稻香超級漁港 (已結業)

中午時段品茗，已知價錢不會便宜，但是如此服務水準令人不滿。甫坐下侍應木無表情，更要我自己拿bb椅，這個算了，用餐期間見空碟亦不主動收碟，全程黑口黑臉。食物方面沒太大驚喜，一般般啦！比較特別有西式甜品，比如芝士蛋糕、慕絲。味道當然比不上甜品點，吃完鹹點中和一下是可以的差。

稻香的蜜汁叉燒餐包👍👍👍上有芝麻多多的，包內多汁四溢的，香甜又可口的呀！👍👍那像生核桃包👍，核桃仁大粒的呀！還有此香芋餅👍👍👏👏👏芋蓉味十足的呀！

一心諗住食少少，只想有個坐得耐的地方傾計，本身約左朋友下午兩點食tea點知，原來很多食店都改了三時才有tea唯有轉而陣地，到茶樓吧！本身諗住方便，到新城市頂樓的茶樓開餐但上到去，有近30人正輪候tea位，當堂嚇了一跳！朋友介紹到沙田稻香試試，果然，不用等位就可以進去了。下午茶有特別的點心紙，不過選擇不算很多。推介幾款下午茶好食又抵食俾大家：1. 釀茄子：釀在茄子上的肉很大塊，放在剛煎好的茄子上，很香口看上去少少油，但食落口已被香口的味道濃蓋，已經沒有理會健康與否，哈哈。2. 油雞瀨粉：又是大大碗，很多瀨粉。剛出廚房。湯很熱，瀨粉沒有浸到肥大，我的油雞偏瘦，而朋友那碗則是雞脾。而油雞數目沒有因特價時段而少，一樣有６件，算是良心食店吧！最吸引的地方是下午特價時段只是16.8一碗，比大Ｘ樂等等的食店足足平十多元，非常抵食3. 腐乳通菜如果想點菜的話，不妨考慮這個腐乳通菜。菜是加了油滾熟再加腐乳調味，熟度剛剛好，而且相對健康。同時下午特價時段，這道菜會再便宜一點，很划算4. 海澡糕每個都是晶瑩剔透的海澡糕，入面加了海澡，立即想起DHA，吃這個有營養呢！食落口，其實吃不出海澡的味道，因為味道通通

之前睇到100%椰青水既雞煲即刻好心動宵夜時段仲要45蚊一隻雞😍👍🏻即刻拉朋友去食100%椰青水就唔知啦，不過幾甜既，雞件都幾滑，配上青桔沙茶醬別有風味👍🏻配料一碟都係幾十蚊非常抵食👍🏻質素拍得住高級火鍋店😋而且選擇幾多，滿意

今天到沙田稻香食晚飯，感覺稻香的價錢變得大眾化了，而且每碟菜色都很大份，好像比從前化算。原本以為每碟的份量都不大，所以我們3個人點了4道菜色，最後才勉強食得完呢！我們到達的時候約晚上6時，時間尚早，所以客人的數量並不多。晚市有火鍋和小菜兩種，我們選的是食小菜。乳豬拼盤：有5種食物，分別是乳豬、叉燒、黑醋雲耳、鼓油雞和涼拌粉皮。乳豬的皮很脆，油香十足，但相對地肉的部分就欠奉了；叉燒醃得很入味，不會太甜，而且肉汁豐富，肉質嫩滑；黑醋雲耳的酸味令人食慾大增，而且雲耳很爽口，很適合作為前菜品嚐；豉油雞同樣地肉質嫩滑，夠味；涼拌粉皮的胡麻醬足夠，配上凍冰冰的粉皮和青瓜絲，一絕！整碟菜色都很不錯呢！海鮮雜菜煲：這個煲的份量嚇了我們一跳！很大的一煲，滿滿的雜菜，而每種雜菜都很新鮮爽甜；海鮮的份量雖然不多，但足夠用來添味。薑蔥炒蠔：薑蔥味十足，包裹著每一隻桶蠔。桶蠔鮮味香濃，多汁，咬下時蠔汁溢滿整個口腔，但不覺腥味呢！芥末蝦球：初時我們是被這個名字吸引，好奇下才點這道菜的。但這亦是令我們最失望的一道菜色。芥末汁的芥末味並不重，味道比較像普通的白汁；而且炸醬極厚且油，幾乎可以搾出幾滴油呢！蝦味很淡，蝦肉

