穌棧 (已結業)

幾年前利東街岩岩重開，吃過依間泰國野，覺得係好正宗好好食。今日放飯打算行遠少少再試一試佢，唉點知質素已經大不如前！印象中佢個青咖哩係好好食的，因為嗰時椰奶味重，仲有唔少ge青咖哩配料，而雞扒係脆皮的。但今日個青咖哩黎個時已經心知不妙，個隻青色似人造色素，配料得番d 配菜only。吃落口係好普通既味道，仲差過我係街巿買ge 醬。。。完全唔係我印象中既味道，失望至極！泰奶不過不失，絕對唔係好飲。。依餐飯我食到一半已經搞唔掂，放棄寧願行過隔離再吃多餐。。應該唔會再黎了甘既質素👋👋

-星期五晚上，放工去左灣仔做個Thai massage鬆一鬆。按完意猶未盡，十分懷念泰國的點滴，決定在附近搵一間泰國餐廳食下。本來打算去廈門街盡頭的一間餐廳，後來發現原來整條廈門街都係泰國餐廳。由於下著微微細雨，就誤打誤撞入了這一間。-食物：由於入座後已經9點多，就只點了兩個主食和一個小菜。兩個主食分別係香葉辣肉碎煎蛋飯和海南雞飯，小食就係我的最愛，青木瓜沙律。香葉辣肉碎煎蛋飯好食，分量多，辣度適中而不會蓋過香葉的青新，雞蛋煎得脆而唔會老。反而海南雞飯有一點失色，飯太淋，雞飯醬略咸。青木瓜沙律味道好，但撈得唔夠均勻，而且冇左咸蛋，少左和咸香層次，可惜。環境：店面唔大，所以座位比較迫，但可以接受。部分店員是泰國人，都有善的。總結：埋單計大約$300內，期望可以有更住的食物質素。环境：店面唔大，所以座位比較迫，但可以接受。部分店員是泰國人，都有善的。穌棧地址: 灣仔廈門街25號地下電話: 25291008

穌棧位置的廈門街和之前的汕頭街, 也是我常在吃飯的熱點, 大部分都是小店, 比在隔離的利東街, 選擇更多, 更值得支持. 穌棧是那裡的泰國餐廳之一, 主要打傳統泰國住家菜, 沒有甚麼豪華的裝修, 簡簡單單, 但是價錢並非簡單, 兩個人人均二百五十多元, 已比得上Apinara等較Hi-End的泰國菜餐廳.先來的泰式小食拼盤, 種類和份量都正常, 壽司炸蝦餅和春卷, 以及雞翼和串燒, 水準一般, 沒有大問題, 但也沒什麼印象深刻的地方. 之後的炸軟殼蟹, 配上大量蒜蓉, 蒜香帶微辛, 軟殼蟹外脆內腍, 啖啖肉之餘, 也沒有碎殼, 整體處理不錯, 只是兩隻份量要大約二百多元, 不太化算. 這些香口的東西, 啤酒就是最佳伴侶, 但這裏沒有走牌, 就打消了念頭, 相當可惜. 炒河沒有牛肉, 只有雞肉和豬肉, 不太吸引, 但下午沒有吃午飯, 需要一些Carbo, 吃起來感覺一般, 鑊氣夠但河粉太散, 吃起來不夠盡興, 相對可取的, 也許是侍應和老闆的服務態度.Cafe Y Taberna is the Thai restaurant in wan chai that focused on fam

有間泰菜令我念念不忘，印象中真係好好食！但係今次再去，好似同記憶中嘅味道有出入，但都好食嘅，只係「泰菜不似預期」🍴香燒豬頸肉 $78 🌟🌟🌟🌟唔知大家有冇喺泰國食過豬頸肉？小編就覺得好乾好柴啦，而穌棧嘅豬頸肉更迎合香港人口味，肉質彈牙綿密，鎖汁度頗高。豬頸肉醃得入味，香料隨豬肉帶入齒頰，算係是日最佳。🍴泰式香葉肉碎煎蛋炒飯 $82🌟🌟🌟🌟呢個肉碎蛋飯味道濃重！好辣好過癮！當然係針對啲食得辣嘅朋友，佢嘅辣度並唔係咁老少咸宜。小編認為味道過重，但係隻辣又不失開胃，好容易一啖又一啖不知不覺間食曬。🍴咖哩炒軟殼蟹 $178 🌟🌟🌟呢個恕小編俾唔到公平嘅評價，因為一直對咖喱軟殼蟹麻麻地，所以食落去覺得味道平平。叫咗唔會後悔，但係下次唔會再叫。值得稱讚係軟殼蟹份量十足，有兩隻巴掌大嘅軟殼蟹！🍴芒果糯米飯-細 $58 🌟🌟正常芒果糯米飯唔會出差錯，但係偏偏糯米飯煮得唔夠熟，有啲夾生，有啲失望呢！

