稻成小館 (已結業)

適逢父親節周圍都好多人，好彩我預先係Open Rice訂咗呢間餐館食飯Booking係8點，7點45到達大概8點左右有得入座，尚算可以啦畢竟係特別日子入座後店員可能太忙，唔係好得閒招呼我哋連menu都要問先有枱上有餐前小食，一啲類似炸豆嘅小食原來每碟都收$15，都真係硬食今次我哋6個大人1個小朋友所以叫咗個貴啲嘅四人餐，再加啲小菜𝐎𝐫𝐝𝐞𝐫:: ⧐茶位 | $70⧐前菜| $30⧐假日四人豐盛宴 | $1188↬ 水晶肴肉↬ 巴蜀口水雞↬ 炸乳鴿↬ 花膠雲吞雞湯↬ 辣棷炒黑毛豬肉↬ 稻成酸菜鱸魚↬ 蟲草花浸時蔬↬ 稻成小籠包↬ 白飯↬ 椰汁燉蛋白小湯圓⧐追加 酸菜薯粉 | $32⧐稻成小籠包(4隻) | $52⧐雞絲粉皮 | $58⧐朝日生啤 | $48⧐稻城片皮鴨(半隻）| $218⧐可樂食物質素整體都幾好，全部都好新鮮呢間店平時行過見到人流唔多其實都唔太大期望但原來食落都唔差，超出我哋嘅預算個人比較推介水晶肴肉，乳鴿，酸菜魚小籠包，雞絲粉皮同片皮鴨水晶肴肉個湯底啫喱做得好好，金華火腿味道好出好香乳鴿即叫即炸，好香口，係差個鹽酸菜魚個湯底幾出色，係啲魚唔算好滑小籠包皮薄餡靚，好多湯汁

坐位舒服，不過用餐時間只有90分鐘，就唔太夠用，因為當日係同朋友食生日飯酸菜魚，因唔知辣度，所以點了個中辣，我地4人都好算食得辣，點知中辣係原全無辣味，最後叫佢加大辣，比左大辣既湯我地倒落去稻成炒飯，好味

母親節正日帶媽媽食小籠包同酸菜魚，上網book左位，一行五人幸運有個sofa位坐，而同行有小朋友，女侍應亦很細心準備了bb椅同兒童餐具。分別叫了小籠包，鍋貼，酸菜魚，炒飯，高力豆沙，酒鑲丸子，同豆漿。 當中最出色是酸菜魚，呢度是一整條魚上，d魚一d都唔「醒」，應該是新鮮魚，啖啖肉，另外還有煎了的魚頭魚尾，我媽說很好吃，她讚個不停。湯亦很濃味，夠惹味，下次會再來吃。另外要讚一讚當日serve我哋枱的馬尾帶眼鏡女侍應，她經常會留意我哋有咩需要，見我哋唔食得太辣主動提議酸菜魚辣油可以另上，亦得閒會撩我小朋友傾計，態度幾親切。之後吃到一半，餐廳送上每位母親一朵母親節花，很有心思。今餐不錯，媽媽亦很滿意，會encore呢度👍🏻小籠包，鍋貼，飲品冇影相，其他影了，食得非常飽。

從未試過係餐廳食成set嘅中菜 見到好多菜式都覺得好新奇 我哋叫左個4人餐 再單點左松子魚 總共都要成千蚊賣單 但係就夠飽點心方面緊係要叫小籠包 黎食中菜點可以唔叫 小籠包個皮薄 入面多汁鮮味 好好彩我哋都好小心咁夾小籠包 大家都冇穿冇爛涼菜方面就叫左口水雞 個味ok 雞肉夠滑 已經合格主菜方面叫左酸菜魚同片皮鴨 鱸魚冇乜骨 魚質夠滑同入味 片皮鴨唔會太肥 啲肉都唔柴 份量對4個人黎講岩岩好最後講埋松子魚同水晶肴肉 造型黎講已經誠意滿分 好少係其他餐廳見到啲咁有特色嘅菜 水晶肴肉食落有唔同層次 肉質嫩 啫喱入口即溶但又唔係肥膩 好得意松子魚個汁酸酸甜甜 加左個外層炸到脆卜卜 好唔捨得破壞佢造形