好多人都話食一蚊雞要排好耐隊，我地八點半黎到等左5分鐘就入左去。仲有張大枱兼唔使搭枱坐得好舒服除左一蚊雞外，其實仲有好多特價菜式，例如雞菜膽雞燉翅、燉湯、清蒸海班件等等。真係好抵食我地叫左兩隻貴妃雞同兩碗燉湯本來仲想叫多個椰皇燉燕窩，不過已經賣晒喇等左兩分鐘已經有湯飲燉湯都算好足料，有雞腳、雞胸、豬腱、冬菇等。每盅燉湯嘅色水都有少少唔同，應該係因為每盅嘅配料都有少少分別啦。個湯飲落都好清甜，而且又無咩油，唔錯飲完湯之後一蚊雞都好快黎到喇全隻雞都排得好整齊，賣相唔錯一開始試下原味，隻雞又幾滑同有啲雞味喎再試下點豉油食，就變左豉油雞一雞兩食好快就清晒

前日放假中午就去左稻香超級漁港飲茶，我同屋企叫左D點心，當中包括有馬拉糕挺鬆軟，軟綿綿，幾有口感;另外就有我至愛桂花糕，晶瑩通透，非常軟腍，又唔會散，甜度適中，確實係一度不錯嘅甜品。整體唔錯，下次會再黎幫襯

早前見到稻香有半價菜式，今日見早左放工，稻香唔洗點等位，就一於黎試下啦。精選足料燉湯:是日既燉湯係茶樹菇，14蚊個湯又真係幾抵飲，3個人叫左2個SHARE，份量剛剛好。薑蔥紅灼海生蝦: 蝦唔算話好新鮮，但係對於48 蚊黎講真係算唔錯架啦。脆皮穗香雞 (半隻):口感一般，味道夠濃，肉質都可以，但係有點兒過油，都係果句，34蚊有半隻，咁既質素算係咁架啦。龍蝦伊麵: 龍蝦肉質彈牙，每件都算幾大舊，龍蝦同伊麵無論份量同味道濃度都適中，不過伊麵稍為淋。芒果布丁: 叫左之後成半個鐘先送到黎，好可惜呢個布丁真係令我幾失望，整得唔夠實，好易散，建議落多少少魚膠粉，口感同賣相都會好少少。

食品的質素很高,腸粉很滑，而且都很大條的，都有足夠的分量，來到時都很熱，味道真的不錯。而且皮蛋瘦肉粥都得好味，比較其他酒樓更多清淡，而且有足夠的味道在內。8蚊大大碗，而且叉燒包的汁有一點甜，很合我的口味，我覺得很好味及口感很特別，包都很軟熟的。

有朋自遠方來，難得聚一聚，就揀咗打邊爐，圍埋一齊易傾計。原本長枱卡位，位置都ok，酒樓見我哋一行6人，竟然主動提出換張圓枱我哋。張枱大咗又易傾計，fit哂！ 點咗特價孖寶，鴛鴦湯底另配紅、黃、綠各一嘅邊爐料~點咗肥牛、羊肉、雞肉、三鮮魚皮鮫、雲吞、水餃、四寶丸。覺得最出色係墨魚滑，爽口彈牙！手唧蟹子麵好得意，咬落粒粒蟹子，好味又特別~ 都想講吓混醬材料總共10款！辣椒粒好出味，配以豉油，簡直係打邊爐絕配！知味醬都唔錯，似日式涮涮鍋沾嘅芝麻醬；仲有潮州辣醬，冇想像中辣到發麻號感覺，有啲似XO醬個惹味~任飲當然唔少得各款汽水，酸梅湯，夏枯草，豆漿都有，估佢唔到有石榴同菠蘿沙冰，好味！ 糖水有紅、綠豆沙，芝麻糊，最出色係杏仁茶~

8點幾近9pm行完沙田新城市～見今日跌番17度凍凍地～行去稻香睇下多唔多人等先食~~竟然等3張係9pm宵夜時段～～ 等5mins有位～湯底$68 送紅，黃，綠色碟各一碟沙爹湯底～ 味道略淡$48肥牛 脆鯇魚片～（一般，不是很脆）牛𦟌 （細及薄身）👌四寶丸～不彈牙，肉質散👎$48生蠔凍到結冰～食落都👌總結：👎差過好多間任食 打邊爐～ 話需叫既不是貴價食物～加自助吧$14/位， 茶芥$10/位～ 加加埋埋都要3百幾了呢個價錢都係放題食開心好多～