店內位置唔多，好彩去到啱啱好有位。位置比較逼，但食物都黎得快，食lunch都ok既。🔅泰式炒金邊粉 ($82)金邊粉份量頗多、偏酸，有幾隻蝦已剝殼方便食，食落唔太油膩。🔅雞扒撈麵 ($76)撈麵份量好多好濃味，啱晒我濃味人士😍。麵好爽口，有少少芽菜、蔥、生菜、花生碎、炸蒜片等等，配埋雞扒已經好豐富，唔會好齋。🔅凍檸茶 (+$10)加$10少少貴，0T無乜特別。不過最近太熱，加上食濃味野都會想飲返杯🤣。💬整體食物都算大份，所以唔算貴，係。下次會想試埋炒河😍。

Dinner喺位於灣仔廈門街嘅蘇棧度食呢一間係專門食泰國嘢，咁我哋一坐低原本係細枱嘅之後大枱有位就即刻幫我哋轉過去坐，服務態度都非常好，咁我哋一坐低就即刻叫咗佢出名既燒豬頸肉、柚子蝦沙律、炒雞肉金邊粉、青咖喱牛肉、水蜜桃牛奶同埋泰式奶茶，食完覺得間嘢既水平係算優質，我覺得個豬頸肉配備嘅自家製醬汁係一流，豬頸肉燒得外脆內軟，而青咖喱牛肉配薄餅食感覺十分地道，同埋最值得一提係雞肉炒金邊粉，食落唔油口感好香，加埋嗰兩杯嘢飲簡直係享受，唔講以為自己喺泰國食緊嘢。大力推薦🫡

我今天lunch堂食「炒金邊粉」, 好standard泰菜, 量甚少, 且非常酸！！收費82元,唔值得食,令人失望.i am disappointed. I ordered sharmp fried noodles but taste very sour！The size is small. The price of $82 definitely is not worth！

上個月夜晚和朋友打算吃泰國菜，有朋友介紹這間餐廳於是過來試試看，誰知這裏的經理態度愛理不理，不理會客人只顧和員工談天說地大聲呼叫，我和朋友叫了八個菜，食物賣相一般,其中冬陰功海鮮湯和生蝦食完肚子不舒服，咖喱的味道還好，馬拉盞炒通菜不好吃，豬頸肉有燒焦，我們跟他投訴要求換菜，他不但不理會我們而且還說我們的味覺有問題，原本跟朋友懷念泰國的食物味道所以才到這裏享受美食誰知換來那麼不知所謂的飲食經歷，我朋友是食評家，他都深深不忿會跟別人介紹這間餐廳是怎樣的，希望看到這食評的朋友們不要再光顧這間店並分享出去謝謝

仲記得首次光顧蘇棧已是2013年嘅事，對佢嘅印象仍然係覺得好😋😋味道，闊別至今已有8個年頭，再次入店，佢嘅裝修都係如昔。1️⃣4️⃣1️⃣0️⃣ 午餐時間🥘泰北咖哩雞腿麵 $89個人好欣賞佢嘅咖哩，香而夠甜，湯麵搭上湯好惹味，當中有舊乾麵，就咁食覺得有啲硬😅可能係裝飾，所以都係決定浸湯食；而雞腿本身已好入味，雞腿肉腍口而不爛，呢個正👍🏻🍲泰式炒牛河 $82賣相不錯，牛河係闊身河，好有𡁻頭，個河當中有洋蔥、青紅椒仲有啲花生碎，整體夠獲氣，牛肉唔硬身，有水準。🧋凍泰式奶茶 $10 （跟餐價）正常。☕️熱泰式鴛鴦 $10 （跟餐價）偏甜又只係暖，扣佢分😝