滿意嘅用餐體驗☆高水準膳食☆酒店級服務☆人性化安排半隻片皮鴨 唔油膩 冇乜肥膏 大大塊肉個人偏向鍾意瘦啲 可以食多幾塊二食鴨湯 夠晒火喉 咸鮮味啱啱好 飲完冇口渴小籠包 真係皮薄餡靚 唔油膩 夠湯汁 肉鮮嫩雞煨麵 正宗 奶白濃稠雞湯 麵質適中甜品 椰汁紅豆糕 最後嘅點綴 兩個字 清 香 酸辣湯 蟲草花炒翡翠苗 合格以上 個人覺得雖然無以上菜色咁特別 但功夫到位 基本上冇嘢挑剔 令人回味嘅一餐全程酒店級服務 侍應質素比得上四五星酒店中菜部 整個用餐體驗 優質可能大家覺得我係誇張咗 不過呢啲真係幾主觀 我成餐飯嘅感覺都係十分之好 如果要挑剔嘅話都係啲環境可以再靚啲果啲唔多等使嘅嘢不過如果俾得360度海景你 就唔係呢個價喇順帶一提 佢個餐前小食值得一試用鴨油炒嘅豆 香 酥

之前晚飯有時都會去呢間餐廳，而外賣試過自取同埋用外賣app叫，通常都遲少少但五至十分鐘我都真係可以接受，有時見到出面有人排隊等位都知人多做唔切，亦都好明白最近諗住既然冇哂堂食，咁我地外賣都支持下啦，今次用app嗌嘅…你地竟然呢啲零堂食嘅狀態下都可以遲大半個鐘落單果陣已經預左40分鐘先到6點40分落單 最後8點幾先黎到 app有顯示外賣員要系餐廳等我唔嗌取消都唔出單俾人，點解呢啲時候都要啲客受罪先得？而家啲餐廳又成日哭訴疫情令到生意難做，但又唔係積極同有誠意做生意，咁以後仲點要人幫襯你地……唔知係咪你地特別犀利生意完全冇受任何影響啦

食過稻成堂食啲麻辣嘢同酸菜魚幾正心思思想食多次但趕唔切六點前食見佢哋有個外賣自取小菜都幾好送埋飯添，真係乜都唔洗煮🤣懶人想加餸必試😚四個大人叫四個餸🌶麻婆豆腐配飯必食之選唔係一味辣，係辣得嚟麻，麻得黎香辣得好有層次👍🌶香辣花菜呢款都係椒麻辣但因為冇乜汁所以冇麻婆豆腐咁辣我好鍾意花菜，炒起好香入面有啲豬肉片㗎，好食！京蔥爆澳洲牛肉呢個係啖啖肉之選🐂佢實在係非常多牛肉冇欺場京蔥爆香好惹味乾煸四季豆食返啲綠色嘢先入面有豬肉碎鑊氣唔錯，唔油膩食到 #lamlamlee 每人都唔洗 $100外賣pack得靚仔易拎嘅入微波爐盒，想返熱一樣easy同堂食一樣好好服務新年想加餸首選🧧🔥👍

見到佢哋有得食片皮鴨，就去試一試。如果就咁叫半隻片皮鴨，要$208。見到佢哋有個二人餐， $400多啲，個餐入面已經可以揀半隻片皮鴨，所以就叫個二人餐啦。個餐入面，除咗半隻片皮鴨，仲揀咗四隻小籠包同埋一碟奶油津白。個餐會包兩碗飯同埋兩隻高力豆沙做甜品。額外再叫多咗一個咕嚕肉同埋抄手。首先服務員態度非常好，有耐性介紹菜式。上菜速度亦都幾快。環境不過不失，算係舒服嘅。片皮鴨嘅話，鴨皮鴨肉分開，適合一啲可能只係鍾意食皮唔食肉嘅人。鴨皮部份其實鴨香唔重，冇乜油份。鴨肉反而多啲鴨香，亦都唔會好乾柴，反而幾Juicy. 奶油津白幾好味，抄手辣到適中，就算唔食得辣嘅人都應該接受得到。小籠包皮薄多汁。高力豆沙都唔錯。鬆軟，又唔會太甜。整體來講，味道唔錯。唔可以話超級好味，應該算中上。坐得又舒服，好過啲平但係一大陣味嘅酒樓。

