境:7.5/10服務:8/10人均消費:$30👇🏻———————————————▪店舖名稱: 私伙▪店舖instagram: @theplace1986 ▪店舖地址:🔸將軍澳寶琳慧安園商場地下A 116號舖

將軍澳最近新開咗一間食台式甜品嘅鋪頭🇹🇼第一次幫襯嘅時候我食咗仙草底芋圓🥣呢一間小店買嘅仙草食落同香港其他地方食到嘅味道好唔同 仙草嘅質地會比較軟身同嫩，比較似係台灣會食到嘅嗰隻味。男朋友話好似滑蛋咁嫩🤣（奇怪比喻）講返主角芋圓先，呢度嘅芋圓食落口感軟硬適中，好似香口膠咁，亦都唔會完全冇口感。而且食落去每一種顏色嘅圓都食得出本身食材嘅嗰種味道，就連最難出味嘅芋頭圓同蕃薯圓都好有味🍠🍡而配料大約就有7-8種，一碗可以揀兩種配料，我就揀咗蜜芋頭同紫糯米。蜜芋頭嘅size係中型，煮得相當入味同粉，同芋圓好夾但偏甜，可以同仙草中和翻。店入面仲有其他小食好似燒賣同醉雞翼咁，都好好食嘅，不過我就唔記得咗影相🤣🤣醉雞煮得好入味而且好有酒味，燒賣就係用紅衫魚做嘅所以比較大粒同彈牙。我之後再食多一次就試左紅豆湯芋圓，都一樣好好食🥣🍡🥰🥰