灣仔區好食泰國菜，唔算最正宗，但我食過同區最好食的頭幾位，價錢合理😇。我食過超過5次，次次都係外賣晚飯。佢外賣自取有7折，可以打電話落單，去到再俾錢👍🏻👍🏻👍🏻試過幾次唔記得左打定電話去，去到先叫，都真係等左都15分鐘，因為佢真係即叫即炒，所以佢的野食好新鮮，熱辣辣，份量又夠大。

今次推介一間位於港島區嘅泰國餐廳呢間餐廳嘅性價比都唔錯❗⭐ 泰式金邊粉 ＄92我哋揀咗配海鮮 🦐蝦夠大隻 爽口彈牙金邊粉味道酸酸甜甜 夠曬開胃👍推薦指數：⭐⭐⭐⭐⭐ 香辣肉碎蛋飯 ＄78肉碎好香口 唔算多肥肉😊用嚟送飯一流👅米飯可以揀白飯或炒飯鍾意香口啲嘅朋友仔可以揀炒飯推薦指數：⭐⭐⭐⭐⭐ 蒜蓉炒通菜 ＄68蒜蓉味重 有鑊氣💓可惜通菜唔夠嫩口🙈推薦指數：⭐⭐⭐⭐ 泰式奶茶沙冰＄32完全係好飲既泰式奶茶🤩🤩茶同奶味都好香👍仲有沙冰嘅質感夏天飲真係涼浸浸呀🏖推薦指數：⭐⭐⭐⭐⭐📍總括而言，呢間泰國餐廳算係中上水準，試咗呢幾度菜都幾好食，價錢亦都合理，行過想食泰國菜，可以一試❗Cafe y Taberna 穌棧灣仔廈門街25號

放工係金鐘果頭 想快快趣搵間餐廳食個快飯經過見到依間泰國菜🇹🇭 見佢有d dinner set60-80蚊幾抵食諗住入去試試啦入到去先知原來果d dinner set係for 外賣既都入左黎就算數啦同行2個人 我地叫左3樣野1. 雞肉泰式炒金邊粉未到話炒到好優秀 不過係灣仔區 依碟野好似78$ 算係咁上下 雞肉都算多 雖然d粉未算炒得好乾身 不過我個人覺得可以接受2. 泰式炸蝦餅依個真係要讚下 有驚喜！好似68$ 有4大粒 炸得幾好味唔油 加上彈口 值得推介！最後叫左碟馬拉盞炒雜菜無影到 味道合格環境方面：地方唔大 整體黎講感覺都乾淨

食過幾次外賣自取，質數同份量都好足，食過炒貴勺、海南雞同豬手，最欣賞係豬手飯，啖啖肉，又唔肥，好惹味！不過唔係成日有，可遇不可求。灣仔好多泰式野食，呢間無論味道同價錢都有競爭力，會keep住幫襯。仲有店員細心，真係有安排走餐具，自備購物袋，為環保出一分力，雖然食外賣就已經係唔環保，不過能力範圍內盡做LA。

夜晚經過見到全日外賣有7折嘅優惠，所以試下呢間泰式小店。店內環境比較細，只有4-5張二人枱炸蝦餅(原價$68)其實應該叫炸蝦球😂有4大粒，每粒外面沾咗麵包糠嘅炸粉，都幾脆，蝦膠都做得彈牙，醬汁就係超巿買的一般雞醬。整體不錯咖喱炒軟殼蟹(原價$158), 咖喱質地偏杰身，兩隻切半嘅軟殼蟹放喺咖喱上面，並唔係同咖哩炒埋一齊。軟殼蟹無膏同埋比較瘦，咖喱味道正常，無乜驚喜飛天通菜(原價$68)，味道太咸，同埋份量偏細，兩啖就無嚕

用openrice外賣自取，12:25落單，等到1點3先拎到個飯，足足50分鐘，外賣都要等咁耐，等到懷疑人生，行返公司都要時間，返工最期待就係食lunch, 點知拎到手得返十分鐘食，諗諗下邊行邊眼濕濕，委屈到想喊出嚟。。返到公司睇返佢地print出嚟張單印住1點05分，要成35分鐘先入到張單，嬲到飯都食唔落