$🎱🎱🎱 發發發 四人餐🥢小籠包 食太快，忘了拍照，味道不錯🤍紅油抄手，調味夠，舊肉一般🤎蟲草花翡翠苗 清爽，但無炒埋一齊，有點可惜，賣相一般💛酸菜魚，酸菜太少，太油，金菇好辣，魚肉無骨抵讚👏👏 加芽菜可能比金菇更好🧡夫妻肺片，之前未食過但無記憶點，口感一般❤️片皮鴨，超多肉加皮，好抵食，夠飽。 極推😋😋💜高力豆沙，小編最愛，滿滿豆沙，外面糖，口感味道都一級棒💓💓💓💓💓🖤埋單加一過千，早去食會坐得舒服，7點幾店員開始催促，有點煩。📌 稻成小館☎️ 2528 2618📍 屯門屯隆街3號屯門市廣場一期2樓2162號舖

本來lunch個陣就叫左個4人餐，主食可以4揀2，點知落緊單嘅時候話其中一樣冇曬，所以就揀左其他（變左3揀2），上左頭盤後，就突然話另一個主食都冇曬（變左得番2樣），而且2樣都係辣野！咁我地就問咁得番呢2樣？佢話係呀。我好嬲嘅係因為佢冇額外比我地揀番餐牌上嘅其他主食，逼我地焗住要食，如果我地係落單嘅時候知道乜都冇，我一定唔會揀4人餐仲要星期日lunch時間就乜都冇，咁嘅服務感覺好差！！同埋佢應該落單嘅時候就要知有冇貨啦，唔係上左曬啲前菜先黎講，前後得幾分鐘，咁我地可以選擇唔要就揀散叫。而且套餐價錢唔係平要888，另計加一，茶位，埋單1000幾蚊，真係超級唔抵食！仲要食物一般，唔值呢個價！超級唔推薦！！呢個價錢可以有其他更好選擇

夜晚黎到，其他餐廳都要等位，但稻成小館可以即刻入得，其實之前食過佢酸菜魚都覺得普通，不過再俾多次機會佢啦嗌左廚師推介二人餐($418)簡左稻成小籠包有4隻～小籠包包底痴實左張白色紙就算係輕輕夾起 小籠包都會爛咁就無哂入面d汁了招牌稻成酸菜魚因為二人餐餐牌寫住酸菜魚係中辣，我地問侍應可唔可以要小辣，佢話可以，但最後又再問我地要咩辣咁餐牌做咩要寫明中辣呢侍應亦無留心湯底都算可以，魚肉結實，但唔入味蟲草花炒翡翠苗好普通嘅一個菜+$38嘅竹蓆茅根雖然佢唔係糖水咁嘅假竹蓆茅根但亦無味道

今日一行十人去食飯當做節，侍應好好服務見差不多就算未齊人都招待我哋入去座。有個4人餐我覺得唔錯但屋企人唔想所以最後散叫。每樣餸都講下啦，首先，一啲前菜，雞絲粉皮，花生醬比例都算正常唔太膩有花生醬味但偏淡。酒糟醉雞，酒味好濃，雞好嫩滑，值得一試。小籠包，我覺得一般，皮好厚，雖然湯汁好多但味道偏淡，肉味唔夠濃。鍋貼，又係肉味偏少，而且煎得好硬，一般般。四川回鍋肉，聽個名就會覺得好辣，一向唔食得辣既我，因為怕辣初時無食，但係屋企人話根本無辣味叫我試下，就求其試試啦，其實點會無辣吖，只不過嗰種辣好輕，唔會有麻既感覺，無辣既後勁，撇除無辣之外，可以擺得入口。京葱牛肉，牛肉炒得好嫩，但刀功就麻麻喇，大小不均，仲要有啲連肉，超多京葱，整體味道偏咸，唔知係咪嗰廚師跑馬輸錢。奶油津白，超級膩，唔會想再食，見到啲菜下面全部都係cream，又不是特別好味。蟲草花炒翡翠苗，85蚊但份量好少，一眼望去只是2-3人份量，唔抵。至於味道，唔知係唔係翡翠苗不是時令菜，有啲苦。賽螃蟹及咕嚕肉，是今晚成餐最好味最正常既菜式，甜酸比較啱啱好，每件尺寸大小適中，肉唔硬但有咬口。稻成炒飯，好多飯焦，所以好硬，味道一般不算好味，