我平日都係睇食評遇到唔好食既餐廳都係記得下次唔去就算但今次真係要比大家知CD rom都有爆既一日😡話說今日做節 近近地味有稻香就book枱食 之前食既稻香印象都唔錯去到book左枱準時到等左20分鐘入到去坐底得個宴席餐單問佢拎個餐牌都係得個兩頁仲要同個宴席餐單既野差唔多係多幾個小菜睇既期間有兩個部長係咁叫我叫餐又話個餐點好點好我得8個人硬叫我叫一圍菜又話條魚有兩斤幾都賣緊788又話送紅酒我見條1斤4既細班都398叫半圍加幾小菜都好因為個餐單都係個d菜黎到我真係火都黎D菜真係又細份又難食乳豬唔得 細 薄身 多肥少肉條魚未劏時14兩都無上枱得返幾多就睇相參考啦仲要唔新鮮半隻雞好細好細 女人手掌大細我隻手掌比佢大個餐其他菜真係普通 唔新鮮 整定加熱返上枱另外個餐以外既薑蔥炒蠔煲真係慘不忍睹 成個煲得6隻但得5公分左右大 真係全枱呆左 個煲超熱 d蠔係咁痴底 得返幾多自己諗啦個咕嚕肉就普普通通啦至於之前講落既紅酒落哂單之後先由第二個人同我講要一圍宴席先有 話送紅酒個個部長人間蒸發席後我問個侍應條魚點解咁細叫話係呀 我話原本個餐全席既有兩斤幾788蚊條 我半席最少都比返條斤4既我啦（餐單上$39

朝早好想去飲荼，遠遠地都要行去稻香飲，因為真係好扺！十點半去到都唔洗等位，不過去得稻香都預左搭枱多架喇，無所謂啦，黎返壺普洱先，夠晒濃，水都好夠滾！首先叫左個孖寶餐，鳳爪排骨飯加油生菜都係$17！ 排骨飯都幾入味，飯底粒粒分明又夠軟，排骨都剛好夠甩骨。次次黎都會叫花枝餅，但今次個面煎得唔夠脆，次次食蝦餃有啲悶，所以叫左貢苗餃，都幾驚喜，皮係滑溜溜，入面餡好甜好多汁！不過叉腸就曳啲喇，皮厚又唔滑！牛肉就普通，無特別。以呢個價黎講，真心好滿意。

去到大假的最後一天，今天和媽媽來到稻香下午茶，係間間酒樓不斷加價下，稻香價錢仲係十年如一日，仲有好多特價點心，味道ok！平民酒樓都唔會抱太大期望。今日叫了4樣食物：1. 原蝦招牌燒賣皇(特價$13)：果然係招牌點心，好食過好多酒樓，之前這個點心係唔做特價的，午市同下午茶都係$20.8，我叫佢做富貴燒賣，下午茶時段仲貴過蝦餃，不過真係好好食！2. 牛肉球(特價$6)：可以啦！無咩特別，平均$2/粒仲有咩要求呢？3. 燒鴨湯米線(特價$8.8/碗)：都係無咩特別，唔係好大碗，同富臨燒鴨湯瀨粉差不多size，湯底就富臨好d，不過富臨已經由$9.8/碗加到$12.8/碗。4. 腰果蓮蓉酥(全日$13.8)：3件大大件，無想過咁大件！酥皮厚了點、蓮蓉唔甜，我本身鍾意蓮蓉，我覺得都可以！** 茶錢加到$7/位，稻香d茶麻麻地！

早幾月前好友BB滿月，係廳房擺了2圍，環境不錯，D野都可以（尤其個蟹拑幾好味）。所以，今次試下D小菜~這間「稻香」平時都好多人下，今晚正值假期，5:30開始派飛（電腦攞飛），6:00可以入座。媽媽喜歡坐卡位，於是叫門口知客寫抵要卡位。卡位都可以，我們3個人算闊略，只是隔離枱D位比較近。＜＜＜＜＜＜＜＜＜＜＞＞＞＞＞＞＞＞＞開邊龍蝦$128（另加伊麵$30）龍蝦size比較細，中間一開二，全碟得2個龍蝦身、2個拑，不太夠分！感覺肉比較少！（之前食過同一價錢，另幾間酒樓龍蝦肉比較多）。上湯汁味道可以，略嫌伊麵底下汁比較少。伊麵也做得不錯。（龍蝦整體味道可以，但肉比較少）七味炸豆腐$28豆腐炸得香口，不會太乾，味道可以。雞絲粉皮$28麻麻地，粉皮比較厚，麻醬比較乾， 味道一般。這間「稻香」係做粵菜，和一般正宗滬菜雞絲粉皮相比，始終有差別。花旗參燉雞$28/盅材料有：雞腳、花旗參、瘦肉、紅棗等。花旗參味好濃，味甘！我有飲開花旗參，所以，都接受到咁濃味，也喜歡E個湯。翡翠花枝珊瑚蚌$88花枝炒得軟身、珊瑚蚌份量少，味道一般, 偏淡。（另外，豆角的草青味..)自己個人不太喜歡。）椒鹽鮮魷$68炸得