一直都有食開呢間片皮鴨，覺得皮夠溥皮夠脆，但唔知是因為出了消費卷後人多了，他們推了孖寶價錢，但我們都正價叫了一隻片皮鴨，但今次片皮鴨唔係即燒，有d似隔夜果集，肉好實無汁，皮又淋淋咁，d皮仲要係一舊舊，228半隻，叫左一隻也是分2碟黎（估計是一早整定了），其他餸菜質素都差了，可能換了廚師吧。最後問個經理什麼情況，見佢笑笑口話無得攪，比個9折你，那大家自己估發生什麼事了。可惜一間曾經不錯的餐廳攪成咁。

成日都好想試呢間餐廳，但每次行到門口都覺得貴同埋好似好辣。9點鐘既屯市已經冇咩餐廳可以揀，咁就一於試試佢。係門口見到個2人餐$418 再加一有片皮鴨同2個小菜，睇黎唔錯！我地就叫左片皮鴨，糖醋排骨，奶油津貼，高力豆沙。片皮鴨黎講，佢係比其他店切得更厚，鴨肉口感實但又未去到硬，鴨皮香跪，配上醬汁真係一絕。另外，奶油津白唔夠入味，呢碟就好似白汁拌白灼菜咁，不過用白汁撈飯係幾好味，但奶油津白既話，就扣哂分仲有個糖醋排骨，呢個真係要講一講，我地叫糖醋排骨，最後黎左個鎮江骨咁既野黎，排骨又硬，汁完全唔係果種味道，成碟就好似趕收工既出品咁 食左2啖都食唔到落去，真心希望餐廳可以改善下呢個菜

奶奶一直係上海菜愛好者，但係屯門上海嘢真係唔多，咁就襯同老公一齊放假，就同叔仔帶埋奶奶食佢最愛嘅上海嘢啦。😂😂😂因為呢一間大家都冇食過，咁就決定去試吓伏唔伏先。🙈🙈🙈稻成小館地址：屯門屯隆街3號屯門市廣場一期2樓2162號舖酒糟醉雞皮薄肉滑，酒味唔濃，如果濃多少少會好d。😋😋😋老醋小排骨味道ok，開胃菜，但排骨比較老同（鞋同韌）。😃😃😃京城片皮鴨（半隻）講真鴨嚟到時，我真係完全唔覺得係半隻，份量少到呢！味道方面，皮係脆，夠油脂，好食嘅，但刀功就差咗少少，唔似片皮鴨，似鴨塊多d。😂😂😂京蔥爆牛肉京蔥好甜，夠嫩，其實呢個菜好少出事。🤣🤣🤣草花炒翡翠苗食咗咁多濃味嘢，食返個菜，清清哋，夠鮮甜。😄😄😄川揚鮮肉煎鍋貼呢個就差d，因為鍋貼一般底部係煎得香脆少少，但佢好似冇乜煎過咁，似蒸餃多d，味道一般，所以唔係鐘意食嘅，可以唔叫，叫小籠包好過。🙈🙈🙈四川酸辣湯夠足料，酸同辣啱啱好，反而呢個值得一讚。😋😋😋高力豆沙熱辣辣，唔太甜，鐘意食嘅朋友可以一試。👍👍👍